TONORAN KAMENOMBAN ALLO MINGGU,23 JANUARI 2022

GEREJA TORAJA JEMAAT PANGA’

(Situang Tonoran II, Stola Maido)
Unnangga’ sia Umpoparannu Sukaran Aluk-Na Puang Matua
****************************************************************
SIPULUNG MENOMBA
(Singkatan T = To Ussalurundun Kadanna Puang Matua / To Ma’kamaya (Pelayan Firman), K =
Kombongan, TU = To Umpatengka Tonnoran Kamenombaan (Pemandu Liturgi)
1. Pa’pasakka’
TU Salama’ lako kita sola nasang, salama’ allo Minggu. Kurrean sumanga
sia kadipudian tontong dipakendek langan olo mala’bi’-Na Puang
Matua ma’tete lan Yesu Kristus. Pa’tunduan sia pa’kaboro’-Na
tontong na papayan lan mintu sulapak katuoanta. Ullendu’i
pa’kaboro’-Na tanai unnampa’i tu katuoan. Totemo, saeki’ menomba
dio olo-Na ullendui’ Tema Unnangga’ sia Umpoparannu Sukaran
Aluk-Na Puang Matua. iamo la mendadi pa’nannunganta lan te
kamenomban attu totemo. Ta ra’ban-ra’ban sola nasang ta pangke tu
Puang Matua. Mai komi ta bendan.
2. Tianten (Bendan)
3. Menani : “Indeko Ta Menani” (NJNE 4:1,2)
Indeko E sangmane, indeko tamenani
Indeko E sangbara’ indeko tapudi Puang
Reff. Ta pudi-pudi Puangta, tu Puang masokan
Puang To mekarimanni, tontong sae lakona
O indo’, o ambe’ku, E siulu’ sola nasang
Ta pakendek pa’pudian, langngan Puang Kapenomban, Reff
4. Samara Bisara (Bendan)
T Iate kamenomban dadi lan sanganNa Ambe’ na Anak na Penaa
Masallo’.
K 1xx x.x x2x x x3xx|c4 . 3 .| 2 . 1 .|z4x x.x c2 .|1 . . .+
A - min, A - min, A - min.
5. Passalama’
T Narampoimorokomi kamaturu-turuan sia kamarampasan dio mai
Puang Matua Ambe’ta sia Puang Yesu Kristus, Jurusalama’ta
ullendu’i Panganta’Na Puang Pen Masallo
K Lulako duka kalemi
6. Baenan Pa’pudian (Umbasa Pa’pudian 19:1-5) (Ma’dokko)
TU Mintu' langi' unnulelean kamala'biranNa Puang Matua, sia batara
umpa'peissanan panggaraga limanNa.
K Allo umpokadanni kada tu allo, sia bongi umpa'peissananni lako bongi.
TU Tae' basana sia tae' kadanna; tae' misa' tau urrangi gamaranna.
K Moi susi to situtu'mo mintu' lino tu pa'uleleanna, sia landa'mo lako
randanna langi' tu kadanna.
TU Indeto Nanii Puang umpabendananni tenda tu matanna allo.
K Tu butung misa' muane ma'rampanan kapa' sun lan mai bilikna,
TU sia sende paiman butung pa'barani la ullingkai lalanna.
K Iatu kadellekanna dio mai randan langi',
TU sia kamenggulilinganna landa' lako randan sangbalinna,
K na moi misa' apa tae' kalalunan dio mai kamapannanganna.
TU Iatu sukaran alukNa PUANG sundun, sia umpapaya penaanna tau;
K iatu kasa'bianNa PUANG matappa', sia umpabu'tuan kakinaan to tang
paissan.
TU Iatu parentaNa PUANG manappa', sia umpasende penaa; pepasanNa
PUANG masero, sia umpemarorrongi mata.
K Iatu kamatakuran lako PUANG masallo', sia tontong sae lakona;
atoranna PUANG tonganna; sia malambu' nasang.
TU Tu mandu maballo anna bulaan, moi na bulaan tasak buda; sia mandu
matanning na tani' enoan, sia iatu lannapa serangna.
K Sia iamo la umbangunni ada' taumMi, na diona kanaturusanna kapua
tongan poleanna.
TU Mindara tu unnissan mintu' kapusanna? Seroi pindanna' dio mai
mintu' kasalan tang dikita.
K Karitutui dukai tu taumMi dio mai kamatampoan, da nataloina' tu
kamatampoan;
TU manera' tang sayuan, sia masero pindan dio mai sala kapua.
K Sangapaoi anna iatu mintu' kada sun dio pudukku sia tangnga' diong
penaangku naala penaamMi,
TU + K O PUANG, buntu batungku sia To mangla'bakku.
K Menani NK 33. KURANGI GAMARAMMI
Ku - ra - ngi-Komi Puang‘ntambai tang to - re - na’, di-
ku- a na do Gol-go - ta sa - la - ku Mi-se - roi !
Refrein:
Sa - e - mo’ Pu - ang, la - ko ka - le- Mi;
