LITURGI KEBAKTIN

MINGGU 23 KENCA TRINITATIS /

KESEHATEN
12 November 2023 Jam 10.00 Wib Bahasa Karo
A. PERSIKAPEN
Perpulungen nikapken pusuh ras ukur guna ngadap man Tuhan
Pelayan ibadah ersikap i ruang persikapen
...... Musik ......

B. KEBAKTIN
1. Kata Pengalo-Ngalo Ras Momo
Turang ras senina i bas Tuhanta Jesus Kristus, selaku serayan Tuhan,
ikataken kami mejuah-juah ras selamat wari Minggu man banta kerina. Man
bandu kekelengen kami si sekali enda denga erkebaktin i bas gerejanta
enda, ikataken kami mejuah-juah. Kerehendu nambahi keriahen man banta
kerina. I bas bena kebaktinta mari dage sidengkehken momo kerna
perdalanen perpulungen Tuhan bage pe rencana pelayanen gerejanta ku bas
wari-wari si reh enda. Iogeken kami sijadi perubahen ras penekanen saja
(Ngogeken Momo).

2. Kata Penaruh
Dibata enggo nepa kegeluhenta alu mehuli, jenari ibereNa kita gegeh ras
kepentaren guna njagai dirinta alu mehuli, subuk kesehaten kula bage pe
pertendinta. Sabab i bas kula ras tendi si sehat, reh kuhna gegehta i bas
ndalanken si ngena ate Dibata i bas geluhta. Dage, arah kebaktinta sekali
enda, ate Dibata empersingeti kita dingen mereken kepentaren man banta
gelah reh sikapna kita njagai kegeluhenta.

 Erkata Lonceng Perp.Tedis

(1)
  Rende: KEE No. 217 : 1, 4
MERIAHLAH UKURTA MUJIKENCA

(Serayan Kebaktin Bengket ku Mimbar)

1. Meriahlah ukurta mujikenca

Dibata Raja mbelin si mulia
Peb’linken min gelarNa Si Badia
4. Tapina kekelengen ni Dibata
Ban Ia ngerajaisa sinasana
La sambar lalap Ia nge kap Bapa
SehkenNa banta kinibujurenNa
Ban labo ‘teNa mate kita enda
Reff : Maka bujur nge Dibata man pujin
Nai-nainari genduari seh pagin
Ban tandaiNa kita k’rina si suin
Sembah Ia me madin

3. Votum – Salam
L : I bas gelar Dibata Bapa si enggo nepa kegeluhen doni enda alu mehuli, i
bas gelar Jesus Kristus si erkuasa mpepalem kula ras tendi manusia, ras i
bas gelar Kesah si Badia si mereken kepentaren guna njagai kegeluhenta
(ndu).
Perkuah ate ras dame i bas Dibata Bapa ras i bas Tuhan Jesus Kristus
nari, i bas kerembaken Kesah si Badia ras kita (kam) kerina gelah. Amin.
P : A.....min A....min A....min (Iendeken)

4. Berita Kerna Perbahanen ras Sura – Sura Dibata (Invocatio)

L : “Ranan mehuli desken tengguli, entebu nanamna, tama kejuah-juahen
man kula.”(Kuan-Kuanen 16:24)

(2)
 Erpalasken Kata Dibata enda, sipuji IA alu ras kita ngendeken :
KEE No. 204 : 1, 4 KATA NI DIBATA
1. Kata ni Dibata, Seh kal e perluna.
Bas geluh enda, 4. Nguda ras metua,Perlu ngalokenca,
Ogelah Pustaka. Je Ia ngerana, Kata Dibata.
Man banta k’rina. Tah i japa gia Ola lupa kita,
Gegeh ibas geluhku, Em ban temanta.
KataNdu situhu-tuhu, Sampatlah min o, Tuhan,
Ras pasu-pasuNdu. Gelah kuteh kai kubahan,
Man kerina teman.

5. Pujin Kerna Perbahanen Dibata ......................................... Perp.Kundul

L : Dibata nepa kegeluhenta alu mehuli, seh kal keleng kal ate Dibata
tinepaNa, e maka tetap ipekena-kenaNa geluhta.
P : Terpujilah Kam Tuhan si tetap erdahin mpekena-kena geluh kami.
L : Dibatanta e me Dibata si erngena ate nandangi anak-anakNa si ngasup
ngataken bujur, si dem keriahen ukur guna empekena-kena kegeluhenna
alu pentar, njagai kiniulin kegeluhen pertendin ras daging kulana.
P : Terpujilah Kam Tuhan ulu kepentaren kami, i bas njagai kiniulin
kegeluhen kami.
L : Mari dage sipuji Tuhan alu ras kita rende arah :
KEE No. 368 : 1, 3 SI PUJI TUHAN DIBATANTA
1. Si puji Tuhan Dibatanta,
Kataken bujur bana 3. I inget kami padan Tuhan,
Sabab Ia si merekenca bas kegeluhen kami.
Pasu-pasu man banta. Kam si mereken kegeluhen,
mpetetap ukur kami.
Reff : Mbelin ras mulia kekelengan Tuhan
kubas doni enda
Ajari O Tuhan kami k’rina anakndu
naksiken kerina perbahanenNdu.

