TATA IBADAH

NATAL
GEREJA KRISTEN PROTESTAN SIMALUNGUN
Distrik VII
24 Desember 2012

Hatorangan:
1.
2.

3.

4.

Liturgi Natal santorap on isura uhur boi mardalan secara

mengalir humbani mungkahni das hu ujungni.
Boi do ibahen hita kreasi na cocok hubani keadaan ni jemaat
bani setiap bagian ni Liturgi Natal on; domu hujai porlu
adong persiapan.
Na mambobahon P bani Liturgi Natal on, dearan itodoh hita
humbani lobih sada halak; sobali bani P na tang parpudi,
ai ma ibobahon siparambilan.
Ipasirsir ma homa lilin: lilin na banggal untuk ganup
pemeran, lilin na etek untuk ganup jemaat na ibere paima
masuk hu gareja .

LITURGI NATAL UMUM

GEREJA KRISTEN PROTESTAN SIMALUNGUN
24 Desember 2012
SAAT TEDUH
VOTUM - TONGGO (jongjong)
P

Ibagas goran ni Naibata Bapa, pakon Tuhan Jesus

Kristus, ampa Tonduy Napansing, sitompa langit
pakon tanoh on. Amen.

J
(Mandoding Sai Roh ma bai Harang, Haleluya
34:1-2)
Sai roh ma bai harang i Betlehem on.
Ganup na porsaya podas ma hujon.
Manonggor hamegah ni uhurta in,
tinongos ni Bapa na i surga in.
Sai tonggor hanima ma bai harang on,
ai tubuh Dakdanak ijon borngin on.
Jenges do rupa-Ni, mata-Ni torang,
sai torih ma Ia, ho jadi siang.
P

Nasiam na hinaholongan, martumpu do hita sonari

bani pesta Natal, laho pasirsirhon uhurta manjalo
partubuh ni Tuhan Jesus, laho mamparimbagashon
misteri inkarnasi na pataridahkon goluhta na dob
itobus janah manjalo Jesus na gabe haluahonta.
Manekteki ma, ale langit, hun babou, anjaha
hombun iuseihon ma udan hapintoron! Buha
ma tanoh on, ase itubuhkon hatuahon,
anjaha
ibahen
ma
homa
hapintoron
martumbor! (Jesaya 45:8).

1.
J

(Mandoding Haleluya 34:4)

Manrogop hanima ganupan ale,
maniru parmahan manombah use;
Mandoding hanima megahkon ijin,
usihi malekat na hun babou in.

(tonggo)
Ham Tuhan Naibata Bapanami, parholong ni uhur
banggal mangidah hanami jolma na madoyuk
anjaha pardousa banggal on. Domma isuruh Ham
Anak-Mu Tuhan Jesus Kristus hubennami. Halani ai
masuki Ham ma uhurnami marhitei Tonduy
Napansing, ase Ia patotap uhurnami ibagas
haporsayaon na sintong, ronsi ujung ni goluhnami,
ase martuah hanami marhitei parroh ni Anak-Mu
hu dunia on. Amen.

(Mandoding Haleluya 34:5)

Hatahon: Ham Anak ni Naibata in,
roh Ham roh hun datas ibaen idop-Nin.
Bannami ganupan na mardousa on,
mambaen haluahon bannami tongtong.

MARIA
(Sada naboru roh hu altar mamboan sada lilin na dob
ipagara, dob ai jongjong ma ia mandompakhon Jemaat)
J
(Mandoding Hatuahon do, Hamegahon do,
Haleluya 37:1-2)
Hatuahon do, hamegahon do
partubuhon ni Jesus in.

Roh Sipaluah bani na magou,

megah-megah ma uhurta in.
Roh Sipaluah bani na magou,
megah-megah ma uhurta in.

Hatuahon do, hamegahon do

partubuhon ni Jesus in.
Rapat ma hita bai Naibatanta,
megah-megah ma uhurta in.
Rapat ma hita bai Naibatanta,
megah-megah ma uhurta in.

(BARITA PASAL SI MARIA: Naboru na manjolom lilin ai

mambasahon LUKAS 1:26-35)
J

(Mandoding Haleluya 37:3)

Hatuahon do, hamegahon do
partubuhon ni Jesus in.
Megah uhurta bani Tuhanta,
megah-megah ma uhurta in.
Megah uhurta bani Tuhanta,
megah-megah ma uhurta in.

Halani ai, bereon ni Tuhan sandiri ma

bannima sada tanda: Tonggor ma, boratan
rumah
ma
sada
anak
boru,
anjaha
tubuhkononni
ma
sada
anak,
anjaha
bahenonni ma goranni: Immanuel (Jesaya
7:14).

Diatei tupa ma Bamu, Ham Naibata. Amen.

