TATA IBADAH

MINGGU SEKSI INANG GKPS

HARI PEREMPUAN INTERNASIONAL
Minggu, 6 Maret 2022

Tema: “Hasadaon pakon Pangidangion na Marbuah”

(Kolose 1:10)

Subtema: “Mangarahkon Kuria Marsitungkolan pakon Marsipatoguhon ampa

Marsipardiateian Mandompakkon Paruntolan ni Goluh”
PERSIAPAN
 Marlajar Doding
 Martonggo i Parhobasan

PRAELUDIUM/ PROSESI (jongjong kuria)

Singers Mandodingkon Haleluya No. 303:1-3
1. Na pansing na pansing Tuhan parkuasa
Ari on hanami mamuji Naibata
Na pansing na pansing janah marjumbalang
Sitolu sada na sangap tumang
2. Na pansing na pansing hotak-Mu i surga
Halak na mapansing manrogop hu Bamu
Haganup malekat sai mamuji Tuhan
Raja na sangap sadokah ni in
3. Na pansing na pansing na seng boi tandaon
ni ganup pardousa na butak na golap
Gok hapansingon-Mu, Ham do parkuasa
Gok haholongon, Ham o Naibata

————————– saat teduh ————————–

1. VOTUM – INTROITUS – TONGGO

P. : Ibagas goran ni Naibata Bapa pakon Tuhan Jesus Kristus ampa Tonduy
Napansing, sitompa langit pakon tanoh on.
PK. : Amen
P. : Dodingkon nasiam ma sada doding na bayu bani Jahowa, ai Ia do
sibahen halongangan; tangan siamunni do na mangurupisi, sonai age
botohonni na pansing in.
K. : Domma ipabotohkon Jahowa hatuahonni, ilobei ni bangsa-bangsa
ipatalar do hapintoranni.
P. : Idingat do idop ni uhurni ampa hasintonganni bani ginompar ni Israel.
Ganup ujung ni tanoh on mangidah haluahon na humbani Naibatanta.
K. : Olobkon ma Jahowa, ale sab tanoh on, marmogah-mogah ma, marsurak
anjaha mandoding ma nasiam!
P. : Puji ma Jahowa marhasoman husapi, marhasoman husapi ampa doding
na gomos,

Minggu Seksi Inang GKPS 2022 | 1

 K. : Marhasoman tarompit pakon sora ni tanduk, marsurak ma ilobei ni Raja
Jahowa.
P. : Mardorom ma laut pakon sagala isini, sonai dunia on ampa na
mangiankonsi
K. : Martopap-topap ma bah mardalan, marolob-olob ma raprap sagala
dolog, i lobei ni Jahowa.
P. : Martonggo ma hita: Ham Naibata Jahowa, ipuji hanami do Ham bani
iananMu na pansing in. Jongjong do nuan ijon haganupan inang riap
pakon kuriaMu – manghamalaskon idopni uhurMu na domma
patorsahon hajongjonganni inang di tongah-tongahni kuriaMu GKPS.
Ipakei Ham do inang na gabe parugas i tongah-tongahni rumahMu na
pansing in. Ham ale Tuhan, pitah huBamu ma haondosanni uhur,
pikiran ronsi goluh nami. Lambin marmulia ma Ham marhitei
pangidangion nami. Ibagas Jesus Kristus jalo Ham tonggo ampa
pamujion nami.
PK. : Amen (hundul kuria)

2. MANDODING HAL. NO. 407,1-2

1. Puji ma Jahowa Tuhan Naibata, ai marjumbalang do Goran-Ni in
Haganupan jolma sai marsombah ma, sai hagoluhkon hata-Ni in
Holsoh haganupan mambur, tubuh ma malasni uhur
Gok bai pangarapan holong na totap, rap mangolobkon Goran-Ni in
2. Ningon do marsombah bani Naibata, puji ma Ia pargogoh do in
Ulang marnaloja sai irikkon ma, rap mambalosi hata-Ni in
Holsoh haganupan mambur, tubuh ma malasni uhur
Gok bai pangarapan holong na totap, rap mandodingkon: Haleluya!

