LITURGI KEBAKTIN TAHUN BARU

Minggu, 01 Januari 2023

Jam 10.00 Wib Bahasa Karo

A. PERSIKAPEN
Perpulungen nikapken pusuh ras ukur guna ngadap man Tuhan
Pelayan ibadah ersikap i ruang persikapen
...... Musik ......

B. KEBAKTIN
1. Kata Pengalo-Ngalo Ras Momo
Turang ras senina i bas Tuhanta Jesus Kristus, selaku serayan Tuhan,
ikataken kami mejuah-juah ras selamat Tahun Baru man banta kerina. Man
bandu kekelengen kami si sekali enda denga erkebaktin i bas gerejanta
enda, ikataken kami mejuah-juah. Kerehendu nambahi keriahen man banta
kerina. I bas bena kebaktinta mari dage sidengkehken momo kerna
perdalanen perpulungen Tuhan bage pe rencana pelayanen gerejanta ku bas
wari-wari si reh enda. Iogeken kami sijadi perubahen ras penekanen.
(Ngogeken Momo).

2. Kata Penaruh
Mejuah-juah man banta kerina, kita si lit ibas gereja enda, secara khusus
man bandu turang senina kami si sekali enda denga kam ikut erkebaktin
minggu bas gerejanta enda, ialo-alo kami kam alu meriah ukur.
Kebaktin enda ningetken kita kerna perkuah ate Dibata sinaruhken kita
mentasi tahun si ndekah si dem alu perbeben, jenari iatankenNa kita
bengket kubas tahun si mbaru enda. Tahun si mbaru eme tanda perkuah ate
Dibata, ije lit pengarapen maka tahun enda geluhta reh ulina, reh dewasana
ibas ngalaken perbeben geluh. Arah kebaktin enda situduhken keriahen
ukur ras pengataken bujurta man Tuhan. Mari dage sibenaken ndalani tahun
si mbaru enda alu pusuh ras pengarapen si mbaru

 Erkata Lonceng Perp.Tedis

(1)
  Rende: KEE No. 117 : 1, 2 NGGO MENTAS TAHUN MALE E
(Serayan Kebaktin Bengket ku Mimbar)

1. Nggo mentas tahun male e

Kam me ku puji Tuhan e 2. O, Yesus Kam Penebusku
Jaga kawali Kam tetap Keleng ateNdu man bangku
Tendingku ras dagingku kap Tahun si mbaru enda pe
Taruhken perpulungen e

3. Votum – Salam
L : Ibas gelar Dibata Bapa sinepa wari-wari, i bas gelar AnakNa Jesus
Kristus simereken kegeluhen si mbaru, ras i bas gelar Kesah si Badia
sinemani perdalanen geluh manusia.
Keleng ate Dibata si la ersibar, tetap ngarak-ngarak kegeluhenta (ndu),
ikawaliNa kita (kam) subuk suari ras berngi, Ia kap si mada kuasa seh
rasa lalap, Amin.
P : A.....min A....min A....min (Iendeken)

4. Berita Kerna Perbahanen ras Sura – Sura Dibata (Invocatio)

L : “Malem kal ate kalak si cilinggem man baNa, penanam – nanamlah uga
belinna kiniulin Tuhan” (Mazmur 34 : 9)
Erpalasken Kata Dibata enda, si puji IA alu radu ras kita ngendeken :
KEE No. 122 : 1, 3, 6 O, TUHANKU SAMPAT AKU
1. O, Tuhanku sampat aku
Ibas tahun enda pe 3. Bahan bangku tahun enda
Pebaruilah gegehku Tahun perkuah ate
Ngikut Kam seh dungna pe Dingen kesasapen dosa
Pasu-pasu gelah min Em si kuarapken pe
Kami si tek baNdu kin Bas Kam saja Tuhanku
Aku daten si bage
(2)
 6. Kam temanku o, Tuhanku
Ibas tahun enda pe
Tegu aku alu tanNdu
‘Di gegehku keri pe
Gelah pinter ‘kurku pe
‘Di seh pendiloNdu e

