ACARA PARTANGIANGAN PANGUJUNGI

HKBP DAME NAGATIMBUL

Selasa, 14 November 2023

JOUJOU TU PARSOMBAON
U : Horas ma di hita saluhutna...
Hamu angka dongan, huria ni Tuhanta Jesus Kristus! Mauliate ma tapasahat tu Tuhan
Debata na mangalehon hahipason di hita sahat tu tingki on. Tahaporseai do, molo so
Debata donganta, ndang manahan hita maralohon angka hamaolon na taadopi dibagasan
ngolunta on. Tongtong do hita diramoti Tuhanta i sahat tu pangujungi ni partangianganta
borngin on. Alani i, dipartangianganta bodari on tama ma tapasahat hamauliateon ni
rohanta tu Debata.
R : Mauliate ma rohanami di Ho ale Tuhan. Hot do holongMu dohot asi ni rohaM di
hami na hinophopmon sahat tu sadarion.
U : Naeng masuhanta ma parsaoranta dohot Debata. Taparade ma roha dohot pingkiranta.
R : Bahen ma Tuhan rohanami, bagas manjalo habadiaonMu
U : Bongoti ma habadiaon ni Debata, boan ma luhutna ragam angka na masa di ngolum.
Boan ma arsak dohot las ni roham tu adopan ini Debata!
R : Hupuji hami ma Ho ale Tuhan, na tongtong rade manjalo angka pardosa na olo ro tu
Ho. Nuaeng nunga ro hami on di bagasan unduk dohot serep ni roha.
U : Antong, Marende ma hita....
1. Marende BE. No. 464 : 1 – 2 “Huboan ma Diringku”
♫ Huboan ma diringku, Tuhan, hibul tu Ho, Ai au do tinobusMu, umbaen tarbaen au ro.
Pagalak ma rohangku, Dison managam au TondiMi ma suru na boi manggomgom au
Jongjong
♫ Ho sipalua ahu, sun hinagogoMi HataM do huhaposi, na so boi muba i. Pagalak ma
rohangku dison managam au TondiMi ma suru na boi manggomgom au
2. VOTUM-INTROITUS-TANGIANG
U : Marhitehite Goar ni Debata Ama dohot Goar ni AnakNa, Tuhan Jesus Kristus dohot Goar
ni Tondi Parbadia, na tumompa langit dohot tano on. Amen. Pinuji ma Tuhan i ganup ari,
ai ro di salelenglelengna do asi ni rohaNa.
R : Martua ma ganup na manghabiari Jahowa, na marparange di angka dalanNa.
U : Angka na marhaposan tu Jahowa, songon dolok Sion do nasida, ndang tagamon humordit,
hot do tahe ro di salelenglelengna.
R : Martua ma ganup na manghabiari Jahowa, na marparange di angka dalanNa.
U : Sai marhaposan tu Jahowa ma ho jala ulahon na denggan, inganhon ma tano i jala radoti
haburjuon.
R : Martua ma ganup na manghabiari Jahowa, na marparange di angka dalanNa.
U : Oloi hamu ma Jahowa marhitehite las ni roha, ro be ma hamu tu joloNa marhitehite
olopolop. Ai Pardenggasbasa do Jahowa, ro di salelenglelengna do asi ni rohaNa, jala
marsundutsundut do hasintonganNa. Haleluya! Martangiang ma hita Ale Tuhan Debata
Amanami pargogo naso hatudosan! Na badia do Ho, pardosa do ianggo hami. Mauliate ma
rohanami di Ho ala dilehon Ho dihami hahipason sahat tu pangujungi ni partangiangan
nami borngin on. Diondingi Ho do angka na marhaposan jala na maporus tu Ho. Alani i ro
hami tu Ho, mangasahon asi ni rohaM. Sai unang tulak hami sian joloM. Angkup ni i
lehon di hami roha na girgir tumangihon hataM, asa huboto hami mangulahon lomo ni
rohaM, alani AnakMu, Tuhan Jesus Kristus Tuhannami. Amen Hundul
3. KOOR : INA
4. Marende BE. No 190 : 1 + 3 “ Las Rohangku si Tutu”
♫ Las rohangku situtu mida Jesus na lulu, Manjalahi hajolmaon ai Ibana paluahon
Jolma manisia i sian hamagoan i
♫ Las rohangku situtu ai parjambar au tutu, di na denggan sasudena pinarbaga ni
Debata
Di sude na burju i mangihuthon Jesus i
5. Manjaha Epistel
U : Turpuk Epistel dipartangianganta bodari on ima na tarsurat di 5 MUSA 8 : 7 – 18
tajaha singkat sorin. Ai Jahowa, Debatam manogihon ho tu tano na denggan, tu tano na
