GEREJA BATAK KARO PROTESTAN (GBKP)

MAJELIS / RUNGGUN TANJUNG SARI – MEDAN

KLASIS MEDAN – KAMPUNG LALANG
Jl. Setia Budi Gg Gereja Karo Tanjung Sari Medan 20132 Telp 061-8220456 Email : gbkptjsarimedan@gmail.com

LITURGI JUMAT, 01 JANUARI 2020

(DARURAT COVID - 19)

Liturgi Kebaktian : Jumat Tahun Baru (Warna Stola : Mbentar)

Introitus / : Ipasu-pasu TUHANlah kam i Sion na, TUHAN so nepa
Invocatio langit ras doni (Msm. 134:3)
Ogen : Galati 4 : 1 - 7 ( Tunggal )
Khotbah : Bilangan 6 : 22 – 27 (Tunggal)
Tema : Tuhan Ulu Pasu-pasu

LITURGI TAHUN BARU

A. PERSIKAPEN
Perpulungen nikapken pusuh ras ukur guna ngadap man Tuhan
Pelayan ibadah ersikap i ruang persikapen
..... Musik .....
B. KEBAKTIN
1. Kata Penaruh
Mejuah-juah man banta kerina, kita si lit ibas gereja enda, secara khusus man
bandu turang senina kami si sekali enda denga kam ikut erkebaktin minggu bas
gerejanta enda, ialo-alo kami kam alu meriah ukur.
Kebaktin enda ningetken kita kerna perkuah ate Dibata sinaruhken kita mentasi
tahun si ndekah si dem alu perbeben, jenari iatankenNa kita bengket kubas
tahun si mbaru enda. Tahun si mbaru eme tanda perkuah ate Dibata, ije lit
pengarapen maka tahun enda geluhta reh ulina, reh dewasana ibas ngalaken
perbeben geluh. Arah kebaktin enda situduhken keriahen ukur ras pengataken
bujurta man Tuhan. Mari dage sibenaken ndalani tahun si mbaru enda alu pusuh
ras pengarapen si mbaru.

 Erkata Lonceng Perp. Tedis

 Rende : ..... (Serayan Kebaktin Bengket ku Mimbar)

Hal : 1
 KEE No. 117 : 1-2 (Nggo Mentas Tahun Male E)
1. Nggo mentas tahun male e
Kam me ku puji Tuhan e
Jaga kawali Kam tetap
Tendingku ras dagingku kap

2. O, Yesus Kam Penebusku

Keleng ateNdu man bangku
Tahun si mbaru enda pe
Taruhken perpulungen e

2. Votum - Salam
L I bas gelar Dibata Bapa sinepa wari-wari, i bas gelar AnakNa Jesus Kristus
simereken kegeluhen si mbaru, ras i bas gelar Kesah Si Badia sinemani
perdalanen geluh manusia.
Keleng ate Dibata si la ersibar, tetap ngarak-ngarak kegeluhenta (ndu),
ikawaliNa kita (kam) subuk suari ras berngi, Ia kap si mada kuasa seh
rasa lalap. Amin.
P Amin..... Amin..... Amin..... (Iendeken)

3. Berita Kerna Perbahanen Ras Sura-Sura Dibata (Invocatio)

L (Ngogeken Teks Sue Almanak)
Erpalasken kata Dibata enda, sipuji IA alu radu ras ngendeken : .....
KEE No. 203 : 1, 3 (Pasu-Pasu Ni Tuhanta)
1. Pasu-pasu ni Tuhanta,
Sinemani geluhta.
Tiap wari seh man banta,
La ersibar ngaruhNa.
Aku pe, aku pe,
Pasu-pasu aku pe.

3. Ija ndia si darami,

Si ngkawali geluh e.
Yesus ngenca si nampati,
Maka kita la bene.
Aku pe, aku pe,
Sampatilah aku pe.