3. GANTIH NI TITAH NA SAPULUH

P. : Tangar hita ma gantihni Titah na sapuluh in, aima na tarsurat bani Lukas
6:36-38: “Gabe paridop ni uhur ma nasiam, songon Bapanasiam,
paridop ni uhur in. Ulang ma nasiam manguhum-uhumi, ase ulang hona
uhum nasiam! Ulang ma nasiam mamapai, ase ulang hona papa nasiam!
Paluah nasiam, ase ipaluah nasiam! Bere nasiam ma, ase ibere bani
nasiam! Parsuhatan na madear, na nionjat, na nidugur anjaha na
pinajunjun bereonni bani abingan nasiam; ai parsuhatan, na sinuhatkon
nasiam do, suhatkonon bani nasiam”.
P. : Riap ma hita mangindo:
PK. : Ham Tuhan Naibata, pargogohi Ham ma ahu mangkorjahon hataMu ai.
Amen

Minggu Seksi Inang GKPS 2022 | 2

4. MANDODING HALELUYA NO. 404:1-2
1. Ganup ari do in, ronsi tahun hu tahun, sihol do hudodingkon Goran mu.
Ham Tuhan Naibata, sai hupuji do Ham, halani haganup layak-Mu.
Ham arta na harga, poltik hujolom in, humbani na hinan Ham do tong Naibatangkin.
Bonani na dear, ronsi sadokah nin. Panondang na lihar, bai ganup nagolap in.
2. Hatamu do Tuhan, hupindahi nuan, bahen suluh bai pardalankin.
Pitah Ham dansa in, na mambotoh ijin, aha na huporluhon Tuhan.
Ham arta na harga…

5. HASASAPANNNI DOUSA (jongjong kuria)

P. : Hita ganup kuriani Tuhanta, paunduk hita ma uhurta mandompakkon
Tuhanta paridopni uhur na tarsulur in. Tapi anggo hita, orbuk do, ai
ganup hita on pardousa do janah seng adong sipujion banta.
K. : Ham ale Tuhan, roh do hanami nuan hu lobei-lobeiMu mansopotkon
dousa nami na banggal in. Talar anjaha lang dong na ponop i lobei-
lobeiMu, uhur, parsahap sonai age parlahou nami na so talup hubani
samah hasoman nami tarlobih ma ai huBamu. Ham ale Tuhan buhai
Ham ma uhurMu na gok holong in.
P. : Dilo-diloni Tuhanta hubanta – aima ase manggoluh ibagas holong.
Manatap hasomanni – sedo paburuk-buruk ampa pahirihonsi i lobei-
lobeini simbuei.
K. : Mangaku do hanami bani hahurangan nami in! Iojur Ham do hanami
ase maruhur ampa marpangabak na talup i lobei-lobeiMu. Hape
hotop do ipaturut hanami diri nami madabuh bani hisap-hisap
hadagingon in.
PK. : Mandodingkon: “Ham Tuhan Holong ma Ham”

P. : Ham ale Tuhan, huja ma hanami laho, mamboban boratni dousa nami –
anggo seng huBamu – Ham Naibata paridopni uhur na tarsulur.
K. : Uras Ham ma hanami marhitei kuasani TonduyMu, ai galek do hanami
janah seng margogoh. Uhur geduk na so margagan – in do manrungkup
pargoluhon nami.
Minggu Seksi Inang GKPS 2022 | 3
 P. : Salpuhon Ham ma ringisMu humbannami, Ham ale Naibata parholong.
Punjung janah hiri do nuan hanami halani bueini dousa nami.
K. : Ai metektek do iluhku halani sosal ibagas uhurhu. Ham ale Tuhan
maidop ma Ham hubakku, marpangulaki ma uhurmu mangidah ganup
pangabakhu.
PK. : Mandodingkon: “Ham Tuhan Holong ma Ham”
P. : Tangar anjaha haporsayai hita ma hatani Naibata bagah-bagah pasal
hasasapanni dousanta: “Ai seng dong ubahni, sabonar haganup do sidea
mardousa, anjaha seng dong sipujion i lobei ni Naibata. Gabe ipintori
do sidea marhitei silayak-layak halani idop ni uhur-Ni, hinorhon ni
panobusion na ibagas Kristus Jesus. Ia do ipajongjong Naibata gabe
hitei pardearan marhitei haporsayaon bani daroh-Ni” (Rom 3:23-25a).
Ibagas holong ni Naibata, domma isasap haganup dousanta. Halani ai
pataridahkon hita ma tanda-tanda ni pargoluhan na bayu. Hasangapon
ma bani Naibata i babou.
PK. : Amen (hundul kuria)