5. Keriahen Ukur I Bas Mengketi Tahun Si Mbaru .......... Perp.Kundul

L : Dibata mereken wari-wari guna si isi alu kegeluhen si mehuli. Tep-tep
erpagi-pagi, iatankenNa kita makeken wari si mbaru. Wari ras tahun si
mbaru eme kesempaten, si jadi dalan Dibata mereken pasu-pasu.
Genduari jumpa me kita kubas tahun si mbaru, emaka marilah radu ras
kita ngataken bujur man Tuhan.
P : Bujur Tuhan, iatankenNdu kami ngaloken tahun si mbaru enda. Meriah
dingen malem ate kami, sabab lit denga kesempaten kami ngidah
kiniulinNdu i bas kegeluhen enda.
L : Tahun si mbaru eme kesempaten dingen pendilo Dibata. Labo surut
keleng ate Dibata kempak manusia si megati nilah dingen talu ibas
ngalaken perbeben doni. Tetap ibereNa kepercayan man manusia guna
makeken wari-wari si labo manusia nepasa.
P : Bujur Tuhan. iatankenNdu denga kami makeken wari-wari si labo kami
nepasa. iatankenNdu denga kami ngaloken keleng ateNdu, gia
metunggung kami ngalokensa.
L : Adi situlihken kubas perdalanen geluhta ibas tahun si lepas, tuhu mbue
perbeben si erbahan kita kelsehen erkiteken la siidah serpang luah.
Maun-maun keri gegeh erkiteken perbeben si lalap la erkedungen. Kuh
kal dalanta bene, erkiteken gegehta erbaleng. Tapi erkiteken keleng ate
Dibata, perbeben pe nese-nese sitik la sieteh oratna. Dingen perbeben e
jadi dalanta ngidah kuasa Dibata ras ndatken kepentaren.

(3)
 Sipuji Tuhan ibas keleng ateNa, alu ras kite rende :
KEE No. 436 : 1, 2 KUAKUKEN KERINA SALAHKU
1. Kuakuken kerina salahku,
Iadepen Dibatangku. 2. Lalap ku inget salah dosangku,
Tuhu ku gejapken mbue dosangku. Ku gejap salah lepakku.
Meluat nari kal pergeluhku Dosa nge lalap perbahanenku,
Kulakoken si la ngena ‘teNdu.
Reff: Mekuah min ateNdu aku,
sasapkenlah dosangku.
O Tuhan tegulah min aku,
‘lah tetap jingkangku.

6. Kinata Kegeluhen Manusia Ibas Nimai Kerehen Dibata

L : Tuhan, adi nulih kami ku paksa-paksa kegeluhen siiberekenNdu,
megati kal kami nundalken Kam, la tutus erminggu, kurang muat
bagin i bas perpulungen, kisat i bas erdiakoni, njuruken i bas
pengelako kami, bagepe kurang beluh ngamparken ranan. Ngaku
kami kuadepenNdu Tuhan.
SL : Manusia nggo erdosa, meluat mekalesa
Nggeluh labo lit damena ’di sirang ras Dibata
(Ngendeken bagin KEE No.292 : 1)
Mamre : Tuhan, kami selaku anggota Mamre, bapa itengah jabu, rusur kami
la jadi usihen, megati la jadi ikuten nandangi seisi jabu kami.
Kurang tanggung jawab kami i bas mabai keluarga guna nandai
Kam, erkiteken kesibuken kami sekalak – sekalak.
P : Manusia nggo erdosa, meluat mekalesa
Nggeluh labo lit damena ’di sirang ras Dibata
(Ngendeken bagin KEE No.292 : 1)
Moria : Tuhan, kami selaku anggota Moria, selaku nande itengah jabu,
menam - menam lanai ngasup jadi teman arih i bas jabu. Lanai
banci jadi ingan tertande, di kune lit perbeben, kurang ngasup
makeken wari-wari kami alu payo. Ngaku kami ku adepenNdu
Tuhan.

