TATA IBADAH

NATAL PEMUDA/I DAN REMAJA (REMUDI)

GKPS TAMBUN RAYA
TAHUN 2019

Sabtu, 28 Desember 2019

GKPS Tambun Raya
Tema :
Ham Pakon Ahu Gabe Sada Ibagas Kristus
(Galatia 3:28)
Sub Tema :
Marhiteihon Perayaan Natal on lambin pataridahkon hita ma hasadaonta na
ibagas Kristus in. Tarlobih ma hasadaon ni namaposo GKPS Tambun Raya,
nataridah marhiteihon ni pargoluhan pakon parsaoran ni namaposo.
I. PRAELUDIUM
- Tugah-tugah :
 Ipangindo hubanta haganupan ase HP (handphone)ni i nonaktifkon
atappe ibahen mode getar. Janah sanggah masuk liturgi siluet lang
adong na memasang kamera, flash kamera atappe mode pencahayaan
nalegan, ase boi haganupan mardalan ibagas na dear.
 Ipangindo hubanta haganupan ase boi mardalan ibagas na jenges
perayaan Natal on, ulang adong na keluar masuk ruangan gareja.
- Kata Sambutan
P: Hita haganup kuria ni Tuhan na martupu bani panorang on, masukanta
ma Ibadah Natal Pemuda GKPS Tambun Raya bani borngin on ibagas
gok tarimakasih ampa puji-pujian hubani Tuhanta. Ai domma talar nuan
banta sondang haluahon na binoban ni Tuhan Jesus laho manondangi
goluhta. Halani ai roh ma hita, dompakkon hita ma bohinta ibagas uhur
na gok olob-olob.
- Barisan Prosesi memasuki ruang ibadah (Jongjong Kuria)
- Tarian dari pemuda na laho mangalo-alo barisan Prosesi.
- Mandoding Haleluya No. 395 : 1-2 “Pasangap ma Tuhanta”
Pasangap ma Tuhanta marhasoman arbab pakon doding.
Sombahkon ma pujian marhiteihon inggou maraloling.
Dear ma riap mandoding haganupan, malas uhur rap mangolobkon.
Porini adong pusok ni paruhuran, roh do Tuhan lao patorsahon.
Dodingkon doding baru, marhasoman sora na malurlur.
Pamaling ma soramu, songon parmalingni taur-taur.
Dear ma riap mandoding haganupan, malas uhur rap mangolobkon.
Porini adong pusok ni paruhuran, roh do Tuhan lao patorsahon.

II. IBADAH
1. VOTUM-INTOITUS-TONGGO.
P :Ibagas goran ni Naibata Bapa pakon Tuhan Jesus Kristus ampa
Tonduy Napansing.
K :Sitompa langit pakon tanoh on. Amen.
P :Bangsa na mardalan i bagas hagolapan mangidah sada panondang
na bolon.
K :Halak na marianan bani linggoman ni hamateian, poltak do i
babou ni sidea sada panondang.
P :Ipabuei Ham do bangsa in, itambahi Ham malas ni uhur; marmalas
ni uhur do sidea i lobei ni bohi-Mu.
 K :Songon malas ni uhur sanggah pariama, songon halak na marolob-
olob sanggah marbagi taban-taban
P+K :Mandodingkon “Megah uhurta bani Tuhanta, megah-megah ma
uhurta in” (Haleluya No. 45)
P :Ai domma tubuh banta sada Na etek-etek, ibere do banta sada
Anak, tampei bani abara-Ni do panggomgomion, anjaha ibahen do
goran-Ni: Paruhur Halongangan, Naibata Parkuasa, Bapa sadokah
ni dokahni, Raja Damei.
K :Parrarat ni harajaon-Ni ampa hadameion-Ni seng marpunsa ai bani
hotak ni si Daud ampa bani harajaonni, halani ipatotap anjaha
ipatoguh do ai marhitei uhum pakon hapintoron humbani sonari
nari ronsi sadokah ni dokahni.
P+K :Mandodingkon “Megah uhurta bani Tuhanta, megah-megah ma
uhurta in.”
P :Martonggo ma hita!
Tuhan Naibata Bapanami, holong-Mu hubannami ipatangkas Ham
do marhitei Jesus Kristus Anak-Mu in, na dob gabe daging doskon
hanami jolma. Marmalas ni uhur do hanami bani haluahon na
itotapkon Ham bannami pakon bani ganup na tinompa in. Bokas-
Mu do siirikkononnami janah hata-Mu do hagoluhan bannami.
Songon parmahan na madear mambobai janah mansarihon biri-
birini, sonin ma panramotion-Mu bannami. Halani ai pujionnami
do goran-Mu na pansing in marhitei partubuh ni Sipaluah in, Jesus
Kristus Tuhannami.
P+K :Amen
2. Mandoding Haleluya No. 41:1-3 “Domma Jumpah Use Ari Pesta In”
Domma jumpah use ari pesta in partubuhon ni Tuhanta Jesus in;
Turun hape Ia roh hun surga in, roh manohu hujon.
Hasangapon bai Naibata, damei-damei bani jolma.
Megah uhur ni Naibata, hajolmaon use.
Laita, misir hita hu Betlehem in, sombah hita ma Dakdanak na ijin.
Tinongoskon ni parholong atei in, Naibata, Bapa in.
Hasangapon bai Naibata, damei-damei bani jolma.
Megah uhur ni Naibata, hajolmaon use.
Sombahnami hu Bamu na dob roh on, Ham siboan damei hu dunia on.
Sai pasorap Ham bai uhurnami on, damei-Mu, o Jesus!
Hasangapon bai Naibata, damei-damei bani jolma.
Megah uhur ni Naibata, hajolmaon use.
 3. Tonggo Syafaat

