LITURGI MINGGU EPHIPANIAS I

IBADAH PAGI (Onsite), BAHASA KARO Rupa Stola : Mbentar

Minggu, 07 Januari 2024; 07.00 WIB
Tema : Dibata Itandai I Bas Jesus Kristus
Invocatio : Masmur 65:7
Ogen : Kuan-Kuanen 4:11-19
Khotbah : 1 Timotius 3:14-16
Pengkhotbah Pdt Agustinus Ginting, M.Th, M.Pd WL+Singer Ny Leo
Liturgos Pt Sudarmo Purba Ny Hendra
Pengantar Dk Ridwan Ketaren Yoan br Surbakti
Pewarta Pt Abadi Tarigan Pemusik Bp Mischel Perangin-angin
Kolektan Pt Janto Ginting Perlengkapan Dk Elmasa Tarigan
Baca Alkitab Sektor Sawangan Tim Digital
Penyambut Pt Sopan Tarigan
Jemaat Pt Hennita Sitepu

A. PERSIKAPEN
Perpulungen nikapken pusuh ras ukur guna ngadap man Tuhan
Pelayan ibadah ersikap i ruang persikapen
..... (Musik) .....

B. ENDE-ENDEN PUJIN SOPE IBADAH

1. Surak Meriah
Enggo pulung kita bas ingan enda
Muji-muji gelar ni Dibata nta
Ula berjut-berjut, ula jungut-jungut
Gelahna jore perukurennta
Mari surak meriah ukurta
Beritaken berita simeriah
Ula kisat-kisat, ula rubat-rubat
Gelahna dame sikerajangen nta
Rende-rende muji Dibata
Ersuraklah kita kerina
Pujinta labo sia-sia
Jumpa dame ras pe kesenangen
Landek-landek kita kerina
Endesken alu ukur meriah
Katana pegegehi kita
KuasaNa mere pengarapen

2. Monce-Once Kiniteken (O Tuhan Cidahkenlah SinalsalNdu)

O Tuhan…. Cidahkenlah sinalsalNdu
Guna tendang kegeluhen
Man kami si kegelapen
O Tuhan…. Cidahkenlah sinalsalNdu
Monce-once kiniteken
Dage aloken o Bapa
LiasNdu o Tuhan, jadi pengarapen
DameNdu o Bapa, maba kami terkelin
Di sirang ras Kam o Tuhanku
Kematen si k’rajangenku
Monce-once kiniteken
Dage aloken o Bapa

1
C. KEBAKTIN
1. KATA PENGALO-NGALO RAS MOMO
Turang ras senina ibas Tuhanta Jesus Kristus, selaku serayan Tuhan, ikataken kami mejuah-juah ras
selamat wari Minggu man banta kerina. Man bandu kekelengen kami si sekali enda denga erkebaktin
ibas gerejanta enda, ikataken kami mejuah-juah. Kerehendu nambahi keriahen man banta kerina. I
bas bena kebaktinta mari dage sidengkehken momo kerna perdalanen perpulungen Tuhan bage pe
rencana pelayanen gerejanta ku bas wari-wari si reh enda.
NGOGEKEN PENEKANEN MOMO
2. KATA PENARUH
Minggu enda bengket kita ku bas Minggu Ephipanias si pemena. Ephipanias e me Dibata mpetandaken
diriNa man manusia gelah manusia banci lebih nandai Dibata alu payo. Si enda enggo ipetangkasNa
arah ketubuhen Jesus Kristus. I bas Jesus Kristus tuhu-tuhu serta si tandai Dibata sabab Ia kap Dibata
jine. Kalak sinandai Dibata, ietehna kap sura-sura Dibata, jenari itandaina pe dirina pengikut Kristus.
Alu bage, ngasup kita nuduhken keleng ate Dibata i bas geluhta si teptep wari. Mari dage kita
mpesikap pusuhta mengketi kebaktin enda.
• Erkata Lonceng Perp. Tedis
• Rende: KEE GBKP No. 306: 1 & 4 (Serayan Kebaktin Bengket ku Mimbar)
O Kam Tinepa Dibata
1) O kam tinepa Dibata 4) Mari sipuji Tuhanta
Si mada kuasa pujilah Mbelin kepe kuasaNa
Haleluya, Haleluya Haleluya, Haleluya
Matawari ersinalsal Mulia kapen gelarNa
Krina teridah merandal T’ridah arah tinepaNa
Rasa lalap puji Tuhan Rasa lalap puji Tuhan
Haleluya, Haleluya, Haleluya Haleluya, Haleluya, Haleluya

