MA’PASAKKA’ PF Siulu' sola nasang tu pada nakamasei Puang Matua, takanassai kumua iatu pa'kaboro'Na Puang Matua tontong mempayan lan mintu' attu, tu'tuan ba'ru kemelambi'. Allo to temo mentamaki' minggu pra pasa bunga'na, tanai unnannungi tu kasalamaran na karang Puang Yesu tu mangka ullendokanki' dio mai pearra'na kamatean. Ia duka te attu to temo tanai duka ungkilalai sulei tu katamanna kareba kaparannuan saratu'mo kasera taunna tama inde Toraja. Kurre sumanga' langan Puang Matua, dion pa'parakanna temai to ussorongan kalena umpa'peissanan kareba kaparannuan, na sae lan te attu to temo ta sa'dingan tu pengkaranganna. Mai mokomi ta menomba umpakala'bi' Puang Matua dion mintu' pengkaranganNa. Na lan te kamenombanta to temo napanundu'ki' lesoan kada siulang tu nakua : "UNNINGARAN PA'KAMASENA PUANG". TIANTEN (bendan) ”Tiranda Lan Lino Na Dao Langi’” (NK 281:1,3) Tiranda lan lino na dao langi’ tu Sanga tang pada tongan maelona; umben kabattaran lako to bo’yo’ ‘mpa sule rannunna angga to pusa Sanga Yesu nang mala’bi’. E minda tang la untandai Pela’bak?.
Den pissan na mintu’ bangsa rupa tau
nang la menomba lako Pu-ang Yesu Malaeka’ suruga ra’ban menani sisola to lino umpudi Pu-ang Yesu, Yesu Puang mala’bi’ dipangke’ sae lako Sanga Pela’bak! SAMARA BISARA & PASSALAMA’(bendan) PF Iate kamenomban dadi lan sanganNa Ambe’ na Anak na Penaa Masallo’. J Amin PF Salama' lako kamu sola nasang kamarampasan dio mai Puang Matua Ambe', Anak, na Penaa Masallo' urrondong komi. J Haleluya urrondong dukako. BAENAN PA’PUDIAN - Pa’pudian 91:9-16 (Ma’dokko) GARONTO’NA PARENTA (BENDAN) PF Misa’ parenta ba’ru Kubenkomi, iamotu: la sipakaboro’komi susi Aku umpakaboro’komi, dikua ammi sipakaboro’ duka. (Yohanis 13:34) ”Belanna Nakamaseina’”(NK 178:1,2) 1. Belanna Nakamaseina’ na sae Yesu lan lino Mangka ussorong kalena, ulla’bak kasalanku Lendu’ ia mala’bi’na, memanggan kuasanNa Ia To pakarimmanan, ullendokan tolino 2. Masokan tongan tu Yesu ‘nnanta’ katuoangku Kadanna, katongananNa, iamo pentoeangku. Lendu’ ia mala’bi’na, memanggan kuasanNa Ia To pakarimmanan, ullendokan tolino. TUARA’ MANGAKU DOSA NA KADA KAMASOKANAN (ma’dokko) T Siulu' sola nasang, iatu Puang Matua napakaboro' tonganki', Napamasassamo tu kamamassenganNa lako pa'padadinNa. Ullendu'i te attu pra pasa la tanii unnannunganni, keangga' kapua tu kaussoronganna kaleNa tu Puang lako kita, sia lata angga' ta tontong ma'kurre sumanga' lako kaleNa, unnolai kasadia anta ussorong attunta, pa'tangaranta, perasaan, sia barang apanta; La'bi diangnga' tu ma'pakaboro' nadikaboro'i; morai umpakalangka'i tu to senga' na batang kaleta. Mangingaranki' ba'tu tae'i, buda rupanna tu petundan lan lino tu nenne' umpanundu' salaki napourungi tang keangga'mo lan katuoanta tu patunna kaussoronganna kaleNa tu Puang Yesu. Belanna iato maimokomi ta bungka'i tu penaanta, tapopengkadiongan kaleta ta akui tu mintu' penggauranta tu tang umpapayanni tu tandana to nakamasei Puang Matua. K Aku te to madosa, mintu'kanni te mangka umpogau' kasalan lako padangki tolino la'biraka lako kaleMi, pagarri' sia kamaseikan Puang. T Maikomi ta tukku lan kapenassanan lako Puang diona mintu' penggauranta tu tang nangkalo' penanNa. Lan umpamanassai te pangakuan kasalanta ta nannungan meloi te nanian : Moi Natang Pato’ Kaleku ”Moi Natang Pato’ Kaleku”(NK 27:1,2) (1) Moi