Marlasniroha hita on, mamuji Debata. Ai asi ni rohaNa i do bongot tu rohanta i. Umbaen nuaeng mardomu i dison sadarion, dison sadarion. Alai taingot ma huhut mambaen sangap tongtong. Barita ni Tuhanta i marhite parangenta i. Di jolo ni donganta i, di atas tano on, di atas tano on. 2. Votum – Tangiang: U: Marhitehite Goar ni Debata Ama, Anak dohot Tondi Parbadia, sitompa langit dohot tano on. Amen. Jahowa do pargogongku dohot lombulombungku, marhaposan tu Ibana do rohangku, jadi dapotan pangurupion ahu, asa marolopolop ma rohangku jala pujion ni endengku ma Ibana. Haleluya. Martangiang ma hita: Ale Tuhan Debata, Amanami na marhabangsa di banua ginjang. Pujipujian, hasangapan dohot hamauliateon ma tongtong disombahon nasa rohanami tu adopan disiala denggan ni basaM dohot holong ni rohaM na tongtong paihutihut ngolunami sahat tu sadarion. Ale Tuhan Debatanami, mandok mauliate hami tu ho, ala tongtong didongani jala dipasupasu Ho ima dongannami Op. Dini br. Nainggolan sahat tu ari sadarion. Mangido hami, asa Ho ma tongtong mandongani jala mangaramoti nasida di pardalanan ni ngolunasida lumobi di hatutuanasida. Suang songon i nang angka pomparanna pe, sai Ho ma mangaramoti jala mamasumasu. Tangihon ma tangiangnami ala ni AnakMu, Tuhan Jesus Kristus. Amen. 3. Marende BE No. 28: 1 + 3 “Hata ni Jahowa” Hata ni Jahowa sipadame jolma, hangoluan i. Halalas ni roha, siapuli roha, ni na marsak i. Gogo ni Debatangki, paluahon na porsea, sian nasa jea. Hata hangoluan do nuaeng diboan parjamita i. Na lambok begeon, i nuaeng dilehon tu rohanta i. Hita on dijamita i, ai didokhon be do hita paubahon roha. 4. Turpuk: Jesaya 46: 4 “Sahat ro di hatutuamu sai tongtong do Ahu, jala ro di na ubanon sai Ahu do mangusung hamu. Ahu do mambahensa na sai laon, Ahu do mangompa, Ahu do mangabing jala Ahu paluahon nuaeng.” 5. Marende BE No. 221: 1 + 3 “Saleleng Jesushi” Saleleng Jesushi, na mandongani au. Maporus holsoholsongki, sai di Ibana au. Sai dipatongon au tu hasonangan i. diiringiring Jesus au, mardalan lao tusi. 6. Tangiang Pangondianon: 7. Marende BE No. 693: 1 – … “Jesus do Tuhan” (Pelean) Jesus do Tuhanhu Sihophop au on, Ibana do haposanhi. TanganNa na gogo manogu au on, patogu au di langkangki. Tuhanhu tongtong sumarihon au on, martua sonang tondinghon. Holong ni rohaNa pahisar au on, mardame tongtong rohangkon, mardame tongtong rohangkon. Jesus do Tuhan siramoti au on, na margogoihon diringkon. Nang gok parungkilon, godang na tinaon, sabam do dibaen rohangkon. Tuhanhu tongtong … d.u 8. Ale Amanami – Pasupasu: