PARTANGIANGAN BONA TAON marnamontok i, i do pasadahon hita salelenglelengnai.
HKBP BONANG INDAH - Wijk V Medang Lestari
MINGGU, 12 Januari 2014
Thema : “Ai ida ma sai na dongananKu do hamu…”
(Mat. 28: 20b)
U: Uluan, A: Ama, I: Ina, S: Sude ruas
01. Marende BE No. 70: 1 – 2, “O Jesus Sipangolu au”
Naung salpu taon na buruk i, Ho ma hupuji Tuhanhi
(Ai diramoti Ho tongtong, tondingku dohot dagingkon 2X)
O Jesus sai asi rohaM, paian denggan ni basaM
(Muse di taon na’mbaruon di nasa huriaM tongtong 2X)
02. VOTUM – INTROITUS – TANGIANG
U: Marhitehite Goar ni Debata Ama dohot Goar ni anakNa, Tuhan Jesus
Kristus dohot Goar ni Tondi Parbadia, na tumompa langit dohot tano on
S: Amen
U: Ai munsat pe angka dolok, jala humuntal angka robean, alai anggo
asiasingKu na so tupa munsat sian ho, jala padan ni hadameonKu na so
tupa humordit, ninna Jahowa siasi i ho. Amen. Martangiang ma hita:
Ale Jahowa Debata nami, sitompa jala si ramoti hami. Tama do hami sude
ruas ni huriaM namaringanan di Wijk V Medang Lestari, pasahathon
pujipujian dohot hamauliateon ni roha nami tu Ho, marningot saluhut asi
ni rohaM dohot denggan basaM na patariparhon hami tu taon 2014 on.
Ho do na paluahon hami sian ragam ni angka parmaraan, dohot naung
mangalehon ragam ni pasu-pasu saleleng taon na salpu i. Antong nang di
bagasan taon 2014 on pos situtu do roha nami di pangaramotion ni
tanganMu do hami saluhutna ruas ni huriaM, ala ni asi ni rohaM di
bagasan Jesus Kristus Tuhan nami. Amen.
03. Marende BE No. 565: 1, 4 “Las Rohangku Lao Mamuji”
Las rohangku lao mamuji Debata parholong i, songon bunga na
Mangerbang di na binsar ari i, arsak dosa haporsuhon mago
Dibaen asiMi. Las ni roha na manontong lehon di au Tuhanki
Rap ma hita mangendehon sangap di GoarNa i, tapangiar
soaranta lao mamuji Tuhan i, sun do holong ni rohaNa na so
04. Refleksi Bona Taon
U. Ganup tapatupa partangiangan Bona Taon adong na ingkon ingotonta:
Parjolo; mangarahon hita manaili tu pudi, tu taon 2013 naung tasalpuhon i,
marningot saluhut angka pangulaonta, dohot mangarimang-rimangi saluhut
pambahenan ni Debata dingolunta be. Tontu godang do angka na masa naung
tabolus, boi do i sada keberhasilan, alai boi do i nang angka kegagalan. Boi
do angka las ni roha. Alai boi do i nang angka arsak ni roha. Alai disaluhut
na i dia ma sidohononta!
A: Aut alusangku Debatangku, ra tung maila au disi marningot salpu ni
rohangku dohot sude parangeku. Alai di saluhut na i basa do Debata
diparmudu do ngolungku dohot pangisi ni jabungku
I: Godang ma tutu na masa dingolungku, jala marsoringsoring do angka na
masa, alai disaluhutnai huhatindangkon do Jahowa Siparmahan au.
A. Molo boi husalpuhon hami taon 2013 i, ndada alani gogo dohot malo nami,
alai tung huhatindanghon hami do, Jahowa do margogoihon hami mandalani
taon na salpu i
I. Molo huingot hami do angka hamaolon ditaon na salpu i, ndang ditagam roha
boi malua sian hamaolon i, alai tupa do saluhutna jala boi hu hamonanghon
hami. Alani ni i, on ma panindangion nami: “Jahowa do mandongani hami”
S. Pinuiji ma Debata di bagasan Jesus Kristus, naung mandongani hami manipat
di bagasan na sataon bolon i. Jala saluhut na masa ditaon na salpu i, tabahen
ma i laho pajonokhon diri tu Debata.
U. Paduahon, Partangiangan Bona taon mangarahon hita manatap tu jolo, tu
taon 2014 naung di basa-basahon tu hita. Tontu ndang taboto dope rumang ni
taon on. Alani i tapangido ma tu Debata asa dipargogoi hita mamolus taon
on.
S: Mangendehon BE.501 Logu.341 : Sai ditogutogu Jesus.