4. Keriahen Ukur i Bas Mengketi Tahun Si Mbaru Perp. Kundul

Hal : 2
 L Dibata mereken wari-wari guna si isi alu kegeluhen si mehuli. Tep-tep
erpagi-pagi, iatankenNa kita makeken wari si mbaru. Wari ras tahun si
mbaru eme kesempaten, si jadi dalan Dibata mereken pasu-pasu.
Genduari jumpa me kita kubas tahun si mbaru, emaka marilah radu ras
kita ngataken bujur man Tuhan.
P Bujur Tuhan, iatankenNdu kami ngaloken tahun si mbaru enda. Meriah
dingen malem ate kami, sabab lit denga kesempaten kami ngidah
kiniulinNdu i bas kegeluhen enda.
L Tahun si mbaru eme kesempaten dingen pendilo Dibata. Labo surut
keleng ate Dibata kepak manusia si megati nilah dingen talu ibas
ngalaken perbeben doni. Tetap ibereNa kepercayan man manusia guna
makeken wari-wari si labo manusia nepasa.
P Bujur Tuhan. iatankenNdu denga kami makeken wari-wari si labo kami
nepasa. iatankenNdu denga kami ngaloken keleng ateNdu, gia
metunggung kami ngalokensa.
L Adi situlihken kubas perdalanen geluhta ibas tahun si lepas, tuhu mbue
perbeben si erbahan kita kelsehen erkiteken la siidah serpang luah.
Maun-maun keri gegeh erkiteken perbeben si lalap la erkedungen. Kuh
kal dalanta bene, erkiteken gegehta erbaleng. Tapi erkiteken keleng ate
Dibata, perbeben pe nese-nese sitik la sieteh oratna. Dingen perbeben e
jadi dalanta ngidah kuasa Dibata ras ndatken kepentaren.
Sipuji Tuhan ibas keleng ateNa, alu ras kite rende : .....
KEE No. 181 : 1-2 (Segedang-gedang Geluhku)
1. Segedang-gedang geluhku, Itemani Penebus.
Labo kai pe lit sikurang, Adi tanNa negu t’rus.
Dame surga lit ‘bas aku, IusekenNa bangku.
Kegeluhen jadi senang, Kai pe la lit si kurang,
Kegeluhen jadi senang, Kai pe la lit si kurang

2. Segedang-gedang geluhku, Kubentasi k’rina e.

‘Di si mberat reh man bangku, Ia penahangisa.
Labo pediatNa ndabuh, Minter kal iangkatNa.
Lalap ijagaiNa aku, Iban keleng ateNa.
Lalap ijagaiNa aku, Iban keleng ateNa.

5. Kinata Kegeluhen Manusia i Bas Nimai Kerehen Dibata (SL : Song Leader)
Hal : 3
 L Tuhan, adi nulih kami ku paksa-paksa kegeluhen siiberekenNdu, megati
kal kami nundalken Kam, la tutus erminggu, kurang muat bagin i bas
perpulungen, kisat i bas erdiakoni, njuruken i bas pengelako kami,
bagepe kurang beluh ngamparken ranan. Ngaku kami kuadepenNdu
Tuhan.
SL Manusia nggo erdosa, meluat mekalesa
Nggeluh labo lit damena ‘di sirang ras Dibata
(Ngendeken bagin PEE GBKP No. 80:1)
Mamre Tuhan, kami selaku anggota Mamre, bapa itengah jabu, rusur kami la
jadi usihen, megati la jadi ikuten nandangi seisi jabu kami. Kurang
tanggung jawab kami i bas mabai keluarga guna nandai Kam, erkiteken
kesibuken kami sekalak-sekalak.
P Manusia nggo erdosa, meluat mekalesa
Nggeluh labo lit damena ‘di sirang ras Dibata
(Ngendeken bagin PEE GBKP No. 80:1)
Moria Tuhan, kami selaku anggota Moria, selaku nande itengah jabu, menam-
menam lanai ngasup jadi teman arih i bas jabu. Lanai banci jadi ingan
tertande, di kune lit perbeben, kurang ngasup makeken wari-wari kami
alu payo. Ngaku kami ku adepenNdu Tuhan.
P Manusia nggo erdosa, meluat mekalesa
Nggeluh labo lit damena ‘di sirang ras Dibata
(Ngendeken bagin PEE GBKP No. 80:1)
Permata Tuhan, kami selaku anggota Permata, anak singuda itengah jabu ras
gereja, menam-menam lanai ieteh kami uga carana ngergai diri, erkite-
kiteken ngikuti sura-sura doni enda saja. Kurang mediate kami nandangi
orangtua, kurang metami i bas erturang-ersenina, kurang tutus ate kami i
bas persekolahen.