natang pato’ kaleku, pa tetedio raraMi sia Kamu untambaina’, ku sae mati’ o, Yesu. (2) A’ganna tu pena-angku buda tongan kadakena, rara-Mimo ‘ssero-i-na’; kusa-e mati’ o, Pu-ang. PF Lako kalemi sola nasang tu tukku lan kapenassanan kareba kaparannuan dio mai Puang Matua dipamanassa sule : ”Apa iatonna sombomo tu kamasokananNa Puang Matua, To pakarimmananta, sia pa’kaboro’Na lako tolino, Nakarimmannimiki’, tangia kumua tete dio penggauran melo tapogau’ lan kamaloloan, sangadinna situru’ kamamaseanNa tete dio kamendioran kadidadian pole sia kadiba’ruan Nakarang Penaa Masallo’, tu Napalempanmo Natuarangki’ tete dio Yesu Kristus, To pakarimmananta,” (Titus 3:4-6) ”Iatu Puang Sumpu Mamase”(NK 381:1,2) Iatu Puang sumpu mamase; na aku duka Nakamasei. Refr. Kupomakarimman tu mamaseNa, tu mamaseNa dio kaleku. Mo-i nasangkinna’ kasalanku, nasangkin manda’ tang tilendok. Refr. USSORONG PEMALA’ (ma’dokko) PL Mai komi ta sorongan penombata lako Puang Matua, ullendui batang kaleta sia barang apanta, ta ingaranni tu kadanna Puang tu nakua: manassa la muala dio mai bunga’na mintu’ bura padang, tu murampun dio mai padang, tu la Nabenko PUANG, Kapenombammu, sia la mupatama baka, mumale lako inan tu la Napilei PUANG, Kapenombammu, la umpannii sanganNa dio. (Ulangan 26:2) ”O Puang Kurre Sumanga’na”(NKB 134:1-3) 1. O Puang kurre sumanga’na, inde allo Mi kamaseangkan allo ba’ru kipomaupa’ sia nalempanni pa’kaboro’Mi. Mipalempan lako taumMi. Mipalempan lako taumMi. 2. Kurre, kurre sumanga’na Mibungkarampa’ inde attu, Anna lan kamangurangku la kupelalan tu mamaseMi, Tumba kapuanna sia mala’bi’,tumba kapuanna sia mala’bi’. 3. La kupake tu attungku umpogau’ passanan tengkoku Untundui tu to masussa situru’ kada sia Mipogau’na anna payan pa’kamaseMi, anna payan pa’kamaseMi. PANGIMBO LA UMBASA SURA’ MADATU UMBASA SURA’MADATU L-1 Ulangan 26:1-11 (Panglisuan Pa’nannungan) L-2 Roma 10:4-15 K Menani “Haleluya” T Umbasa Kareba Kaparannuan: Lukas 4:1-13 (Bendan) M Menani: ”Kurre Sumanga’ Puang” (NJNE 79) ULLESANG KADANNA PUANG (MA’DOKKO) RAPA’ MA’NANNUNGAN PANGIMBO SAMALELE SAMBAYANG: AMBE’KI DAO SURUGA PATURONA KATUOAN BA’RU (BENDAN) T Perangimi te peturona katuoan ba’ru: Totemo, manassa kusorong tu bunga’na bura padang, tu mangkamo’ Mikamasean, PUANG. La mupatorro dio oloNa PUANG, Kapenombammu, te baka, ammu tukku menomba dio oloNa PUANG, Kapenombammu, (Ulangan 26:10) “MamaseNa Puang ‘Rrondongko”(PKJ 180)(Bendan) MamaseNa Puang ‘rrondongko, sia pani’Na tu me o nganni. Natoe limammu lan ka tuo ammu; lolangko lan arrang ma se Na. PANGRAMPAN PF Malemokomi, mitontong unningngaranni tu kamamassenganNa Puang Matua lan katuoanmi, mitu'tuan duka mamase lako to senga' susi Puang Matua tu'tuan umpamanassa kamamaseanNa lan katuoanmi. J O Puang, kurre sumanga' diona mintu' kamamaseanMi, sadiakan la umpogau'i tu pa'poraianMi. PA’PASSAKKE PF Anna Puang Matuamora ungkamaseiki’ sia umbura’ki’ lindo masakke, sia umpaarrangiki’ rupanNa. K Amin “Saemo Petambana” (NK 425:1,2) (1) Saemo petambana to sambali’ mai, “Bengkanni arrangmu!” Buda tau napasumarro kasalan, “Beng-kanni arrangmu!” Refr: Bengkanni sulo Kaparannuan natundan to leppengan. Bengkanni sulo Kaparannuan natundan to leppengan. (2) Rampomo tu sarro bu’tu mambela, “Bengkanni arrangmu!” Da’mu masorro ussorong pamengan, “Bengkanni arrangmu!” Refr.