TONNORAN KAMENOMBAN ALLO MINGGU

JEMAAT MORIA NONONGAN KLASIS NONONGAN SALU

MINGGU, 03 September 2023
Situru’ Baenan Tonoran Kamenomban 2-Stola Putih

(Belajar Memikirkan Yang Dipikirkan Allah)

SIPULUNG MENOMBA
1. Ma’pasakka’
PL Salama’ allo minggu salama’ sitammu mali’ lan te allo mangka dipatorro
maindan la dinai pada-pada umpudi sia umpakala’bi’ sanga madatun-
Na Puang Matua, Puang Kapenombanta,
Kombongan sallo’Na Puang Matua, Makurre sumanga’ki sia lendu’
masannangna tu penaanta belanna pa’kabaro’Na sia pa’kamaseanNa
anta tontong mamali’ sitammu inde banua maserona. Kasipulunganta
totemo tuladipamaindan unnolai lesoan kada tu dipopenggaronto'
nakua ”MELADA’ UNNINAA-NAA DIONA PUANG MATUA”
Taperasai tu kama'diorenanna Puang Matu totemo taparannu paiman
lantuk lan kapatonganan umpenombai…
2. Tianten
Menani, ” SENDE-SENDEKAN UMPUDI” (NK 3:1-2 – KAMI PUJI DENGAN RIANG)
1.
Sende-sendekan umpu- di Sanga Mala’bi’Mi Puang;
Susi bunga ke melambi’, ten to penaangki Puang.
Parri’ dosa sia sussaki, kamagiangan upu’mo.
Oto’na kamala’biran paarrangikan arrang-Mi.
2.
Mi-eloran, Mipagarri’, Mibongsoran maseMi.
Kalimbuang kaparannu-an, tasikna pa’kamasean.
Minda-mindamo mamase Mipadadi taumMi Puang,
Angki tontong ma’kamase sitende’na maseMi.
3. Samara Bisara
PF Ia tu kamenombanta dadi lan sanganNa Puang Matua Ambe, Na Anak,
Sia Puang Penaa Masallo.
J 5 6’ | 5 6 ’|z5x c4| 3 .+
A-min, a - min, a - min.
4. Passalama’
PF Pa’kamasean sia kamarampasan Dio Mai Puang Matua Ambe’ta Sia Dio
Mai Puang Yesu Kristus Urrondongkomi.
J Sia Urrondong duka kalemi.
5. Baenan Pa’pudian (Ma’dokko)
PL+J Umbasa Pa’pudian 26 : 1-8
PL O PUANG, sanda tongannina’, belanna lolang malolomo’,
J sia lantukna’ ungkatappa’i PUANG.
PL Sudina’, o PUANG sia sandakna’!
J Sia sudii tu ba’tengku sia penaangku.
PL Belanna iatu kamasokanamMi dio bang lindoku,
J sia tontongna’ lolang lan kamanapparamMi.

1. KLM-GT Jemaat Moria Nonongan – Klasis Nonongan Salu

 PL Tae’ kusango’koran len to leko’ penaanna,
J sia tae’ kusiayoka len to belo puduk.
PL Kukabiri’ tu kombonganna to umpogau’ kakadakean,
J sia tae’ kusango’koran to tang mekaaluk.
PL Kubasei tu limangku tanda tasikku masero pindan,
J kumane ullilingi inan pemalaramMi, o PUANG!
PL Angku pa’perangianan pa’pudi-pudian.
J Sia unnuleleanan mintu’ penggauran kalle-kalleamMi.
PL O PUANG, kukamali’ tu inan banuamMi,
J sia inan nanii kamala’biramMi.
S Amin
S Menani: “Pa’pudian 25:6,8” (MAZMUR 25:6,8)
6.
Minda morai ungkasiri‘ PUANG tu Kapenomban?
Naada‘i untonno‘ lalan tu sipatu naolai;
la unnappa‘ tontong ia karapasan penaanna
na tontong ussiosso‘i mintu‘ tu kamauparan.
8.
Puang saile randenna‘ amMi kamaseina‘;
mariorio kulambi‘ makarorrong kuratui.
Angga kamagianganku umpasoyang sumanga‘ku
pasisarak salumo‘ angga tu rosso inaya.
6. Garonto’na Parenta (Bendan)
PF Perangi KadanNa Puang : “Minda-minda tu tang mirring lako Kaleku,
iamo unneaNa’, sia minda-minda tu tang Kusisolan mangrampun, iamo
ma’pasisarak-sarak. Iamoto angKu kua mati’: Mintu’na kasalanna tau
sia kada solangna, la dipa’dei, apa umpa’kada solangi Penaa Masallo’,
tae’ nala dipa’ dei.”(Matius 12:30-31)
S Menani, “Pa'kaboro' Sundun” (PKJ 179:1-2 – KASIHI PALING AGUNG)
1.
Pa’kaboro’ sundun dio mai Puangku;
Inang kukanappa’mo ilan penaangku.
Yesu liu kaboro’ sia liu masero,
Ussorong kaleNa dadi Pela’bakku.
Mangka untaloi kuasa kamatean,
Nasoronganmo’i tu mintu’mintu’na.
2.
Tontong kuingaran lan katuoangku;
Tae’ kukalupai ma’angge tuoku.
La kupa’peissanan mintu’ tiku lao;
sia lili’na lino angge pakulleku.
Moi apa tu dadi lako kaleku,
nang tontong kutoe tu mase-Mi Puang.
7. Tuara’ Mangaku Dosa na Kareba Kamasokanan (Ma’dokko)
PF Ullingkan katuoan tu nakamaseanki’ Puang Matua, pembudaki’ untodo
tinting parentaNa Puang, ussangaki’ kaleta to paissan sia untiro
madiong bang padanta, ondongraka na di pasala mo Tu Puang Matua ke
tang dadi tu nasanganna penaanta, nenne’ mo tang dikilalaimo kumua
Puang Matua ia tu umpoissanni tu mintu’na katuoanta, ia mo to ta sipatu
rampo mangaku kumua inang manassa tomadosa sia to kasalanki.

2. KLM-GT Jemaat Moria Nonongan – Klasis Nonongan Salu

 S Menani, ”Dio Olona Yesu”(KJ 29:1-3 - DI MUKA TUHAN YESUS)
1.
Di- o oloNa Yesu nang to mariga tonganna’.
Kutuarasan tu dosaku dio oloNa Yesu.
2.
Di-o oloNa Yesu kupenassanni salaku,
kubungka’ tu pena-angku, Di-o oloNa Yesu.
3.
Di-o oloNa Yesu kukanassai tu salaku.
Menassan tonganmo’ aku, Di-o oloNa Yesu.
PF Lako mintu’ tau tu tukku tuara’ lan kapenassanan, dipamanassa sule tu
kareba kamasokanan dio mai Puang Matua: “Kusarrinni tu
kakadakeammu susi rambu roya sia iatu kasalammu susi salebu’; la
suleko lako Kaleku, belanna Akumo tu ullendokangko.” (Yesaya 44:22)
TIMANG PAKKANNA KOMBONGAN
8. Urrampun Penomba (Ma’dokko)
PL ”Kubasei tu limangku tanda tasikku masero pindan, kumane ullilingi
inan pemalaramMi, o PUANG! Angku pa’perangianan pa’pudi-pudian.
Sia unnuleleanan mintu’ penggauran kalle-kalleamMi.” (Pa’pudian 26 : 6-7)
S Menani,”Kikurre Sumanga’ O Puang” (NKB 133:1-3 SYUKUR PADAMU YA ALLAH)
1.
Kikurre sumanga’ o Puang, angga pa’kaboro’Mi;
Kurre to mai kagannaran tu Mi kamaseangkan.
Kurre to mai pengkarangan, moi na pamata’ka’kan.
Kurre to mai pa’kaboro´ dio mai mintu’ rapungki.
2.
Kurre tomai bunga bunga, busarungngu’, maballo.
Kurre to massalebu’na, si a allo mangarrang.
Kurre tu a’gan situka’, tu tangka’tu Mibengan;
Sia KadamMi kipobia’ na tang pusa lalanki.
3.
Kurre tu pa’rapuangki tontong sikamase an;
Kurre tu kasipulungan kipotorro marampa’.
Kurre tu pa’pakatana, ke nalambi’kan sussa;
Kurre tu kapa’rannuan tontong sa e lakona.
MG Passambayang Penomba
S Menani, “Kurre Sumanga’ Lako Puang” (NK 299 – BERSYUKUR KEPADA TUHAN)
1.
Kurre su-manga’ lako Puang, kurre sumanga’ lako Puang.
tu Puang masokan. Kurre sumanga’ lako Puang
USSEARAN KADA PUANG
9. Pangimbo Umbasa Sura’ Madatu
10. Umbasa Sura’ Madatu
Pa’basan 1 : Katassuran 3:1-15
Pa’basan 2: Roma 12:9-21
J Menani, “Haleluya” (Bendan)
tj t|y t’j1j 1|2 1’j4j 4|jz3xj xk2xk 1x x c2|1.+ KJ 473a

