ACARA BONA TAON

PUNGUAN NAIMARATA
Dibagas Keluarga N. Pasaribu/ Br. Nainggolan
Huta Lumban Baringin
Minggu, 23 Januari 2022

I. KEBAKTIAN
1. Joujou tu Partangiangan: U = Uluan; S = Sude
U : Di hita saluhutna, Keluarga Besar Punguan Naimarata di Lumban Sinaga-
Simatupang on, na marpungu do hita nuaeng manghamauliatehon
pangiringiring ni Tuhanta di hita nang di punguan on, manipat sataon
bolon naung tasalpui i ima taon 2021. Nang pe godang angka hamaolon,
parungkilon nang parsahiton, alai boi do tabolus saluhutna i jala tolhas tu
taon na imbaru on ima taon 2022.
S : Mauliate ma di Ho Tuhan, na maniop partingkian dohot habaoran pasupasu.
Tarpuji ma goarMu dibahen sude angka pambahenanMu na denggan i di angka
ariarinami jala boi bongot tu taon naimbaru on.
U : Tapungka ma ulaonta dibagasan pamujion dohot parsombaon na
marhabadiaon tu joloNa, naung mangaramoti hita manalpuhon taon na
buruk i jala sahat mamasuhi taon na imbaru on. Martangiang ma hita
dibagasan rohanta be…… (hohom satongkin). Amen.. Tapuji ma Tuhanta.

2. Marende BE No 70: 1 + 2 “ Naung Salpu Taon Na Buruk I”

 Naung salpu taon na buruk i, Ho ma hupuji Tuhanki
Ai diramoti Ho tongtong tondingku dohot dagingkon
Ai diramoti Ho tongtong tondingku dohot dagingkon
 O Jesus sai asi rohaM, paian denggan ni basaM
Muse di taon na’mbaru on di nasa huriaM tongtong
Muse di taon na’mbaru on di nasa huriaM tongtong

3. Votum - Introitus - Tangiang

 U : Marhitehite goar ni Debata Ama, Anak dohot Tondi Parbadia na
tumompa langit dohot tano on.
S : Amen
U : Timbul do Jahowa, jala sipujion situtu, tung na so hadodoan do
hatimbulonna i, jala sude na marhosa mamuji goarMu na badia i.
S : Sai masitonaan do angka sundut papujipuji angka jadijadianMu
U : Jala masipaboaan do nasida dihagogonMu nasumurung i.
S : Sai papingkirpingkironku do hinauli ni hamuliaonMu na sangap i, dohot angka
barita halongangan angka na binahenMi
U : Jala pajojoronku do angka hatimbulonMu, di salluhut pomparanku.
S : Ingkon doras do pararaton parningotan ni denggan ni basaM na godang i
U : Jala marolopolop nasida mida hatigoranMi. Haleluya. Martangiang ma
hita; Ale Tuhan Debata pardengganbasa na sumurung. Hupuji jala
hupasangap hami ma goarMu disiala asi ni roha dohot panumpakMu boi
hami marhahipason mamasuhi taon parasian on na nilehon mu tu hami
Punguan Naimarata na adong di Lumban Sinaga-Simatupang nang
dihumaliangna. Alani sai tongtong ma dongani hami, asa lam tanda hami
angka ianakhonMu na dibagasan punguan on, jala lam marhasadaon hami
angka na mardongan tubu, na marhuhula-marboru, laho pahembanghon
punguan on, marhite saluhut kegiatan ni Punguan on di las ni roha nang
arsak ni roha, jala tarpuji goarMu. Lehon ma di hami hahipason na sian
Ho, asa lam margogo hami mandalani angka ariarinami. Tangihonma
tangiang nami marhite Jesus Kristus Tuhan jala sihophop hami. Amen.

4. Marende No 194: 2 – 3 “ Aut so Asi RohaM”

 Mauliate ma di Ho o Debata, ala basaM
Sibahen dalan i, marhite anakMi tu banuaM
 Anggiatma holong, rohangku sai tongtong, burju tu Ho
Sai dongananMu au, manang tudia au lao, sonang tutu.

5. Pujipujian di Pangaramotion ni Debata

 U: Puji hamu ma Jahowa, ai pardenggan basa do Jahowa, endehon hamu ma
goarNa, ai hasudungan do Ibana.
S: Ai anggo ahu, tangkas do huboto tung na timbul do Jahowa, jala Tuhanta i
mangatasi sude angka debata sileban.
U: Dakdanak ahu jolo, nunga pola matua ahu, ndang dung dope huida
tartading partigor manang mangidoido sipanganon pinomparna i.
S: Sai mardenggan basa do Ibana jala pasalihonsa ganup ari, jadi parhitean ni
pasupasu do pinomparna i.
U: Ai holong do roha ni Jahowa mida uhum jala ndang tagamon
tadingkononna angka na niasianna; sai ramotanna do nasida
salelenglelengna, alai anggo pinompar ni angka parjahat i siap do sogot.
S: Pardengganbasa do Jahowa disaluhutna, jala dilinggomi asinirohaNa do
jadijadianna saluhutna
U : Mandok mauliate sude jadijadianMu tu Ho ale Jahowa, jala dipuji angka
sundut na niasianMu do Ho.
S: Dibaritahon nasida do hamuliaon ni harajaonMu, jala diparhatopot nasida do
hagogonMu nasumurung i.
U: Sai pataridahon ma muse tu angka naposomon angka pambahenanMu
dohot hamuliaonMu na sumurung i. Hasangapon ma digoarMu na badia i.
Amen.

6. Marende No 123:2 “Ale Dongan Na Saroha”

 Tanda asi ni rohanna, na bagas na timbo i,
Tanda holong ni rohaNa, na so hadodoan i.
Di dongani Debatanta, Ama na sumurung i
Dohot Jesus pe Tuhanta, hita na porsea i
7. Tangiang Pangondianon :
8. Marende No 69: 1 “ Ungkap Bahal Na Ummuli”
 Jesus sai urupi hami Dohot di taon baru on
Paimbaru gogonami Mangihuthon Ho tongtong
Pasupasu ma muse Na porsea sasude
9. Renungan :
10. Marende No 122:1 -... “Ida Hinadenggan ni “ (Pelean)
 Ida hi na denggan i, angka na saroha i,
Parpambaenan na burju, nang hatana pe tutu
 Sai hushus uapna i,songon bunga bunga i,
Angka na tinompa i, pajengkarhon tano i
.....Musik....
 Diparbaga Debata, tu na marsaroha da
Pasupasu na godang ima roha na sonang
11. Parsuruon tu ngolu siganup ari
U: Nunga dibasabasahon Debata sada taon na imbaru dihita nang dipunguan
on, marhite na boi tapatupa Partangiangan Bona taon on. Tama do hita
mandok mauliate disiala saluhutna i, ai Ibana do na mangaramoti hita.
S: Debata ma donganta mandalani angka ariarinta,asa tongtong marhasadaon hita di
nasa ulaon di punguanta on jala lam marhabisuhon hita jala tau halomoan ni
rohaNa saluhut ulaonta i. .
U : Nunga tatangihon hata ni Debata, hataNa i ma na gabe sulusulu dohot
gogo di hita di na mandalanni angka ariarinta. Nangpe dijoloan on lam
borat tahilala parngoluanta molo marhasadaon hita jala pos ma rohanta,
Debata donganta, sai pargogoanNa do hita mangghamonanghon
saluhutna i.

12. Marende No 753: 1 “ Dipardalan Jesus di Jolongku”

 Dipardalanan Jesus dijolongku,Holong ni tanganMi manogu au
Nang di ngoluku Ho do sombaongku,Tung sonang mardalan raphon au.
Reff.... Huboto do tangkas pangouonMu, Diiringiring Ho do langkangki
Sahat ro di ujung ni pardalanku,Togu ma au jonok tu lambungMi,

13. Tangiang Ale Amanami – Pasupasu, Amen-Amen-Amen

14. Acara Ramah Tamah Diatur Tersendiri.