TONORAN KAMENOMBAN ALLO MINGGU

MINGGU, 23 JUNI 2019

“Napanundu’ Kuasa sia Pa’kaboro’Na Kristus”

1. Menani Pa’pudian 105:1,2

Maikomi ammi pudi PUANG mipakala’bi’ tu sanganNa
Mipatumale’i gau’Na Puang lako mintu’na rupa tau
Sininna tanda memangan la miuleleananni.
Tapudi sanga maseroNa; la sende paiman tu ba’tengna
Tu mintu’ to undaka’ PUANG; pekutananni tu PUANG
Na matoto’Na tuntunni oloNa la mipellambi’i.

2. Samaya Kamarampasan na Passalama’

T: Iatu pa’tunduanta lan sanganNa Puang tu mangka umpadadi langi’ sola lino.
Salama’ lako kita dio mai mintu’ to masallo’, narondongmira kamaturu-
turuanNa Puang Yesu Kristus tu penaanta
K: Tapada masakke mairi’ marudindin sola nasang.

Mintu’:

3. Menani PKJ 19 “Tapenombai”

Tapenombai tu Puang Matua, Pakarayai! Totumampata
I-a ungkuasai tu issinna te lino Pato’ tu mintu’na umpudi sanganNa.
Tapenombai tu Puang Matua.
Tapenombai tu Puang Yesu, Pakarayai! Sundun maseNa
Mangkamo Ia mate disali’ dao Golgota, urungan tolino seroi salana.
Tapenombai tu Puang Yesu
Tapenombai Penaa Masallo’, Pakarayai! Loka’ kuasanNa
I-amo unnanta’ mintu’na tu tengkaki, namukkun memba’ru tu katuoangki
Tapenombai Penaa Masallo’

4. Sangpulo Sukaran Aluk

5. Pangakuan Kasalan
T: Belanna iatu sukaran alukNa Puang Matua, tu Kareba panglendokanNa
Puang Matua urrunntuk kamengkaolanta sia kumua naditai tu kasalanta,
iamoto tasipatu umpamadiong penaanta dio oloNa Puangta ta mangaku
kumua:
K: O Ambe’ sumpu mamase mangakukan kua to kasalanmokan lan
pa’tangaran, lan buangan kada sia lanpenggauranki. Pagarri’kan sia
kamaseikan lan sanganNa Yesu Kristus.
6. Menani PKJ 43 “Puang Tangdipura tu Salaki”
Puang, tangdipura tu salaki. Puang, benmokan tu kagarrisan.
Puang, tae’mo kami tu angga’ki. Puang, pena-a mannamo torro.
Puang, pagarri’ to ma-i tau. Puang, Mitandai tu penggauranna.
Puang, tangdipura tu salaki. Puang, benmokan tu kagarrisan.

7. Pa’pakareba Kamasokanan
T: Iamoto perangimi tu kareba ma’pakatana dio mai Puang Matua: Iatu
PUANG sumpu mamase sia sa'pala buda, kalando pesuka' sia kapua
kamasokananNa. Tae' anNa tontong bang unggagaiki', sia tae' Nala tontong
bang sengke. Tae' anNa gau'ki sitinaya tu mai kasalanta, sia tae' anNa
pakkanniki' sitinaya tu mai gau' kadaketa. Belanna susi sikalangka'na langi'
anna lino, susi dukamoto tu kapuana kamasokananNa lako mintu' to
ungkataku'I

8. Menani Pa’pudian 119:1

Maupa’ tongan tu mintu’na tau ‘ngkana’pai sukaran alukNa Puang to
‘mparitambuk kamaloloan;
Unnanna rara’ mintu’ kasa’bianNa kalebu tallang tu penaanna undaka’ Puang
To Kapenombanna.

9. Peturona Katuoan Ba’ru: Galatia 3:26

10.Umbasa Pa’pudian 42:1-12
11.Menani Pa’pudian 42
Susi donga ma’rang tongan mandu seka-seka bang
‘ndaka’ salu ba’tu limbong susi duka penaangku,
ungkamali’ Komi Puang: ba’tu piran kula sae
la mentama banuamMi ‘mpudi penaa meloMi?
Tumarantan uai matangku ke makale’ ke karoen
Tang kupura tu tangi’ku keallo si-a kebongi
Liu mapa’di’ penaangku pa naku-an bangmo’ tau
Eka! Umbara tu Puangmu murannuan la ‘ntunduiko?

12.Umpa’pakareban Kareba Kaparannuan

 Massambayang La Umbasa Sura Madatu
 Ma’basa Sura’ Madatu
L1: Yesaya 65:1-9
L2: Galatia 3:1-29

K:
T: Lukas 8:26-39
Menani “Kurre Sumanga’ Puang”
13.Ma’ululean
14.Rapa’ Ma’nannungan
15.Sambayang Ambe’ki Dao Suruga
16.Pangngakuan Kapatonganan
17.Ussorong Pemala’: Pa’pudian 99:1-4
Pu-ang tongan Ia ‘ntoe kapayungan natorro magiang tu sangtolinoan
Ia ‘nnisungi makaraengna natikui malaeka’ natigega’ lino.
Si-on tongan Nanii ku-asa Puang I-a untonglo-i ma’rupa tau.
La dipangke’ Ia tu sanganNa Puang; Napasomboangki’ tu kamasero-anNa.
Datu tongan Ia tu tae’ untaloI; mintu’ Kada Pu-ang tang disondai.
Mangka umpoga-u’ katonganan, sia kamaloloan ilan bati’na Yakub.
Pakala’bi’mi tu sanganNa Puang; ammi pennoloI tu Kapenomban.
Inang Iamo Pu-ang, maseroliu tu sipatu Ia dipakaraya tongan.

18.Karebanna Kombongan
19.Pangando Samalele
20.Menani PM 173:1,2
Tampei tu rapummu, banuanna ambe’mu Sorongko kalemu,
tama limanNa Puang
Kadan-Na kanappa’i muparannu lu lako tu tondok marendeng,
manassamo mupatu.
Tikarakomi lao dio lu to’ batatta Si-a messepe’na, tu megi’giranna.
Ponnoi tu banuangKu. Tambai mintu’ tau tama Kasalamarang-Ku malona’
tu inan.

21.Passakke
T: Na Puangmora umpassakkekomi sia ungkatirinnaikomi; na Puangmora
umpaarrangikomi lindoNa sia ungkaturu-turuikomi; na Puangmora
umpatiroangkomi lindo masokanNa sia umpasiriakomi kamarampasan.

K: