Jumlah yang mengikuti natal Remaja dan Naposo Bulung : ± 52 Orang

Jumlah Liturgi : 49 Liturgi

Prolog : Juliana Siallagan

LITURGI I PANOMPAON
PROLOG : Debata do na manompa portibion rodi saluhut isina. Saluhut na do ditompa Debata
marhite HuasoNa jala mansai uli dohot denggan do sudena. Parpesalmen mandok:
Martopaptopap do batang aek jala marsuraksurak do angka dolok laho mamuji denggan basa
dohot hamuliaon ni Jahowa. Tabege ma barita panompaon i.

(Daniel Sidabutar)
1. Johannes 1:1-3 “Di mulana i nunga adong Hata i, jala saor tu Debata do Hata i, jala Debata
do Hata i. I ma na saor tu Debata di mulana i. Saluhutna i marhite sian Hata i do, umbahen na
manjadi.”

(Ita Ambarita)
2. Psalmen 33:6 “Marhitehite hata ni Jahowa do manjadi angka langit, jala marhitehite hosa
ni pamanganna sude angka paranganna.”

(Junardin Halawa)
3. Psalmen 33 : 9 ; Johannes 1:4 “Ai mangkuling Ibana, gabe manjadi do, mandokkon do
Ibana, jadi jongjong ma. Di bagasan Hata i do hangoluan; laos hangoluan i do Panondang ni
hajolmaon.”

(Karlina Siallagan)
4. I Musa 1:27 “Dung di tompa Debata langit dohot tano rodi sude isina, jala ditompa Debata
ma jolmai tumiru rupaNa tudos pangalahoNa, rupana ditiruhon Debata laho manompa ibana,
baoa dohot boruboru nasida ditompa, jala diullushon tu bagasan ibana hosa hangoluan, gabe
martondi namangolu jolma i.”

(Franstama Zebua)
5. I Musa 1:28 “Dung i dipasupasu Debata ma nasida, ninda Debata ma tu nasida:
marpinompari ma hamu, asa sopar hamu, jala gohi hamu sandok tano on, jala patunduk hamu,
jala raja i hamu dengke angka na di laut dohot pidong angka na martongatonga langit ro sude
binatang, angka na manjirir di atas tano on.”

(Domitila Zebua)
6. Lukas 1:37 ; 18:27 “Ai ndang adong na so tarpatupa Debata. Na so tarpatupa jolma i,
tarpatupa Debata do.”

(Irfan Nainggolan)

1
 7. I Musa 1 : 31 ; 2 : 1-3 “Jadi dung sun dibahen Debata jadijadianna, maradian ma Ibana di
ari papituhon i. Di dipasupasu i, jala diparbadiai, ala na maradian Ibana disi sian nasa
jadijadianna. Asa sun ma langit dohot tano on ro di sude isina.

LITURGI II MADABU JOLMA I TU HADOSAON DOHOT BARITA LAS NI ROHA

PROLOG : Dia ma na hurang nanilehon ni Debata Jahowa tu jolma i...? Dilehon hangoluan, dilehon
pasupasu dohot denggan basa. Alai, jotjot do dang dipangke sipareonna i manangihon soara ni
Tuhanna, ndang sipangke simalolongna i laho marnida angka denggan ni basaNa. Madabu do
jolma i tu hadosaon, manadinghon dalan ni Debata. Holang ma tutu jolma i sian Debata. Alai,
ndang diloas Debata natinompanai sai dihaholomon, pola do dilehon AnakNa na sasadai
manobus dosa ni jolma. Tabege ma liturgi paduahon.

(Daniel Sinaga)
1. I Musa 2:16 ; I Musa 3:1-6 “Dung i dipatik Debata Jahowa ma jolma i, ninna ma: Jadi do
panganonmu sian nasa hau di bagasan porlak on. Alai anggo sian hau parbinotoan ni na
denggan dohot na roa, ndang jadi panganonmu. Alai ro ma ulok mandapothon boruboru jala
didok ma asa dipangan parbue ni hau na diparsitongaan ni porlak i. Sai dipanotnoti boruboru i
ma parbue ni hau i, jadi diputikkon sian parbuena i jala dipangan, dilehon ma dohot tu
sinondukna sian i, gabe dipangan.”

