GEREJA BATAK KARO PROTESTAN (GBKP)

MAJELIS / RUNGGUN TANJUNG SARI – MEDAN

KLASIS MEDAN – KAMPUNG LALANG
Jl. Setia Budi Gg Gereja Karo Tanjung Sari Medan 20132 Telp 061-8220456 Email : gbkptjsarimedan@gmail.com

LITURGI JUMAT, 02 APRIL 2021

(DARURAT COVID - 19)

Liturgi Kebaktian : Jumat Si Mbelin (Warna Stola : Megara)

Introitus / Invocatio : Geluhndu arus erpalasken keleng ate, bagi Kristus enggo
engkelengi kita, dingen ngendesken kesahNa man gunanta. Ia
enggo mempersembahken diriNa jadi persembahen si merim si
ngena ate Dibata (Ep 5:2)
Ogen : Masmur 22 : 2 – 12 (Antiponal).
Khotbah : Lukas 23 : 44 – 48 (Tunggal).
Tema : Kuendesken TendingKu

LITURGI KAMIS SI BADIA

A. PERSIKAPEN
Perpulungen nikapken pusuh ras ukur guna ngadap man Tuhan
Pelayan ibadah ersikap i ruang persikapen
..... (Musik) .....

B. KEBAKTIN
1. Kata Penaruh
Mejuah-juah man banta kerina.
Arah kebaktinta sekali enda, Dibata ningetken kita kerna keleng ateNa teridah
arah kiniteruken ukur ras kesetianNa ngalaken kiniseran si jadi usihen man banta
kerina. I bas kebaktinnta enda, silakoken me Lakon Persadan Si Badia si
mpepaguhi kinitekenta guna nggeluh i bas kiniteruken ukur ras kesetian i bas
ndalanken sura-sura Dibata. Enda me biak geluh anak-anak Dibata.

 Erkata lonceng Perp. Tedis

 Rende :..... (Serayan Kebaktin Bengket ku Mimbar)

KEE No. 243 : 1-2 (Si Raskenlah Si Puji K'rina)

1. Siraskenlah si puji k’rina Tuhanta ras kiniulinNa
‘Ngkunduli kursi kerajan Ku je ukurta min si ban
Hal : 1
 I jem’ kepeken erta e Sinama kesangapen e
I jem’ kepeken erta e Sinama kesangapen e

2. ‘Di Ia kel nge Pengulunta Si bujur saja ban gurunta

E kita ginemgemNa kap Si arus ngikut pe tetap
‘Nggo ipesaiNa dalin e Ku surga kitalah dage
‘Nggo ipesaiNa dalin e Ku surga kitalah dage

2. Votum – Salam
L I bas gelar Dibata Bapa si tetap engkelengi doni enda, i bas gelar Jesus
Kristus si setia ngergaken kegeluhenta (ndu), ras i bas gelar Kesah si
Badia si mpengasup kita (kam) nggeluh meteruk ukur dingen setia
ndalani kegeluhenta (ndu).
Perkuah ate ras dame i bas Dibata Bapa ras i bas Tuhan Jesus Kristus
nari, i bas kerembaken  Kesah si Badia ras kita (kam) kerina gelah. Amin.
P Amin..... Amin….. Amin….. (iendeken)

3. Berita Kerna Kiniteruken Ukur ras Kesetian Dibata (Invocatio)

L (Ngogeken Teks sue Almanak)
Erpalasken kata Dibata enda, sipuji ia alu radu ras ngendeken : .....
KEE No. 389 : 1-3 (O Bapa Si Melias)
1. O Bapa si melias, Begiken kami anakNdu
Kami si nggeluh ibas kelbung gelap e

2. Sampat kami o Yesus Pulahi kami anakNdu

Juru s’lamatku Kam kap Si nebus geluhku

3. O Kesah si Badia Bengketi pusuh anakNdu

Gelah tetap geluhku Ibas dalanNdu e

4. Kinata Kegeluhen Manusia Perp. kundul

Hal : 2
 L Tuhan setia i bas ngergai kegeluhenta, igengkenNa kiniseran guna
kiniulin geluhta. Adi situlihken kubas kegeluhenta sedekah enda, kuga
nge ndia kita ngergaken kesetian Dibata e?
(Paksa Teneng)
L Kuga nge ndia kita ngergaken kesetian Dibata e?
P O Tuhan, ngaku kami, maka megati kal kami la ngergai kekelengen ras
kesetianNdu. Megati pe kami kurang nehken kekelengenNdu alu setia. O
Tuhan, alemilah salah lepak kami, dingen pegegehilah kami.
L Sipepaguhi pengakunta arah ende-endenta :.....
KEE No. 342 : 1-2 (Yesus lape-lape tendingku)
1. Yesus lape-lape tendingku Ia njagai kita
Mberat pe si man tangkelenta Ia njagai kita.
Reff.
Tuhan njagai kita Paksa senang tah mesera
Ia njagai kita Tuhan njagai kita

