LITURGI NATAL UMUM TAHUN 2018

GBKP RG. P. SIMALINGKAR KLASIS MEDAN DELITUA

Malam Natal, 24 Desember 2018

Tema : Tuhan Kap Ras Kam. Jadilah Pasu-Pasu (Luk 1:26-33)

Sub Tema : Natal mpeturah jiwa enterpreneur sejati, peduli lingkungen ras kesehaten dingen
ertanggungjawab ibas pendilo Dibata guna jadi saksiNa; saksi sitetap jadi pasu-pasu man
kerina manusia, doni ras isina.

I. PERSIKAPEN
1. Mengarahken ngawan perpulungen ersikap ngikuti ibadah Natal alu khidmat si ibabai : MC
2. Kata Pengalo-ngalo ibas Panitia Natal
3. Kata penaruh ku bas kebaktin (Ibabai sekalak serayaan Tuhan, Pt/Dk.)
Senina ras turang kekelengen Tuhan Yesus Kristus mejuah-juah man banta kerina. Runggun gereja
ngataken selamat Natal man banta kerina si enggo pulung ibas ingan enda. Ibas wari/berngi enda kita
iajuk guna ersikap ngaloken ketubuhen Yesus Kristus ibas kegeluhenta. Kerehenna mpelimbarui
kegeluhen perpulungenNa ibas si gelap ras erdosa guna bengket ku kegeluhen si mbaru bas kebenaren ras
kebujuren. Sada tahun enggo sibentasi ibas kita ngaloken kerina kegiaten pelayanen gereja, khususna ngorati
kata Dibata sierbahanca reh bagesna penandita kerna Dibata, reh ngasupna kita ncibalken geluhta bagi si
ngena ateNa ras peningkatan peribadatenta subuk secara pribadi bage pe ibas persadanta.Janah ersikap kita
guna mbengketi tahun si reh emekap tahun enterepreneur, peduli lingkungen ras kesehaten. Ija reh ngasupna
tole kita nggeluh sikeleng-kelengen ras sisampat-sampaten. Mari si pesikap ukurta, bengket kita kubas
kebaktin Natal sialo-alo kerehenNa alu dem keriahen ukur. Sope denga sibenaken kebaktinta mari radu ras
kita ertoto.

4. PEE No. KEE 294: 1 - 3 “ MERIAHKAL UKURTA”

(Perp. Tedis – Prosesi memasuki ruangen ibadah)
1. Meriah kal ukurta Reh kap penampat
Pesikap lah dalinNa ibas ukurta
Biak-biak keg’lapen tadingken krina
Aloken kesangapen keleng ateNa
Reff: Si alo-alo ia, ralep-aleplah min kita
Pesikaplah inganna bas pusuhta

2. Di lit simeluk-eluk si pesikaplah

Ukur si nggeduk-nggeduk jadi pinterlah
Pesai-pesai dalanNa raja Mulia
Babailah kalak k’rina nembah man baNa. Reff:

3. Dibata kap Bapanta si nuruh Ia

Nusur ku doni enda ndahi manusia
Robahlah dingen jera kita kerina
Dosanta i angkutNa terkelin kita: Reff:

II. KEBAKTIN
1. Votum, Salam, Introitus : (L : Liturgis, P : Perpulungen)
L : Kebaktin perayaan Natal Umum enda ibenaken ibas gelar Dibata Bapa, si nepa langit ras doni,
ibas gelar anakNa Yesus Kristus simpeteruk baNa jadi seri ras manusia ras ibas gelar Kesah si
Badia simereken keriahen situhu-tuhu man banta
Perkuah ate ras dame ibas Dibata Bapa, ras ibas Tuhan Yesus Kristus nari, ibas kerembaken Kesah
Si Badia ras kita (kam) kerina gelah. Gloria
P : Glo ria.... Glo.. ria..... Glo... ria......

L : Icidahken Tuhan me kuasaNa, ilebe-lebe mata kerina bangsa. Kerina doni pagi ngidahsa Tuhan
engkelini bangsaNa (Jes. 52:10) Amin.
2. Rende : KEE No. 239:1,3,4 “Si Endeken ‘Nde-‘Nden Si Meriah”
1. Siendeken ‘nde-‘nde-n simeriah,
man Tuhanta si enggo tubuh bas pelangkah
Sabab patut nge krina kita nembah,
Ban babaNa terang ngaruh ras pe tuah,
Reff : Dage mari kita kerina, lah sipuji gelar Dibata,
ulanai ukur erbera, Tuhan Yesus me kap rajanta
3. Gelgel nari suratken nabi nabi , reh me skalak sinampati ku pertibi em pemere idur
Dibata nari enggo tubuh I Betlehem tengeh berngi
Reff…..