(Hardiman Siallagan)
2. I Musa 3:23 ; Rom 3:23-24 “On ma na gabe mulani dosa dihajolmaon. Jadi dipabali Debata
Jahowa ibana sian porlak Eden, asa diula tano pambuatanna i. Tung saluhut do nasida mardosa
jala ndang dapot pujion ni Debata nasida. Gabe dipintori do nasida dalan basabasa binahen ni
asi ni rohana hinorhon ni panobusion na di bagasan Kristus Jesus.”

(Boby Sinaga)
3. Galatia 4:4-5 “Alai dung dapot gok ni tingkina, disuru Debata ma Anakna, tubu sian
boruboru, ginomgoman ni patik i, asa ditobus angka na ginomgoman ni patik i, asa tajalo ruhut
paramaon.”

(Darto Sirait)
4. Johannes 1:14 “Gabe daging ma Hata i jala maringan di tongatonga ni hita on, jadi huida
hami ma hasangaponna, i ma hasangapon ni Anak sasada na sian Ama i, gok asi ni roha dohot
hasintongan.”

(Jelita Sirait)

2
 5. Johannes 3:16 “Songon on do holong ni roha ni Debata di portibi on, pola do Anakna na
sasada i dilehon, asa unang mago ganup na porsea di Ibana, asa hangoluan na salelenglelengna
di ibana.”

(Enjel Simanjuntak)
6. Johannes 14:1-3 “Unang ma bonsa rohamuna. Porsea ma hamu di Debata, jala porsea ma
hamu di Ahu. Torop do inganan di bagas ni Damang jala na laho do Ahu mangarade inganan di
hamu. Laho pe Ahu mangarade inganan di hamu, sai mulak do Ahu mangalap hamu, asa rap
hamu dohot Ahu.”

(Rosenna Nainggolan)
7. I Johannes 5:11+20 “Naung dibasabasahon Debata do tu hita hangoluan salelenglelengna,
jala di bagasan Anakna do hangoluan i. Naung ro Anak ni Debata jala dilehon roha tu hita, asa
tatanda Parsintong i. Di bagasan Parsintong i do hita, di bagasan Anakna Jesus Kristus. Ibana
do Debata na sintong dohot hangoluan salelenglelengna.”

(Andi Hia)
8. Mateus 28:18-20 “Nunga sahat tu Ahu nasa huaso na di banua ginjang dohot na di tano on.
Laho ma hamu, podai hamu ma saluhut bangso, didi hamu ma nasida tubagasan Goar ni Ama.
Anak dohot Tondi Parbadia. Laos ajari hamu ma nasida mangaradoti nasa hata naung
hupatikkon tu hamu. Ai ida ma, sai na dongananku do hamu ganup ari, rasirasa ro ajal ni
hasiangan on.”

(Kitraun Sinaga)
9. Agenda HKBP “Ale Debata Amanami na dibanua ginjang, sesa ma dosanami songon
panesanami di dosa ni dongan na mardosa tu hami. Unang hami togihon tu pangunjunan, palua
ma hami sian pangago.”

(Benly Simanjuntak)
10. Mazmur 1:1 “Martua ma halak, na so olo mangihuthon tahi ni angka parjahat, jala na so
olo jongjong tu dalan ni angka pardosa, jala na so olo sahundulan dohot angka pangarehei.”

(Alexander Tampubolon)
11. Agenda HKBP “Martua ma halak na tumangihon hatani Debata, jala na umpeopsa”

LITURGI III DIA MA NA TAU SIHANGOLUHONON DOHOT SIULAHONON NI HALAK KRISTEN

3
PROLOG : Dibagabagahon Debata do tu jolma i ngolu na dame jala sonang, alai jotjot do jolma i gale
dingolu na ganup ari. Taingotma, dihaholongi Debata do bangso na pinillitNa i, nang pe madabu
tu bagasan dosa. Ndang dipasombu Debata jolma i mago dibagasan dosa, dipaima do tongtong
hamumulak ni angka pardosa i tumadingkon dalanna. Nungga dilehon tu hita sipalua i, aha do
na tau ulahon ni jolma di ngolu na siganup ari...?

(Lucky Simamora)
1. Kolose 1:12-13 “Mandok mauliate ma hamu di Ama i, naung patauhon hamu manjalo
tohap na dibagasan hatiuron i, siteanon ni angka na badia i. Ai nunga diroro hita sian
gomgoman haholomon i, jala dipasaut hita tu bagasan harajaon ni Anak haholongan ni rohana.”

