PARTURE NI PARMINGGUON DI PESTA

PARJOLO PARNINGOTAN HASASAOR NI

TONDI PARBADIA
DOHOT
PESTA ZENDING-PEKABARAN INJIL HKBP

 Ev: Rom 8: 9 – 11  Ep: Kolosse 3: 5 - 11

TOPIK: TONDI PARBADIA NA PANGOLUHON

HURIA KRISTEN BATAK PROTESTAN

9 JUNI 2019
1. JOUJOU PARSOMBAON TU DEBATA:
U : Huria ni Tuhanta, na marpungu do hita nuaeng huhut marlas ni roha
mamestahon: HASASAOR NI TONDI PARBADIA. Songon naung niuarihon
Tuhan Jesus: “Jala pangidoonku ma tu Ama i, asa dilehon tu hamu sada
Pangondian na asing, asa I mandongani hamu salelengna i. I ma Tondi
hasintongan i, na so tarjalo portibi on, ai ndang diida jala ndang ditanda;
alai ditanda hamu do Ibana, ai na rap ma Ibana dohot hamu jala di
bagasan hamu ma Ibana” (Joh. 14: 16 – 17).
R : Pinuji ma Tuhanta naung pasaorhon Tondi Parbadia tu hita.
U : Topik ni minggunta sadari ima: TONDI PARBADIA NA PANGOLUHON.
Anggiat ma marhite pesta hasasaor ni Tondi Parbadia sadari on, lam
mangolu ma haporseaonta asa tarpatupa hita hombar tu lomo dohot asi
ni rohaNa.
R : Ale Tondi Parbadia, ro ma Ho tu hami asa mangolu hami hombar tu
lomoM.
U : Laos di bulan Juni 2019 on ima PESTA ZENDING – PEKABARAN INJIL
HKBP. Marhite Pesta Zending Pekabaran Injil HKBP on, dalanta ma on
sude ruas dohot parhalado laho marningot, manangianghon dohot
mangulahon Ulaon Marturia marhite bulan Zending – Pekabaran Injil
HKBP na tinotophon ni HKBP ganup taon.
R : Ale Tuhan pasupasu ma ulaon Zending ni huriaM HKBP.
U : Antong andorang so bongot hita tu parsaoran na badia rap dohot
Debata di tongatonga ni huriaNa martangiang na hohom ma hita dalan
pahibulhon roha dohot pingkiranta.
(Martangiang na hohom, manghuling musik angonangon BE.No. 462
sa ayat)
Tapangiar ma soaranta mamuji Debata marhite na marende sian BE.
No. 102: 1 - 3.
2. MARENDE BE No. 102: 1 – 3 “O Tondi Parbadia I Bongoti” BL. 206
 O tondi Parbadia i, bongoti rohanami be, ro, Sipatiur roha!
O sondang sian Surgo i, sondangi rohanami be, tu halalas ni roha!
2|Biro ibadah Musik HKBP
 Asa masa patupahon pinodahon ni hataMu, sai tu hami ma rohaMu.
 Ho do silehon roha i di nasa na porsea i, tumpahi rohanaMi!
Patogu rohanami be, pasar hataM tu sasude sai tong dongani hami!
On pe sude, parrohahon, hatuaon lehononMu, Sipujion do goarMu.
--- Musik ---(JONGJONG)
 Sai pargogoi ma hami on mangihutihut hataM on di pardalanannami.
Haporseaonnami pe tambai tung masa aha pe na bernit taononnami.
Tatap, tatap sude hami, rohanami pasonangkon, Hajolmaon
hamonangkon!
3. VOTUM – INTROITUS – TANGIANG:
U : Marhitehite Goar ni Debata Ama dohot Goar ni AnakNa, Tuhan Jesus
Kristus dohot Goar ni Tondi Parbadia, na tumompa langit dohot tano on.
Amen. Sian Sion, situan ni hinadenggan, marsinondang Debata.
