LITURGI NATAL UMUM 25 DES 2019

GBKP RG. BAMBU RAYA KLASIS MEDAN DELITUA

Tema : Dame Kristus Min Singajari Kam (Kolose 3:14-17)
Sub Tema : Semangat Natal njadiken kalak sitek pentar ibas ngalaken
perubahen zaman modern dingen ngasup makeken
teknologi informasi alu mehuli

I. PERSIKAPEN
1. Erlajar rende ende-enden si lit ibas tata ibadah Natal ibabai : MC
2. Kata Pengalo-ngalo ibas Panitia Natal
3. Koor/VG PJJ 12 “Sukacita”
Koor/VG PJJ 10 “Reh Me Ia”
4. Kata penaruh ku bas kehaktin (Dk. Nd. Moses Ginting Br. Sembiring)
Runggun gereja ngataken selamat Natal man banta kerina si enggo pulung
ibas ingan enda. Ibas wari/berngi enda kita iajuk guna ersikap ngaloken
ketubuhen Yesus Kistus ibas kegeluhenta. KerehenNa tuhu tuhu maba
kedamen kubas kegeluhenta aminna gia terjadi perubahan si drastis
itengah tengah kegeluhenta gundari. Sada tahun enggo dekahma kifa
ngelakoken kerina kegiaten pelayanen gereja, kerina enda erbanca kita reh
dewasana ibas kegeluhenta. Mari sipesikap ukurta, bengket kita kubas
kebaktin Natal, sialo-alo kerehenNa alu dem keriahen ukur. Sope denga
sibenaken kebaktinta mari radu ras kita ertoto.
5. Ertoto
6. Koor/VG PJJ 3 “Mari Sukacitalah”
Koor/VG PJJ 13 “ Nyanyi dan Bersoraklah”
7. KEE No. 241:1-3: Eme Kap Wari Si Mbelin
(Perpulungen tedis )
Prosesi memasuki ruang ibadah
1. Emekap wari simbelin. lb're Dibata banta kin
AnakNa re ku doni e. Si inget min kelengNa e
 2. Tersinget kap enggo ndekah. Tuhanta nusur me gelah
Pertibi enda la bene. E tek me kita IA pe.
3. Pujin si reh ku doni e. Ende-endenta baNa pe
Gelah me salih kita min. Nggo jadi anak Tuhan kin

II. KEBAKTIN
1. Votum. Salam, Invocatio: (L Liturgis, P : Perpulungen)
L : Kebaktin perayaan Natal Umum enda ibenaken ibas gelar Dibata
Bapa, si nepa langit ras doni, ibas gelar anakNa Yesus Kristus
simpeteruk baNa jadi seri ras manusia ras ibas gelar Kesah si Badia
simereken keriahen situhu-tuhu man banta. Perkuah ate ras dame
ibas Dibata Bapa, ras ibas Tuhan Yesus Kristus nari, ibas
kerembaken Kesah Si Badia ras kita (kam) kerina gelah. Gloria....
P : Glo ria.... Glo.. ria... Glo... ria...
6.5.1..7..4..3.1.2.1.
L : Kekekenlah, O Jerusalem, ersinalsallah, terangNdu enggo reh
sabap kemuliaan Tuhan nggo ersinalsal i babondu. (Jes. 60:1)

2. Rende: KEE No. 239: 1-3, Si Endekenlah 'Nde-Enden Si Meriah

1). Siendeken nde-enden si meriah man Tuhanta si nggo tubuh bas
pelangkah
Sabab patut nge krina kita nembah ban babaNa terang ngaruh ras pe
tuah
Reff
Dage mari kita kerina, 'Lah si puji gelar Dibata,
Ulanai ukur erbera, Tuhan Ycsus me kap Rajanta

2) Tuhan Yesus metunggung dat pujin Perban la si ngajari kita kin

Kek'lengenNa la erkeri-kerin Adi pakelah pedahNa seh pagi
Reff: Dage.....
 3) Gelgel nari suratken nabi-nabi reh me s'kalak si nampati ku pertibi
Em pemere idur Dibata nari Enggo tubuh i Betlehem tengah bengis
Reff: Dage......