4. Tuhan Yesus ku inget min Kam rusur

lah babaiNdu pergeluhku ku sibujur
Dibage kiniteken la erkusur, enggo paguh gia lit rusur si ngugur
Reff…

3. Koor/VG/Solo/Puisi : (Perp. Kundul)

4. Pengarapen Keleng ate Dibata man perpulungen (bangsaNa), tapi bangsaNa e rusuren la
nggejapkensa (pertoton).
L : Sekalak pe la lit bagi Tuhan Dibatanta, Ia ringan I das ingan si meganjangna.
P : Megati ndauhsa iakap kami Kam Tuhan, mapas iakap kami Kam, ajarilah kami.
L : Tapi itatapNa nge kuteruh ngenehen langit ras doni.
P : Iakap kami labo lit si mperdiateken kami Tuhan, ajarilah kami.
L : IpekekeNa si musil ibas abu taneh nari, iangkatNa kalak si kekurangen ibas kiniseran nari.
Jenari ijadikenna ia jadi teman anak raja, anak-anak raja bangsaNa jine.
P : Gegeh kami si kurang mabai kami megulang terbagesen kubas embang kiniseran, pasek
kami la terang pemegi kami kerna padan keleng ateNdu, ajari kami Tuhan.
L : Ibas jabu iperiahkenNa ukur ndehara si la mupus, iberekenNa man bana nterem anak
ipupus.
P : Tuhan kepeken ibas kai pe kami iperdiatekenNdu, ibegiNdu nge sora kami erlebuh, labo lit
kesilahen keleng ateNdu man kami, bujur Tuhan.
L : Enda me Berita Natal man banta : “Sabab bage pengkelengi Dibata doni enda, e maka
iberekenNa AnakNa si Tonggal, gelah ola bene ise pe si tek man baNa, tapi gelah dat
kegeluhen si tuhu-tuhu si la erkeri-kerin”.
P + J : Amin.

5. Rende : KEE 136: 1 - 3 “ Kam K’rina Si Tek”

1) Kam k’rina si tek mari surak janah puji Pedas min kerina ku Betlehem
Nehenlah anak tubuh man Tuahta Mari kita nembah, mari kita nembah,
Mari kita nembah man Raja

2) O Raja mulia sinjujurken krina La mela Kam kundul ibas ampun

Kam me Dibata mula-mula nari Mari kita nembah, mari kita nembah,
Mari kita nembah man Raja

3) Kam k’rina malekat pujilah man Tuhan Ersurak, ersurak man baNalah.
Puji Dibata I surga, I doni Mari kita nembah, mari kita nembah,
Mari kita nembah man RajaMeriah kal ukurta Reh kap penampat

6. Koor /VG/Solo :
7. Responsoria: Pengataken bujur man Dibata erkiteken keleng ate Na man manusia
L : Sabab enggo ipetangkas Dibata lias ateNa guna keselamaten kerina manusia. Lias ateNa e
ngajari kita nadingken kegeluhen si la ngena ate Dibata ras sura-sura doni, gelah nggeluh kita
ngkuasai dirinta, bujur janah si sembah Dibata au kegeluhennta i doni enda.
 P :
Rende KEE No. 115:1
Keriahen si mbelinna, si ku beritaken e
Enggo tubuh si Permakan, eme Tuhan Yesus e
Pujilah min Dibatanta,
ras dame-dame, dame man banta
Dibata nta si erkuah ate
Man kita jelma e.
L : Genduari kita paksa nimai wari kemalemen ate si iarapken kita eme kerehen sinalsal
Dibatanta si mbelin ras si ngkelini kita eme Yesus Kristus. Enggo iendeskenNa diriNa man
banta, guna nebusi kita I bas kerina si jahat nari, janah ibahanNa kita jadi sikerajangenNa jadi
bangsa si bersih, si mesikel erbahan si mehuli (Titus 2:11-14)
P : Rende KEE No. 115:3
Tuhan Yesus persadanta, em isuruh Bapa e
Si nasapken k’rina dosa, ibas Golgota kepe
Puji lah min Dibata nta…
ras dame, dame, dame man banta
Dibatanta si erkuah ate ….
Man kita jelma e …
L ; Tanda na maka Kam enggo erkuasa ibas kegeluhen kami tentuna teridah arah perbahanen
kami si ncidahken kami enggo bengket ku bas terangNdu. TerangNdu tetap ersinalsal ibas
kegeluhen kami erbahanca kami pe mediate nandangi teman kami manusia. Desken lilin si
nggit ngkorbanken dirina guna nerangi sekelewetna, bage me pe kerina manusia isuruhNdu
banci jadi terang man temanna manusia. Emaka mari dage sisagani Lilin Natal enda
guna mabai kita kempak terang Kata Kristus ibas wari Natal enda. Amin
P : Amin