R : Sai na ro do Debata, jala ndang tagamon hohom Ibana.
U : Ai songon on do didok Jahowa: UsehononKu ma aek tu angka na mauas
dohot angka sunge tu na mahiang. UsehononKu ma tutu TondingKu tu
pinomparmuna nuaeng jala pasupasungKu tu pinomparmu sogot.
R : Jahowa do Debata, jala Ibana manondangi hita.
U : Tambathon hamu ma angka pelean pesta i sahat ro di angka tanduk ni
langgatan. HALELUYA.
R : [mangendehon]: Haleluya, haleluya, haleluya.
U : Martangiang ma hita! Ale Tuhan Jesus. Hudok hami mauliate tu Ho sian
nasa rohanami, ala di paojak Ho huriaM di tano on, jala ala dohot hami di
jou Ho tusi. Sai suru ma Tondi Parbadia tu rohanami, asa tung
huparhatopot hami Ho hangoluannami, asa lohot tu Ho hami marhitehite
haporseaon na sintong, jala asa tongtong huhalashon hami pasangaphon
GoarMu, na tarpuji ro di salelenglengna. Amen.
(Hundul)
4. MARENDE BE. No. 462: 1 + 3 “Ale Tondi Porbadia” BL. 311
 Ale Tondi Porbadia, sai songgopi hami on.
Rohanami ma paria lao mamuji Ho tongtong.
3|Biro ibadah Musik HKBP
 Ho tongtong, Ho tongtong, lao mamuji Ho tongtong.
 ApiM i sai lam pagalak, sondang di na holom i.
Asa las, tiur ma halak. Lam pita huriaM i.
Lam pita, lam pita, lam pita huriaM i.
5. P A T I K:
U : Tangihon hamu ma Patik ni Debata, i ma na tarsurat di Rom. 12: 11,
songon on ma didok disi: Unang sumurut ringgas ni rohamuna.
Partondi na girgir ma hamu. Oloi hamu ma Tuhan i. Antong, rap
mangido gogo ma hita tu Debata!
R : Ale Tuhan Debata, sai pargogoi ma hami mangulahon na hombar tu
PatikMi. Amen
6. MARENDE BE No. 464 : 1 – 2 “Huboan Ma Diringku” BL. 313
 Huboan ma diringku, Tuhan hibul tu Ho.
Ai au do tinobusMu, umbaen tarbaen au ro.
Pagalak ma rohangku, dison managam, au.
TondiM i ma suru, na boi manggomgom au.
 Ho sipalua ahu, sun hinagogoM i.
Hatam do huhaposi na so boi muba i.
Pagalak ...
7. SORI NI NGOLU DOHOT MANOPOTI DOSA:
U : Ditumpahi jala dipasupasu Debata do angka Parbarita Nauli na bongot tu
Tano Batak di taon 1824 jala lam mangerbang ma panghobasion Zending
sahat tu tingki on na mamboan angka jolma gabe porsea tu Tuhanta Jesus
Kristus Sipalua i. Marsaringar do Hata ni Debata nang tu angka houm na
adong di Indonesia on dohot tu ruar ni Indonesia marhite na pinaborhat
ni Hurianta HKBP angka parhobas Zending, Pandita Batak manopot dohot
mamaritahon Barita Nauli tu angka na so porsea dope dohot angka naung
taruli di di Barita Nauli (naung Kristen), na so tuk dihobasi Huria manang
Ressort alani inganan na mansai dao.
Sahat tu taon 2019 on adong 14 Pos Zending Pekabaran Injil ima di daerah
Bengkalis, Meranti, Siak, Pemayungan Jambi dohot di Sungai Petani
Kedah Malaysia. Na rap dope dihobasi Distrik dohot Biro Zending