(Vera Sinaga)
2. Lukas 10:27 “Ingkon dihaholongi ho do Tuhan Debatami sian nasa ateatem, sian nasa
tondim, sian nasa gogom dohot sian nasa roham.”

(Susi Ambarita)
3. Mateus 6:31a+33 “Antong unang ma holsoan rohamuna, sai jumolo ma lului hamu
harajaon ni Debata dohot hatigoranna, dung i tambahononna do sude angka ondeng tu
hamuna.”

(Medina Siallagan)
4. Mateus 7:7-8 “Pangido hamu ma, sai na lehononna do tu hamu; lului hamu ma, sai na
jumpangan do hamu; tuktuhi hamu ma, sai na ungkaponna do di hamu. Ai sai na manjalo do
nasa na mangido, sai na jumpangan do na mangalului; sai na ungkapon do di na manuktuhi.”

(Ivan Hia)
5. Markus 14:38 “Dungo ma hamu jala martangiang, asa unang bongot hamu tu bagasan
pangunjunan; ai na girgir do nian tondi i, alai gale do ia daging.”

(Viktor Silalahi)
6. Markus 3:34b-35 ; Lukas 8:21 “Angka on do dainang dohot angka anggingku, na
mangulahon lomo ni roha ni Debata, angka na umbege jala mamarangehon hata ni Debata, i do
anggingku, i do ibotongku, i do dainang.”

(Abri Aritonang)
7. Lukas 12:32 ; Lukas 10:20 ; Lukas 2:14 “Unang ho mabiar, ale punguan na metmet. Ai
naung dihalomohon Amamuna do, mangalehon harajaonna i tu hamu. On ma tahe halashon

4
 hamu: Naung tarsurat do goarmuna di banua ginjang i. Hasangapon ma di Debata di ginjang,
dame ma di tano on, di angka jolma halomoan i.”

(Oby Tampubolon)
8. Mateus 19:19b + Johannes 13:34 + 15:9b “Haholongi ma donganmu songon dirim. Naeng
ma masihaholongan hamu; songon holong ni rohangku di hamu, naeng ma songon i dohot hamu
masihaholongan. Mian ma hamu dibagasan holong ni rohangKi.”

(Rani Sinaga)
9. Rom 12:12+15 “Marlas ni roha ma hamu mangkirim. Marbenget ni roha ma di
haporsuhon. Jugulhon hamu ma tangiang. Marlas ni roha ma hamu rap dohot angka na marlas
ni roha, jala tangis ma hamu rap dohot angka na tangis.”

(Lilis Simanjuntak)
10. I Korint 10:31 “Onpe, na mangan manang na minum hamu, manang dia pe diula hamu:
Bahen hamu ma saluhutna i, pasangaphon Debata.”

(Juniar Sinaga)
11. I Korint 15:58 “Onpe, hamu angka donganku na hinaholongan, marsihohot jala so
mubauba ma hamu, jala lam sumurung ma tongtong di bagasan ulaon ni Tuhan i, ai diboto
hamu do: Ndang magopo halojaonmuna di bagasan Tuhan i.”

(Akdes Sinaga)
12. Efesus 6:23-24 “Dame ma di angka dongan, dohot holong ni roha raphon haporseaon sian
Debata Ama i, nang sian Tuhan Jesus Kristus i. Asi ni roha i ma mandongani saluhut, angka na
marsihohot mangkaholongi Tuhanta Jesus Kristus.”

LITURGI IV : TAHAPORSEAI MA DEBATA SALELENGNILELENGNA

PROLOG : Hamu angka dongan na hinaholongan dibagasan Kristus Jesus. Taingot ma tongtong
saluhut pasupasu dohot denggan basa ni Debata Jahowa naung dilehon tu hita. Na tau gabe
bohal di parngoluonta siganup ari. Tapuji jala tapasangap ma Debata.

(Juliana Siallagan)
1. Pangungkapon 1:8 “Ahu do Bonana jala Ujungna, ninna Tuhan Debata, Debata nuaeng, Debata
naung adong hian, na naeng ro i, Sigomgom saluhutna.”