3. VOTUM – SALAM
L I bas gelar Dibata Bapa si tuhu-tuhu ngkelengi doni enda, i bas gelar AnakNa Jesus Kristus si
maba rupa Dibata ku doni enda, ras i bas gelar Kesah Si Badia nampati kita nandai Dibata alu
serta.
Perkuah ate ras dame i bas Dibata Bapa ras i bas Tuhan Jesus Kristus nari, i bas kerembaken
Kesah Si Badia, ras kita kerina gelah. Amin.
P Amin..... Amin..... Amin..... (iendeken)

4. BERITA KERNA PERBAHANEN RAS SURA-SURA DIBATA (INVOCATIO)

L “Alu GegehNdu IpecinderNdu deleng-deleng i bas InganNa, guna encidahken KuasaNdu si
mbelin.” (Masmur 65:7)
Erpalasken Kata Dibata enda, sipuji IA alu ras kita rende KEE GBKP No. 22: 1 – 2
Idas Deleng Dibata
1) Idas deleng Dibata, 2) Tetap me kap mataNa,
Teruh I laut kepe. Ngenehen k’rina nge.
Ku japa lawes kita, Si ngikut perkatanNa,
I je Dibata pe. IsampatiNa e.
Di kabang ukur gia, JujurenNa terakap,
Tah ndauh ndeher e. Ibas si turah kin.
Teruh i datas Ia, Asa nggeluh me lalap,
Dibata japa pe. Pujiken Tuhan min.

2
5. PUJIN KEMPAK PERBAHANEN DIBATA Perp. Kundul
L Perukurenndu bali min ras perukuren Kristus Jesus.
P Aminna gia tetap lit i bas IA biak Dibata, erkuasa dingen ermulia IA bali ras Dibata, tapi si enda
la ipertahankenNa.
L Arah ukurna jine itadingkenNa kerina si lit i bas IA. Jadi seri IA ras manusia; nggeluh bagi sekalak
juak-juak. Janah teridah bagi sekalak jelma.
P Meteruk ukurNa, janah erkemalangen IA man Dibata seh matena pe; e me mate i kayu
persilang.
L Erkiteken si e ipehaga Dibata kal IA. Ibereken Dibata man baNa kuasa si meganjangna kal.
P Gelah kerina si enggeluh i Surga, i babo doni ras i teruh doni erjimpuh nembah man baNa. Janah
ngakuken maka Jesus Kristus e tuhu-tuhu Tuhan, guna kemulian Dibata Bapa.
L Sipuji Tuhan alu ras kite rende arah: KEE GBKP No. 424: 1 – 2
Ipuji Kami Kam Dibata Si Mbelin
1) Ipuji kami Kam Dibata si mbelin 2) Dibata sajalah tetap si man pujin
Alu ende-enden si meriah Endeskenlah g’luhta man baNa min
Suari ras berngi kawali kami min Tetap ia si mperdiateken kita min
Segelah la celus bas percuban kelengNa man banta la erkerin
Reff: Sangap kap kalak, si ‘malem baNdu e. Reff: Sangap kap kalak, si ‘malem baNdu e.
daten tuah ras kesenangen pe. daten tuah ras kesenangen pe.
Sangap kap kalak, si ‘malem baNdu e. Sangap kap kalak, si ‘malem baNdu e.
daten tuah ras kesenangen pe. daten tuah ras kesenangen pe.