3. Koor/VG PJJ 4 “Yang Raja Maha Agung”

Koor/VG PJJ 9 “Anugrah Terindah”

4. Ersikap Ngalo-ngalo Ketubuhen Kristus

(Perp. Kundul)
L : O kam si malang man Tuhan. Ndaratlah kam arah kerabangen,
man kerina kalak si ipilih Dibata bas ingan si ndauh nari bahanlah
dalan. Sikapken pasar si mbelang agui batu-batuna, pajekken
tanda-tanda man enterem jelma maka Tuhan enggo reh
P : Sialo-alo Ia ralep-aleplah min kita, pesikaplah ingunNa bas
ukurta (tendeken Reff KEE 294)
L : Katakenlah man kerina si malang man baNa. Nggo reh Tuhan si
engkelini kam.
P : Sialo-alo Ia ralep-aleplah min kita, pesikaplah ingunNa bas
ukurta (tendeken Reff KEE 294)
L : Tetaplah ngataken bujur man Tuhan sebab la reh guna
nelamatken kam ibas kelbung dosa nari.
P : O Tuhan kepeken keleng ateNdu tetap njayam kegeluhen
kami, tupung ikira-kira kami wari-wari kegeluhen si enggo
lepas, igejap kami maka keleng ateNdu tetap ibas kami.
L + P : Keleng ate Tuhan kap sinaruhken kita seh ibas natal enda.
Emaka marilah si alo-alo la alu ras kita rende5. Rende: KEE
294: 1 3 MERIAH KAI, LKURTA"
1. Meriah kal ukurta reh kap penampat
Pesikap lah dalinNa ibas ukurta
Biak-biak keg'lapen tadingken kriau
Aloken kesangapen keleng ateNa
 Reff : Si alo-alo IA, ralep-aleplah min kita
Pesikaplah inganNa bas pusuhta

2. Di lit simeluk-eluk si pesikaplah

Ukur si nggeduk-nggeduk jadi pinterlah
Pesai-pesai dalanNa Raja Mulia
Babailah kalak k'rina nembah man baNa.
Reff : Si alo alo......

3. Dibata kap Bapanta si nuruh la

Nusur ku doni enda ndahi manusia
Robahlah dingen jera kita kerina
Dosanta i angkutNa terkelin kita:
Reff : Si alo alo......

5. Koor /VG PJJ 2 “Paksa Berngi Gelap

Koor/VG PJJ 7 “Berngi Si Nggedang”

6. Padan Dibata kerna Ketubuhen Kristus/Nagani

(Perp Tedis)
L : "Bangsa si nggeluh ibas kegelapen enggo ngidah sinalsal si
erkinar. Kalak si ringan ibas awih-awih kematen enggo isalsali
terang si harhar. Enggo iberekenNdu keriahen si mbelin O
Tuhan, malem atena ibahanNdu" (bd. Jes 9:2) Marilah dage
sisagani lilin Natal sebage tanda maka terang e nggo reh ku
tengah- tengah geluhta, ersinalsal terang Tuhan ibas pusuhta
dingen nggit kita maba terang Tuhan ibas geluhta. (Sinagani
lilin sue ras iaturken Panitia)

7. Rende Kee. No. 135 :1-3 Berngi e nggo kepe

1. Berngi e, nggo kepe, Yesus reh ku doni e
 Nusurlah ngangkut dosanta me kin
Jadi kap musil 'lah sangap pagin,
Asa si tek Tuhan e, asa si tek Tuhan e

2. Anak e, bujur pe, singena me aku e,

KiniulinNdu tadingken Kam kap
Bengket ku doni lah t’rang sigelap
Aku daramenNdu e, aku daramerNdu e

3. Berngi e, nggo kepe, Tuhan reh. ku dori e,

Padan Dibata teridah tetap
KinikelengenNa banta me kap,
Tuhan si puji gelah, Tahan si puji gelah

8. Pengogen Kata Dibata: Lukas 1: 26-38 (Perp. Kundul)

L : Ketuahen kalak si uegiken Kata Dibata dingen simakekenca
ibas kegeluheta si tep-tep wari. Haleluye
P : Haleluya... Haleluya...Halcluya...

