ACARA PENUTUPAN SERMON WEYK/KATEGORIAL

HKBP JALAN LURAH CIMAHI

HARI/TGL : RABU 2 NOVEMBER 2022

THEMA : MARSIHOHOT DIBAGASAN PODA NI JESUS KRISTUS

=====================================================

P: Huria ni Tuhanta, sadarion , on ma na gabe penutupan sermon

Weyk/Kategorial taon 2022. Tama do hita mandok mauliate tu Amanta
Debata disiala denggan ni basana dohot asi ni rohaNa na mandongani
hita.

R: Godang ma tongon na binahen ni Jahowa tu hita, jadi marhilas ni roha

ma hita

P: Disialani i tama ma hita mamuji Debata, tapasangap ma Ibana marende

ma hita sian Buku Ende No 565:1-2

1. MARENDE BE No 565:1-2 “LAS ROHANGKU LAO MAMUJI”

 Las rohangku lao mamuji Debata Parholong i
Songon bunga na mangerbang di na binsar ari i
Arsak dosa haporsuhon mago dibaen asiMi
Las ni roha na \manongtong lehon di au Tuhanki
JONGJONG
 Sude jadijadianMu laut tano langit i
Angka bintang dohot bulan nang matani ari i
Hauma ladang nang harangan rura dohot dolok i
Saluhut na mangendehon sangap ni Tuhanta i
2. VOTUM/INTROITUS/DOA
P : Marhitehite Goar ni Debata Ama dohot Goar ni AnakNa Tuhan
Jesus Kristus dohot Goar ni Tondi Parbadia, natumompa langit dohot

1
 tano on. Amen. Parangehon hamu ma na tama di Tuhan i, marguru tu
sandok lomo ni rohaNa, marparbuehon parbue marhitehite saluhut
ulaon na denggan. Oloi hamu ma Jahowa marhitehite saluhut ulaon
na denggan
R: Oloi hamu ma Jahowa marhitehite saluhut ulaon na denggan. Oloi
hamu ma Jahowa marhitehite las ni roha, ro be ma hamu tu joloNa
marhitehite olopolop Haleluya martangiang ma hita:
Ale Tuhan Debata, Amanami na di banuaginjang. Mauliate ma
hupasahat hami tu Ho disiala asi ni rohaM dohot denggan ni basaM.
Dibagasan borngin on marpungu do hami patupahon acara penutupan
Sermon Weyk/Kategorial di taon 2022 on. Pasupasu ma hataM
nabadia i naung hutangihon hami asa marurat. bertumbuh, jala
marparbue ma i dibagasan ngolunami. Ale Tuhan songon naung
tinotophon ni Uluan nami sian hatopan ia taon 2022 on ima taon
Kesehatian. Secara khusus HuriaM HKBP Jalan Lurah Cimahi asa
tongtong sada rohanami jala mardame dame ma hami patupahon
ulaon nadenggan baik di Pembangunan Fisik nang songoni
Partondian. Sai lehon ma tu hami roha na togu, na badia, pingkiran na
torang asa sonang hami mangolu di bagasan pangondingiM, sai
marsigantung tu hataM ma hami maradophon angka ulaon nami
dohot maradophon dongan nami. Ramoti jala pargogoi ma hami
marhitehite Goar ni AnakMu Tuhan Jesus Kristus Tuhan nami Amen.
(Hundul ma Hita).

3.KOOR

4.MARENDE BE No 6:1 “PUJI JAHOWA NA SANGAP”

 Puji Jahowa na sangap huhut marmulia
Hamu sude na parroha na ringgas na ria
Marpungu be, marolopolop sude
Hamu sude manisia

2
5. MANJAHA EPISTEL : 2 TESSALONIKA 2:13-17

P : Alai na tama do hami tongtong mandok mauliate tu Debata marningot

hamu, ale angka dongan, na hinaholongan ni Tuhan i, ala dipillit
Debata hamu sian mulana, asa saut hamu malua, i ma marhite sian
Tondi na pabadiahon dohot haporseaon di hasintongan.
R : Ai tusi do hamu dijou marhitehite barita na uli, na hubaritahon hami,
asa partohap hamu di hasangapon ni Tuhanta Jesus Kristus.
P : Antong, ale angka dongan, hot ma hamu jongjong jala marsitiopan ma
hamu tu angka poda na huajarhon hami tu hamu marhite sian hata nang
surat pe.
R : Apala Tuhanta Jesus Kristus dohot Debata Amanta, na mangkaholongi
hita jala mangalehon apulapul, na mian tongtong, dohot pangkirimon
na denggan sian asi ni roha i:
P : Ibana ma mangapuli jala pahothon rohamuna di bagasan nasa ulaon
nang hata na denggan!
Ima sahatna. Martua do natumangihon hata ni Debata jala naumpeopsa
Amen.

6. KOOR

7.MARENDE BE 28:3-4 “HATA NI JAHOWA”

 Hata hangoluan do nuaeng diboan Parjamita i
Na lambok begeon i nuaeng dilehon tu rohanta i
Hita on dijamitai, ai didokkon be do hita paubahon roha
 Sai tangihon ale Tuhan molo martangiang hami be tu Ho
Pasupasu marlobian, lehononMu tu na ro manopot Ho
Sai dongani nama hami asa hot di parpadanan
Mian hami sahat ro tu hsasonangan

8. JAMITA : PSALMEN 145:17-21

9. KOOR

3
10. MARENDE BE 392:1-2 SAI PASIAT TUHAN JESUS
 Sai pasiat Tuhan Jesus tu bagasan roha mi
Sai maima ima Jesus bege PanuktukNa i
Reff : Sai pasiat Tuhan Jesus jangkon i tu roha mi
Nunga tingki parasian sotung jolo salpu i
 Hariburon na di tano sai ringgas dijangkon ho
Marisuang Tuhan Jesus sai dihagarishon ho
Sai pasiat Tuhan Jesus................du
10. TANGIANG PANGONDIANON
11. KOOR
12. MARENDE BE 249:1----- “NGOT MA HO O TONDINGKI”
(PAPUNGU PELEAN)
 Ngot ma ho o tondingki dungo martangiang
Asa unang musu i tole so tinagam
Bisuk ni setan i do manait tu dosa
Lan nabonar roha
 Ngot ma ho na modom i dibagasan dosa
Asa unang ala ni Ho marutang hosa
Ai hatop nang tahop ro ma pangunjunan
Ni na so managam
-----------------Instrumentalia------------------
 Dungo ai na so tarbaen tondi ni Jahowa
Manorangi ho mambaen sirang sian dosa
Ingkon do dungo ho asa lehononNa
Denggan ni basana
 Martangiang ho huhut asa saut malua
Sian jea saluhut gabe ho martua
Jesus do na gogo jala tau mangalo saluhut pangago

13. TANGIANG PELEAN (AGENDA HKBP)