LITURGI ACARA

KEBAKTIAN MENGKET RUMAH RUNGGUN RAS

KEBAKTIN NATAL II i GBKP RG. LAU MECIHO
KLASIS DAIRI
Wari Selasa, 26 Desember 2023 i Komp. GBKP Lau Meciho
=======================================================

I. ACARA I KESAIN RUMAH

1.Rende: “Meriah Kita Ras K’rina” (KEE GBKP No. 192:1-2)
1) Meriah kita ras k’rina, si puji Dibatanta
Perban lias ateNa e, isehkenNa man banta pe
Nggo pulung kita k’rina pe, i bas ingan enda, i bas ingan enda
2) Dage ’lah ula lupa min, pehaga Dibatanta
Alu perbahanenta kin, kelengilah pe temanta
I bas kegeluhennta e, i babo doni e, i babo doni e.
2. Ertoto
3. Pengakun Si Mada Rumah (iwakili sekalak BPMR)
Man bandu kekelengen Tuhan si mengketi rumah enda,
Aloilah penungkenen si kusehken man bandu :
a. Tek nge kam man Dibata Bapa, AnakNa Jesus Kristus ras
Kesah si Badia
b. Tek nge kam bagi si tersurat i bas Pustaka Si Badia, maka
doni enda ras kerina isina, termasuk rumah enda pe Tuhan
kap empuna?
c. Erpadan kam man Dibata maka ipakeken kam rumah enda
nehken si ngena ateNa?
Adi tuhu bage atendu, nindulah : “TUHU BAGE ATEKU”
4. Ngendesken Kunci :
Si mada rumah (BPMR) ngendesken kunci man Si Maba
Kebaktin.
5. Nalangi Pintun
Si maba Kebaktin :

1
 Alu kekelengen ras perkuah ate Dibata, rumah enda ibereken
man bandu guna i iani ras ipakeken kam gelah reh gegehna kam
nehken singena ateNa: I bas gelar Dibata Bapa, AnakNa Jesus
Kristus ras Kesah si Badia. Amin

Si Maba Kebaktin nalami Sukut si mengket rumah. Je nari,

kerina jemaat ras undangen nalami si mengket rumah. Perlebe si
orangtua iikuti anak-anakna. Jenari perpulungen ngarakkenca
bengket ku rumah mbaru dingen rende KEE No. 199 : 1 – 2

1). Senang gundari geluhku ban Tuhan negu langkahku

Ku japa pe perdalanku tetap tanNa gelemenku
Reff : Tuhan nemani geluhku cikepNa tan ku meteguh
Dibata pengendesenku i bas tanNa aku nggeluh
2). Tah paksa berngi si gelap, tah paksa geluhku la sikap
Man baNa aku ernalem, kataNa lalap ku gelem
Reff : Tuhan nemani geluhku cikepNa tanku meteguh
Dibata pengendesenku i bas tanNa aku nggeluh
6. Rende KEE 439:1-3
1. Si bengketi rumah mbaru enda, i bas gelar Dibatanta
Rumah enda bekas pem’re Tuhan, inganta ngukuri kataNa
Ref.: Rumah em ingan pekesahken,
Ingan pulung ras kekelengen
Singianisa juah-juahen,
Rasa lalap dem kemalemen
2. Rumah enda pajek babo batu, palasna paguh ras enteguh
Adi Tuhanlah si masu masu, keriahen lalap bas pusuh.
Ref.:...
3. Rumah enda ingan perpulungen, Kata Dibata si man oraten
Ras teman sisada kiniteken, gelar Tuhan je pehagaken.
Ref. :...
7. Ertoto i bas Rumah Mbaru.