4. Persembahan Pujian Sekolah Minggu

5. Mandoding Haleluya 490: 1-3 “Sonang Rapkon Jesus”

Sonang rapkon Jesus in, rapkon Jesus tongtong, rapkon Jesus tongtong.
Ia panondang bai na golap in, rap Jesus daoh biar ijin.
Baritahon Jesus in, pakon hasitonganNin, janah ulang mabiar ham
ijin.2x
Sai ambilankon ma in, ambilankon ma in, ambilankon ma in.
HasitonganNi sahapkon ma in, rap Jesus daoh biar ijin.
Ambilankon Jesus in pakon ganup hataNin, janah ulang mabiar ham
ijin.2x
Dogei ma bokasNi in, sai irikhon ma in, sai irikhon ma in.
Janah tangihon dilo-diloNin, rap Jesus daoh biar ijin.
Sai irikhon Jesus in anjaha balosi in, janah ulang mabiar ham ijin. 2x

6. Vokal Grup Pemuda

7. Liturgi Siluet (Panompaon – Barita Haluahon)

8. Mandoding Haleluya No. 45. 1+4-5 “Malas ni Uhur na Banggal”

Malas ni uhur na banggal na hu ambilankon on.
Domma tubuh Sipaluah bai hita jolma on.
Sangap bani Naibatanta, damei, damei, damei ma bani jolma.
Malas uhurni Naibatanta bai hita jolma on.
Sai sondangi ma uhurhu, Jesus, Ham do Tuhankin.
‘Se marparulihan ahu bai partubuh-Mu in.
Sangap bani Naibatanta, damei, damei, damei ma bani jolma.
Malas uhurni Naibatanta bai hita jolma on.
Malas ni uhur na banggal, sai sogopu uhurhin.
Ase dihut au pabanggal goran na pasing in.
Sangap bani Naibatanta, damei, damei, damei ma bani jolma.
Malas uhurni Naibatanta bai hita jolma on.

9. Liturgi Profesi : Panita Natal

10. Vokal Solo Pemuda GKPS Tambun Raya

11. Mandoding Haleluya 446: 1-2 “Sisada Angkula”
Sisada angkula do hita ganupan, ragam ni pagori do hita tongon.
Na sombuh, bayak dos do in bani Tuhan, seng dong ilioi, isarihon do
tong.
Tuhanta do na gabe Hayu Anggur, ranting-Ni do hita on hajojor.
Jolom ma Jesus ulang ham pandur, ase tabun marbuah na ramos.
Tanda ni sisada angkula do hita, rap marpangarapan bani goluh in.
Nai do bani horja rap marsiurupan, ulang dong marsidalian ijin.
Tuhanta do na gabe Hayu Anggur, ranting-Ni do hita on hajojor.
Jolom ma Jesus ulang ham pandur, ase tabun marbuah na ramos.

