PUNGUAN RAJA SONANG

BORU, BERE, IBEBERE

MENGUCAPKAN

SELAMAT NATAL
25 DESEMBER 2023

DAN

TAHUN BARU
1 JANUARI 2024
PERAYAAN NATAL
PUNGUAN RAJA SONANG, BORU,BERE,IBEBERE
 BERASTAGI SEKITARNYA
MINGGU, 8 DESEMBER 2023

Thema
Kemuliaan bagi Allah dan Damai Sejahtera di Bumi. (Lukas 2: 14)
I. Prosesi
Barisan Prosesi , Parjamita, Pendeta, Ketua, Sekertaris,
Bendahara dan Panitia Memasuki Gereja (Musik Magendehon
No 616 “ Ulina I di borgin nabadia”) Jemaat Jonjong di
hundulan na be
II. KEBAKTIAN (Jemaat hundul)
1. Marende No. 605: 1-3 “Las Ma Roham (Joy to the World)”
Las ma roham Tuhanta ro, gumonggom sasude,
Ungkap roham, jangkon rajam, marende ma sude, marende ma sude.
Marende, marende ma sude.
Tano nang laut, harangan i, nang awangawang i
Hauma i, nang sunge i, olophon raja i, olophon raja i,
Olophon, olophon raja i.
Bura binaen ni dosa i, marujung ma disi.
Ai nunga ro Mesias i, mamboan dame i, mamboan dame i,
mamboan, mamboan dame i

2. Votum Introitus P : Pemimpin J: Jemaat

P : Marhite-hite Goar ni Debata ama dohot Goar ni anakNa Tuhan Jesus
Kristus dohot Goar ni tondi Parbadia, na tumompa langit dohot tano
on, Amen. Nunga tubu di hita sada Poso-poso, dilehon tu hita sada
anak, pamper tu abaraNa do sogot harajaon.
J : Jala Bahenonna goarNa, Sipartahi Halongangan, Ulubalang ni Debata
Ama, saleleng ni lelengna, Raja ni hadameon.
P : Endehon hamu sada ende na imbaru di Jahowa, endehon ma Jahowa
ale sandok tano on. Pajojor hamu ma di tonga-tonga ni angka
sipelebegu hamuliaonNa i. Marsomba ma hamu tu Jahowa
 marpahean naimbaru jala angkahitir ma hamu maradophon ibana ale
isi ni sandok tano on.
J : Sai sondangi ma rohanami naholom I marhite-hite Tondi Parbadia,
angkup ni i sai parrohai ma hami asa huboto hami mandok mauliate
tu Ho.
P : Sai rajai jala togu-togu hami marhite-hite tondiM, asa lam huida hami
godang ni holong ni rohaM na pinapatar ni anakMi, Tuhan Jesus
Kristus, Amen.

3. Marende No. 56:1 “Sai roma hamuna”

Sai ro ma hamuna angka na porsea, sai ro ma hamuna tu Betlehem
Ida dakdanak Sipalua hita, tasomba ma ibana, tasomba ma ibana,
Tasomba ma Ibana, Rajanta.

4. Liturgi Anak-anak

5. Marende No. 48: 1-3 “Riama Hita Sasude”

Riama hita sasude mamuji Debata
Girgir ma parendenta be ai ido na tama, ai ido na tama
Diungkap Debatanta i, banua ginjang i
Disuru do anakna I, hangoluanta i, hangoluanta i
Ampuan ni Amana do tinadingkon na I
Tu hasiangan on do ro, tu pardangolan i, tu pardangolan i

6. Liturgi II (Hula-Hula)
Prolog : ditompa Debata do jolma I, tumiru rupaNa alai dang sonang di
nauli. Dipingkiri do hombar tu utohkhutok dohot sangkap-sangkap
laho paolo-oloi hisapna ima na gabe bonsir ni hadadabu tu dosa
dohot panghorhonna sahat tu tingki on.
1) 1 Musa 1:1-2 Kel.
2) 1 Musa 1:3-4 Kel.
3) 1 Musa 1:26-27 Kel.
 4) 1 Musa 3:1-2 Kel.
5) 1 Musa 3:3-5 Kel.
6) 1 Musa 3:6-7 Kel.
7) 1 Musa 3:8-10 Kel.
8) 1 Musa 3:14-15 Kel.
9) 1 Musa 3:16-17 Kel.

7. Koor / Vokal Group/ Solo

8. Marende No. 52:1-2 “Hatuan do”

Hatuaon do las ni roha do, hatutubu ni Jesus i
Mago do jolma ro ma Tuhanta las be, las be ma rohanta i.
Hatuaon do las ni roha do hatutubu ni Jesus i
9. Domu do hita tu Debatanta las be, las be ma rohanta i.

10. Liturgi III (Boru)

Prolog : Saut do baga-baga ni Debata na suruonNa anakNa laho mangalisat
ulu ni ulok sipangago i asa unang tading hita di hisap-hisap ni roha
na jahat i, ima na ro Jesus na tapestahon di tingko on. Manang ise
na dibagasan Kristus, ido na tuk manaluhon sibolis pangago i.
1) 1 Musa 12:3 Kel.
2) 1 Musa 49:10 Kel.
3) 4 Musa 24:17 Kel.
4) 5 Musa 18:15 Kel.
5) Yesaya 60:1-3 Kel.
6) 1 Korintus 1:30 Kel.
7) 2 Korintus 5:21 Kel.
8) Kolose 1:16-17 Kel.
9) Kolose 1:18-19 Kel.
11. Marende No. 598:1 “Bege Ende ni Suruan”
Bege ende ni Suruan sangap ma di Tuhan i, nunga tubu Sipalua raja
Sipardame i
 Dipadame Debatanta do diriNa tu pardosa. Nunga tubu Kristus i, dihuta
Betlehem i. Ende ni Suruan i sangap ma di Tuhan i.