2
II. ACARA I BAS GEREJA (Perpulungen bengket kebaktian ku
gereja ras Erkata Lonceng)
1. Votum:
Dame i bas Dibata nari si erbahanca ateta malem katawari pe,
erkiteken kerembaken ras Tuhanta Jesus Kristus.
2. Salam:
Penampat man bandu rehna i bas Jahwe nari si nepa langit ras
doni, singkawali perberkat ras permulihndu, genduari nari seh
rasa lalap. Amin.
Ialoi Perpulungen: Amin ….. Amin …… Amin ……!
3. Berita Kerna Perbahanen ras Sura-sura Dibata (Invocatio)
L: “Jakup e me bapa Jusup; Jusup e me perbulangen Maria.
Arah Maria me tubuh Jesus si igelari Mesias si ipadanken
Dibata.” (Matius 1:16). Erpalasken kata Dibata enda, mari si puji
Dibata arah ende-endenta: KEE No. 200 : 1, 2
1. O Tuhan babai min dalanku bas doni,
Labuh ras la kesah gegehku
SoraNdu terbegi man bangku nemani
Lalap Kam me kuban temanku
2. O, Tuhan sampatlah geluhku gundari
Ola Kam erleka ras aku
Kawali geluhku, suari ras berngi
Lalap Kam me kuban temanku
4. Pujin Man Dibata Si Erkeleng Ate Nandangi Manusia
L : ”Dibatanta perkeleng dingen dem perkuah ate. IsehkenNa
pagi man banta sinalsal Keselamaten.” (Luk. 1:78)
P : Terpujilah gelar Dibata si erkeleng ate nandangi kita kerina
manusia.
L : Sipuji Dibatanta i bas keleng ateNa nandangi kita, arah ende-
endenta: KEE No. 114:1-2 “Sendah Jumpa Kita Wari Raya E”
1. Sendah jumpa kita wari raya e,
Peringeten tubuh Tuhan Yesus e.
Nusur ndahi kita manusia e, keriahen kap e.
3
 Ermulia me Tuhanta, e sipuji me gelarNa.
Perdamen ib’re Dibata Tuhan Yesus kap e.
2. Mari kita ku kuta Betlehem e,
Muji nembah man Tuhanta Yesus e.
E tinenges Tuhan si perkuah e, Dibata Bapa e.
Ermulia me Tuhanta, e sipuji me gelarNa.
Perdamen ib’re Dibata Tuhan Yesus kap e
5. Kinata Kegeluhen Manusia i Adep-adepen Dibata
(Perpulungen Kundul)
L : Nehenlah! Jesus tubuh ku doni enda maba terang, guna
nerangi kegeluhen manusia.
P : Ngaku kami Tuhan, megati kami la ngasup nggeluh i bas
terangNdu e.
L : Dibata enggo erdiate nandangi kerina tinepaNa.
P : Ngaku kami Tuhan, megati denga kami la ngasup erdiate
nandangi sekelewet kami. O Tuhan, alemilah kami.
L : Si akuken kinilangasupenta man Dibata, arah ende-endenta:
KEE No. 292:1,3 ”Manusia Enggo Erdosa”
1) Manusia nggo erdosa, meluat mekelesa
Pusuh labo lit damena, ’di sirang ras Dibata
Begikenlah pendiloNA, ikutkenlah kataNa
Geluh pelimbaruiNa, rembak kita ras Ia.
3) Di kita la mediate, man teman ras jabunta
I ja pe la malem ate, disirang ras Dibata
Begikenlah pendiloNa, usih perbahenenNa
Sampati turang senina, dame senang ukurta.
6. Berita Pengalemi Dosa (Perpulungen Tedis)
L : Selaku persuruhen Dibata, aku nehken kataNa man banta,
niNa,
”Kam gelgel nari i bas gelap, tapi genduari enggo i bas
terang, erkiteken kam nggo jadi anak-anak Tuhan. E maka

4
 kam arus nggeluh bagi kalak i bas terang.” Amin. (Epesus
5:8)
Si kataken bujur man Dibata arah ende-endenta: KEE No.
239:1-2
1) Si endeken ‘nde-‘nden si meriah,
Man Tuhanta si ‘nggo tubuh bas pelangkah,
Sabab patut nge k’rina kita nembah,
Ban babaNa terang ngaruh ras pe tuah
Ref.: Dage mari kita kerina ‘Lah si puji gelar Dibata,
Ulanai ukur erbera, Tuhan Yesus me kap Rajanta.
2) Tuhan Yesus metunggung dat pujin
Perban Ia si ngajari kita kin
Kek’lengenNa Ia erkeri-kerin
Adi pakelah pedahNa seh pagin (Ref.: Dage mari…)

7. Kata Dibata : (Perpulungen Kundul)

a. Ngoge Kata Dibata Bagin Si Pemena: Jesaya 11:1-5
(Responsoria)
L : Ketuahen me kalak si ngaloken dingen si ndalanken
Kata Dibata i bas geluhna si tep-tep wari. Haleluya.
P : Haleluya..... Haleluya..... Haleluya.....
b. Khotbah: Matius 2:9-11 (T)
8. Lakon Peridiken Si Badia (ngogeken Liturgi)

9. Pengakun Kiniteken
10. Persembahen
Seh me paksana kita nehken persembahen pengataken bujur
man Dibata. Kata Dibata si jadi palas i bas kita nehken
persembahen, niNa: ”O Senina ras Turang, nginget perkuah ate
Dibata si mbelin sinisehkenNa man banta, kupindo man bandu:
Endeskenlah kulandu man Dibata saja selaku persembahen si