12. Vokal Grup Pemuda

13. Liturgi Barita Natal

P :Dousa ni jolma mamungkah humbani si Adam mambahen golap
janah kahou langkah ni jolma in. Halani ai lang dong be jummpah
hasintongan in, ai domma ganup mardousa janah sada pe lang adong
na talup i lobei ni Tuhan in.
L.1 :Ase botoh anjaha paruhuron ma; Humbani panorang dob luar hata
ai, ase ipasuang anjaha ipauli use Jerusalem ronsi panorang parroh ni
na mininakan ai, raja ai, pitu tahun minggu ampa onom puluh dua
tahun minggu do; ulakan do paulihon huta ai, maralaman ampa
marpasar, age pe panorang hasosakan ai (Daniel 9:25)
L.2 :Sebab itu Tuhan sendirilah yang akan memberikan kepadamu suatu
Pertanda: Sesungguhnya seorang perempuan muda mengandung dan
akan melahirkan seorang anak laki-laki, dan ia akan menamakan Dia
Imanuel (Yes. 7:14).
L.3 :Ai domma ibagahkon Naibata bani Padan Na Basaia, ai na roh ma
Raja in humbani tutuho ni si Isai, hasusuran ni Raja Daud. Raja
Sipanggomgomi, Mesias, Anak ni Naibata na dob gabe jolma.
Tonggor ma bani tangan-Ni do sagala kuasa i tanoh on.
PK : Mandoding Haleluya No. 28:1
Naha ma panjalongku, Bamu o Tuhankin?
Naha panjumpahkonku, Bamu o Rajangkin?
Sondangi Ham uhurhu, na golap na bodoh
Ai sihol bahenonku do hamegahon-Mu.
P :Bani borngin ni ai Mardalan ma Josep pakon Maria mamasuki huta
Betlehem hasusuran ni ai. Das ma panorang ni bani si Maria
 manubuhkon Sipaluah in, tapi lang adong ianan parbornginan bani
sidea.
K :Imasuki sidea ma harang ni pinahan, lanjar ijai ma tubuh Jesus
Kristus Sipaluah in, Mesias na paluahkon jolma Pardousa.
------------------------------------------hening---------------------------------
K :Halani ai patoruh hita ma homa dirinta i lobei-lobei ni Anak in,
ibagas unduk pakon toruh ni uhur sombah hita ma Ia.
PK :Gloria In Excelcis Deo
(Mandodingkon) Haleluya No. 39. 1-3 “Sonang ni Borngin ni in”
(Kuria Jongjong) (Lanjar pagarahon lilin)
Sonangni bornginni in, sanggah roh Jesus in
Sonang modom do halak ganup, dua mando na puho in rup.
Mangoromi anak-Ni Jesus Tuhanta in.
Dearni bornginni in sanggah roh Jesus in.
Bai parmahanan i Betlehem in, ipatugah nah un surge in.
Domma roh Sipaluah, Jesus Tuhanta in.
Buei ni tuah ijin, sanggah roh Jesus in.
Tor maluah pardousa use, humbani hamagouanni hape.
Ben na roh Sipagoluh, Jesus Tuhanta in.

14. Ambilan

15. Mandoding Haleluya No. 313 : 1-3 “Humbai Pulou ge Banua”

(Irik Patupuhon Galangan)
Humbai pulou ‘ge banua sai tarbogei do torus.
Doding na mamuji Tuhan Sipanobus jolma in.
Glooooria, puji ma Tuhanta. Glooooria, puji ma Tuhanta.
Haganupan na i surga pasangapkon Naibata.
Rap mandoding do sidea i lobei ni Naibata.
Glooooria, puji ma Tuhanta. Glooooria, puji ma Tuhanta.
Soridadu ni Tuhanta, hormat bani Naibata.
Haganup puji-pujian ondos bani Naibata.
Glooooria, puji ma Tuhanta. Glooooria, puji ma Tuhanta.

16. Tonggo Panutup – Tonggo Riap – Pasu-Pasu (Jongjong Kuria)

P :Ham Naibata Bapanami na I surge, domma apala gabe jolma Ham ase
jumpahan goluh ampa haluahon hanami. Martarima kasih do hanami
halani domma parsimada hanami bani holong na tarsulur in.
K :Ibagas uhur na bulus ma nuan hanami parsimada Bamu, Ham ale
Sipaluah, holong Mu ma mambobai hanami bani goluhnami.
P :Ham Jesus simada goluh na manontong, ondoskononnami ma dirinami
huBamu. Sai harosuhMu ma na manontuhon langkahnami.
K :Magodang anjaha matoras bani pangarusion, in ma situjuonnamu, ase
gabe pasu-pasu hanami hubani hasomannami.
P :Marhitei pesta pardingatan partubuh ni Kristus in, lambing tangkas ma
panandaionnami pasal holong-Mu na banggal in.
K :Suruh ham ma hanami gabe siboban barita janah sondang haluahon in,
ase tarbarita hasintongan in hu sab tanoh on.
PK :Lambing tangkas ma tongon holong-Mu in bannami.
P :Ham ale Tuhan Jesus, ham do na mamasu-masu goluhnami. Ijon iboban
hanami do galangannami na gabe tanda tarimakasihnami. Tongon lang
tarboban hanami omas pakon pirak songon na binoban ni halak Majus ai;
tapi uhur na borsih manjalohon Ham, in manggoki galangannami.
K :Jalo Ham ma galangannami on ale Tuhan janah paganda Ham ma pasu-
pasu-Mu hubannami, ase in gabe hiteinami pasangapkon Ham.
P :Riap ma hita martonggo, marhitei tonggo na pinodahkon ni Tuhan Jesus
hubani susianNi.
PK :Ham Bapa nami na I nagori atas….pst. Amen.
P :Laho ma nasiam baritahon janah saksihon nasiam ma Ambilan Na
Madear in ija pe nasiam marianan.
Jalo hita (ham) ma pasu-pasu humbani Tuhanta Naibata:
Idop ni uhur Tuhanta Jesus Kristus pakon holong ni atei ni Naibata Bapa
ampa parsaoran ni Tonduy Napansing ma mangkasomani hita (nasiam)
hanganupan. Amen

III. POSTLUDIUM
- Hiburan !!!
- Snack !!!
- Salam Damai….. Mulak Ibagas Damei !!!
Kami Pemuda-Pemudi dan Remaja (REMUDI)
GKPS TAMBUN RAYA
Mengucapkan :

Selamat Hari Natal

25/26 Desember 2019
&
Selamat Menjelang Tahun Baru
01 Januari 2020