4|Biro ibadah Musik HKBP

 godangna 16 Huria ima di Pulau Enggano, Pulau Rupat, Pasir Pangaraian,
Inhu Air Molek dohot Tobasa. Tangiangta asa tumibu bolas i gabe Huria
manang Ressort na manjungjung baringinna di dana, panghobasion
dohot parhobasna, asa boi muse hurianta borhat marzending tu inganan
na asing na mansai torop dope boanon ni hurianta mananda Tuhan Jesus
Kristus.
R : (Mangendehon angonangon) BE. No. 143:1 “Jerusalem, Jerusalem” BL.
171
 Jerusalem, Jerusalem, na timbul nahinan!
Na dipatimbo Debata Ho ro di langitan.
Nuaeng marserak pangisim, huhut magargar ho,
Jerusalem, Jerusalem hutatangisi ho.
U : Godang na i dope angka sihobasanta, na tarpaima di haroronta marhite
panghobasion ni huriaNa tu angka buruh pabrik na adong di Indonesia
on, di Malaysia dohot na asing. Marragam parsorion nasida alai ndang
adong na mangobasi nasida songon birubiru na lilu so diboto tu dia
mangalualu. Angka Mahasiswa/Pelajar di angka na marserak i na borhat
sian bonapasogit laho mangalului parbinotoan. Nunga di dia nasida
nuaeng? So tung do laos songon i nasida ndang marparmahan gabe laho
tu haporseaon na asing? Nda ulaonta do mamparmahan nasida?. Suang
songon i nang angka angka parbenca, angka panangkarnangkar, angka na
ginosagosa, angka na pinaburuburu ala ni hasintongan dohot lan angka
na asing dope sihobasan ni huriaNa.
R : (Mangendehon angonangon) BE. No. 143:2 “Jerusalem, Jerusalem” BL.
171
 Girgir najolo parendem mamuji Tuhan i,
Alai nuaeng sai marsak do sude anakkonmi.
Na hundul ho di orbuk i sai mangandungi ho,
Jerusalem, Jerusalem hutatangisi ho.
U : Marsak do hita mamereng portibi on na so mamparrohahon haulion na
tinompa ni Debata. Tombak na lam suda, alogo pe nunga lam kotor,
suang songon i nang angka sunge, tao nang laut. Ala ni hamongkuson ni
jolma, so disarihon be angka sundut na parpudi. Lam godang ma angka
5|Biro ibadah Musik HKBP
 sahit ala nunga sega portibion. Bereng ma Tao Toba na uli na jolo alai
nuaeng nunga lam sego. Hau nunga lam suda, matorban ma angka dolok,
tao i lam rotak jala dorum alana ni angka jolma na holan mamingkirhon
dirina sandiri. Asa di TAON PARASINIROHAON on tarjou do hita
marbarita Nauli tu nasa na tinompa asa parjambar di bagabaga ni Tuhan
Jesus na mandok: “Laho ma hamu tu liat portibi on; jamitahon hamu ma
barita na uli tu nasa na tinompa” (Markus 16: 15).
R : (Mangendehon angonangon) BE. No. 143: 3 – 4 “Jerusalem, Jerusalem”
BL. 171
 Jerusalem, Jerusalem! Ro di na mulak ho,
Pasangap birubiru i naung dibolongkon ho;
Ro di pananda ni roham, di na tinullangMi,
Jerusalem, Jerusalem ho tatangisanki!
 Jesus, tatap ma bangsoM na tong marserak i, --Jongjong--
Rohana na tongtong holom, sondangi ma muse;
Sungguli Israel sude na manundalhon Ho
Jerusalem, Jerusalem hutatangisi ho!
U : Matangiang ma hita. Ale Debatanami, na marasiroha jala na badia,
Amanami, marhitehite Tuhan Jesus Kristus! Manang piga hali hami ro tu
joloM, huhilala hami, ringkot do asi ni rohaM di saluhut hami halak
pardosa. Ala ni i do umbahen na hupaserep hami dirinami sadari on di
joloM, jala huparhatopot hami, tung na jotjot do hami manimbil sian
angka dalanMu na badia songon birubiru na lilu. Sai unang pabali hami
sian joloM ala ni dosanami i, ai ndang dihalomohon rohaM hamatean ni
angka pardosa, alai hamubaon ni rohana do lomo ni rohaM, asa mangolu.
Sesa ma saluhut hageduhonnami dohot pangalaosionnami marhitehite
pangulunami na sasada I, AnakMu Tuhan Jesus Kristus. Sai pahot ma asi
ni rohaM di hami marhitehite panindangion dohot hagogoon ni Tondi
Parbadia asa tarapul situtu rohanami manjou Ho, asa pantun, tigor jala
daulat hami marpangalaho, bahen hasangapon di GoarMu na badia i.
Amen.