P Manusia nggo erdosa, meluat mekalesa

Nggeluh labo lit damena ‘di sirang ras Dibata
Begikenlah pendiloNa, malang erlajar baNa
Nggeluh pelimbaruiNa rembak kita ras IA
(Ngendeken PEE GBKP No. 80 :1)

6. Berita Pengalemi Dosa Perp. Tedis

Hal : 4
 L Turang ras senina, La ate Dibata anakNa bene ibas kegeluhen si la
erguna. Emaka tetap kita ialemi dingen ipelimbaruiNa. Selaku
persuruhen Dibata, aku nehken kataNa man banta (ndu) kerina, niNa :
“Kalak si nggit megiken kata Dibata, si nggit ngalokenca, janah ersura-
sura mperobahi kelepakenna, ia kap si ngaloken kesangapen ibas Dibata
nari. Kalak si ngasup nadingken kerina biak si la ngena ate Dibata,
ipekena-kena Dibata kap geluhna janah dame jadi sikerajangenna “
Meriah ukurta ibas kita enggo ngaloken padanNa, emaka rende kita: .....
KEE No. 215 : 1-2 (Lias Ate Ni Tuhanta)
1. Lias ate ni Tuhanta, e lalap man pujin
Ras pe kebenarenNa, pebelinlah madin
Ku eteh peratenNa, ras dosa labo singgur
‘Nggo tetap jujurenNa,
si labo banci luntur
E desken batu mamak,
enteguh labo mugur
Bagem’ kepeken Kam,
‘nggo tetap ibas bujur

2. Si make pedah Tuhan, sangap kel nge ia

‘Bas terang me dalinna,
la ndele pe ukurna
Megedang peratenna, meriah ni akapna
Entah mawen mesera,
i‘tehna Kam Bapana
La celus pe nahena, la abat perdalinna
‘Ban Tuhan pebelinca,
nai nari seh matena

7. Kata Dibata Perp. Kundul

a. Ngoge Kata Dibata Bagin Si Pemena
L Ketuahen kalak si megiken Kata Dibata, dingen si makenca i bas
geluhna si teptep wari. Haleluya.
P Haleluya..…Haleluya.…Haleluya..... (Iendeken)
b. Khotbah (Ibenaken ras i dungi alu pertoton)

8. Pengakun Kiniteken Perp. Tedis

9. Persembahen Perp. Kundul

Hal : 5
 L Seh paksana man banta genduari nehken pengataken bujurta man
Dibata. Kata Dibata si jadi palas man banta eme :
“Ietehndu uga liasna Tuhanta Jesus Kristus: maka aminna bayak gia IA,
tapi guna kiniulinndu, ipemusilNa baNa, gelah arah kemusilenNa e jadi
bayak kam” (2 Korinti 8:9).

Iherta ngendesken persembahen rende kita ibas : .......

KEE No. 243 : 1 (Si Raskenlah Si Puji K'rina)
1. Siraskenlah si puji k’rina
Tuhanta ras kiniulinNa
‘Ngkunduli kursi kerajan
Ku je ukurta min si ban
I jem’ kepeken erta e
Sinama kesangapen e
I jem’ kepeken erta e
Sinama kesangapen e

Pertoton Persembahen ras Syafaat

10. Perpadanen Man Dibata Perp. Tedis

L Ngidah uga belinna lias ate Dibata, si nemani ras nampati kita (kam) i bas
kegeluhenta (ndu) sedekah enda, i bas tahun si mbaru enda, nggit nge
kita (kam) alu tutus erpenalem man Dibata?
P Erpadan aku Tuhan, ateku tetap ernalem man baNdu. Enda me jadi
kesaksinku nandangi keluarga, bage pe nandangi sekelewetku.
L Dibata ngatanken kita (kam) ngaloken tahun si mbaru enda, dingen ndilo
kita (kam) gelah maba kiniulin ku sekelewetta (ndu).
P Erpadan aku Tuhan, kupakeken me tahun si mbaru enda, maba kiniulin
kusekelewetku.
L Guna peteguhi perpadanenta man Dibata, si puji Tuhan alu rende : .....
KEE NO. 451 : MALERLAH PASU-PASUNDU
1. Malerlah pasu-pasuNdu Bagi ni padankenNdu
Gegeh ras ukur si paguh Tetap i b’rekenNdu
Reff.
Pasu-pasuNdu Em ulu gegeh kami
Enggo kap maler me tuhu Si ‘ndemi geluh kami

2. Malerlah pasu-pasuNdu G’luh kami jadi mbaru

Hal : 6
 Sorana bagi lau maler Mpeteneng ukur kami
Reff.

11. Pertoton Tuhan

12. Pengutusen Ras Pasu-pasu Dibata

L Turang ras Senina, dalankenlah kegeluhenndu iteruh penampat Kesah si
Badia, janah sialoken pasu-pasu idur Dibata nari :
“Patuhlah kam man perentahKu, Kupepaler me man bandu kemalemen
ate desken lau; janah kemenangen reh nepet kam, desken galumbang si
ergalun ku tepi lawit”, Amin.
(Bdk. Jesaya 48: 18)
P Amin..... Amin..... Amin..... (Iendeken)

Hal : 7