6. KINATA KEGELUHEN MANUSIA I BAS NIMAI KEREHEN DIBATA

L Dibata enggo reh ku doni enda i bas rupa Kristus gelah tuhu-tuhu banci si tandai IA.
P Ngaku aku Tuhan, megati kal aku la ngergaken keleng ateNdu i bas Kam enggo reh ku doni enda,
e maka penandaiku pe kerna Kam lenga bo tangkassa.
L Jesus Kristus tuhu-tuhu ngergaken kita e maka nggit IA reh ku doni enda jadi seri ras kita
manusia segelah kita ipeganjangNa.
P Ngaku aku Tuhan, megati kal aku la ngergaken kiniulinNdu guna peganjangken aku segelah
pulah idur dosa nari. Alemilah dosangku o Tuhan!
L Sisehken pingko-pingkonta man Dibata alu ngendeken: KEE GBKP No. 99: 1 – 2
Dibata Si Telu Sada
1) Dibata si Telu sada, 2) O, Tuhanku, o, Bapangku
Bapa, Anak, Kesah pe Si erkeleng ate e
Jadi penundalen kami, Suruh Kesah si Badia
Palas kiniteken pe Bengket ku pusuhku e
Yesus reh ku doni e Si nggegehi aku e
Ndilo si perdosa nge Ng’lawan kuasa dosa pe
Gelah k’rina min terkelin Gelah tetap perjingkangku
Bas kuasa doni nari Ku lebeNdu o, Tuhanku

3
7. PADAN DIBATA MAN SI NGAKUKEN KINILATUNGGUNGENNA Perp. Tedis
L Selaku persuruhen Dibata, aku nehken kataNa man banta si erkadiola dingen nggit jera i bas
dosa ras kelepakennta:
“Tole nina TUHAN, "Marilah maka si dungi cakapta enda. Kam nggo erkubang-kubang ibahan
dosa, tapi kuperidi kam maka bersih bagi salju. Aminna gia erkiteken dosandu kam nggo
mbiring bagi tengguang, mulihi kam jadi mbentar bagi kapas.”
Meriah ukurta i bas kita enggo ngaloken padanNa, e maka rende kita i bas
KEE GBKP No. 414: 1 & 3
‘Ndiko Ulina Padan Tuhan E
1) ‘Ndiko ulina padan Tuhan e, 3) ‘Ndiko Tuhan mbelin kelengNdu e,
Nandangi k’rina isi jabu pe Nandangi k’rina isi jabu pe
Sangap kal jabu si malang baNdu Bapa, Nande, Anak tengah jabu
Si nggeluh ngikutken perentahNdu Sendalanen ‘bas jabu sempabu
Reff: Kam Dibata si ngkelengi tetap Reff: Kam Dibata si ngkelengi tetap
Pasu-pasuNdu simpar kap tetap Pasu-pasuNdu simpar kap tetap
--Perp. Kundul--
8. KATA DIBATA
❖ Ngoge Kata Dibata Bagin Si Pemena Kuan-Kuanen 4:11-19
11 Nggo kuajarken man bandu kepentaren dingen dalan kegeluhen si payo.
12 Adi nggeluh i bas kepentaren, la kam dat alangen adi kam erdalan; la kam tertuktuk adi kam
kiam.
13 Ingetlah lalap kai si nggo ipelajarindu. Jagai lalap, sabap e kap kegeluhenndu.
14 Ula kam lawes kempak perlawes kalak jahat. Perbahanenna pe ula kal usih.
15 Tulak janah sirangilah si jahat; ula nilah, tapi pinterkenlah perdalanndu.
16 Kalak jahat la tertunduh adi langa erbahan jahat. Langa madat matana adi langa ncilakaken
kalak.
17 Kejahaten ras kekejamen desken pangan ras inemen kap man kalak enda.
18 Dalan si idalani kalak bujur seumpama matawari pultak erpagi-pagi, lalap reh terangna seh
pantek ciger.
19 Tapi dalan si nidalani kalak jahat bali kap ras berngi si gelap, jongkang ia tapi la ietehna kai si
mahanca.

