TATA IBADAH PEMBUKAAN SINODE RESORT

GKPS RESORT KALIMANTAN TIMUR

GKPS Balikpapan, Sabtu, 18 Maret 2017
1. Mandoding Haleluya No. 1: 1, 2
Jahowa sihol pujionku, ai Ham Naibata sitompa au.
Sai suruh TonduyMu hubangku, mangajar au mamuji goranMu.
Marhitei hitei Jesus AnakMu, ase dear dodingku huBamu. (Jongjong Ma Kuria)
Bai AnakMu bobahon ahu, ase Bamu iboban au homa
Sorapkon TonduyMu hubangku, manogu au bai dalan na torsa.
Ase tongtong gok damei uhurhin, janah mesek mamuji goranMu
2. Votum – Introitus – Tonggo (P : Pambobai K : Kuria)
P : Ibagas goranni Naibata Bapa, pakon Tuhan Jesus Kristus ampa Tonduy Napansing, sitompa langit
pakon tanoh on. Amen! Sai lambin martambah ma bani nasiam idop ni uhur ampa damei, marhitei
panandaionnasiam bani Naibata ampa Jesus, Tuhanta in.
K : Ibere hagogohon ni ha-NaibataonNi ai do banta sagala na porlu bahen hagoluhon pakon
hadaulaton marhitei na itandai hita Ia, na mandilo hita marhitei hasangaponni ampa hadearonNi
sandiri.
P : Marhitei ai ibere do banta bagah-bagahni na maharga ampa na banggal tumang, ase marhitei ai
boi nasiam maporus humbani hamagouan na i dunia on, pinaroh ni hisap-hisap, anjaha gabe
parrupei nasiam bani ha-Naibataonni.
K : Halani ai, haringgashon nasiam ma humbani sagala gogoh pataridahkon dear ni parlahou ibagas
haporsayaon nasiam, dob ai hapentaron ma ibagas parlahou na madear ai.
P : Dob ai panrajaion diri ma ibagas hapentaron ai, dob ai hasabaron ma ibagas panrajaion diri ai, dob
ai hadaulaton ma ibagas hasabaron ai.
K : Dob ai holong ni uhur bani hasoman ma ibagas hadaulaton ai, dob ai holong bani haganup ma
ibagas holong ni uhur bani hasoman ai.
P : Ai anggo jumpah in bani nasiam anjaha martambah-tambah, seng paturutonNi nasiam rayohan
anjaha seng marbuah, laho mananda Jesus Kristus, Tuhanta in. Haleluya! Martonggo ma hita!
Diatei tupa pakon puji-pujian ma sombah nami hu Bamu ale Tuhan Naibata, na dob manramotkon
goluh pakon pangidangion nami das hubani panorang on. Ihasomani idop ni uhurMu do tong-tong
hanami mandalani ganup gulmitni goluh ronsi pangidangion nami bani tahun na salpu, janah boi
hanami mandipar bani tahun na bayu on. Marhasadaonni uhur do nuan hanami juak-juakMu
marhitei Sinode Resort GKPS Resort Kalimantan Timur on, aima na laho mangidah nolih nami
janah manranggihon horja nami i KuriaMu bani tahun 2017 on. Roh ma Ham hubannami, paruhuri
Ham ma hanami bani na mandalankon Sinode Resort on, ase lambin torsa pangidangion nami bani
KuriaMu janah lambin rarat harajaonMu itanoh on. Maidop ma Ham Tuhan, tangihon anjaha jalo
Ham tonggo nami ibagas Jesus Kristus sihopkop hanami. Amen!
3. Mandoding Haleluya No. 407: 1, 2
Puji ma Jahowa Tuhan Naibata, ai marjumbalang do goranNi in
Haganupan jolma sai marsombah ma, sai hagoluhkon hataNi in
Holsoh haganupan mambur, tubuh ma malasni uhur
Gok bai pangarapan holong na totap, rap mangolobkon goranNi in
Ningon do marsombah bani Naibata, puji ma Ia pargogoh do in
Ulang marnaloja sai irikkon ma, rap mambalosi hataNi in
Holsoh haganupan mambur, tubuh ma malasni uhur
Gok bai pangarapan holong na totap, rap mandodingkon Haleluya!
4. Ambilan/ Sub Tema GKPS Tahun 2017: Pdt. Jaksen Saragih, M.Th (Utusan Pimpinan Pusat GKPS)
5. Mandoding Hal. No. 453: 1, 2 (Patumpu Galangan)
Pitah Ham Tuhan, hatundalan na toguh.
Humbai ganup paruntolon na itanoh on.
Bani haganup pardalanan, pitah Ham panjaga na gogoh.
Ondos ma Tuhan, hanai on nuan, ‘se torsa sadokah goluh on.
 
