IBADAH 1
LITURGI MULA MULA
HORONG 1
LITURGI 1
“Dung i digoar Debata ma na mahiang i tano, ia parpunguan ni angka aek laut digoar. Jadi
nunga denggan diida Debata."
LITURGI 2
"Dung i digoar Debata ma hajangkajang i langit. Dung i bot ma ari, torang ma ari muse, i ma
ari paduahon."
"Nunga denggan na tiur i diida Debata, jadi dibahen Debata ma parsirangan ni na tiur sian
na holom."
"Dung i digoar Debata ma na tiur i arian, goar ni na holom i borngin. Dung i bot ma ari,
torang ma ari muse, i ma ari parjolo."
Anggita Manihuruk : (1 Musa 1 : 6)
LITURGI 3
“Dung i dipauli Debata Jahowa ma bobak bahen abit ni si Adam dohot jolmana i, jala
dialithon tu nasida.”
“Dung i ninna boruboru i ma mandok ulok i: Jadi do panganonnami sian parbue ni hau angka
na di porlak on.”
“Alai ulok do na umbisuk sian nasa na manggulmit di ladang, angka na jinadihon ni Debata
Jahowa.”
“Dung i ninna Debata Jahowa ma: Ida ma, nunga doshon Sada sian Hami si Adam, umboto
na denggan dohot na roa.”
“Unang pangan hamu sian i, jala unang jama hamu, asa unang mate hamu.”
“Mariaia situtu ma ho, ale boru Sion, marolopolop ma ho ale boru Jerusalem!”
"Ai on do dipatupa Debata: Humongkop hita gabe dosa Ibana, na so tumanda dosa, asa gabe
hatigoran ni Debata hita di bagasan Ibana."
Patuginjang ma tohangmuna, hamu ale angka harbangan, jala patuginjang ma hamu, ale
angka pintu sian na robi, asa bongot Raja ni hamuliaon i!
“Ise ulaning Ibana, Raja ni hamuliaon i? I ma Jahowa Zebaot, Ibana do Raja ni hamuliaon i.”
"Jadi dohononmuna ma di ari na sasada i. Puji hamu ma Jahowa, jala jou hamu ma goarna,
pabotohon hamu angka jadijadianna di tongatonga ni angka bangso, jamitahon hamu
goarna na timbul i."
LITURGI 5
"Sai endehon hamu ma Debata! Sai endehon hamu ma Rajanta i! Endehon ma tutu!"
Naomi Hutahuruk (Psalmen 103 : 1-2)
"Ende sian si Daud. Puji ma Jahowa, ale tondingku, jala nasa rohangku di bagasan mamuji
goarna na badia i. Puji ma Jahowa, ale tondingku, jala unang tung halupahon denggan ni
basana sudena."
"Ibana do manesa dosam sudena, Ibana pamalum angka sahitmu sudena. Ibana paluahon
ngolum sian hamagoan, Ibana martumpalhon tu ho denggan basa dohot asi ni roha."
"Ai arga do hamu ditobus: Dibahen i pasangap hamu ma Debata marhitehite dagingmuna
dohot marhitehite tondimuna; ai Debata do nampuna i."
"Puji ma Jahowa, hamu ale angka na niasianna, jala endehon hamu ma barita ni
habadiaonna i!"
"Gabe didok Jesus ma tu ibana: Ahu do dalan i dohot hasintongan dohot hangoluan. Ndang
adong na sahat tu Ama i, ia so marhite sian Ahu."
"Ai di banua ginjang do sambulonta; sian i do tapaimaima Sipangolu hita, Tuhan Jesus
Kristus i."
“Didok Ibana na mangkatindangkon on; Olo, na ro ma Ahu tibu! Amen; ro ma Ho, ale Tuhan
Jesus!”
"Tondi do anggo Debata; asa angka na martangiang tu Ibana, patut martangiang di bagasan
Tondi dohot hasintongan."
IBADAH 2
LITURGI MULA MULA
HORONG 1
LITURGI 1
"Jala gabe panondang angka i di hajangkajang ni langit i, asa dipatiur tano on; dung i
manjadi ma songon i."
"Dung i dibahen Debata ma nasida tu hajangkajang ni langit i, asa disondangi tano on."
"Dung i ninna Debata ma: Marpungu ma hamu aek, angka na di toru ni langit i tu sada
inganan, asa tarida na mahiang! Gabe manjadi ma songon i."
"Nunga denggan na tiur i diida Debata, jadi dibahen Debata ma parsirangan ni na tiur sian
na holom."
LITURGI 2
“On pe, asa unang didungdungkon tanganna mamutikkon huhut sian hau hangoluan jala
dipangan gabe mangolu salelenglelengna.”
“Alai anggo sian parbue ni hau, na di parsitongaan ni porlak i didok Debata do: Unang
pangan hamu sian i, jala unang jama hamu, asa unang mate hamu.”
Grace Situngkir (1 Musa 3 : 23)
“Jadi dipabali Debata Jahowa ibana sian porlak Eden, asa diula tano pambuatanna i.”
“Dung i dibahen si Adam ma goar ni jolmana i: Hawa (hangoluan), ala ibana ina ni nasa na
mangolu.”
LITURGI 3
"Alai sian Ibana do umbahen na di bagasan Kristus Jesus hamu, ai Ibana do gabe habisuhon
di hita sian Debata dohot hatigoran dohot habadiaon dohot haluaon."
"Patuginjang ma tohangmuna, hamu ale angka harbangan, patuginjang ma hamu, ale angka
pintu sian na robi, asa bongot Raja ni hamuliaon!"
“Ise Ulaning Raja ni hamuliano i? I ma Jahowa, na gogo jala Ulubalang, Jahowa Ulubalang di
hamusuon.”
"Ai songon on do holong ni roha ni Debata di portibi on, pola do Anakna na sasada i dilehon,
asa unang mago ganup na porsea di Ibana, asa hangoluan na salelenglelengna di ibana."
"Asa molo di bagasan Kristus halak, na tinompa na imbaru ma i. Nunga salpu pangalaho na
robi, gabe na imbaru."
LITURGI 4
“Asa dung dipintori hita dalan haporseaon, mardame ma hita dohot Debata marhitehite
Tuhanta Jesus Kristus. Laos marhitehite Ibana do saut masuk hita tu asi ni roha,
hajongjonganta nuaeng dalan haporseaon, jala taparhatua do dirinta marningot hasangapon
ni Debata na itahirim i i.”
"Tung ise ma tuk mangkatahon angka hagogoon ni Jahowa, patubegehon baritana i sudena?
Martua ma angka na mangaradoti uhum, na tongtong patupahon hatigoran."