(Agus Sidabutar)
2. Matius 5:18 “Rasirasa sega langit dohot tano on, na so tupa sega sian patik i nanggo sada sisiasia
manang sanggurit pe, paima saut saluhutna i.”

5
 (Nova Silalahi)
3. Mateus 1:23 “Immanuel: Sai dongananni Debata do hita saluhutna.”

(Aryhon Sidabutar)
4. I Korint 16:22b “Maranatha : Na ro ma Tuhanta.”

LITURGI RAGAM PROFESI

PROLOG : On ma ngolu di hasiangan on, godang na so manghamuliatehon pasupasu nang Denggan
Basa ni Debata tu ngoluna, sai dirippu do alani gogona manang alani pingkiranna
umbahen na boi diadopi ibana saluhut parngoluonna. Dang olo mangurupi donganna,
egois, sombong, guru dok, ginjang roha, dohot lan na asing pe. Tabege ma jolo liturgi
ragam profesi na adong diparngoluonta siganup ari.

(Darto Sirait)

6
Pangula : Ai memang na taboan gabe pangula on, sude do jolma i mangolu alani au. Tung so
boi mangan jolma i molo so marhite au. Au do manuan eme, pinasa, durian, jagung, pote,
jengkol, sude ma tehe, dang tardok. Molo so adong au, ba male-male an sude jolma i,
dung male, mate ma. Ha....ha....ha....au do sidok na toho diportibion, dang adong na boi
mangalo au.

(Junardin Halawa)
Nelayan : Inaaaang....siloak-loak on, alang hera na ho raja dison. Au do na tingkos di
portibion, bereng disuan ho pe eme asa gabe boras dohot indahan, alai molo so adong
dengke na ba idia adong dai na. Idia di ho, ikan mas, jahir, nila, gulamo, kepala batu. Au
do na sintong diportibion dang ho.

(Juniar Sinaga)
Pedagang : Bereng hamu on bo, marbada muncung angka sioto-oto. Woooi angka sigurbak ulu,
makana sebelum mangkatai dipingkiri jo. Hea do hamu marpingkir, pake otak dong bos,
jangan pake dengkul. Adong pe emem, adong pe dengkem, boi tarjual molo so adong au.
Busuk sude i molo so adong partiga-tiga. Jadi unang pintor bangga hamu, holan au na
gabe sitiruan diportibion. Dang saut sude naniula muna i, molo so adong au.

(Medina Siallagan)
Guru : Eiiitt, unang ginjang jo roham, au dope diginjangmu. Unang bege hamu hatani
nasida on da, au do na toho. Molo so adong guru diportibion, maub ma oto-oto, loakon
angka gelleng munai. Au do na mangajari nasida martamba-tamba, marhali-hali,
marbagi-bagi, dohot marinternet. Diboto hamu do internet.....daong.....Ndesooo. Au do na
mambahen Sarjana, Doktor, Profesor, Insiniur, jadi molo so adong au, hanssur ma
negaranta on.

(Domitila Zebua)
Pelajar : Sombong saudara/i. Molo so adong au, adong balanjom, adong parngoluonmu,
adong hepengmu. Jadi unang teal ho guru. Walaupun guru adalah pahlawan tanpa tanda
jasa, tapi tidak ada guru tanpa tanda uang. Au do na manggarar ho, tiada saya bah kamu
pun tiada lah. Oke....

(Vera Sinaga)
Dokter : Sada, dua, tolu, opat, lima.......lima pe taho hamu, dang adong na boi mangalo au.
Dokter, gituloh. Molo marsahit hamu, boi mangula, boi mangalului dengke, boi martiga-

7
 tiga, boi mangajar. Sude ragam ni sahit boi huubati: kanker, leper, demam, jantung,
penyakit dalam, penyakit luar. Molo di alo hamu au, pintor hurondap do hamu. Oke...au
do na toho...Dokter

(Boby Sinaga)
Polisi : Priiiiitt….. angkat tangan. Ima kan pintor angka hitir do hamu, puncat-puncaton
bohi muna sude. Ha....ha....ha... Sai au...au...au...dang adong na tingkos hamu nanggo
sada. Sude kegiatan diportibion tung na so boi aman, molo so adong au, sude kendaraan
harus lapor. Anda melawan tinggal dooor.

