0 penilaian0% menganggap dokumen ini bermanfaat (0 suara)
584 tayangan4 halaman
1. Dokumen tersebut merupakan rencana ibadah mingguan gereja Kristen Protestan Simalungun di Padang.
2. Terdiri dari 19 bagian yang meliputi himne, doa, pembacaan Alkitab, khotbah, dan syukuran.
3. Acara dimulai dan diakhiri dengan himne serta doa syukur kepada Tuhan.
1. Dokumen tersebut merupakan rencana ibadah mingguan gereja Kristen Protestan Simalungun di Padang.
2. Terdiri dari 19 bagian yang meliputi himne, doa, pembacaan Alkitab, khotbah, dan syukuran.
3. Acara dimulai dan diakhiri dengan himne serta doa syukur kepada Tuhan.
1. Dokumen tersebut merupakan rencana ibadah mingguan gereja Kristen Protestan Simalungun di Padang.
2. Terdiri dari 19 bagian yang meliputi himne, doa, pembacaan Alkitab, khotbah, dan syukuran.
3. Acara dimulai dan diakhiri dengan himne serta doa syukur kepada Tuhan.
Minggu, 24 Oktober 2021 (XXI Dob Trinitatis) HORJA BANGGAL NA PANSING (MODEL F) 1. VOTUM - INTROITUS – TONGGO P : Riap ma hita jongjong! Ibagas goran ni Naibata Bapa, pakon Tuhan Jesus Kristus ampa Tonduy Na Pansing, Sitompa langit pakon tanoh on. K : Amen. P : Ai sonon do holong ni uhur ni Naibata bani dunia on, pala do Anak-Ni na sasada in iberehon, ase ulang magou ganup na porsaya Bani, tapi ase hagoluhan na sadokah ni dokahni bani (Johannes 3:16). Haleluya, Haleluya, Haleluya. K : (Mandodingkon) Haleluya, Haleluya, Haleluya. P : Martonggo ma hita! Ham Tuhan Naibata Jahowa simada kuasa, na mangidah torus das hubagas hauhuron ampa sura-suranami. Sengdong na lingod humbani panonggor-Mu. Bani na roh hanami hu lobei-Mu ibagas parsombahon- nami on, papansing Ham ma uhur pakon pingkirannami marhitei Tonduy-Mu, ase boi sintong pamujion pakon pangkaholonginami Bamu, janah tongtong ipasangap hanami goran-Mu na Pansing in, marhitei Jesus Kristus Tuhannami. Amen. (hundul kuria) 2. MANDODING HALELUYA No. 501: 1-2 “Sada Ma Ganup” Sada ma ganup na tardilo rup, manjalo Tuhan in. Mandoding rumbuk, marmegah pe rup, mamuji Goran-Niin. Mandoding rumbuk, marmegah pe rup, mamuji Goran-Niin. Suankon ma da, bai uhurta rup, hasadaonta in. Sauyun homa, manlangkah riap, ibagas Tuhan in. Sauyun homa, manlangkah ria, ibagas Tuhan in. 3. HASASAPAN NI DOUSA P : Riap ma hita jongjong! Anggo ihatahon hita, seng dong dousanta, ipaoto-oto hita do dirinta, anjaha seng ibagas hita hasintongan in. Anggo …. dst. Halani ai roh ma hita hu lobei ni Tuhanta mansopotkon janah mangindo hasasapan ni dousanta. P+K : (Mandodingkon: Haleluya No. 353:2) Marunduk ni uhur sopotkon ma in, Pambaenmu na jahat ampa jungkatmin. Ondoskon bai Jesus bulat dirimin, Tongtong ma sai dingat pangkopkop-Ni in. P : Martonggo ma hita! Ham Tuhan Naibata paridop ni uhur banggal. Iparhatongon … dst. P : Maronjolan humbani kuasa ni Naibata, huhatahon ma bani nasiam: Ibagas goran ni Naibata Bapa, pakon Tuhan Jesus Kristus ampa Tonduy Na Pansing, tenger ma uhurnasiam, domma sasap haganup dousa nasiam. Riap ma hita mangkatahon: Amen. K : Amen. (hundul kuria) 4. MANDODING HALELUYA No. 235: 1-2 “Na Mungkab do Surga” Na mungkab do surga, iben aha do. Ibaen na roh Jesus mengungkap bamu Ibaen na roh Jesus mengungkap bamu ltaron dousamu, i Golgata in; Ijin do salosei ganup utangmin Ijin do salosei ganup utangmin 5. HATA HAPORSAYAON P : Riap ma hita jongjong! Saksihon hita ma haporsayaonta in, songon na sinaksihon ni haganup halak na porsaya bani sab tanoh on! P+K : Ahu porsaya bani Naibata Bapa,…Amen. (hundul kuria) 6. MANDODING HALELUYA No. 90:1-2 “Haleluya! Na puji ma Bapanta” Haleluya! Na puji ma Bapanta Tuhan Naibata, ibaen dear layak-Ni. Sai tong ringgas ma hita bei pasangap Naibatanta in, ibaen holong atei-Ni. Sangap, sangap, hagogohon, hatoguhon, hapentaran, bai Bapanta na i babou. Haleluya! Bai Jesus in sombahkon hasangapon in, age puji-pujian. Ibere do daroh-Ni in manguras ganup hita on, managang hapintoron. Nai ma, nai ma, pardomunta bai Tuhanta `ge tunggung-Ni, sorap do bai kuria-Ni. 7. AMBILAN: 