Martua ma na mate di bagasan Tuhan i.

†
Pendeta, Guru Huria, Segenap Majelis dan Jemaat
HKBP Padang Lancat Ressort Batang Toru - Tapsel
Mengucapkan
Turut Berduka Cita

Atas meninggalnya
Ibu Terkasih

Bangun Br. Lumban Tobing

( Op. Darmen Boru )

¤ 29 September 1926 † 15 Januari 2022

1
1. Marende No. 353 : 1,4+5 “ Di Surgo Hasonangan i “
Di surgo hasonangan i, inganan na dumenggan i.
Tusi naeng laho muli ahu, asa rap dohot Jesus ahu.
Na porsuk nang na bernit pe, mansohot ma di surgo i.
Disi so ada dosa be,mansohot nasa jea pe.
Ndang parmianan tano on, sai surgo i do na tongtong.
Ai rura partangisan on, di ginjang sonang rohangkon.

2. Mandok Hata : 1. Utusan Ruas & Parhalado.

2. Mangampu Keluarga.
3. Koor
4. Marende No. 836 : 1 “ Nunga Loja Ahu O Tuhan “
Nunga loja ahu o Tuhan, di siulubalang ari,
Naeng tumibu ahu pajumpang rap dohot Ho di surgo i.
Nunga bot mata ni ari, lam jonok nang ajalhi,
Nunga loja ahu o Tuhan, rade ma bahen ingananki.
5. Agenda.
Marhitehite Goar ni Debata Ama, Anak dohot Tondi
Parbadia, Amen. Didok Tuhanta Jesus Kristus : Ahu do
haheheon dohot hangoluan; na mangolu do na porsea di Ahu
nang pe mate ibana, jala ganup na mangolu jala na porsea di
Ahu, na so tupa mate ibana saleleng ni lelengna, Amen.
Martangiang ma hita : Ale Tuhan Debata Amanami na di
banua ginjang! Na so marmula na so marujung do Ho, jala na
so olo suda do anggo angka taonMu; alai lam moru, jala lam
suda do bohalnami di tano on, jala hatop do hami laho salpu
sian hasiangan on. Tangkas huhilala hami i di na paidaida
dongan nami Inanami : Bangun Br. Lumban Tobing naung
jinouM tu ari na so ra suda i. Nunga salpu ngoluna di tano on,
nunga ditinggalhon sude na pinarhamaolna i. Sai paingot ma
hami di hasusuda ni bohalnami, sai parrohai hami mamilangi
angka ariarinami, asa dapotan roha bisuk hami, anggiat
tarsunggul hami mamingkiri ujung ni langkanami sian tano
on. Pahot haporseaonnami tu Ho, asa marhiras ni roha hami
2
 muse maninggalhon pardangolan on laho mandapothon Ho.
Huhut sai asi ma rohaM, tatap, apuli, pargogoi sude na
tinadingkon ni Inanami : Bangun Br. Lumban Tobing on,
angka donganna, angka tondongna, ro di sude angka na
solhot tu ibana, asa unang mandele nasida di arsak ni roha
nasida on. Sai lam taiti jala togu roha nami on sudena tu Ho,
asa lam malungun hami di inganan na sonang na di
lambungMi, na pinadiri ni Tuhan Jesus di hami, Amen.
6. Marende No. 834 : 1 “ Na Masihol Do Rohangku “
Na masihol do rohangku tu na sonang i,
Tu inganan ni Tuhanta i.
Tano on ro di sude na pangisi na i, susa, sai susa rohangki.
Reff. Marolopolop rohangki, di surgo, di na sonang i.
So ada na hurang, sabam, sonang rohangki.
Molo dung sahat ahu tusi.
7. Renungan
8. Marende No. 269 : 1 – 2.
Mardalan ahu saonari, tu hasonangan i.
Jumonok ganup ari, lam jumpang tingki i.
Sian nadao huida hatiuronNa i,
Sai sonang do nasida, naung tolhas ro tusi.
Godang do halilian, di tongan dalan i,
Hatop do au mardalan, tu hasonangan i,
Godang do hasusaan, na humaliang ahu,
Hubolus parmaraan, marningot Jesus au.
9. Agenda Manutup Batang.
10. Marende 335 No. 1
(Huhut ma ditutup batang jala laos diboan tu udean )
Loas au asa lao tu Jesusku tu na dao ;
Ai malungun do rohangku.
Mandapothon Debatangku,
;,; asa di lambung na au,;,;.

3
 ACARA PARBANDAAN
1. Marende No. 336 : 1 + 4.

Sonang ma modom ho na martua, na maradian sian sian ulaon.

Na niulamu di hajolmaon, jala na mangihut ho tu surgo.

Hamuliaon di Ho, O Debata, Ala pambahenmu di hami on sude,

Mate do hami ala ni dosa, Mangolu hami dibaen anakMu.

2. Agenda Penguburan.

3. Marende No. 338 : 1.

Hehe do muse pamatanghon sian tanoman on;

Suang mangolu bahenon ni Tuhanku, Haleluya ! Haleluya.

4. Mandabu Tano Keluarga.

5. Marende No. 347 : 1 + 3.

Sai masipaidaan do na porsea i, dung sahat be langkana.

Tu hasonangan i, tu hasonangan i, tu hasonangan i.

Sai masipaidaan ma hita on muse, di lambung ni Tuhanta,

Dung monang hita be, dung monang hita be, dung monang hita be.

6. Tangiang Panutup.

7. Marende No. 219 : 2 “ Ise do Alealenta “

Ise do allealenta, na so olo muba i ?

Aleale na sumurug, ima Tuhan Jesus i
Ai torop pe aleale na di hasiangan on,
Saluhhut na i mansadi molo mate daging on.

8. Mandok Hata sian keluarga.