marbatang aek, marmual dohot martao, angka na mabaor di rura dohot di dolok.
R : Sada tano hatubuan ni eme, jagung, hau anggur, hau ara dohot dalimo, tano na
marmiak Jetun, jala na marsituak ni loba.
U : Sada tano, na so pola marhangaluton panganonmu rotim disi, jala ndang hurangan ho
di manang aha; sada tano batuna do bosi jala sian dolokdolokna tarhali ho tombaga.
R : Ia dung mangan ho jala bosuran, ingkon pujionmu di Jahowa, Debatam, ala ni
tano na denggan, naung nilehonna i tu ho.
U : Antong ramoti ma dirim, asa unang lupa roham di Jahowa, Debatam, gabe ndang
diradoti ho angka tonana i, uhumna dohot aturanna, angka na hutonahon i tu ho
sadarion.
R : Asa unang ia dung mangan ho jala bosuran, jala dipauli ho angka bagas na uli
diingani ho.
U : Tole lombum dohot birubirum lam sinur do jala ganda perak dohot sere di ho, ganda
huhut saluhut na di ho.
R : Hape lam dipaginjang ho roham jala lupa ho di Jahowa Debatam, na manogihon
ho ruar sian tano Misir, sian bagas parhatobanan.
U : Ibana manogunogu ho di halongonan na bolon jala na jorbut, inganan ni ulok tulung
api dohot naga dohot hala, tano hasang huhut na so marisi aek; Ibana tahe paruarhon di
ho aek sian dolok batu na pir sahali.
R : Ibana mangalehon ho mangan Manna di halongonan, na so tinanda ni angka
ompum, asa Ibana paserep roham dohot mangunjuni ho, asa marhasonangan ho
bahenonna di ujung.
U : Asa unang dohononmu di bagasan roham: Gogongku sandiri dohot huaso ni tanganku
mangomo di ahu hamoraon on.
R : Ingkon paingotingoton ni roham tahe Jahowa, Debatam, ai Ibana do na
mangalehon gogo tu ho mangomo angka arta i, asa pahothon padanna naung
niuarihonna tu angka ompum, songon na andar sadarion.
U : Ido Sahatna “ Martua do angka na tumangihon Hata ni Debata, jala na umpeopsa”
U + R : Amen
6. KOOR : Remaja Naposo
7. Marende BE. No. 25 : 1 + 3 “HataMi Ale Tuhanku”
♫ HataMi ale Tuhanku Arta na umarga i, Sai paian di rohangku unang so hutiop i. Molo
so be sitiopan Hata na badia i. Aha nama haojahan Ni haporseaon i?
♫ Ale Jesus sai matahon Sai ramoti ma au on, Asa hot haporseaon Di bagasan
rohangkon
Sai paringgas ma rohangku Mangoloi di hataMi. Asa mauas di podaMu Songon si
Maria i
8. Tangiang sian Ruas
9. Marende BE. No. 186 : 1 – 2 “Jahowa do Haposanki”
♫ Jahowa do haposanki na mangapoi rohangku na patiurhon dalanki bulus dibaen
langkangku. Sonang tongtong Rohangkinon binaen ni Debatangku PatikNa do
lomongku
♫ Na tau haposan situtu Do Ho, o Debatangku ai Ho do na tongtong burju Mambaen
hangoluanku. Na gogo Ho Sai tulus do Sinangkap ni rohaMu. Pasaut na pinungkaMu
10. Tangiang sian Parhalado
11. KOOR : MANNEN
12. Marende BE. No 543 : 1 “Buni Bingkas ini HolongMi”
♫ Buni bingkas ni holong ni Tuhanta i di au. Ditobus dohot mudar i pardosa songon
au. Alai on do na huboto : Ditiop Jesus gomos tanganku, tondingku do diramoti
Rodi haroroNa i
13. JAMITA: JAKOBUS 1 : 22 – 25
14. Marende BE. No. 720 : 1 --- “Naeng Marsinondang” P. Pelean
♫ Naeng marsinondang ngolungku diigil Jesus i, manang didia pe ahu tongtong
huingot i. Tiur marsinondang ido niigil ni Jesus tongtong marsinondang
panondang do au tutu
♫ Ingkon hobas mangurupi, angka na gale i, Jala burju manghobasi songon Tuhanta
i. Tiur marsinondang ido niigil ni Jesus tongtong marsinondang panondang do au
tutu
♫ Tuhan urupi ma ahu, sai jaga rohangki asa marsinondang ahu, Ho naeng tiruonki.
Tiur marsinondang ido niigil ni Jesus tongtong marsinondang panondang do au
tutu
15. Tangiang Pelean – Ale Amanami