&
Topik :
Unduk ma tu Debata sitompa
saluhut
PABORHATHON :
Pdt. Romulus H. Siahaan, STh / Keluarga
Dohot
Mangojakhon :
Pdt. Parulian Sihotang, STh / Keluarga
19. MARENDE BE No. 280 : 1 - “Tongtong tutu na denggan do” (Pelean II)
1. Tongtong tutu na denggan do Pambaen ni Debatanta
Matua so solsolan do Sude do i marhata
Pos ma roham Di Debatam Ihuthon ma Ibana Na bonar do rohaNa.
2. Ndang dung mangansi hata ni Mangaliluhon iba
Ndang dung geduk pambaenna i Lao maminsangi iba
Sai na ture Do i sude Sude do i marala Ndang dung Ibana sala.
----------------------- Orgen ------------------------
3. Diboto Debatanta i Na denggan i di hita
Na so tagamon baenon ni Na so ture dihita
Dibahen i Di rohangki Denggan do unduk hita Di hata ni Tuhanta.
4. Denggan pambaen ni Tuhanki Tiur dibaen langkangku
Tongon do hangoluanki Ditongos Debatangku
Patar ma i Di tingki ni Hapapatarna sogot Dung au tu surgo bongot
5. Praeses: Hamu Pdt. Parulian Sihotang, S.Th; nunga dibege hamu Surat Haputusan ni
Ephorus na manotophon hamu gabe Pandita HKBP Resort Malang. Angkup ni i,
nunga dibege hamu na gabe ulaon ni Pandita Ressort. Antong na manungkun
ma ahu nuaeng tu hamu di jolo ni angka dongan na pungu dison dohot dijolo
ni Tuhan Jesus Kristus, Raja jala nampuna Huria i. Na olo do hamu manjalo
ulaon na hombar tu SK naung jinalomuna gabe Uluan ni Huria di HKBP Resort
Malang on, jala na rade do hamu mangaradot nasa ulaon hombar tu Aturan
dohot Peraturan ni Huria Kristen Batak Protestan, songon naung binegemuna
nangkin? Molo songoni rohamuna dok hamu ma alusmuna:
Pdt. Parulian Sihotang, S.Th: Na olo do ahu, sai didongani jala dipargogoi Tuhan i
ma ahu patupahon saluhutna i.
Praeses : (Huhut masijalangan): Hamu Pdt. Parulian Sihotang, S.Th; ahu Praeses
Huria Kristen Batak Protestan (HKBP) Distrik XVII IBT, mangojakhon hamu
gabe Pandita HKBP Ressort Malang on; marhitehite goar ni Debata Ama
dohot goar ni AnakNa Tuhan Jesus Kristus dohot goar ni Tondi Parbadia. Sai
dipargogoi Tuhanta ma hamu mangulahon ulaon i; asa marsangap Debata
marhitehite panghobasionmuna jala las roha di Huria i. Didongani jala
dipargogoi Tuhanta ma dohot Inang br Sitorus patulushon ulaon i.
6. Pasahathon tu huria
(Pandita dohot Inanta humusor mangadophon ruas)
Praeses: Hamu Huria ni Tuhanta na sa-Ressort Malang on! Jangkon hamu ma
Panditanta di bagasan dame dohot las ni roha. Saluhut ma hamu
tumangianghon nasida jala mangurupi nasida saleleng mangula di Huria on.
Sada ma rohamuna pasauthon nasa ulaon di Huria. Jangkon jala tangiangkon
hamu ma dohot keluarga nasida.
Huria: Hujangkon hami ma hamu Panditanami, Pdt. Parulian Sihotang laho
manghobasi Ressort on, jala hutangianghon hami ma hamu, asa tongtong di
bagasan las ni roha mangula di Huria dohot Ressort on, asa lam marsangap
Debata jala lam tamba pasupasu ni Tuhanta di Huria on.
Praeses : Martangiang ma hita
Ale Debata Amanami, marhitehite Jesus Kristus Tuhannami, Raja jala
nampuna huria i. Mauliate ma rohanami tu Ho jala pujionnami do goarMu
ai ndang dipaloas Ho huriaMi so marparmahan, alai sai dipabangkit Ho do
angka naposoM na burju jala na olo suruonMu mamaritahon hataM. Nunga
dipaojak Ho Amanami Pdt. Parulian Sihotang, S.Th, gabe Pandita Ressort di