lan ra - ra ma - la’- bi’- Mi se - roi - na’ o, Pu- ang.
7. Sangpulo Sukaran AlukNa Puang Matua (Bendan)
8. Tuara’ Mangaku Dosa (Ma’dokko)
T O, Puang. Mati’ kale-Mi ondong mati’ manna kale-Mi kiniimo kasalan
sia umpogau’ apa kadake dio pentiro-Mi. Katuru-turuikan o, Puang
Matua, sitinaya kamasokanan-Mi. Pa’dei tu salaki sitinaya kakapuanna
 mamase-Mi sia pa’kaboro’-Mi lan sangan-Na Yesu Kristus Puang
Pela’bakki.
K Pagarri’kan sia kamaseikan o, Puang Matua
9. Umponanian NK. 37a
Batu karang matotto’ tu pentirerungangku
Tang tibendon lenKomi, moi tisenona bombang,
Puang Yesu kuongli’ o tunduina’ Puangku.
10. Kada Kamasokanan
T Lako kamu sola nasang tu tukku lan kapenassanan, dipamanassa sule tu
kareba kamasokanan dio mai Puang Matua: Minda-minda
umpatonganNi tu Anak, ia unnampui tu katuoan tontong sae lakona;
apa minda-minda tang umperangii tu Anak, tae' nala sikita katuoan,
sangadinna tontong dio kalena tu kasengkeanNa Puang Matua. (Yohanes 3:36)
M Umponanian NK 235:2, 6
2. Puangku rongko’Mi lempan, susi uran dibolloan.
Pata’pa-i pe-na-angki, tu penaa malammaki.
Benna’ Puang, benna’ Puang, pata’pai penaangku.
6. MamaseMi, o, Puangku ussero-i penaangku
Angganna pa’poraiamMi la kuturu’ sae lako.
Benna’ Puang, benna’ Puang pamaserona’, Puang.
11. Ussorong Pemala’ (Ma’dokko)
TU Susi tu disura', nakua: “Sangapaoi anna pudiKomi mintu' bangsa, o
Puang Matua; ondongpi mintu' bangsa massola nasang la
umpudiKomi.”.(Pa’pudian 67:4)
Menani Tangiara kasugiran”
1.Tangiara kasugiran , kamawatangan ta sattuan ,
Tangiara belanna kamalamburanta napourung anta salama’
Ref. Mamase le mamaseNa ri Puangta , Puang Yesu,
Mamase le mamaseNa ri Puangta, Napagarri’ tu kasalanta.
2.Tangiara pamenganta, kamaloloanta ta sattuan,
Tangiara belanna pa’bo’yo’-bo’yo’ta na pourung anta salama’. Ref.
3. Tangiara kapaissanan, sia sarota ta sattuan
Tangiara belanna pa’pora-i-anta na pourung anta salama’. Ref.
TU Passambayang Penomba
USSEARAN KADA PUANG
12. Pangimbo La Umbasa Sura’ Madatu
13. Umbasa Sura’madatu
Bunga’na Pa’basan : Nehemia 8:1-9
Ma’pennuanna Pa’basan : 1 Korintus 12:12-31
 K Menani “Haleluya”(KJ. 473a)
jtj t | y t’j1j 1 | 2 1 ’ j4j 4 | jz3xj xk2xk x1x c2 | 1.+
Hale - lu-ya, hale - lu - ya, hale - lu - ya.
T Umbasa Kareba Kaparannuan: Lukas 4:14-30 (Bendan)
M Menani: ”Kurre Sumanga’ Puang” (NJNE 79)
14. Ullesang Kadanna Puang (Ma’dokko)
15. Rapa’ Ma’nannungan
TIMANG PAKKANNA KOMBONGAN
16. Kareba Kombongan
17. Pangimbo Samalele
18. Sambayang: Ambe’ki Dao Suruga
PANGRAMPANAN NA PASSAKKE
19. Paturona Katuoan Ba’ru (Bendan)
T Perangimi te peturona katuoan ba’ru: Natoe manda' deatangku tu
kasa'biamMi, sia kupa'buda-budai tongan. Kutoe manda' tu mintu'
parentaMi sia kasa'biamMi. Belanna mintu' lalanku payan nasang dio
oloMi.(Pa’pudian 119:167-168)
 Menani PKJ 180
MamaseNa Pu-ang ‘rrondongko, sia pani’-Na tu meonganni.
Natoe limammu lan katuoammu; lolangko lan arrang mase-Na.
20. Pangrampan
T Malemokomi umpogau’i tu kadan-Na Puang, kilalai kumua paralluki’
Unnangga’ sia Umpoparannu Sukaran Aluk-Na Puang Matua lan
katuoanta. Patonganni sia tarimai tu passakke-Na Puang Matua:

21. Pa’passakke
T : Na PUANG mora umpamasakkekomi sia ungkatirinnaikomi;
na PUANG mora umpaarrangikomi lindoNa sia ungkaturu-
turuikomi; na PUANG mora umpatiroangkomi lindo masokanNa
sia umpasiriakomi kamarampasan.
Menani “Nang Sipatu Tapa’peissanan” (NK 426)
Nang la male tapa’peissanan lako lino kapi’tukan
Tu katonganan pa’kaboro’
Sia rampa’ matontongan, sia rampa’ ma’tontongan
Reff. Tu belanna berre’mo allo, namangarrangmo masiang
Kuasan-Na Kristus mempayanmo marorrong kaboro’-Na