TONNORAN KAMENOMBAN PRA PASA MA’PENPISSAN
GEREJA TORAJA KOMBONGAN JUATA TARAKAN
ALLO MINGGU, 26 FEBRUARI 2023
(Unturu’ Tonoran Kamenomban 1, Stola Ungu)
“Kamamasean-Na Puang Matua mebaa lako kadibilangan malolo”
(Singkatan T = To Ussalurundun Kadanna Puang Matua / To Ma’kamaya (Pelayan Firman), K = Kombongan, TU
= To Umpatengka Tonnoran Kamenombaan (Pemandu Liturgi)
SIPULUNG MENOMBA
1. Ma’pasakka’
TU Siulu' sola nasang tu pada nakamasei Puang Matua, takanassai
kumua iatu pa'kaboro'Na Puang Matua tontong mempayan lan
mintu' attu, tu'tuan ba'ru kemelambi'. Allo to temo mentamaki'
minggu pra pasa Ma’Penpissan, tanai unnannungi tu kasalamaran na
karang Puang Yesu tu mangka ullendokanki' dio mai pearra'na
kamatean. Ia duka te attu to temo tanai duka ungkilalai sulei tu(HUT
SMGT KE 68). Kurre sumanga' langan Puang Matua, diona
pa'parakanna temai to ussorongan kalena umpa'peissanan kareba
kaparannuan, na sae lan te attu to temo ta sa'dingan tu
pengkaranganna. Mai mokomi ta menomba umpakala'bi' Puang
Matua diona mintu' pengkaranganNa. Na lan te kamenombanta to
temo napanundu'ki' lesoan kada siulang tu nakua : " Kamamasean-
Na Puang Matua mebaa lako kadibilangan malolo ".
2. Tianten (Bendan)
K Menani ” Haleluya Pudi Puang’” (NK 1:1-2)
Reff: Haleluya! Pudi Puang ,Puang Mala’bi’,tae’duanNa!
Ilan Kristus takanassai Ambe’tang leluk, masae lako!
1.Mintu’na langi’ sia lino pato’ umpudi kuasanNa,
tangka’tu tupassakke Na,pa’kaboro’Na lempan liu. Reff
2. E mintu’ lino, ‘nnarrakko! Pa’perangiammi naniammu!
Dedekmi to mai gandangmu,pasialai ondo na pa’pudian! Reff
3. Samara Bisara
T Iatu Pa’tunduanta dadi lan sanganna Puang tu mangka umpadadi
langi’ na lino.
K 5. Pudimi tu Puang Matua, pudimi tu Puang Matua,
4. Passalama’
T Salama' lako kamu sola nasang kamarampasan dio mai Puang
Matua Ambe',Anak, na Penaa Masallo' urrondong komi..
K Haleluya urrondong dukako.
5. Tuara’ Mangaku Dosa na Kada Kamasokanan (Ma’dokko)
T Siulu' sola nasang, iatu Puang Matua napakaboro' tonganki',
Napamasassamo tu kamamassenganNa lako pa'padadinNa.
Ullendu'i te attu pra paskah la tanii unnannunganni, keangga' kapua
tu kaussoronganna kaleNa tu Puang lako kita, sia lata angga' ta
tontong ma'kurre sumanga' lako kaleNa, unnolai kasadia anta
ussorong attunta, pa'tangaranta, perasaan, sia barang apanta; La'bi
diangnga' tu ma'pakaboro' nadikaboro'i; morai umpakalangka'i tu
to senga' nabatang kaleta. Mangingaranki' ba'tu tae'i, buda rupanna
tu petundan lan lino tu nenne' umpanundu' salaki napourungi tang
keangga'mo lan katuoanta tu patunna kaussoronganna kaleNa tu
Puang Yesu. Belanna iato maimokomi ta bungka'i tu penaanta,
tapopengkadiongan kaleta ta akui tu mintu' penggauranta tu tang
umpapayanni tu tandana to nakamasei Puang Matua.
K Aku te to madosa, mintu'kanni te mangka umpogau' kasalan lako
padangki tolino la'biraka lako kaleMi, pagarri' sia kamaseikan
Puang.
K Menani ” O Puang,ke mo’dongi tu solaku” (NK 367:1)
1. O Puang,ke mo’dongi tu solaku natumang gau’ sia kadangku,
ke n’turu’ bangna’ pa’poraiangku,pagarri’na’.
T Lako kalemi sola nasang tu tukku lan kapenassanan kareba
kaparannuan dio mai Puang Matua dipamanassa sule :
“Iatu PUANG sumpu mamase sia sa’pala buda, kalando pesuka’ sia
kapua kamasokananNa.Tae’ anNa tontong bang unggagaiki’, sia tae’
Nala tontong bang sengke.Tae’ anNa gau’ki’ sitinaya tu mai kasalanta,
sia tae’ anNa pakkanniki’ sitinaya tu mai gau’ kadaketa.Belanna susi
sikalangka’na langi’ anna lino, susi dukamoto tu kapuana
kamasokananNa lako mintu’ to ungkataku’IPada sikambelanna
matallo anna matampu’, pada duka mambelanna to Nanii Puang
umpatoyangi dio mai kaleta tu salata.Susi misa’ ambe’ unnala mase
anakna, susi dukamoto tu PUANG unnala mase mintu’ to
ungkataku’I.”(Pa’pudian103:8-13)
K Umpopenani : ”Pudimi Tu Puang Matua” (Pa’pudian Toraya103a:)
1. Pudimi tu Puang Matua, pudimi tu Puang Matua,
sia sanga (le) sia sanga maseroNa Haleluya, sia sanga maseroNa.