R : (Mangendehon angonangon) BE. No. 121:2 “Jesus Raja Ni Huria” BL. 97

6|Biro ibadah Musik HKBP
  Sai pauli huriaMu, asa lomo ni rohaMu
Jumpang ho di ruasMi angka na serep marroha,
Na magigi mida dosa, Ho ditiru sasude, Ho ditiru sasude.
U : Bagabaga ni Debata taringot tu hasesaan ni dosanta. Ro ma hamu, asa
mangolu tondimuna, ninna Tuhan Jahowa. Tung sura rara dosamuna
songon abit bunga dapdap, bontar do bahenonku songon itak; nang pe
rara songon abit hasumba, gabe songon hapas do muse. Hasangapon ma
di Debata na di ginjang!
R : Amen. (hundul)
8. MARENDE BE No. 106 : 5 – 6 “Ale Tuhan Amanami” BL. 176
 Patandahon ma tu ahu dosa na buni dope
Angka na paholang ahu sian Debata tahe
Asa topotanku i tu Tuhanku Jesus i,
jala au paluahonNa Sian dosa saluhutna.
 Tondi, sai ajari ahu jala togutogu ma.
Asa au marpangalaho na badia na tama.
Sai paburju rohangkon mangoloi hataM tongtong.
asa molo ro ajalhu sahat tu ingananMu.
9. E P I S T E L:
U : Hata ni Debata turpuk di pestanta sadari on ima na tarsurat di Surat ni
Apostel Paulus tu huria Kolosse 3: 5 – 11. Tajaha ma marsingkot sorin:
Antong, bunu hamu ma ruasmuna, angka na di tano on: parmainanon,
hahodaron, riting ni roha, hisaphisap na roa, ro di pangahution, i ma
pardebataon na leban.
R : Ala ni angka i do lalu rimas ni Debata.
U : Diulahon hamu do angka i najolo, tagan di bagasan i ngolumuna. Alai
anggo nuaeng, bolongkon hamu ma saluhutna i: Rimas, muruk,
hajahaton, panginsahion hata barangsi sian pamanganmuna!
R : Unang ma masigabusan hamu,

7|Biro ibadah Musik HKBP

 U : Ai nunga ditanggal hamu jolma na buruk i rap dohot angka parulaonna,
jala nunga disolukkon hamu na imbaru i, na pinaimbaru, asa tandaonna
rupa ni na tumompa ibana.
R : Ndang mardiaimbar disi Junani manang Jahudi,
U : Na marsunat manang na so marsunat, bangso na leban manang bangso
na so maju dope, hatoban manang anak mata; Kristus i do tahe
saluhutna jala di bagasan saluhutna. I do sahatna. Martua do angka na
tumangihon Hata ni Debata, jala na umpeopsa. Amen.
10. MARENDE BE No. 467 : 1 + 3 “Asi Ni RohaM Hupuji” BL. 315
 Asi ni roham hupuji ala Ho manobus au.
Dipaias Ho rohangku, gabe soranganMu au.
IngananMu rohanami, TondiM i manggohi i.
Pangke dohot ngolunami gabe ulaulaM i.
(Jongjong)
 Naeng huhatindangkon hami hagogoonMi tongtong,
Paluahon na mardosa, nang parjahat na bolong.
IngananMu ...
11. MANGHATINDANGHON HAPORSEAON:
U : Rap ma hita manghatindanghon haporseaonta i songon
panghatindanghonon ni donganta sahaporseaon di sandok portibi on,
rap ma hita mandok.
R : Ahu porsea ... (Hundul)

12. K O O R:
13. TINGTING DOHOT TANGIANG PANGONDIANON:
14. K O O R:
15. MARENDE BE No. 640: 1… “Haholongon Sian Ginjang” BL. 640 (Papungu
Pelean Ia + Ib)
 Haholongon sian ginjang las ni roha na hot i.
Tumpal ni asi ni roha sai bongoti rohangki.
8|Biro ibadah Musik HKBP
 Jesus na gok asi roha dohot haholongon i,
baen malua baen martua hami na tahutan i.
 Lehon tondi haholongon tu parroha na bojok.
Bagabaga hadameon sahat baen tu hami on.
Jesus Alpha nang Omega bona ni haporseaon,
Sai padao ma angka dosa sai palua hami on
------------ M U S I K --------------
 Sipalua na sun gogo lehon tu au ngoluM i.
Ro ma ho sai marsihohot mangingani joroM i,
Asa Ho husomba hami raphon pardisurgo i;
Rap mamuji mangoloi Ho di hasangaponMi.
 Sai pasingkop tinompaMu, lam pita baen hami on.
Haluaon na sumurung lehon ma tu hami on.
Boan hami tu na uli di banua ginjang i.
Paima Ho pujiannami salelenglelengna i.
------------ M U S I K --------------
16. J A M I T A: Rom 8: 9 – 11
17. MARENDE BE No. 133 : 1… “O Tondi Na Manggohi Roha” BL. 113
(Pelean II: Pelean tu tu Ulaon Pekabaran Injil/Zending)
 Tondi na manggohi roha ni panindangi na parjolo i,
Na so dung olo marnaloja mangalo musu ni Tuhanna i.
Sungguli dohot rohanami on, mamaritahon Jesus i tongtong.
 Anggiat apiM i ma galak, marlojong tu saluhut bangso i!
Jahowa, sai paborhat halak, na burju manghatahon hataMi.
Sai tatap lambas ni gotilon i, ianggo naposoM otik do i.
------------ M U S I K --------------
 AnakMu do na mangajarhon, tu hami hata pangidoan i.
Torop na ringgas marjamita, Manogu halak tu gomgomanMi.
Taluhon ma sibolis i tongtong, parata ma hataM di tano on.
 Antong torop ma baen Pandita, na sai tongtong digohi TondiM i,
Huhut na ringgas marjamita, Manogu halak tu gomgomanMi.
Taluhon ma sibolis i tongtong, pararat ma hataM di tano on.
------------ M U S I K --------------