(Akdes Sinaga)
Artis : Tulang-Tulang, O Nantulang, Inanguda, Bapauda, “semua yang ada disini”. Asing-
sing song, mardalan-dalan tu aek sibundong, mangkatai angka sidodong-
dodong…..akulah yang paling benar. Pekerjaanku menghibur orang dan. coba lihat saya,
Cinta Fitri, Kristen KTP, Kupinang Kau dengan Syalom. Aku selalu diperhatikan oleh
khayalak ramai dan aku selalu membuat orang tertawa. Akulah publik figure yang selalu
bersih dan cantik sehingga membuat orang menjadi simpatik. Tanpa saya, Dunia akan
terasa hampa.

(Ivan Hia)
Supir : Porsea…Porsea, Buntu Malasang, Bangun Dolok, Lumban Manik. Mau artis ke,
polisi ke, dokter, pangula, guru, aha pe taho ulaon muna. Au do supir muna, boi
marsingkola angka gelleng muna molo so hutaruhon…? Boi langku tiga-tiga muna
manang na niula muna, molo so hupataru. Naik gratis, turun bayar bos. Tanpa saya,
roda kehidupan pasti tidak berjalan.

(Agus Sidabutar)
Pendeta : Hamu angka dongan na hinaholongan dibagasan Kristus Yesus. Molo tarimang-
rimang i saluhut parngoluonta siganup ari. Tung so tarbahen hita agia marhue molo so
mardongan sian Debata. Ibana do na mangalehon gogo, Ibana na mangalehon Pasu-Pasu.
Marhite Asi ni RohaNa dohot Denggan ni BasaNa, umbahen na boi tabolus saluhut ari-
aritta. Ise do na manompa jolma i, ise do na paluahon jolma i sian hadosaon, ise do na
mangalehon hangoluan, jala ise do na mangalehon parkarejoan tu hita ganup jolma…?
Dongan sahaporseaon di bagasan Kristus Yesus, tung mancai godang profesi di
parngoluonta, alai unang mai gabe dalan patimbohon dirinta. Alai, gabe dalan
pamujionmai tu Tuhanta, asa saluhut naniula ni tanganta mangkorhon las ni roha.
Ai ia i disabur halak, i do gotilonna. Martua ma halak na tumangihon hatani
Debata, jala na umpeomsa. Amen

Seluruhnya menyanyikan “Dalam Yesus Kita Bersaudara”

8
LITURGI LAMBANG (Diatur Oleh Naposo Bulung)

()
Siboan Silang : Ahu do Dalan i dohot Hasintongan dohot Hangoluan. Ndang adong na sahat
tu Ama i, ia so marhite sian Ahu. HEZEKIEL

()
Siboan Bibel : Ahu do Hata Hangoluan i. Manang ise na mian di bagasan Ahu, ingkon gabe
sitindangi, jala siulahon Hata ni Debata. RIBKA

()
Siboan Roti : Ahu do Roti Hangoluan i jala na tuat sian banua ginjang i. Manang ise na
manganhon roti on, i do mangolu salelenglelengna. Ia roti silehononKi, bahen
hangoluan ni portibi on, i ma dagingKu. ARJUN S

()
Siboan Aek : Ahu do Aek Hangoluan. Manang ise na manginum aek silehononKi naso
tupa mauas be i sahat ro di salelenglelengna. Ai gabe mangolu do i di bagasan
ibana, na mabaor sahat ro di hangoluan na so ra suda. VIRHOT

()
Siboan Tungkot : Ahu do Parmahan na denggan. Hutanda do angka birung-birungKu, jala
ditanda nasida do Ahu. Tung na so mango biru-birungKi nanggo sada.
ANGGA

()
Siboan Lilin : Ahu do Panondang di portibi on. Na so tupa mardalan di na holom na
mangihuthon Ahu. SINTIA

()
Siboan Bunga : Ahu do Hau Anggur na sintong. Manang ise na mian di bagasan Ahu, ido na
marparbuehon na tama. MICHEL

()
Siboan Abit Na Bontar : Tung sura rara dosamuna songon abit bunga dapdap, bontar do bahenonku
songon itak; nang pe rara songon abit hasumba, gabe songon hapas do muse.
LAMBOK

()

9
Siboan Kantong Pelean : Boan hamu ma pelean na tama jala na uli tu Adopan ni Debata jala ro ma
hamu marsomba tu Ibana. RAPAEL

10