6. MANDODING HALELUYA NO. 436:1-2

1. Hita ganupan pardousa roh ma bai Tuhanta in
Daroh-Ni in do manasap ganupan dousanta in
Roh ma podas hita ganup, ai bai Tuhanta sirsir do ganup
Sai ipaima do hita, pasonangon-Ni ganup
2. Age gok dousa pe hita, ijalo Jesus do in
Holong atei-Ni tumang do, ase talup hita on
Roh ma podas hita ganup, ai bai Tuhanta sirsir do ganup
Sai ipaima do hita, pasonangon-Ni ganup
7. MAMBASA EPISTEL: 5 Musa 26:6-10a
P. : Tangar hita ma hatani Naibata, Epistel banta bani minggu on, tarsurat
bani: 1 Musa 26:6-10
Tapi roh ma halak Masir mambahen na so uhum bennami, iarsik anjaha
iampeihon do bennami horja jabolon na borat.
K. : Jadi mandoruhi ma hanami bani Jahowa Naibata ni ompungnami, gabe
itangihon Jahowa do soranami anjaha marpanatap uhurni bani
hasombuhon, hangaluton pakon hasosakan na idagei hanami.
P. : Dob ai iarahkon Jahowa ma hanami luar hun Masir marhitei tangan na
gogoh, pakon botohon na toltol, marhitei songgot-songgot bolon,
marhitei tanda pakon halongangan;
K. : Anjaha iboan ma hanami das hu ianan in, anjaha ilayak-layakkon ma
bennami tanoh on, tanoh habaoran ni dadih pakon manisan ni huramah.

Minggu Seksi Inang GKPS 2022 | 4

 PK. : Sonari pe, tonggor ma, huboan do limbuah ni gogoh ni tanoh, na bineremu
in hubangku, alo Jahowa!
P. : Martuah ma na manangar hatani Naibata anjaha na marimbagashonsi.
PK. : Amen

8. MANDODING HALELUYA NO. 446:1-2

1. Sisada angkula do hita ganupan, ragam ni pagori do hita tongon
Na sombuh bayak dos do in bani Tuhan seng dong ilioi isarihon do tong
Tuhanta do na gabe Hayu anggur, rantingni do hita on hajojor
Jolom ma Jesus ulang ham pandur, ase tabun marbuah na ramos
2. Tanda ni sisada angkula do hita, rap marpangarapan bani goluh on
Nai do bani horja rap marsiurupan, ulang dong na marsidalian ijin
Tuhanta do na gabe hayu anggur, ranting-Ni do hita on hajojor
Jolom ma Jesus ulang ham pandur, ase tabun marbuah na ramos
9. MANAKSIHON HAPORSAYAON
10. ACARA KHUSUS
1) Mambasa Tonah Pimpinan Sinode/ Manaksihon Video
2) Mambasa Puisi: “Surat Cinta untuk Ibu” *)
3) Koor Inang: “Irikhon Hita”
4) Tingting Kuria
5) Tonggo Pangapition
11. MANDODING: ELSHADDAI
Lang be au mabiar ai ijaga Ham do au
Lang be au sangsi ai Jesus rapkon au
Lang be au marhoru ai iapoh Ham do au
Lang be au holsohan ai ipasu-pasu au

El Shaddai El Shaddai parkuasa na gogoh

Sangap do jagiah do, tunggung do Ham Tuhan
El Shaddai El Shaddai parkuasa na gogoh
Layak do Ham Tuhan, El Shaddai
12. AMBILAN: Rom 10:8-13
13. GALANGAN
P. : Paima iondoskon hita galanganta, tangar hita ma lobei hata ni Naibata na
gabe onjolan banta laho manggalang, aima na tarsurat bani Psalmen
116:17-18, “Bamu ma galangkononku galangan puji-pujian, anjaha goran
ni Jahowa ma padilo-diloonku. Bagah-bagahku bani Jahowa, hugalari
ma, hugalari ma i lobei ni haganup bangsa-Ni”. Sonari ondoskon hita
galanganta!

Minggu Seksi Inang GKPS 2022 | 5

 Singers (mandodingkon) “Boras Tenger”
Pasu-pasuMu o Tuhan, buei do hubannami
Usih bai hayu na marbulung, marbuah na ramos do
Goluhnami pe jorgit do, sonai ‘ge tonduynami
On ma na gabe hiteinami lao manjumpahkon Ham
Andon ma siluahnami o Tuhan, surduk do ibaen hanami o Tuhan
Boras tenger, tanda ni dihut do hanami, bani pesta malas ni uhur
Boras tenger tandani dihut do hanami, parsimada bani pesta-Mu

14. TONGGO GALANGAN – PANUTUP (Jongjong Kuria)

P. : Martonggo ma hita mangondoskon galanganta hubani Tuhan Naibata!
Ham Tuhan Naibata Bapanami. Ham do simada goluh nami janah
humBamu do uratni sagala pasu-pasu na adong bannami. Nuan iondoskon
hanami galangan nami na gabe tandani malasni uhur nami bani ganup
dear layakMu. Pasu-pasu Ham ma ganup kuriaMu ase tong marbuahkon
sagala na madear janah gabe pasu-pasu bani samah hanami. Haganup
inang tarlobih, na itodoh Ham gabe parhiteianni pasu-pasu i rumah tangga
sonai age i tongah-tongahni kuriaMu. Jalo anjaha papansing Ham ma
galangannami on gabe galangan na misbou i lobei-lobei-Mu. Marhitei
Kristus Jesus Tuhannami, jalo Ham ma galangan pakon tonggonami on.
Amen
PK. : (mandodingkon) Boras Tenger (Reff.)
Andon ma siluah nami o Tuhan, surduk do ibaen hanami huBamu
Boras Tenger tandani dihut do hanami, bani Pesta malasni uhur
Boras Tenger tandani dihut do hanami, parsimada bani pestaMu
P. : Ham Bapanami na i nagori atas. Sai na papansing ma Goran-Mu. Sai roh
ma harajaon-Mu. Sai saud ma harosuh ni uhur-Mu i nagori tongah on
songon na i nagori atas. Bere Ham ma bannami sadari on hagoluhan ari-
ari. Sasap Ham ma dousanami songon panasapnami bani dousa ni
hasoman na mardousa dompak hanami. Ulang hanami bobai Ham hu
parlajouan. Paluah Ham ma hanami humbani pangagou.
PK. : (mandodingkon) Ai Ham do simada harajaon pakon hagogohon ampa
hasangapon sadokahni dokahni. Amen
P. : Laho ma nasiam janah pindahi nasiam ma na madear, ulang ma na jahat,
ase manggoluh nasiam; ase tongon ma Jahowa, Naibata Zebaot hasoman
nasiam, songon na hinatahon nasiam (Amos 5:14).
P. : Jalo hita (ham) ma pasu-pasu humbani Tuhan Naibata: Ipasu-pasu anjaha
iparorot Tuhan Naibata ma hita (ham). Isondangkon Tuhan Naibata ma
bohini hubanta (hu bamu) janah maidop ma uhur-Ni mangidah hita (ham).
Idompakkon Tuhan Naibata ma bohi-Ni hubanta (hu bamu) janah
ipasorap ma damei-Ni bani tonduyta bei (tonduymu). Amen.

Minggu Seksi Inang GKPS 2022 | 6

 PK. : (mandodingkon) Amen…. Amen… Amen…

POSTLUDIUM
Singers (mandodingkon): “Shalom”

SURAT CINTA UNTUK IBU

Aku memanggilmu Ibu bukan hanya karena engkau telah melahirkanku ke dunia ini
Namun lebih dari itu, engkau telah mempersembahkan seluruh hidupmu untukku
Bagai mentari yang senantiasa bersinar terang sepanjang hari
Begitulah pancaran kasihmu tiada henti mengiringi setiap langkahku
Tak perduli dengan kerikil-kerikil tajam yang menghadang laju langkahmu
Tak tergoda dengan hujatan dan kritikan yang menghampiri setiap waktu
Menabur cinta kasih di atas permadani kehidupan seluruh anak-anakmu
Adalah pamrih dan senandung yang tak pernah redup dari relung kalbu
Sungguh kasih Ibu tak pernah bisa dijelaskan dengan untaian kata
Sebab dalam pedihnya luka pun engkau tetap memberi cinta
Pada kami anak-anakmu yang kadang abai memberi rasa
Hanya ego dan nafsu duniawi yang selalu hidup di dasar jiwa
Ibu, engkaulah penolong sejati yang Tuhan telah kirimkan
Agar kami tidak hanyut dan mati oleh arus kenikmatan
Sungguh kami bersyukur atas segudang kebajikan
Yang setia kau taburkan di setiap nafas kehidupan
Dalam sujud dan bertelud kehadirat Tuhan Yang Maha Kuasa
Kami naikkan doa permohonan terkhusus untukmu, Ibu
Kiranya diberi umur yang panjang dan nikmat sukacita sorga
Sebelum kita berpulang ke haribaan Sang WAKTU
Dari relung hati yang tulus dan terdalam
Aku persembahkan untaian kata syukur padamu, Ibu
Tetaplah berdiri dan tak berhenti menjadi kalam
Agar dunia melihat dan mengamini sejatinya dirimu
Pdt.Marudin Saragih

Minggu Seksi Inang GKPS 2022 | 7