Hale-lu-ya, ha-le-lu-ya, ha-le - lu - ya

PF Matius 16:21-28 (BU)

3. KLM-GT Jemaat Moria Nonongan – Klasis Nonongan Salu

 S Pebalinna Kombongan: “Kurre Sumanga’ Puang” (NJNE 78)
11. Ullesang Kada Puang (Ma’dokko)
12. Rapa’ Ma’nannungan
TIMANG PAKKANNA KOMBONGAN
13. Pangimbo Samalele
14. Passambayang O Ambe’ki Dao Suruga
15. Kareba Kombongan
PANGRAMPAN NA PASSAKKE
16. Peturona Katuoan Ba’ru (Bendan)
PF Iamoto perangimi tu peturona katuoan ba’ru: Apa memboko’ tu Yesu,
anNa kua lako Petrus: Pallaiko lako boko’Ku, e deata bulituk! Ikomo
misa’ tu la untumangNa’, belanna tangia diona Puang Matua muinaa-
naa, sangadinna diona tolino. (Matius 16 : 23)
17. Menani: ” Na anga’na’ Puang Yesu” (KJ 424:1,3 – YESUS MENGINGINKAN DAKU)
1.
Na anga’na’ Puang Yesu Mendadi arrangn-Na
Na umba-umba ku ola ku ingaran tu Puang
Reffrein:
Mangngarrang- mangngarrang iamo Na Anga’ Yesu
Mangngarrang- mangngarrang la tontongna’ Mangngarrang.
3.
Mangandona’ lako Yesu, Narondong penaangku,
ku tontong parrang masero, unturu’ Pu-angku. Ref.
18. Pangrampan
PF Kombongan masallo’-Na Puang : Malemokomi ullingkai katuoanmi,
ammi tontong umpapayanni kumua to mekaalukki’, sia papayanni
tu bua kapekaalukanmi lan kamaloloan tongan. Ta kanassai
tonganni kumua tannia painaa misanta tu la dadi sangadinna
pa’poraianNa ia Puang.
19. Passakke
Pdt Na PUANG mora umpamasakkekomi sia ungkatirinnaikomi; na
PUANG mora umpaarrangikomi lindoNa sia ungkaturu-turuikomi;
na PUANG mora umpatiroangkomi lindo masokanNa sia
umpasiriakomi kamarampasan.
BA’TU
Non Pdt Anna Puang Matua mora ungkamaseiki' sia umbura'ki' lindo
masakke, sia umpaarrangiki' rupanNa.
J Amin
20. Nanian Kurre Sumanga’ “Surodadu Kristus” (NK 339:1, 3 – MAJU, LASKAR
KRISTUS)

1.
Surodadu Kristus, eai ualimmu! Turu’i pea’ta’Na, da muleluk len!
Datummi kalena undoloangkomi; ke’de’komi ‘nturu’ banderaNa Puang!
Refr: Surodadu Kristus, eai ualimmu! Turu’i pea’ta’Na, da muleluk len!
3.
Iatu kuasa lino nenne’ tallanmo, kombonganNa Kristus tang malammu’ len!
Tang la natobangan lino kamatean: Kristus ussundunni
dionadandinNa.Refr.

4. KLM-GT Jemaat Moria Nonongan – Klasis Nonongan Salu