(4)
P : Manusia nggo erdosa, meluat mekalesa
Nggeluh labo lit damena ’di sirang ras Dibata
(Ngendeken bagin KEE No.292 : 1)
Permata Tuhan, kami selaku anggota Permata, anak singuda itengah jabu
ras gereja, menam-menam lanai ieteh kami uga carana ngergai
diri, erkite-kiteken ngikuti sura-sura doni enda saja. Kurang
mediate kami nandangi orangtua, kurang metami i bas erturang-
ersenina, kurang tutus ate kami i bas persekolahen.
P : Manusia nggo erdosa, meluat mekalesa
Nggeluh labo lit damena’di sirang ras Dibata
Begikenlah pendiloNa, malang erlajar baNa
Nggeluh pelimbaruiNa rembak kita ras IA
(Ngendeken KEE No.292 : 1)

7. Berita Pengalemi Dosa .................................................. Perp.Tedis

L : Turang ras senina, La ate Dibata anakNa bene ibas kegeluhen si la
erguna. Emaka tetap kita ialemi dingen ipelimbaruiNa. Selaku
persuruhen Dibata, aku nehken kataNa man banta (ndu) kerina, niNa :
"Kalak si nggit megiken kata Dibata, si nggit ngalokenca, janah ersura-
sura mperobahi kelepakenna, ia kap si ngaloken kesangapen ibas
Dibata nari. Kalak si ngasup nadingken kerina biak si la ngena ate
Dibata, ipekena-kena Dibata kap geluhna janah dame jadi
sikerajangenna "
Meriah ukurta ibas kita enggo ngaloken padanNa, emaka rende kita :
KEE No.327 : 1, 2 TUHAN DIBATA SINEMANI
1. Tuhan Dibata sinemani
Seh jumpa ka kita pagi 2. Tuhan Dibata sinemani
Ia tetap singkawali Kabengna cilinggemenndu
Tuhan Dibata sinemani PedahNa pangan tendindu
Tuhan Dibata si nemani
Reff: Seh jumpa kita jumpa ka
Dibata sipejumpa kita
Seh jumpa kita jumpa ka
Dibata sipejumpa kita

(5)
8. Nehken Lagu Pujin : PJJ Sektor BKS KT II B_Barat .... Perp.Kundul

9. Kata Dibata
a. Ngoge Kata Dibata Bagin Si Pemena : Epesus 3 : 14-21 (Tunggal)
L : Ketuahen kalak si megiken Kata Dibata, dingen si makekenca i bas
geluhna si tep – tep wari, Haleluya.
P : Haleluya…… Haleluya …… Haleluya ........ (Iendeken)

b. Khotbah (ibenai ras idungi alu pertoton): Masmur 145 : 15-21 (Responsoria)
“Rasa Lalap Ateku Muji Tuhan”

10. Pengakun Kiniteken .......................................................... Perp.Tedis

 Aku tek man Dibata Bapa si la ersibar kuasaNa, si nepa langit ras doni.
 Aku tek man Yesus Kristus anakNa si Tonggal Tuhanta, si jadi arah kesah
Si Badia, tubuh idur singuda-nguda nari si so keliamen, tergelar si Maria, si
ngenanami kiniseran sangana pemerintahen Pontius Pilatus nipakuken ku
kayu persilang, mate, jenari i kuburken nusur ku doni kematen, petelu
wariken enggo keke ibas si mate nari, nangkih ku Surga, perkundulNa arah
kemuhen Dibata Bapa si la ersibar kuasaNa, jenari reh me IA pagi
ngeranaken si nggeluh ras si enggo mate.
 Aku tek man kesah si Badia janah lit sada Gereja si Badia, persadan kalak si
Badia, pengalemi dosa, kinikeken kula, kegeluhen si rasa lalap.
 Amin.