Tonduy Na Pansing, bere Ham bannami on.
Sai useihon Ham bai uhurnami ‘se sintong
Ase dong pargogoh manlawan, kuasa ni dunia na bajan
Ondos ma Tuhan, hanai on nuan, ‘se torsa sadokah goluh on.
6. Tonggo Panutup/Pasu-pasu

i
 TATA IBADAH PENUTUPAN SINODE RESORT
GKPS RESORT KALIMANTAN TIMUR
GKPS Balikpapan, Sabtu, 18 Maret 2017
1. Mandoding Hal. No. 497: 1, 2
Holong ni Jesus manggomgom ganup kuria,
Na patotapkon hasadaonta in.
Damei-Ni in ma manrahut paruhuranta, Idop uhurni batar-batarta in
Damei-Ni in ma manrahut paruhuranta, Idop uhurni batar-batarta in
Riap ma hita sauhur martangkap tangan,
Ibagas damei na humbai  Tuhan in.
Marpangarapan tongtong bai horja ni Tuhan, Hataridahan ni hasintongan-Nin
Marpangarapan tongtong bai horja ni Tuhan, Hataridahan ni hasintongan-Nin

2. Refleksi & Pengakuan

P : Domma tongon idalani hita haganupan ranggianni horja ibagas Sinode Resortta bani sadarion. Sai
Tuhan ma na tongtong manghasomani hita.
K : TonduyMu ma na marianan bannami ase roh ringgasni hanami mandalankon horjaMu marhitei
KuriaMu.
P : Tongon, ra do buei tantangan ilobeita, na mambahen surut ringgasni uhurta mangidangiSi.
K : Patoguh ham ma pangarapan nami Tuhan, ase tongtong hobas hanami marugas i RumahMu
marhitei tohonan na binereMu hubannami.
P : Domma tongon ipasu-pasu Tuhan in hita gabe Parugas i Pohon AnggurNi. Sai iurupi Tuhan in ma
hita laho manaksihon goranNi napansing in.
K : Ham ma na tongtong gabe pangajaman nami laho manaksihon goranMu na sangap in.
P : Tongon, ipabangkit Tuhan in do hita gabe sipambobai bani hulananNi na banggal in. Ase lambin
itanda sidea pambahenanni Naibata na banggal in.
K : Urupi Ham ma hanami manramotkon kuriaMu, ase lambin itandai sedea Ham marhitei goluh
nami.
P : Sai ihasomani idopni uhurNi in ma hita bani ganup tanggungjawab na binereNi hubanta.

3. Mandoding : Tuhan Ham Do Pangajamanku

Tuhan Ham do pamangajamanku haporusanku
Tuhan Ham do batar-batarhu Ham Rajangkin
Tuhan Ham do sibalosanku bai goluhon
Ham parholong ni atei se lang au mandolei, itogu Ham do au
  Age gilumbang haba-haba seng au mabiar
Age mardalan bai na golap pos uhurhin
Ai seng tadingkonon-Mu au bai pardalanankin
Ai roh do Ham Tuhanku, lao mangurupi au paluahkon au.
 Reff;:
Sonang do au, sonang do uhurhin mandalani goluhku
Ai Tuhankin mardalan rapkon au manogu tangankin
‘Ge sipata roh paruntolon in sompong mandorab au
Monang do au ai tuk do gogohkin ibere Tuhankin.

4. Tonggo Panutup

ii