A.

Persikapen Ngendesken Persembahen Kerja Rani

 Kata pengalo – ngalo ibas MC ( Anggun Barus )
 Paksa ersikap – sikap simaba luah idarat jambur
Rende : Meriah Kal Ukurku adi kam cirem – cirem
Meriah kal ukurku adi kam cirem – cirem}3x
Ha...he...ho......
Ha.......
He.......
Ho.......
Ha....he... ho......
 Kerina siertugas maba luah ibas sektor njujung / ngelanja luah
ibas sektor ku bas jambur. Ibas maba luah e, iendekken
 Ibas nehken luah e iiringi alu rende ras landek kerina ngawan
niperpulungen janah ialo – alo Pt . Bp Kevin Ketarn ras nora
bagepe Dk. Bp. Hizkia Kaban ras Nora, bagepe BPMR GBKP
Ketaren
Mbuah ko page
Palu me gendang landek me kita ras rende
sada pengodak pengole Notoken wari mejile
Emaka mbuah ko page mbuah ko page
Emaka mbuah ko page mbuah ko page }2x
payo me nindu dage , payo me nindu bage
maka meriah erjujung meriah nimpa kulesung
maka lit dalenta pulung pulung metunggung
pulung metunggung oh turang pulung metunggung
Mejuah – juah
mejuah-juah kita kerina nande bapa mulia
rikut ken tuah sangap encari nangtang singalah-ngalah
rikut ken tuah sangap encari,nangtang singalah-ngalah
Ras kita pulung,Pulung metunggung arihta pe ola rayung
singuda denga ras simetua, nangtang krina si rogana
singuda denga ras simetua, nangtang krina rogana
 nampe rejeki bage, kini malemen bage
nese mesui ate, ras nipi gulut bage
ngayung tendinta njujuri dibata brena sangap man banta
ngayung tendinta njujuri dibata,brena sangap man banta
 Kenca kerina luah enggo iendesken
Rende : KEE 459 : 1,3 Sendah Kerja rani
1. Sendah kerja rani m’riah ukurta,
Pulung kita krina, muji Dibata
Peranin simbaru ‘ndesken man baNa
Pasu – pasu Tuhan Ulih peraninta
Reff : marilah dagena si taruhken ulih peraninta
Alu ukur meriah Kuadepen Tuhan Dibata
3, Sendah kerja rani m’riah ukurta
Ulih pendahinta sehken man baNa
Buena rikutken pasu – pasuNa
Sienggo i b’rekenna kubas geluhta, reff
 Ertoto notoken ulih peranin man Dibata
C. KEBAKTIN
1. Kata Pengalo-Ngalo Ras Momo
Turang ras senina i bas Tuhanta Jesus Kristus, selaku serayan
Tuhan, ikatakenkami mejuah-juah ras selamat Wari Minggu man
banta kerina.I bas bena kebaktinta mari dage sidengkehken momo
kerna perdalanen perpulungen Tuhan, bage pe rencana pelayanen
gerejanta ku bas wari-wari si reh enda (Ngogeken Momo).
2. Kata Penaruhen
Kekelengen ni Tuhan, simpar tuhu pemere Dibata man banta ibas
ndalani keegeluhenta terlebuh ibas kita ndahiken dahinta sierbage
– bage , lit sikujuma kurumah, sipertiga – tiga, perkantor,
permotor, pengusaha ras sidebanna. Bujur ninta man Tuhan
sienggo mereken dahin man banta sekalak – sekalak dingen
simasu – masu pencarinta seh maka rulih kai siidahiken kita e.
Erdandanken sie patut nge kita ngataken bujur man Dibata sitetap
mpepaler keleng ateNa man banta (Perp. Tedis)
  Rende : KEE 372:1,2,3 Pujilah Tuhan Sibadia
1. Pujilah Tuhan SiBadia, puji perbahanenNa simbisa
Embus suling terompet, cawir ban sorana,
Puji Tuhan simada k’rina tinepa
2. Suraklah o, doni kerina, rende muliakenlah gelarNa
Bujur perbahanenNa la pedas merawa
Puji Tuhanta ibas lias ateNa
3. O, Tendingku puji Dibata, Alu dem keriahen pujilah
Kerina sierkesah Ia simadasa,
Puji Tuhan simada k’rina tinepa
3. Votum - Salam
L : Kebaktin Kerja Rani enda lit ibas gelar Dibata Bapa
sinjadiken langit ras doni ras kerina isina. Ibas gelar Yesus
Kristus sienggo mpersembahken diriNa jadi usihen man
manusia ras ibas gelar Kesah SiBadia simpengasup manusia
ngendesken dirina jadi persembahen singgeluh. Mejuah –
juah man banta siersembah dingen ngendesken dirinta selaku
persembahen singgeluh. Amin.
P :Amin..... Amin..... Amin..... (lendeken)
4. Berita Kerna Perbahanen Ras Sura-Sura Dibata
L : “ Mehamatlah man Tuhan alu mpersembahken ulih
jumandu simehulina kal baNa. Adi bage perbahanendu la
banci lang dem lumbungndu alu gandum dingen lau
anggurndu simpar seh maka lanai siat ingan nimpansa ( kuan
– kuanen 3 : 9-10 )
Erpalasken kata Dibata enda, sipuji IA alu radu ras
ngendeken: KEE 316 : 1-3 Seh Kal Simparna PemereNdu
1. Seh kal simparna pemereNdu o, Tuhan.
Mejuah – juah kerina ibas jabu.
Lalit simagin pinakit la ertahan,
Ngataken bujur pusuh kami man baNdu
2. Nggo kap mbuah bage page sinisuan
Janah pe merih bage manuk ni asuh
Ajari kami ersembah baNdu tuhan
 Lah malem ate ras dame ibas pusuh
3. Di kiniteken erbuah bas perlagu
Bas engkelengi min ola kita medu
Bas simehuli lalap min kita mbaru
Tuhan Dibata tetap simasu - masu
(Perp.
Kundul)
5. Kinilangasupen manusia nehken persembahen bagi arusna
L :Tuhan kap si mada kerinana silit ibas kita . IdiloNa kita ikut
muat bagin guna makeken kiniliten silit ibas kita , guna
nehken kekelengen, kesaksin rikutpe kiniersadan i tengah
tengah gerejaNa, gelah arah sie kerina banci jadi saksi kerna
kerehen ras keleng ate Dibata i doni enda, Adi sitatap kubas
dirinta kuga nge ketutusenta selaku kalak si ipercayaken
Dibata ibas menatalayanken kerina silit ibas kita, tekhususna
ibas nehken persembahen kerja raninta? Metunggung nge adi
nulih kita kempak kematen Yesus