11. Persembahen ......................................................................... Perp.Kundul

L : Seh paksana man banta genduari nehken pengataken bujurta man
Dibata. Kata Dibata si jadi patas man banta eme :
”Ietehndu uga liasna Tuhanta Jesus Kristus : maka aminna bayak gia
IA, tapi guna kiniulinndu, ipemusilNa baNa, gelah arah kemusilenNa e
jadi bayak kam" (2 Korinti 8: 9).

(6)
 Iherta ngendesken persembahen rende kita ibas: KEE No.157 : 1, 3, 4
WARI, BULAN, TAHUN MASAP
1. Wari, bulan, tahun masap
Bagi awih lawes me kap 2. Nini si arah lebenta
Kai kin jenda rasa lalap Lanai nari ia je
La lit kai pe si tetap Sitik nari kita enda
Tapak nahe idalinta Itangisi kalak pe
Labo tahan endekah Kenca mate sada inganta
Sendah jadi si enggona Ras nininta si lebe
Pagi jadi sendah ka Di kuidah Kam Dibata
Kai kin manusia e ?
3. Tapi masap k’rina gia
Pemindonku la ku je 4. Dage masap gia tahun
Kam Dibata si badia La kuakap kutera
Minter m’aku ngaku e Lit sikelku si la sahun
Entah kai si kerajangku Labo kai pe ntah kuga
Ntah kadena mobah kin Salih k’rina gia jenda
Ibas Kam, o, Dibatangku Si mesui pe gejap
Lit pengapul la ‘rkerin Perdalinen kempak surga
Kupinterken me tetap
Pertoton Persembahen ras Syafaat

12. Perpadanen Man Dibata ......................................................... Perp.Tedis

L : Ngidah uga belinna lias ate Dibata, si nemani ras nampati kita (kam) i bas
kegeluhenta (ndu) sedekah enda, i bas tahun si mbaru enda, nggit nge kita
(kam) alu tutus erpenalem man Dibata?
P : Erpadan aku Tuhan, ateku tetap ernalem man baNdu. Enda me jadi
kesaksinku nandangi keluarga, bage pe nandangi sekelewetku.
L : Dibata ngatanken kita (kam) ngaloken tahun si mbaru enda, dingen ndilo
kita (kam) gelah maba kiniulin ku sekelewetta (ndu).
P : Erpadan aku Tuhan, kupakeken me tahun si mbaru enda, maba kiniulin
kusekelewetku.

(7)
L: Guna mpeteguhi perpadanenta man Dibata, si puji Tuhan alu rende :
KEE No. 158 : 1, 2 NGGO GIA MENTAS TAHUN
1. Nggo gia mentas tahun e
Tambah ka tahun enda 2. Tambahi Kam gegehku min
O, Tuhan b’relah bangku e Kam Tuhan si mekuah
Kuidah ka ambahna La gia nuhit aku kin
‘Di mentas gia wari kap, Nggit aku min erbuah
Ku teh Dibata me tetap Megati ceda ukurku kap
Ban aku lalap la tetap

13. Pertoton Tuhan

O Bapa kami si ni Surga. GelarNdu ipebadia min; reh min KinirajanNdu;
sehlah min peratenNdu, i bas doni enda bagi ni Surga. Bereken min man
kami nakan cukup i bas wari si sendah enda. Alemi min salah kami bagi
nialemi kami salah kalak kempak kami. Ola min kami ibaba Kam kubas
percuban, tapi olangilah kami idur si ilat nari.
Sabap Kam kap si mada Kinirajan, ras Kuasa, ras Kemulian si ndekah-
ndekahna. Amin.

14. Pengutusen ras Pasu – Pasu Dibata

L : Turang ras Senina, dalankenlah kegeluhenta (ndu) iteruh penampat
Kesah si Badia, janah alokenlah pasu-pasu idur Dibata nari :
”Patuhlah kam man perentahKu, tentu Kupepaler me man bandu
kemalemen ate desken lau; janah Kubere kemenangen nepet kam,
desken galumbang si ergalun ku tepi lawit ”. Amin (Bdk.Jesaya 48 : 18)
P : A....min A.....min A.....min (Iendeken)

(8)