8. Koor/VG :
9. Nagani Lilin Natal : Iaturken Panitia
Rende Kee. No. 135 :1-3 Berngi e nggo kepe (Perpulungen Tedis)
1. Berngi e, nggo kepe, Yesus reh ku doni e
Nusurlah ngangkut dosanta me kin
Jadi kap musil ‘lah sangap pagin,
Asa si tek Tuhan e, asa si tek Tuhan e

2. Anak e, bujur pe, singena me aku e,

kiniulinNdu tadingken Kam kap
Bengket ku doni ‘lah t’rang si gelap ,
Aku daramenNdu e, aku daramenNdu e

3. Berngi e, nggo kepe, Tuhan reh ku doni e,

Padan Dibata teridah tetap
KinikelengenNa banta me kap,
Tuhan si puji gelah, Tuhan si puji gelah

10. Pengogen Kata Dibata : Yesaya 12:1-6 (iogeken alu responsoria)

L : Ketuahen kalak si megiken Kata Dibata dingen simakekenca ibas kegeluhenna si tep-tep wari.
Maranatha
P :1 . 1 3 3 . 3 . 3 5 5 . 5 . 5 6 . 5 4 3
Ma ra na tha Ma ra na tha Ma ra na….…… tha

11. Khotbah/Renungen Natal : Lukas 1:26-33

12. Pengakun Kiniteken (Perp. Tedis)
13. Koor/VG : (Perp. kundul)
14. Persembahen : 100 % guna pensiunen GBKP
a. Kata Dibata si jadi palas nehken persembahen pengataken bujurta man Dibata: ”O senina ras
turang, nginget perkuah ate Dibata simbelin sinisehkenNa man banta, ku pindo man bandu:
 Endeskenlah kulandu man Dibata saja selaku persembahen singgeluh rikutken singena ateNa Sabab
bageme arusna kam ersembah man Dibata sue ras biakndu selaku makhluk si rukur (Roma. 12:1)
b. Rende : KEE No. 451:1,2 ”Malerlah Pasu-pasuNdu”
1. Malerlah pasu-pasuNdu, bagi nipadankenNdu
Gegeh ras ukur si paguh, tetap iberekenNdu

Reff: Pasu-pasuNdu em ulu gegeh kami

Enggo kap maler me tuhu, si ndemi geluh kami

2. Maler lah pasu-pasuNdu, g’luh kami jadi mbaru

Sorana bagi lau maler, mpeteng ukur kami
Reff......

3. Maler lah pasu-pasuNdu, mpetetap ukur kami

Rende janah muji g’larNdu, segedang-gedang geluh
Reff......
c. Pertoton Persembahen + Pertoton Syafaat.

15. Koor/VG :
16. Perpadanen ras Dibata (Perp. Tedis)
L : Perbahan kelengna ate Dibata doni enda, enggo iberekenNa anakNa sitonggal man gunanta.
Alokenlah keleng ate Dibata e dingen usihlah perbahanenNa si mulia e.
P : Bujur Tuhan,kuikutken kataNdu, kuusih perbahanenNdu simulia e alu engkelengi kalak
sideban
L : Tangkas teridah man banta kerna keleng ate Tuhan. Nggit Ia mpeteruk bana, guna
keselamaten manusia
P : Kualoken keleng ateNdu e Tuhan dingen kukelengi seninangku.
L : Tuhan ibas keleng ateNa tetap nehken pasu-pasuNa si jadi pergegeh si tetap
P : Bujur Tuhan, aku pe nggit jadi pasu-pasu man kalak sideban
L+P : Amin

17. Rende : KEE No. 334:1-2; Tuhan Kap si empuna geluhta

1) Bas sinasa tinepaNa, tetap k’rina rende t’rus
‘Nde-enden pujin Badia, muji gelar penebus
Glo....ria, Muliaken Tuhan } 2x

2) Bas ingan si meganjangna, bala Tuhan i Surga

Rende m’riah ia k’rina, man Tuhan penebusta
Glo....ria, Muliaken Tuhan } 2x
3) K’rina ginemgem Dibata, pehaga si tubuh e
Surga doni rende ia, k’rina aleokenNa pe
Glo....ria, Muliaken Tuhan } 2x

18. Pertoton Tuhan

19. Pengutusen ras Pemasu-masun :
L : Laweslah kam ku kegeluhenndu sekalak-sekalak: “Dage ersinalsallah min terangndu I lebe-lebe
kalak sienterem gelah adi idahndu perbahanenndu simehuli, ipujina Dibata, Bapandu siisurga.”.
Mulihlah alu dame ras mejuah-juah, aloken pasu-pasu idur Dibata nari: “Ipasu-pasu janah ikawali
Dibata kam (kita), siang ayo Dibata ersinalsal I babondu (babonta), janah melias atena ngenehen
kam (kita), itatap Dibata ku kam (kita) janah malem ate ndu (ateta) ibahanNa, Amin.

P : A...min A...min A………min (iendeken)

III. PERAYAAN NATAL