Sai diiringiring Jesus au na gale situtu.
Ditungkoli do langkangku, diparmudu au burju.
Molo loja au mardalan, nang maheu tondingki
:,: LehononNa aek na tio sian batu mamak i :,:
U. Antong di bagasan pos ni roha ma hita mandalani taon 2014 on, ai didok
hata ni Debata do: Unang ho mabiar, ai ahu do donganmu, unang biahaton
 ho, ai Ahu do DebataM, Ahu margogoihon Ho, huhut mangabing ho marhite
siamun ni hatigoranKu.
S Mangendehon BE 753: 1 “Dipardalanan Jesus di jolongku”
Dipardalanan Jesus di jolongku, holong ni tanganMi, manogu au,
Nang dingolungku Ho do sombaongku, tung sonang mardalan rap hon au
Huboto do tangkas panoguonMu, diiringiring Ho do langkangki
Sahat ro di ujung ni pardalanku, togu ma au jonok tu lambungMi
05. Majaha Hata ni Debata (Epistel) Josua 1: 8 – 9
06. Marende No 69: 1, 3 “Ungkap bahal na umuli”
Jesus sai urupi hami dohot di taon baru on.
Paimbaru gogo name mangihuthon Ho tongtong,
Pasu-pasu ma muse na porsea sasude
Taon parasinirohaon, baen di au sandok taon on,
lam pahot ma hasesan ni dosangku di au on,
Holan Ho do Jesuski tuk pasaehon dosangki
07. Tangiang Pangondianon;
08. Marende BE No. 743: 2 “O Tuhan togu-togu ma au”
Panghulingi ma au o Tuhan, na rade tumangihon hataM,
Sai tumpahi ruasMu Tuhan, na uasan nuaeng di hataM,
Sai patau ma au on NaposoM, manjou Halak na dao sian Ho,
Ro di na so tumanda Ho muba gabe pangoloi di Ho
9. Jamita
10. Marende BE No.672: 1 + 3 “Tung godang situtu” (Pelean)
Tung godang situtu ulaonmu antong dipasahat Tuhanta tu ho
Ndang adong be tingkim marnalemba tahe ngolumi bahen tiruan tongtong
Reff: Sai patupa ma i alani Tuhan i so manghirim balosna tu ho
Debata do marnida na ni ulami, manang na adong parbueni i
Ala ni i boan ma sondang na tiur i, boan ma hata ni Tuhan i.
Sai urupi na pogos, namardangol i asa rot u Jesus Tuhanta i.
Reff: Sai patupa…
11. PARSURUON
U. Ai manang tudia pe ho Husuru, ingkon tusi ho laho, jala manang aha
hutonahon tu ho, ingkon i do hatahononmu
S. JADI NINGKU MA: DISON DO HAMI TUHAN, SURU MA HAMI
U. Ahu mamillit hamu, jala hupadiri hamu, asa laho hamu marparbue, jala asa
mian parbuemuna i
S. MARROHA HOLONG MA HITA, ALA IBANA JUMOLO
MANGHAHOLONG HITA
U. Ida ma, ndang olo nok mata, jala ndang olo modom anggo si jaga Israel
Jahowa do sijaga ho, Jahowa do parlinggomanmu.
S. Ndang tagamon doiton ni mata ni ari ho arian, manang bulan pe borngin nai
U. Antong di bona ni Taon Baru on tangihon ma hata ni Tuhanta na nidokNa tu
si Josua: Unang meret Buku Patik on sian pamanganmu, sai pingkirpingkiri
ma i arian dohot borngin, asa diradoti ho, jala dipatupa ho, hombar tu sude na
tarsurat di bagasan i, asa maruntung ho di angka dalanmu, jala marmulia
parulaonmu. Nda nunga hudok tu ho; Pir ma tondim, jala marsihohot! Unang
manonditnondit roham, jala unang tahuton, ai Jahowa Debatam do donganmu,
manang dompak dia pe ho mangalangka. Ida ma, sai na donganonHu do hamu
ganup ari, rasirasa ro ajal ni hasiangan on.
S. Mangedehon BE No 66: 1… “Debata baen donganmi”
Debata baen donganmi, lao mangula ulaonmu
Baen Ibana haposanMu, sai paserep rohami
Debata baen donganmi, Debata baen donganmi
Debata baen donganmi, molo Debata donganmu
Dang tarbaen ho be lilu, sai ture do langkami
Debata baen donganmi, Debata baen donganmi
14. Tangiang Pelean – Panutup (Pasupasu).
15. Acara Martaon Baru
16. Manaringoti angka naringkot tuangka panghobasion di huria