----------------------------(Paksa
Teneng)-----------------------------------
P :Ngaku kami O Tuhan, langa bo kami ngasup nehken
persembahen kerja rani kami bagi siipedahkendu. Emaka
alemi ras ajari kal kami gelah iangka kami uga ersemabah
man baNdu
L : Guna ngakuken kelemehanta iadep-adepenNa mari rende
kita i bas
KEE 440 : 1,2 O Bapa Salah Lepakku Ku’tehnge
1. O,Bapa salah lepakku ku’tehnge,
Dosangku pe rusur kuinget, Man bandu aku erdosa
Reff : Mekuah ateNdu min, erkiteken liasNdu
sasapkenNdu min, k’rina dosangku o,Tuhan
2.O, Bapa kubahan rusur si jahat, patut nge aku i ukumNdu
Bujur nge keputusenNdu, reff..
6. Pergegeh Guna ndalanken Pedah Dibata (Perp. Tedis)
Turang dingen senina, nina Dibata man banta (bandu): " Perbahan
sie ola aru atendu kerna nakan ras inemen siiperlukenndu, ibas
uis siman pakenndu. Ergan nge kesah asangken nakan, janah
ergan nge kula asangken uis ( Matius 6 :25)
Sipuji Tuhan arah : KEE 357 Ula kam Mbiar (3x)
Ula kam mbiar, ula kam gentar
Ibas Tuhanta , labo lit kurang