12. Liturgi IV (Bere)

Prolog : Ima holong ni roha ni Debata di hita Jolma, anakNa nasasada I,
dibaga-bagahon. Suru-suruan ro manopot hita, ala ni i, tama
mardongan las ni roha hita huhut marolop-olop laho manomu-
nomu raja I.
1) Psalmen 24:7-8 Kel.
2) Psalmen 24:9-10 Kel.
3) Yesaya 9:1-2 Kel.
4) Yesaya 9:3-4 Kel.
5) Yesaya 11:1-2 Kel.
6) Sakaria 9:9 Kel.
7) 2 Samuel 7:12-13 Kel.
8) 2 Samuel 7:14-15 Kel.

13. Marende No. 47:2 “Aut Nasaribu Hali Ganda”

Ianggo ho ale tondingku, sai jangkon ma panondang I,
Sai unang ma lea rohamu dibahen hametmetonna i
PabalionNa do sude sibolis dohot dosa pe.

14. Liturgi V (Ibebere)

Prolog : Nunga jonok ari haluaon i, nunga dapot tingkina disuru Debata
amaNa tubu sian boru-boru asa tajalo ruhut paramaon. Tapapungu
ma rohanta laho mangihuthon songon dia Debata pasauthon baga-
bagana. Tudos tu hata ni suru-suruanNa tu angka parmahan i,
“Unang mabiar” laos ido nang suarana tu hita di borngin on asa
unang mabiar hita pasangaphon mamuji dohot sumomba ibana.
1) Lukas 2:1-3 Kel.
2) Lukas 2:4-6 Kel.
3) Lukas 2:7-8 Kel.
 4) Lukas 2:9-10 Kel.
5) Lukas 2: 11-13 Kel.
6) Lukas 2: 14-15 Kel.
7) Lukas 2:16-18 Kel.
8) Lukas 2:19-21 Kel.
9) Lukas 2:22-23 Kel

15. Tangiang Pangondianan

16. Marende No. 57:1-2 “Nunga Jumpang Muse Ari Pesta”

Nunga jumpang muse ari Pesta i
Hatutubu ni Tuhanta Jesus i
Tuat do Ibana sian surgo i, mebat tu hita on
Hasangapon di Debata, dame, dame ma di jolma.
Las ni roha ni Debata hajolmaon muse.
Beta, ale dongan tu Betlehem i
Itasomba ma Dakdanak na disi
Na tinongos ni Parasiroha i, Debata Ama i
Hasangapon di Debata, dame, dame ma di jolma.
Las ni roha ni Debata Hajolmaon muse

17. Liturgi VI (BPH, Panitia, Pendeta)

Prolog : Dohot do roha ni Jolma i dipangke sibolis i gabe songon raja
Herodes na marsangkap naeng mamusa Jesus poso-poso i, alani i
jagahon ma dirim dohot roham sian sangkap-sangkap na roa.
1) Matius 2: 1-2 Kel.
2) Matius 2:3-4 Kel.
3) Matius 2:5-6 Kel.
4) Matius 2:7-8 Kel.
5) Matius 2:9-11 Kel.
18. Marende No. 54:1-3 “Sonang ni Borngin nai”
(Pagalak lilin) oleh:
1) Ketua Punguan Raja Sonang
 2) Ketua Panitia Natal
3) Parjamita
4) Mewakili Hula-hula
5) Mewakili Boru
6) Mewakili Bere
7) Mewakili Ibebere
8) Mewakili Remaja Naposo (Ianakkon)

Sonang ni borngin nai uju ro Jesus I, sonang modom do halak sude,

Holan dua na dungo dope, mangingani anakNa Jesus Tuhanta I
Denggan ni borngin nai uju ro Jesus I, tu Parmahan di Betlehem i
Dipaboa na di surgo I nunga ro Sipangolu Jesus Tuhanta i
Godang ni Tua disi, dinaro Jesus i, tung malua pardosa muse
Sian hamagoanna sude, ala ro Sipangolu Jesus Tuhanta i

19. Jamita (Barita Natal) Pdt.Andi Aristo Nababan,S.Th.

20. Marende No. 62:1-3 “Halalas ni Roha Godang” (Papungu Pelean)

Halalas ni roha godang na hubaritahon on,
Nunga tubu Sipalua dihita jolma on,
Hasangapon ni Debata laos dame, dame, dame ma di jolma
Lomo ni roha ni Debata di hita jolma on
Ai saborngin on do bincar bintang di naholom i,
Sumondangi hagolapon na dirohanta i,
Hasangapon ni Debata …d.u
Tuhan Jesus hadomuan na disuru Debata,
Napasaehon sude dosa di dolok Golgata,
Hasangapon ni Debata …d.u

21. Tangiang Panutup / Pasu-pasu

III. Pemberian Cendramata Kepada Pengurus Raja Sonang

IV. Hata Patujolo Natal
1) Ketua Panitia Raja Sonang
 2) Ketua Punguan Raja Sonang
3) Mewakili Hula-hula
4) Mewakili Boru,Bere,Ibebere
V. IV. HIBURAN DOHOT NAASING
VI. V. MAKAN BERSAMA