Tata Ibadah

Mamasuki Bagas
Keluarga

Kel. Daud Marojahan Ompusunggu / Solavide Br.

Simanullang

Pauli hamu ma angka

bagas, laos ingani hamu,
jala pungka hamu ma
angka porlak,
laos pangan hamu ma
parbuena.

Jeremia 29:5

Kamis, 13 Januari 2022

Jl. Merdeka Desa Wjik 3
Batang Toru – Tapsel.

I. Pengantar
 a. Marpungu ma sude keluarga dohot angka na niontangna di alaman ni
bagas i. Dungi marende Huria ma.
BE. No. 18 ayat 1. “Ungkap Bahal Na Ummuli”
♪ Ungkap bahal na ummuli, bagas ni Debatangki.
Ai tusi do ahu naeng muli, ganup jumpang minggu i.
Hulului do disi, bohi ni Debatangki.

b. Pengguntingan Pita na hinobasan ni nampuna bagas.

c. Dung sun pengguntingan pita, jaloon ni Pangula ni Huria ma anak hinsu
ni bagas i, sian pande bagas, dungi ungkaponna ma, jala dohononna :
Huungkap ma bagas on : Merhitehite Goar ni Debata Ama, AnakNa
Tuhan Jesus Kristus dohot Tondi Parbadia, gabe inganan
parmianan, pangalapan gogo, pasupasu huhut pasauthon angka tahi
na uli di keluarga :
Daud Marojahan Ompusunggu/ Solavide Br.
Simanullang
d. Masuk ma sudena tu bagas na imbaru i alai, jumolo ma nampuna bagas
dohot keluarga,
e. Dipatupa ma sipir ni tondi….Horas….horas…horas.
II. Ibadah
1. Marende BE No. 125 : 1 - 2 “Marlas Ni Roha Hita on”
♪ Marlas ni roha hita on, mamuji Debata
Ai asi ni rohana i do bongot tu rohanta i,
Umbahen nuaeng mardomu i,
Dison sadari on, dison sadari on.

♪ Dibahen i mangogo be ma hita on sude,

Mamuji Tuhan Jesus i parasi roha godang i,
Sibahen las ni rohanta i, nueang nang sogot pe,
Nuaeng nang sogot pe.

2. Votum – Introitus – Tangiang.

U: Marhitehite Goar ni Debata Ama, Anakna Tuhan Jesus Kristus
dohot Tondi Parbadia,
R: Amen
U: Molo so Jahowa paulihon bagas, loja sambing do angka na
mamandei.
R: Molo so Jahowa na marhal huta I, ndang marniula hadudungo ni
 parhal.
U: Pauli hamu angka bagas laos ingani hamu
R: Jala pungka hamu angka porlak, laos pangan hamu parbuena
U: Ari on do na jinadihon ni Jahowa, marolopolop jala marlas ni
roha ma hita disi
Nampuna Bagas :
Iale Jahowa sai manumpak ma Ho, Iale Jahowa sai
Ho ma mambahen manjadi
U: Mandok mauliate ma hamu di Jahowa, ai pardenggan basa do
ibanaai ro disaleleng ni lelengna do asi ni rohaNa.
Martangiang ma hita : Ale Tuhan Debata! Amanami parasiroha
na sumurung! Mauliate ma rohanami tu Ho ala ni godang ni asi ni
rohaM di hami. Diurupi ho do keluarga on laho paulihon bagas
on. Sian Ho do dijalo nasida angka silehonlehonMu umbahen sun
bagas on. Alani i hupasahat hami ma i tu Ho, asa Ho nampunasa,
asi ma rohaM sai topot ma bagas on. Parbadia i, jala patubegehon
ma hata hasintonganMi. Sai parmahani ma Amanami Daud
Marojahan Ompusunggu Inanami Solavide Br. Simanullang
dohot ianakhon nasida Debora Gratia Oppusunggu, Felix Gian
Ompusunggu sahat tu na marnini marnono. Tangihon ma
tangiang nasida jala pasupasu manang sadihari nasida marpungu
di bagas on, asi ma rohaM di hami naung hinophop ni AnakMu,
Tuhan Jesus Kristus Tuhan nami, amen.

3. Marende BE No. 470 : 1 – 2 “Jesus Ho nampuna au”

♪ Jesus Ho nampuna au, dohot na adong di au.
Gogo dohot hosangki, sahat ma tu tanganMi.
♪ Sai rajai ma matangki, manangkasi dalanMi.
Sai patinggil Pinggolhi tumangohon hataMi.

4. Manjaha Turpuk sian Psalm 128 : 1 – 6

U: Martua ma ganup na manghabiari Jahowa jala na marparange di angka
dalanNa i.
R: Sai panganonmu do na niula ni tanganmu, martua ma ho jala
sonang.
U: Tudoshon hau anggur na marparbue do ianggo jolmam di bagasan angka
bilut ni jabum, tudoshon tunas ni hau jetun do angka anakmu humaliang
mejam.
R: Ida ma, sai songon i do tongon dapotan pasupasu baoa na manghabiari
Jahowa
U: Sai pasupasuon ni Jahowa ma ho sian Sion, asa paidaidaonmu
 hinadenggan ni Jerusalem ganup ari seleleng ho mangolu.
R: Jala ingkon idaonmu do angka pahompum tubu ni angka anakmu.
Hasonangan ma songgop tu Israel.
U: Martua ma halak na tumangihon hata ni Debata jala na
umpeopsa, Amen.

5. Marende BE No. 758 : 1 “JAHOWA PANGURUPI”

♪ Jahowa pangurupi di siulaonmi.
Dilehon pos ni roha di ganup tingki i,
Nang pe sipata ganggu haporseaonmi.
Jamot tongtong Tuhanmu manjaga ngolumi.
6. Tangiang Pangondianon :
7. Marende BE No. 720 : 1 + 3 “NAENG MARSINONDANG NGOLUNGKU “
♪ Naeng marsinondang ngolungku, diigil Jesus i.
Manang didia pe ahu tongtong huingot i.
Reff : Tiur marsinondang, ido niigil ni Jesus.
Tongtong marsinondang, panondang do ahu tutu.

Tuhan Urupi ma ahu, sai jaga rohangki.

Asa marsinondang ahu, Ho naeng tiruonki.
Reff : Tiur marsinondang…..
8. Renungan
9. Marende BE No. 691 : 1 – 2 “HUPASAHAT MA TU JESUS” (P.P)
♪ Hupasahat ma tu Jesus, saluhutna ngolungki.
Roha nang pambahenanku, saluhutna tingkingki.
Reff : Hupasahat ma tu Jesus saluhutna diringki,
Hupasahat ma tu jesus saluhutna ngolungki.
Pangkeonku ma tanganku, mangula lomona i.
Langka nang simanjojakhu mangihuthon Tuhanki.
Reff : Hupasahat ma tu Jesus...

10. Tangiang Panutup – Pasupasu.

11. Acara Keluarga

Selamat Menempati Rumah Baru

Tuhan Yesus Memberkati