2. Ibas melala perbebenta Ia njagai kita

Dalan gelap arah lebenta Ia njagai kita.
Reff.
Tuhan njagai kita Paksa senang tah mesera
Ia njagai kita Tuhan njagai kita
5. Padan Dibata Kerna Penemani Geluh Manusia Perp. Tedis
L Turang dingen senina, adi siakuken salah lepakta man Dibata, isehkenNa
me padanNa, ilakokenNa kai si bujur, ialemiNa janah ibersihkenNa kita i
bas kerina perbahanenta si la payo, nina TUHAN :
"Asa ndigan pe la kam Kutadingken, asa ndigan pe la kam Kupulahi."
Amin. (Heber 13:5c)
Meriah ukurta, Dibata ngalemi kerina perbahanenta si la payo emaka
sipuji Ia arah ende-endenta :.....
KEE No. 299 : 1-2 (Ngikut Tuhan kin atendu)
1. Ngikut Tuhan kin atendu Persan silang
Ola sangsi ola mbiar Ikutkenlah
Reff.
Persan saja min silangNdu, Ikut terus
Mulia me kal upahNdu tetap tutus

2. Simbaklah min peratenndu, saber tetap

Hal : 3
 Bujur saja ukurindu, dat me sangap
Reff.
Persan saja min silangNdu, Ikut terus
Mulia me kal upahNdu tetap tutus

6. Renungen / Refleksi Perp. kundul

Siburihen Nahe (ilakoken rikutken kemungkinen / situasi perpulungen)
7. Lakon Persadan si Badia
8. Persembahen Pengataken Perp. Kundul
L Dibata enggo nehken kekelengenNa man banta arah AnakNa Jesus
Kristus, emaka genduari seh me paksana kita ngendesken persembahen
pengataken bujurta man baNa. Kata Dibata si jadi palas i bas kita
ngendesken persembahen pengataken bujurta :
“Endeskenlah kulandu man Dibata saja selaku persembahen si nggeluh
rikutken si ngena ateNa. Sabap bage me arusna kam ersembah man
Dibata sue ras biakndu selaku mahluk si rukur” (Bdk. Roma 12:1).
Iher kita ngendesken persembahen pengataken bujurta man Tuhan
Dibata, ras kita rende: .....
KEE No. 92 : 1-3 (Kam Kap Lalap Man Ikutenku)
1. Kam kap lalap man ikutenku
Yesus Kam Penebusku
Kam kap lalap Penundalenku
Yesus Kam Penawarku
Ialemi Kam dosangku
Maka senang tendingku
Kam kap lalap Penalemenku
Yesus Kam Penebusku

2. Kam o, Yesus pengarapenku

Kam pematang tuahku
Kam si negu-negu aku pe
Ku bas kesenangen e
Bengket Kam ku kematen
Lako ngepkep tendingku
Maka aku pe terkelin kin
Bengket kesenangen e

3. Ibas paksa kesusahenku

Hal : 4
 Kam min penalemenku
Tah kai jadi bas geluhku
Kam si negu aku pe
Sedekah umur geluhku
Amin seh pe sipatku
Kam si negu-negu aku pe
Bengket kesenangen e
Pertoton Persembahen ras Syafaat

9. Perpadanen Man Dibata Perp. Tedis

L Tuhan enggo nehken kekelengenNa alu setia ngalaken kiniseran guna
kiniulin geluhta.
P Erpadan aku Tuhan, ateku setia i bas nehken kekelengen amin gia melala
perbeben si man alanken.
L Tuhan ndilo kita anak-anakNa guna engkelengi geluhta, isi jabunta,
sangkep nggeluhta bagepe sekalewetta selaku tanda kita anak Dibata si
erkiniteken.
P Erpadan aku Tuhan, ateku setia i bas nehken kekelengen alu nggeluh
meteruk ukur i bas jabungku ras sekalewetku.
L Si pepaguhi perpadanenta arah ende-endenta :.....
KEE No. 78 : 1, 3, 4 (Mesera Kal Me Tuhu)
1. Mesera kal me tuhu
Dalan kubas kesenangen
Ketuahen me tuhu
Kalak si ni je erdalan
Singikutken Yesus e
Seh me ku ujungna e

3. Yesus gantung me kepe

Ibas kayu ni persilang
Mambur me darehNa pe
E pemere si mbelinna
Begi min kataNa e
“Nggo me dung dahinku e”

4. O, Tuhanku tegu min

Kami k’rina ajar-ajarNdu
Gelah terayaki min
Bengket ku kiniulinNdu
Amin tuk pe daging e
Hal : 5
 Daten kesenangen e

10. Pertoton Tuhan

11. Pengutusen ras Pasu-pasu Dibata

L Turang dingen Senina, jadilah kita (kam) saksi kegeluhen si mehuli alu
nehken kekelengen alu meteruk ukur dingen setia nandangi sekalewetta
(ndu). Janah guna gegehta (ndu), alokenlah pasu-pasu idur Dibata Bapa
nari :

“Dibata si enggo ndilo kita (kam) kubas kemulianNa si rasa lalap i bas
Kristus, Ia me njadiken kita (kam) serta, tetap, megegeh dingen paguh.
Ia me Si mada kuasa seh rasa lalap.” Amin.

P Amin..... Amin..... Amin..... (iendeken)

Hal : 6