5 Musa 24: 17-18 8. GALANGAN: P : Paima ipatumpu galangan, tangar hita ma lobei hata ni Naibata na gabe onjolan banta laho manggalang, aima na tarsurat bani: Psalmen 50:14: “Galangkon ma banggal ni uhur bani Naibata, anjaha galari ma bagah- bagahmu bani Sitimbulan in.” Sonari ondoskon hita ma galanganta. (iiringi doding/musik) 9. MANDODING HALELUYA No. 100: 1 “Hujon ma Ho, ale Tonduyhu” Hujon ma ho, ale tonduyhu, na horahan loheian tong. Manjalo layak ni Tuhanku, pinasirsir-Ni in tongtong. Ibere Jesus do daging-Ni marhitei-hitei ruti on. Ibere do pakon daroh-Ni marhitei-hitei anggur on. 10. HORJA BANGGAL NA PANSING P : Riap ma hita jongjong! Paridop ni uhur anjaha pardear layak do Jahowa, …. dst. P : Martonggo ma hita! Ham Tuhan Naibata Bapanami paridop ni uhur na tarsulur…. Amen. Riap ma hita martonggo marhitei tonggo na niajarhon ni Tuhan Jesus hubanta! P+K : Ham Bapanami na i nagori atas…. Amen. 11. SUNGKUN-SUNGKUN 12. MANDODING HALELUYA No. 147: 1-2 “Ham Naibata Banggal Tumang” Ham Naibata banggal tumang, janah borat dousangku, Sengdong ijon itanoh on, tarbaen haporusanku. ‘Ge pe huja au laho da mangalop hatuahon, Seng dapot in bai tanoh in. bai ganup hajolmaon. 13. ONJOLAN NI PARPADANAN NA PANSING 14. PARPADANAN NA PANSING: 15. MANDODING HALELUYA No. 256: 1-2 “Ham o Tuhan Haholongan” Ham o Tuhan haholongan ni uhurhu sai tongtong Sai tangihon pangindoan sai urupi Ham au on Pasu-pasu Ham horjangku, tumpak ham ganupan in Sai patorsa ham uhurhu, bai ganup hasomankin 16. PUJI-PUJIAN PAKON HATARIMAKASIHON: (Psalmen 34:2-5, jongjong kuria) P : Sai pujionku do Jahowa bani sagala panorang, K : Tongtong do puji-pujian-Ni ibagas pamanganku. P : Marhitei Jahowa do marmegah-megah tonduyhu, K : Ibogei halak na madoyuk ma ai, gabe malas ma uhurni. P : Hasomani nasiam ma ahu pabanggalhon Jahowa, K : Sai rap ma hita patimbulhon goran-Ni in. P : Hupindahi do Jahowa, anjaha ibalosi do ahu; K : Ipaluah do ahu humbani sagala habiaranku. P+K : Puji hita ma Jahowa, martarimakasih ma hita hu Bani. Amen. (hundul kuria) 17. MANDODING HALELUYA No. 258:1+4 “Na Masihol do Uhurhu” Na masihol do uhurhu, bani Jesus Tuhankin Ai isasap do dousangku, iurasi uhurhin Ge ibagas sitaronon, marsigantung au Bamu Rado au mengirikkon, panogu-noguonmu Anggo tenger tong uhurmu, bai Tuhanta Jesus in Sai na jumpah janah saud, ganup sura-suramin Ham tongtong arahkonon-Ni, ase saud hu surga in Haganupan na dong Bani, dihut ham manean in. 18. TONGGO HATARIMAKASIHON PAKON DODING GALANGAN P : Riap ma hita jongjong! Martonggo ma hita! Ham Tuhan Naibata Bapanami parholong ni atei ampa paridop ni uhur. Ipuji janah ipasangap hanami do Ham halani idop ni uhur ampa dear ni layak-Mu na dob ijalo hanami. Domma ihopkop Ham hanami janah isasap Ham dousanami gabe manggoluh hanami ibagas idop ni uhur-Mu in. Pabayu Ham ma hanami mandalani ari-ari ni goluhnami ase margogoh janah marhamonangan hanami mangkorjahon harosuh ni uhur-Mu. Patotap Ham ma haporsayaon ampa pangarapannami hu Bamu, ase margogoh hanami pasangapkon Ham sadokah goluhnami. Tarima kasih ma Bamu Tuhan bani haluahon ampa pasu-pasu-Mu na dob ondos hu bannami. Ijon igalangkon hanami do dirinami pakon buah ni horjanami, gabe tanda ni tarimakasihnami hu Bamu. Pasupasu Ham ma galangannami on laho padoraskon pardalan ni horja i kuria-Mu. Lambin pasu-pasu Ham ma goluh ampa horjanami pakon sinadongannami, ibagas Kristus Jesus Sipaluah hanami. Amen. K : (mandodingkon doding galangan) Tonduy, daging uhur ampa gogoh ni in. Ulang bai na sambor, sai Bamu ma in! Ningon gok Bamu ma au hinopkop-Mu. Ase saud martuah au jabolon-Mu. 19. PASU-PASU P : Jalo ham (hita) ma pasu-pasu humbani Tuhan Naibatanta: Ipasu-pasu anjaha iparotot Tuhan Naibata ma ham (hita). Isondangkon Tuhan Naibata ma bohi-Ni hu bamu (hu banta) janah maidop ma uhurni mangidah ham (hita). Idompakkon Tuhan Naibata ma bohini hu bamu (hu banta) janah ipasorap ma damei-Ni bani tonduymu (tonduyta bei) Amen! K : (Mandodingkon) Amen, Amen, Amen.