(Inahkon ma lilin na gara ai bani ianan na dob ipasirsir,

dob ai mulak

bani hundulanni)
JOSEP
(Sada dalahi roh hu altar mamboan sada lilin na dob
ipagara, dob ai jongjong ma ia mandompakhon Jemaat)
J
(Mandoding I Betlehem do Tubuh, Haleluya
38:1-2)
I Betlehem do tubuh, Anak na banta in.
In do halak na bujur, hutodoh Rajangkin.
In do, in do, hutodoh Rajangkin.
Gok bai holong atei-Ni na mando uhurhon.
Hubere ma hu-Bani ganup na bangku on.
Nai ma, nai ma, ganup na bangku on.
(BARITA PASAL SI JOSEP: Dalahi na manjolom lilin ai
mambasahon MATEUS 1:18-21)
J

(Mandoding Haleluya 38:3-4)

Sihol
haholonganku
tongtong
Ham,
Tuhankin.
Age pusok uhurhu, sai ganda holongkin.
Nai ma, nai ma, sai ganda holongkin.
Botul ondoskononku Bamu ma uhurhon.
Sai holong ma atei-Mu, urupi au tongtong!
Nai ma, nai ma, urupi au tongtong!

Dob ai mandarat ma sada tunas humbani

tutuho ni si Isai, anjaha marbuah sada
tumbor na roh humbani uratni. Sogop ma
hubani Tonduy ni Jahowa, tonduy hauhuron
ampa pangarusion, tonduy panuturion ampa

hagogohon, tonduy habotohon ampa biar

bani Jahowa (Jesaya 11:1-2).
J

Diatei tupa ma Bamu, Ham Naibata. Amen.

(Inahkon ma lilin na gara ai bani ianan na dob ipasirsir,

dob ai mulak bani hundulanni)
BINTANG
(Roh ma sahalak Anggota Majelis Jemaat mamboan lilin
na dob ipagara janah jongjong mandompakhon Jemaat)
J

(Mandoding Pamalas Uhurta, Haleluya 44:1-3)

Pamalas uhurta do partubuh ni
Jesus Sipaluah haholongankin.
Jesus Sipaluah haholongankin.
Ai buei do dousa parlajouan pe,
manunsahi hita ronsi matei bei,
manunsahi hita ronsi matei bei.
Maparah tumang do hamagouan in,
anggo lang roh Jesus Sipaluah in,
anggo lang roh Jesus Sipaluah in.

(TURI-TURIAN PASAL BINTANG: Na manjolom lilin ai

mambasahon MATEUS 2:1-2+7-10)
P

Jongjong ma, marsinondang ma ho! Ai

domma roh panondangmu anjaha hamuliaon
ni Jahowa domma poltak i baboumu. Ai
tonggor ma, na lotir do manrungkup tanoh
on, anjaha hagolapan sagala bangsa; tapi i
baboumu
do
poltak
Jahowa
anjaha
hamuliaonni taridah i atasmu (Jesaya 60:1-2).

Diatei tupa ma Bamu, Ham Naibata. Amen.

(Inahkon ma lilin na gara ai bani ianan na dob ipasirsir,

dob ai mulak bani hundulanni)
MALEKAT
(Roh ma sahalak naboru mamboan lilin na dob ipagara
janah jongjong mandompakhon Jemaat)
J
(Mandoding Ai Domma Tubuh Saborngin on,
Haleluya 385:1-2)
Ai domma tubuh saborngin on, Panondang
ni dunia on.
Usih songon angkulanta in, Immanuel
goran-Ni in.
Tarbogei doding ni malekat, i talun Efrata.
Mamuji Tuhanta na sangap, panggomgom
na totap.
Age sombuh partubuh-Ni in, daulat do tong
uhur-Ni in.
Ase ganup na tinompa in mamuji goran-Ni
in.
Ai Ia simada kuasa, gok Bai do ganup in.
Mangimbang sibolis ge dousa, seng dong
usihan-Ni in.
(TURI-TURIAN PASAL MALEKAT: Naboru na manjolom lilin
ai mambasahon LUKAS 2:8-14)
P

Marsitauran ma sidea, nini: Na pansing, na

pansing, na pansing do Jahowa Zebaot, gok
do sab tanoh on bani hamuliaon-Ni (Jesaya
6:3).

Diatei tupa ma Bamu, Ham Naibata. Amen.

(Inahkon ma lilin na gara ai bani ianan na dob ipasirsir,

dob ai mulak bani hundulanni)
PARTUBUH NI KRISTUS
(Dua halak naposo roh hu altar mamboan lilin na dob
ipagara. Sahalak humbani sidea mandodingkon Puji
Hita ma Tuhanta, Haleluya 36:1+6-7)
Puji hita ma Tuhanta, sai hu-Bani ma uhurta.
Ase mogah pandodingta, hita halak Kristen
in.
Ale Jesus haholongan, boban ma bai
hasonangan.
Hanai na i pardagangan, na masihol roh
Bamu.
Hu Bamu ma roh hanami mandodingkon
dodingnami,
rap ampa hasomannami ganup na i surga
in.
(BARITA PASAL PARTUBUH NI KRISTUS: Naposo
sahalak nari ai mambasahon LUKAS 2:1-7)

na

Marmalas ni uhur ma goluhta, ai domma ipabayak

goluhta marhitei sibere-bere na gokan dear.
Domma ijalo hita pangajarion ase tongtong
pataridahkon holong, hasintongan, ampa malas ni
uhur. Gabe malas ni uhur na sintong ma banta
borngin on, bani pesta Natal on, gabe hamuliaon ni
Tuhanta, sonari ronsi sadokah ni dokahni.

Diatei tupa ma Bamu, Ham Naibata. Amen.

(Inahkon ma lilin na gara ai bani ianan na dob ipasirsir,

dob ai mulak bani hundulanni)

(riap
ma
hita
HAPORSAYAON)

jongjong:

MANAKSIHON

(Mandoding Na Roh hun Datas do Au on,

Haleluya 33:1+11)
Na roh hun datas do au on, ambilan na
madear do.
Anjaha na jenges tumang, huboban bani
nasiam.
Haleluya, Haleluya. Domma roh banta
Naibata.
Martuah hita baenon-Ni in, sadokah ni
dokahni on,

AMBILAN JESAYA 52:7-10

1. Tonggo
2. Mambasa Teks
3. Ambilan
4. (Mandodingkon
Hata-Mu
ale
Tuhanku,
Haleluya 18:1)
Hata-Mu ale Tuhanku, arta siharganan ai.
Sai palongkot bai uhurhu, ulang lang
hujolom ai.
Anggo seng be sijoloman, Hata na madear
in.
Aha
ma
na
baen
onjolan,
ni
haporsayaaonkin.
5. Tonggo
GALANGAN
P
Paima ipatumpu hita galanganta, tangar hita ma
lobei Hata ni Naibata na gabe onjolan banta laho
manggalang. Nini Tuhanta: Bere ma bani
Jahowa hamuliaon ni goran-Ni, boan ma

galangan anjaha roh ma nasiam hu lobei-Ni!

(1 Kronika 16:29) - (ipadalan ma kantong
galangan, marhasoman musik instrumentalia
Natal).
(tonggo galangan riap jongjong)
Ibotoh hanami do Tuhan idop ni uhur-Mu na talar
bani panggagatan i Betlehem. Ibagas toruh ni
uhur, ipadas hanami ma galangan on gabe
hataridahan malas ni uhur. Ijalo hanami ma
haluahon humbani Anak-Mu na dob tubuh bahen
haluahon nami, ibagas Kristus Jesus.
Amen.

SONDANG NI KRISTUS MANGGOKI UHURTA

P
(Mambasahon JOHANNES 1:1-14 tong ope
jongjong)
J

(Roh ma ganup pemeran: Maria, Josep, Bintang,

Malekat, Partubuh ni Kristus, mambuat lilin na dob
inahkon nongkan. Iurupi sidea ma pagarahon lilin
na dong i tangan ni Jemaat secara estafet. Dear do
irik ipaetek siang ni lampu gareja. Dob ai, jongjong
ma ganup pemeran ai i siamun pakon siambilou ni
siparambilan. Dob ganup lilin ai gara bei,
mandoding ma ganup: Sonang ni, Borngin ni
in, Haleluya 39:1-3)
Sonang ni, borngin ni in, sanggah roh Jesus
in;
Sonang modom do halak ganup,
dua mando na puho in rup.
Mangoromi Anak-Ni,
Jesus Tuhanta in.
Dear ni, borngin ni in, sanggah roh Jesus in;

Bai parmahan i Betlehem in,

ipatugah na hun surga in.
Domma roh Sipagoluh,
Jesus Tuhanta in.
Buei ni tuah ijin, sanggah roh Jesus in;
Tor maluah pardousa use,
humbai hamagouanni hape.
Ben na roh Sipagoluh,
Jesus Tuhanta in.

Lopas Ham ma sonari Tuhan jabolon-Mu

misir ibagas damei, songon na hinatahon-Mu
in, ai domma iidah matangku haluahon na
hum-Bamu, na pinasirsir-Mu i lobei ni sagala
bangsa,
sada
Panondang,
na
laho
manondangi
sipajuh
begu-begu,
anjaha
hasangapon bani bangsa-Mu halak Israel
(Lukas 2:29-32). Amen.

(Tonggo: Ham Bapanami)

(Pasu-pasu)

SELAMAT HARI NATAL

DARI PENDETA DAN
PENGINJIL