L Ketuahen kalak si megiken Kata Dibata, dingen si makekenca i bas geluhna si teptep wari.
Haleluya.
P Haleluya..... Haleluya..... Haleluya..... (Iendeken)
❖ KHOTBAH (Ibenaken ras i dungi alu pertoton)
Teks Khotbah : 1 Timotius 3:14-16
Tema : Dibata Itandai I Bas Jesus Kristus
14 Asum kubahan surat enda man bandu, ngarap aku maka la nai ndekah sa reh aku ndahi
kam.
15 Tapi adi ndekah denga maka aku reh, surat enda me mpebetehkenca man bandu kuga
arusna perlangkahta i bas keluarga Dibata, perpulungen Dibata si nggeluh, binangun
dingen palas ajaren si tuhu-tuhu.
16 Ise pe la ngasup nimbaksa kerna belinna rahasia agamanta. "Jesus Kristus reh i bas rupa
manusia, ipetangkas Kesah Dibata Ia la ersalah, janah teridah man malekat-malekat. Kerna
Ia ipembar ku kerina bangsa-bangsa, kerina manusia i doni tek man BaNa, janah Ia nggo
iangkat Dibata ku Surga."
9. PENGAKUN KINITEKEN Perp. Tedis
10. PERSEMBAHEN PUJIN: PERMATA PAMULANG Perp. Kundul

4
11. PERSEMBAHEN
L Kata Dibata si jadi palas i bas kita ngendesken persembahenta man Dibata:
“Ngataken bujur eme persembahen si pehagaken Aku janah si patuh ngikutken Aku tentu
Kukelini.” (Msm. 50:23).
Tupung ngendesken persembahan, rende kita ibas KEE GBKP No. 282: 1 – 3
Kukataken Bujur BaNdu
1) Kukataken bujur baNdu 2) Tergejap pasu-pasuNdu
O Kam Tuhan Penebus I bas kegeluhenku
Aku enggo s’lamatkenNdu Rejeki arah dalinku
Arah lias ateNdu Icur-curkenNdu bangku
Reff: Keleng kal ateNdu aku Reff: Keleng kal ateNdu aku
Simpar kap ngaruhNdu bangku Simpar kap ngaruhNdu bangku
Lias ateNdu la nai terpilasi Lias ateNdu la nai terpilasi
Ku puji Kam tep-tep wari Ku puji Kam tep-tep wari

3) Arah perkuah ateNdu

Mejuah-juah aku
Senang me kapen geluhku
Kupujilah gelarNdu
Reff: Keleng kal ateNdu aku
Simpar kap ngaruhNdu bangku
Lias ateNdu la nai terpilasi
Ku puji Kam tep-tep wari
12. PERTOTON PERSEMBAHEN RAS PERTOTON SYAFAAT
13. PERPADANEN MAN DIBATA Perp. Tedis
L Dibata enggo mpetandaken diriNa alu serta arah kerehenNa ku doni enda i bas Jesus Kristus.
P Erpadan aku Tuhan tetap setia ngikutken Jesus Kristus segelah tetap reh tangkasna penandaiku
kerna IA.
L Kerehen Jesus Kristus ku doni enda segelah kita manusia banci ngidah alu serta keleng ateNa.
P Erpadan aku tetap malang kempak Tuhan Jesus segelah banci ngenanami keleng ateNa dingen
ernanam pe kempak kalak sideban.
L Guna peteguhi perpadanenndu man Dibata, sipuji Tuhan alu rende KEE GBKP No. 181: 1 & 3
Segedang-Gedang Geluhku
1) Segedang-gedang geluhku, 3) Segedang-gedang geluhku,
Itemani Penebus. Ia si nemanisa.
Labo kai pe lit sikurang, Labo lit kebiarenku,
Adi tanNa negu t’rus. Ban mbelin kuasaNa.
Dame surga lit ‘bas aku, Talu me k’rina musuhku,
IusekenNa bangku. Ia si ngkawalisa.
Kegeluhen jadi senang, Keriahen lit bas aku,
Kai pe la lit si kurang, Ia si merekenca;
Kegeluhen jadi senang, Keriahen lit bas aku,
Kai pe la lit si kurang Ia si merekenca.
14. PERTOTON TUHAN
15. PENGUTUSEN RAS PASU-PASU DIBATA
L Laweslah ku bas kegeluhenndu si teptep wari, cidahkenlah persadanndu i bas Kristus,
alokenlah pasu-pasu Dibata:
“Dibata sumbul kemalemen ate e gelah sincukupi keperlunndu guna ndalanken si sentudu
ras peraten-Na. Janah Dibatalah erdahin i bas kam arah Jesus Kristus gelah kam ngelakoken
kai si ngena ateNa, man Kristuslah kemulian seh rasa lalap.” Amin.
P Amin..... Amin..... Amin..... (Iendeken)
5