9|Biro ibadah Musik HKBP

  Urupi hami sian Sion, sai suru Tondi Parbadia i,
Lao paluahon hajolmaon, hombar tu na pinarbagahonMi.
Sondangi ma sandok portibi on, pasiat, ma hataM di tano on.
 Sai loas ma hatop mardalan, hataM, manggohi liat tano on.
Naeng songon na marhabanhaban, parbegu masuk tu huriaM
on.
Sungguli dohot Israel sude ro mandapothon huriaM muse!
------------ M U S I K --------------
 Pauli Sion na marumpak, padao na tau mangambat hataM i;
O Tondi, ro ma Ho manumpak, ulaon ni sude naposoM i.
Tongtong paias porlak anggurMi, ai naeng ramos do parbuena i.
 Sai tatap nasa parguruan, inganan ni TondiM ma baen sude;
Lopokkon hata hangoluan tu roha ni parguru i sude
Sai lehon guru angka na burju, parroha pangondian situtu.
------------ M U S I K --------------
18. PARSURUON:
U : Hamu angka dongan na hinaholongan, saleleng di portibion hita sai
rongom do angka parungkilon, haporsuhon dohot sitaonon manosak
ngolunta. Manahan ma hita mangadopi saluhutna i marhite na
marningot Ai dilehon Debata do tu hita tondi hagogoon, tondi
haholongon, tondi pangarajaion diri, ndada tondi hatahuton.
R : Ale Tondi Parbadia, gohi ma hami marhite ApiMi asa gabe partondi
holong hami maradophon na humaliang.
U : Pesta Parningotan Hasasaor ni Tondi Parbadia sadari on paingothon
asa borhat hita gabe sitindangi ni Barita Nauli i songon tanda naung
di hita silehonlehon ni Debata ima Tondi Parbadia i. Borhat ma hamu
ai didok Tuhanta do: “Alai jaloonmuna do hagogoon ni Tondi Parbadia
na songgop tu hamu, gabe sitindangingku ma hamu di Jerusalem
dohot di sandok Judea dohot di Samaria, sahat ro di ujung ni tano on”.
R : Ale Tuhan Debata, paborhat jala pargogoi ma hami tu portibi on laho
manondangi portibi on.

10 | B i r o i b a d a h M u s i k H K B P
 U : Ingot hamu ma mansai godang dope sihobasanta marhite ulaon
Zending HKBP tu angka na so porsea dope di Tuhan Jesus di angka
pulo, marga dohot hom na masihol di asi ni rohaNa, suang songon i
naung porsea. Tu angka ina, ama, naposobulung, enterenter dohot
angka dakdanak. Tu angka buruh dohot mahasiswa. Angka na
ginosagosa, angka na pinaburuburu ala ni hasintongan, angka na
pinabiarbiar ni portibi on dohot tu angka na tinompa. Tuhan Jesus
mandok: “Laho ma hamu tu liat portibi on; jamitahon hamu ma barita
na uli tu nasa na tinompa”
R : (Mangendehon) BE. No. 517: 3 – 4 “Di Dia Angka Jolma” BL. 354
 Dison do au o Tuhan, sai suru dohot au,
Manjou angka jolma, na tongtong mandaodao.
Hulehon ma gogongku nang tingkingki di Ho,
Paima mulak dongan ndang olo au be so.
 Dilehon Ho hosaMu manghophop hami on.
Tung patut huseahon nang dohot ngolungkon.
Humophop angka dongan na so mananda Ho,
Na mian di arsakna naeng luluanku do.
16. Tangiang Pelean - Tangiang Pesta Haroro Ni Tondi Parbadia – Tangiang
Ale Amanami - Pasupasu - Mangendehon : Amen – Amen - Amen.

11 | B i r o i b a d a h M u s i k H K B P
12 | B i r o i b a d a h M u s i k H K B P