(3)
6. Kinilangasupen Manusia Njagai Diri
L : Tuhan kap si empuna geluhta, iaturkenNa kerina si mehuli man gunanta.
Adi situlihken ku bas kegeluhenta sedekah enda, kuga nge ketutusenta i
bas njagai kiniulin si enggo ibereken Dibata i bas dirinta?

.......... (Paksa Teneng)..........

L : Kuga nge enggo sibahan makeken gegeh ras kesehatenta sedekah enda?

.......... (Paksa Teneng)..........

L : Kuga nge perbahanenta nandangi dirinta i bas njaga kesehatenta sedekah

enda?
.......... (Paksa Teneng)..........

L : Mari sipindo gegeh man Tuhan alu ngendeken :

KEE No.304 : 1, 2 O TUHANKU O, DIBATANGKU
1. O Tuhanku o, Dibatangku
Rusur aku nimbak pedahNdu
Nggo meluat k’rina geluhku 2. O Tuhanku o, Dibatangku
Labo dame banna pusuhku Kutungtungken ukurku baNdu
Ras mekuah ateNdu aku
Sasapkenlah salah dosangku

7. Padan Dibata Kerna Penemani Geluh Manusia .................... Perp.Tedis

L : Turang dingen senina, adi siakuken kinilangasupenta i bas ngikutken
peraten Dibata, niNa :
“Keriahen desken tambar si mereken kejuah-juahen, adi ukur serbut
erbahanca daging kertang tading tulan.” (Kua. 17 : 22)

(4)
 Sipuji Tuhan si enggo mpegegehi kita alu ras kita rende i bas :
KEE No. 402 : 1, 3 PERBAN KEKELENGENNDU
1. Perban kekelengenNdu,
tebusiNdu dosangku. 3. Perban kekelengenNdu
Alu mambur darehNdu, jadikenNdu geluhku
Geluhku jadi mbaru Meherga ras erguna
Desken batu permata
Reff : Asa ngasup gegehku,
kuikutken kataNdu
Yesus kam si perkuah.
kupuji ras kusembah.

8. Nehken Lagu Pujin : Tim Doa .......................................... Perp.Kundul

9. Kata Dibata
a. Ngoge Kata Dibata Bagin Si Pemena : 3 Johanes 1 : 1-4 (Tunggal)
L : Ketuahen kalak simegiken Kata Dibata, dingen si makekenca i bas
geluhna si tep-tep wari, Haleluya.
P : Haleluya........... Haleluya ........... Haleluya ........... (Iendeken)
b. Khotbah (ibenai ras idungi alu pertoton): Jeremia 17 : 14-18 (Tunggal)
“Mejuah-juah Ras Tuhan.”

10. Pengakun Kiniteken ................................................................ Perp.Tedis

 Aku tek man Dibata Bapa si la ersibar kuasaNa, si nepa langit ras doni.
 Aku tek man Yesus Kristus anakNa si Tonggal Tuhanta, si jadi arah kesah
Si Badia, tubuh idur singuda-nguda nari si so keliamen, tergelar si Maria, si
ngenanami kiniseran sangana pemerintahen Pontius Pilatus nipakuken ku
kayu persilang, mate, jenari ikuburken nusur ku doni kematen, petelu
wariken enggo keke ibas si mate nari, nangkih ku Surga, perkundulNa arah
kemuhen Dibata Bapa si la ersibar kuasaNa, jenari reh me IA pagi
ngeranaken si nggeluh ras si enggo mate.
 Aku tek man kesah si Badia janah lit sada Gereja si Badia, persadan kalak si
Badia, pengalemi dosa, kinikeken kula, kegeluhen si rasa lalap.
 Amin.

(5)
11. Nehken Lagu Pujin : PS Moria Klasis Bekasi-Denpasar Perp.Kundul

12. Persembahen
L : Mari kita ersikap guna nehken persembahen pengataken bujurta man
Tuhan. Kata Dibata si jadi palas i bas kita ngendesken persembahen
pengataken bujurta, niNa :
“O senina-seninangku, nginget perkuah ate Dibata si mbelin si
isehkenNa man banta, kupindo man bandu: Endeskenlah kulandu man
Dibata saja selaku persembahen si nggeluh rikutken si ngena ateNa.
Sabap bage me arusna kam ersembah man Dibata sue ras biakndu
selaku mahluk si rukur.” (Roma 12:1).
Tupung sisehken persembahenta, ras kita rende i bas :
KEE No.420 : 1-rst ASA GEGEH RAS KENGASUPEN
1. Asa gegeh ras kengasupen,
Kami nehken persembahen. 2. Mbue tuhu kami aloken,
Endesken kami baNdu Tuhan, Pasu-pasuNdu O Tuhan.
Alu dem keriahen. kelengNdu i gejapken kami,
Kam kap si negu kami.
Reff: Ajari kami ngergaken,
talenta ras kiniliten. 3. Arak-arak tetap o Tuhan,
Arah ukur ras perbahanen, Kegeluhen anakNdu e.
Tuhan ipermuliaken Gelah ngasup tetap Tuhan,
Makeken si tading e.
Pertoton Persembahen ras Syafaat

13. Lakon Ngawan

a. Rende : KEE No. 299 : 1, 2
1. Ngikut Tuhan kin atendu
Persan silang
Ola sangsi ola mbiar
Ikutkenlah
NGIKUT TUHAN KIN ATENDU
Reff: Persan saja min silangNdu,
Ikut terus
Mulia me kal upahNdu
tetap tutus

(6)
 2. Simbaklah min peratenndu,
saber tetap
Bujur saja ukurindu,
dat me sangap

b. Nehken Lagu Pujin : Peserta Ngawan

c. Persembahen Khusus, Rende : KEE No.370 : 1, 2

PERKUAH ATE IDUR DIBATANTA
1. Perkuah ate idur Dibatanta
Enggo nemani kegeluhenta
Kita kerina enggo pegegehiNa
Nggo sibegiken Kata pedahNa 2. Mejuah-juah man banta kerina
Si salamen ku kawes kemuhen
Seh jumpa ka kita pagi kerina
Bas perminggun tah bas perpulungen

14. Perpadanen Man Dibata ......................................................... Perp.Tedis

L : Tuhan enggo mereken kiniulin geluh man manusia, jenari idiloNa
manusia njagai kiniulin e gelah reh kuhna gegehta nehken si ngena ateNa.

P : Erpadan kami Tuhan, ateku tetap ngergaken ras njagai geluh si enggo
iberekenNdu man kami.

L : Tuhan ndilo anak-anakNa guna njagai diri, sabab e me tanda kita (kam)
ngergaken dirinta (ndu) selaku tempas Dibata si meherga.

P : Erpadan kami Tuhan, tetap ngergaken diri kami, alu perukuren ras orat
geluh si mehuli, dingen jadi usihen man kalak si deban.

(7)
L : Guna mpeteguhi perpadanenta man Dibata, rende kita i bas :
KEE No. 105 : 1 LAWES ME KAM MEJUAH-JUAH
1. Lawes kam mejuah-juah,
Dibata min m’re bandu tuah
Malekat min ngasuhi kam
Tuhan kap ciligenenndu,
‘Di Ia lah penalemenndu
Ku ja pa pe senang me kam
Ku Ia min tetap
It’rang ras i gelap
Rusur-usur, Ingetkenlah
Man kami kang
‘Di man Dibata ‘rtoto kam

15. Pertoton Tuhan

O Bapa kami si ni Surga. GelarNdu ipebadia min; reh min KinirajanNdu;
sehlah min peratenNdu, i bas doni enda bagi ni Surga. Bereken min man
kami nakan cukup i bas wari si sendah enda. Alemi min salah kami bagi
nialemi kami salah kalak kempak kami. Ola min kami ibaba Kam kubas
percuban, tapi olangilah kami idur si ilat nari.
Sabap Kam kap si mada Kinirajan, ras Kuasa, ras Kemulian si ndekah-
ndekahna. Amin.

16. Pengutusen ras Pasu – Pasu Dibata

L : Turang dingen senina, meherga kap kita (kam) i adep-adepen Dibata.
Jadilah kita (kam) saksi kegeluhen si mehuli alu njagai kegeluhenta
(ndu). Guna gegehta (ndu), alokenlah pasu-pasu idur Dibata Bapa nari :
“Ipasu-pasu janah ikawali Dibata kita (kam), siang ayo Dibata
ersinalsal ibabonta (ndu), janah melias AteNa ngenehen kita (kam).
Itatap Dibata ku kita (kam), janah malem ateta (ndu) ibahanNa”Amin
(Bdk.Bilangen 6 : 24-26).
P : A....min A.....min A.....min (Iendeken)

(8)