7. Kata Dibata (Perp. Kundul)

a. Ngoge Kata Dibata Bagin Si Pemena
L :Ketuahen kalak si megiken Kata Dibata, dingen si
makekenca i bas geluhna si teptep wari, Haleluya.
Р :Haleluya..... Haleluya..... Haleluya..... (lendeken)
b. Khotbah : Pdt . Mestika Ginting, S.Th, M.Psi
8. Pengakun Kiniteken (Perp. Tedis)
9. Persembahen (Perp. Kundul)
L : Genduari seh paksana kita ngendesken persembahen
pengataken bujurta man Tuhan Dibata. Kata Dibata si jadi
palas i bas kita ngendesken persembahen pengataken bujurta :
“ sekalak – sekalak arus maba persembahen , rikutken
kengasupenna sue ras pasu – pasu sienggo ibreken Tuhan
DibataNdu ( ulangen 16 : 16b-17)
Rende : KEE 445 : 1-4 Sipepulung Me Persembahenta
1. Sipepulung me persembahenta,siendesken dage man Dibata
Tanda m’riah ukur ras pasu – pasuna sisimpar b’rena man
banta
Reff : Asa si nggo isikapken, asa si ‘nggo i totoken
Em pengataken bujurta kempak Dibata
2. Tuhu simpar pemere Dibata man perjuma ras si erbinaga
K’rina sierdahin, singarap man bNa , ituahi pasu – pasuNa, reff
3. Pengataken bujur man Dibata, enda mbelin kal Tuhu gunana
Jadiken geluhta, kula ras tendinta, persembahenta singgeluh reff
 4. Persembahen kami e o, Tuhan. Eme sada bagin pemereNdu
ajariNdu kami ersembah man baNdu, Pehaga kinirajanNdu, reff
Ertoto kerna Persembahen ras Syafaat
10. Perpadanen Man Dibata
L : Tuhu seh buena pemere Dibata man banta. Kai nge si jadi
tekadta?
P : Erpadan aku Tuhan , ngikutken pedahNdu alu ngendesken
diringku jadi persembahen singgeluh ras mpersembahken
ulih peraninku simehulina man baNdu
L : bagi Dibata mpekena – kena bangsaNa, kai dage
tanggungjawabta nandangi sesamana ras gerejaNa?
P : erpadan kami Tuhan makeken pemereNdu jadi pasu –pasu
man gereja ras teman manusia
L : sipegegehi perpadanenta man Dibata alu ngendeken:
KEE 302 : 1-3 Nginget Perkuah Dibata SiMbelin
1. Nginget perkuah Dibata simbelin,
SiisehkenNa man banta krina kin
Ibas kerina dampar kegeluhen,I doni sidem alu keguluten
Reff : Endeskenlah kulanta manDibata,
Kerinana silit ibas geluhta
Selaku persembahenta singgeluh,
Em persembahen singena ateNa
2. Sebab bage me arusna kita kin
Ersembah man Dibatanta simejin
Si nggo m’reken man banta manusia
Keg’luhen si mehuli ras badia, reff
3. Marilah k’rina sipuji Dibata
Janah sipeteruk ka pe ukurta
Alu bage si dat sura – suraNa
Kai simehuli ras ngena ateNa, reff
11. Pertoton Tuhan
12. Pemasu – Masun
 L : Beritakenlah kiniulin Tuhan arah kerina ulih pendahinndu,
dingen alokenlah pasu – pasu idur Dibata nari :
“ Dibata sumbul kemalemen ate e gelah sincukupi
keperlundu guna ndalanken sisentudu ras peratenNa. Janah
Dibatalah erdahin ibas kam arah Yesus Kristus gelah kam
ngelakoken si ngena ateNa. Man Kristuslah kemulian seh
rasa lalap. Amin.
P : a.....min, A....min, a....min
B. PESTA KERJA RANI
 Kata pengalo – ngalo ibas BPMR GBKP Ketaren
 Radu ras man luah cimpa ras minem ibas sektor masing
– masing, alu ibenai alu toto
 Lelang Kerja rani
 Makan siang
 Hasil rekapitulasi perolehan Kerja Rani 2019
 Doa Penutup