2. Pudimi tu Puang Matua, pudimi tu Puang Matua,
sia da’ ammu, sia da’ ammu kalupai Haleluya, mintu’ pa’kamaseNa.
3. Pudimi tu Puang Matua, pudimi tu Puang Matua,
tu ‘mpa’dei (le) tu ‘mpa’dei salamu Haleluya,sia ‘mpamondo sakimmu.
4. Pudimi tu Puang Matua, pudimi tu Puang Matua,
tu ‘llendokan, tu ‘llendokan sunga’mu Haleluya,diong mai panglamunan.
tu ‘mbengko (le) tu ‘mbengko kameloan Haleluya,butung langkan maega.
6. Pudimi tu Puang Matua, pudimi tu Puang Matua,
tu sumpu (le) tu sumpu mamase Na Haleluya, sia sa’pala buda.
6. Paturona Katuoan Ba’ru
T Perangi tu Paturona Katuoan Ba’ru: Iatu pamengan iato silaenan a’ganna
tu bannang diona kasalanna misa’ tau. Belanna iatu umpaolai salunna tu
napobua’ misa’ tau mebaa lako kadiukungan, apa iatu pa’kamaseanNa
Puang Matua tu bannang dio kabudanna kasalan mebaa lako
kadibilangan malolo. (Roma 5:16)
7. Baenan Pa’pudian
TU+K Umbasa Pa’pudian 32:1-11
K Menani ”Maupa’ to dipa’dei kasalanna” Pa’pudian 32:1
1.Maupa’ to dipa’dei kasalanna anna disam
boi kakadakeanna; namakarimman sangga
mairi’ to tang dibilang gau’ kadakena.
Marendeng ia tu mai tau lan lino tu tang Nare
ken PUANG tu salana tu to malambu’ batu
ba’tangna tang ‘mparinaya umpakena tau.
USSEARAN KADA PUANG
8. Pangimbo La Umbasa Sura’ Madatu
9. Umbasa Sura’madatu
Toma’basa 1: Kedadian 2:15–17, 3:1-7 (SMGT)
Toma’basa 2: Roma 5:12-19 (SMGT)
J K
PF Umbasa Kareba Kaparannuan Matius 4:1-11 (Bendan)
S Menani :”Kurre Sumanga’ Puang” (NJNE 78)
10. Ullesang Kadanna Puang (Ma’dokko)
“Kamamasean-Na Puang Matua mebaa lako kadibilangan malolo”
11. Rapa’ Ma’nannungan
12. Sambayang: Ambe’ki Dao Suruga
TIMANG PAKKANNA KOMBONGAN
13. Pangakuan Kapatonganan (Bedan)
T+K Ussa’bu Sangpulo Dua Kada Kapatonganan Rasuli
14. SIMBOLISASI PAGT DAN HUT SMGT
15. Ussorong Penomba (Ma’dokko)
TU Mai komi ta sorongan penombata lako Puang Matua,ullendui batang
kaleta sia barang apanta,ta ingaranni tu kadanna Puang tu nakua: E to
malambu’ poparannu-rannukomi PUANG, sia sende paimankomi, sia
sila’tekangkomi, e mintu’ to ma’bulo lollong. (Pa’pudian 32:11)
K Menani ”O Puang Kurre Sumanga’na”(NKB 134:1-3)
1.O Puang kurre sumanga’na, inde allo Mikamaseangkan
allo ba’ru kipomaupa’ sia nalempanni pa’kaboro’Mi.
Mipalempan lako taumMi. Mipalempan lako taumMi
2 Kurre, kurre sumanga’na Mibungka rampa’ inde attu,
Anna lan kamangurangku la kupelalan tu mamaseMi,.
Tumba kapuanna sia mala’bi’,tumba kapuanna sia mala’bi’
3. La kupake tu attungku umpogau’ passanan tengkoku
Untundui tu to masussa situru’ kada sia Mipogau’na
anna payan pa’kamaseMi, anna payan pa’kamaseMi.
16. Karebanna Kombongan
17. Pangimbo Samalele
PANGRAMPANAN NA PASSAKKE
18. Menani: “Na Puang Matua mora Ia ‘ngkamaseiki’” (Pa’P 67:1)
1. Na Puang Matua mora Ia ‘ngkamaseiki’ sola
nasang Nabura’ki’ lindo masakke Rupanna
Napaarranganki’ Natandai tau ilan mintu’
lino tu lalammi Puang sia kasalamaran
lu dio mai kaleMi Kapenombangki.
19. Pangrampan
T Malemokomi : ......................
Haleluya, Penaa Masallo’ tontong unnanta’ki
20. Pa’passakke
T Na Puangmora umpamasakke komi sia ungkatirinnai komi; na
Puangmora umpaarrangikomi lindoNa sia ungkaturu-turuikomi; na
Puangmora umpatiroangkomi lindo masokanNa sia umpasiriakomi
kamarampasan.
J Amin
21. Nanian Kurre Sumanga’ “Yesumo To marengke’ta” (NK 453:1,2)
1. Yesumo To marengke’ta kita to tangpakulle.
Mintu’ ma’din diparampo massambayang lako Puang.
Lendu’ tongan masussanta, torro sala bo’yo’ta,
ke tang ‘ssorongki’ kaleta massamba yang lako Puang
2. Iake rampo-i petoba usseran katuoammu,
da’ muta’pa ka’tu rannu;me-ongli’ko lako Puang!
Yesumo To marengke’ta, ta-e’ tu sitende’Na.
Naissan tu tang pakullemu;tontongko massambayang!
**** SALAMA’ ALLO MINGGU****