5
 nggeluh rikutken si ngena ateNa. Sabab bage me arusna kam
ersembah man Dibata selaku mahluk si rukur”.
Tupung ngendesken persembahen pengataken bujurta rende kita
arah ende-endenta: KEE No. 385:1-3 “Babalah Persembahen
Simerimna” (make KEE Simbaru)
1) Babalah persembahen si merimna ku adep adepen Dibatanta
Babalah korban pujin si mehaga, man Tuhan Dibata si Badia
S’bab IA si mada kerina, si lit bas geluh enda
Kataken bujur arah g’luhta, terpuji gelar Tuhan.
2) Ajari kami make pemereNdu, guna mpehaga Kam o Tuhanku.
Jadi epe pebelangken kataNdu, i bas kegeluhen doni enda,
‘Lah gegeh ras pengertin kami, seh jadi pasu-pasu
Man k’rina kegeluhen enda, terpuji gelar Tuhan.

3) Kami nehken persembahen o Tuhan, mpehaga Kam si mada kerina.

Enda me gancih diri kami Tuhan, jadi alatNdu bas doni enda
Bagepe kegeluhen kami, i bas pertibi enda
Jadi persembahen si nggeluh, terpuji gelar Tuhan.

Pertoton Persembahen ras Sapaat.

11. Lakon Aloken/Ngawanken (Ngogeken Liturgi)
12. Persembahen Ku Lebe
Tanda riah ukurta bas kerina Lakon bas tengah-tengah
Gereja ta enda banci erdalan alu mehuli, marilah si endesken
persembahenta ku lebe tanda pengataken bujurta bas keleng ate
Dibata. Tupung kita nehken persembahenta ku lebe rende kita:
KEE 420:1-3 “Asa Gegeh Ras Kengasupen”
1) Asa gegeh ras kengasupen, kami nehken persembahen
Endesken kami bandu Tuhan, alu dem keriahen
Reff: Ajari kami ngergaken, talenta ras kiniliten
Arah ukur ras perbahanen, Tuhan ipermuliaken

6
 2) Simpar aloken kami, pasu-pasuNdu o Tuhan
KelengNdu i gejapken kami, Kam kap si negu kami. Reff:…
3) Arak-arak tetap o Tuhan, geluh kami anakNdu e
Gelah ngasup tetap o Tuhan makeken si tading e. Reff:…
13. Perpadanen Man Dibata
L : Jesus kap terang si tuhu-tuhu, si nerangi kegeluhen kalak si
tek man baNa.
P : Erpadan kami Tuhan, nggeluh i bas terangNdu e.
L : Dibata tetap mperdiateken kegeluhen manusia ras kerina
tinepaNa.
P : Erpadan kami Tuhan, mperdiateken teman kami manusia
ras kerina tinepaNdu si deban.
L :Si peteguhi perpadanenta man Dibata, arah ende-endenta:
KEE 193:1-3”Bas Si Nasa TinepaNa”
Bas sinasa tinepaNa, tetap krina rende trus.
‘Nde-enden pujin badia, muji gelar Penebus.
Reff.: Glo………..ria. Muliaken Tuhan.
Glo ……….ria. Muliaken Tuhan.

Bas ingan si meganjangna, bala Tuhan i Surga

Rende m’riah ia k’rina, man Tuhan Penebusta. Reff: Gloria…
K’rina ginemgem Dibata, pehaga si tubuh e.
Surga doni rende ia, k’rina alokenNa pe. Reff.: Gloria….
14. Pertoton Tuhan
15. Pemasu-masun
L : Ersinalsallah min terangndu nandangi sekelewetndu. Janah
jadi gegehndu, alokenlah pasu-pasu idur Dibata nari:
Perkuah ate Tuhan Jesus Kristus, kekelengen Dibata Bapa
ras kerembaken Kesah Si Badia ras kam kerina gelah. Amin.

P : A...min, A...min, A...min.

7
1. Syukur mematahkan pride (kesombongan);
2. Syukur memberikan kesadaran limitasi dan dependensi (keterbatasan)
3. Syukur membawa pengharapan: hari esok pasti lebih baik
4. Syukur membawa sukacita;
5. Syukur memberikan apresiasi; menghargai apa yang ada
6. Syukur mendorong kesaksian; bahwa Tuhan itu baik
7. Syukur memberikan semangat dan kelegaan

#bpmrgbkp_laumeciho