9. Khotbah/Renungen Natal : Kolose 3:14-17

10. Pengakun Kiniteken
(Perp. Tedis)

11. Koor/VG PJJ “Reh Me Ia”

(Perp. kundul)
Koor/VG PJJ 6 “Kasih Bapa”

12. Persembahen: 100 % guna pensiunen GBKP

a. Kata Dibata si jadi palas nehken persembahen pengataken bujurta man
Dibata: ‘ O senina ras turang, nginget perkuah ate Dibata simbelin
sinisehkenNa man banta, ku pindo man bandiu: Edeskenlah kulandu
 man Dibata saja selaku persembahen singgeluh rikutken singena
ateNa Sabab bage me arusna kam ersembah man Dibata sue ras
biakndu selaku makhluk si rukur (Roma. 12:1)
b. Rende: KEE No. 302:1-1 Nginget Perkuah Dibata Si Mbelin
1. Nginget perkuah Dibata Si Mbelin,
si isehkenNa man banta k'rina kin
Ibas kerina dampar kegeluhen,
i doni si dem alu keguluten

Reff: Endeskenlan kulanta man Dibata,

kerinana si lit ibas geluhta
Selaku persembahenta si nggeluh,
em persembahen si ugena ateNa

2. Sabab bage me arusna kita kin,

ersembah man Dibaranta si mejin
Si nggo m'reken man banta manusia,
keg'luhen si mehuli ras badia
Reff...

3. Marilah k'rina si puji Dibata,

janah sipeteruk ka pe ukurta
Alu bage si dat sura-suraNa,
kai si mehuli ras ngena antena
Reff...
c. Pertoton Persembahen + Pertoton Syafaat.

13. Koor/VG PJJ 5 “Nyanyikanlah Nyanyian Baru Bagi Tuhan”

Koor/VG PJJ 1 “Ditengah Ombak”
14. Tekad Natal
(Perp. Tedis)
L : Dibata enggo mpeteruk diriNa bali ras manusia, ngejapken kerina
sui ras riah ukurta bage pe maba terang ku bas geluhta si gelap
enda. Uga dage sikapta nangdangi keleng aleNa e?
P : Ibas kami ndatken keleng ate Dibata e, maka kami nggit ngaloken
Tuhan jadi Raja ibas geluh kami dingen bijaksana ibas mekeken
pemeteh silit ibas kami bagepe makeken teknologi informasi alu
mehuli.
L : Cidahkenlah kekelengendu erkiteken Dibata penampatnndu si
enggo Jadi bali ras Manusia dem kekelengen, dalankenlah
perbahanen si ngena ate Tuhan.
P : Tuhan erpadan kami guna ndalanken singena ateNdu, engkelengi
diri kami bagi Kam enggo ngkelengi kami, ersada ras teman kami
guna muji gelarNdu.
L + P : Amin

15. Koor/VG PJJ 8 “Ia Segalanya”

16. Rende KEE No. 334:1-2; Tuhan Kap Si Empuna Geluhta
1) Tuhan kap si empuna geluhta, gegehta la si merekenca
Kiniteken pe ras pemetehta e pe la si njujurkenca
Ia kap erbanca kita sangap, Tetaplah man la kita ngarap
Di reh susah breNa serpah pulah, tendi kula mejuah-juah

2) Dage tetaplah bulat ukurta, geluhta pe lalap min erguna

Lagu langkah pe la sia sia, gelar Tuhanlah ermulia
Adi jumpa kita si mesera, pengarapen ula kal min pera
Kune riah ukur kita jumpa nehken bujur ula kal lupa

17. Pertoton Tuhan

18. Pengutusen ras Pemasu-masun
L : Laweslah kam ku kegeluhenndu sekalak-sekalak: "Dage
ersinalsallah min terangndu I lebe-lebe kalak sienterem gelah adi
idahna perbahanenndu simehuli, ipujina Dibata, Bapandu sini
surga." Guna sie alokenlah pasu-pasu idur Dihata nari:

Ipasu-pasu janah ikawali Dibata kam, siang ayo Dibata ersinalsal

ibabondu janah melias ateNa ngenehen kam, itatap Dibata ku
kam janah malem ate ndu ibahanNa, Amin.
P : A...min A...min A.........min (iendeken)

III. PERAYAAN NATAL