LITURGI KEBAKTIN

MINGGU 13 KENCA TRINITATIS /

PLURALISME
03 September 2023 Jam 10.00 Wib Bahasa Karo

A. PERSIKAPEN
Perpulungen nikapken pusuh ras ukur guna ngadap man Tuhan
Pelayan ibadah ersikap i ruang persikapen
...... Musik ......
B. KEBAKTIN
1. Kata Pengalo-Ngalo Ras Momo
Turang ras senina i bas Tuhanta Jesus Kristus, selaku serayan Tuhan,
ikataken kami mejuah-juah ras selamat wari Minggu man banta kerina. Man
bandu kekelengen kami si sekali enda denga erkebaktin i bas gerejanta
enda, ikataken kami mejuah-juah. Kerehendu nambahi keriahen man banta
kerina. I bas bena kebaktinta mari dage sidengkehken momo kerna
perdalanen perpulungen Tuhan bage pe rencana pelayanen gerejanta ku bas
wari-wari si reh enda. Iogeken kami sijadi perubahen ras penekanen saja.
(Ngogeken Momo).

2. Kata Penaruh
Minggu enda bengket kita ku bas Minggu Pluralisme si encidahken maka
Dibata nepa doni enda lit i bas kinierbagen. Subuk suku, bangsa, bahasa ras
kiniteken. Arah kinierbagen e, Dibata makeken bangsaNa guna encidahken
kemulianNa alu namaken kita nggeluh itengah-tengah suku, bangsa, ras
kiniteken si erbage-bage e. Tujunna labo gelah petembil ras si deban, tapi
pe ipindo Dibata kita gelah nggeluh i bas kinierbagen alu encidahken orat
nggeluh selaku anak-anak Dibata. Alu bage suku bangsa si deban nandai
Dibata arah kegeluhenta. Arah kebaktin enda kita iajuk ras ikuhi Dibata
guna nggeluh jadi pasu-pasu i tengah-tengah suku, bangsa, ras kiniteken si
deban.

 Erkata Lonceng Perp.Tedis

(1)
  Rende: KEE No. 278 : 1, 3
KUDAHI RUMAH PERSEMBAHEN
(Serayan Kebaktin Bengket ku Mimbar)

1. Kudahi rumah persembahen

Se gelah aku jumpa Tuhan 3. Begikenlah kata Dibata
Ban Ia sumbul keriahen Em kap si nerangi geluhta
Nggo b’reNa bangku kesangapen Jadikenlah wari-warinta
Penembahennta e man baNa
Reff : Ersada me anakNdu k’rina
Bas kiniteken tetap paguh
Bagem biak anak Dibata
Tetap nembah ras muji gelarNdu

3. Votum – Salam
L : I bas gelah Dibata Bapa si njadiken kerina bangsa, i bas gelar AnakNa
Jesus Kristus si nebusi kerina manusia, ras i bas gelar Kesah Si Badia si
mpengasup kita (kam) nggeluh i bas kinierbagen.
Lias ate dingen kemalemen ate i bas Dibata Bapa ras i bas Tuhan Jesus
Kristus nari man banta (ndu) kerina gelah. Amin.

P : A.....min A....min A....min (Iendeken)

4. Berita Kerna Perbahanen ras Sura – Sura Dibata (Invocatio)

L : “Bahanlah man kalak si deban bagi ngena atendu ibahanna man bandu.
Enda me eritna Undang-undang si isuratken Musa ras kai si enggo
isuratken nabi-nabi” (Matius 7 : 12)

(2)
 Erpalasken Kata Dibata enda, si puji IA alu ras kita rende :
KEE No. 209 : 1, 2 PERPULUNGEN ERSADALAH
1. Perpulungen ersadalah,
Ngikutken PedahNa. 2. Gereja Kristen sikaplah,
Bas kiniteken tetaplah, Ersada paguhlah.
Man Tuhan Dibata. Ersada ukur min i bas,
Bas si mehuli ayaklah, Dibata Bapanta.
Sisampat-sampaten. Peturah kiniteken pe,
Bage kap pedah Dibata, Ras dame k’rinalah.
Sikeleng-kelengen. Ras sikeleng-kelengenlah,
Ngikutken Tuhanta.

5. Pujin Man Dibata ............................................................. Perp.Kundul

L : Dibata nepa doni ras isina lit i bas kinierbagen. I bas kinierbagen
TinepaNa khususna manusia, ijadikenNa melala suku ras bangsa. I bas
kerina bangsa-bangsa, kita idilo Dibata jadi bangsaNa. TujunNa, gelah
arah kita teridah kemulian Dibata ras jadi pasu-pasu man bangsa-bangsa
si deban.
P : Ipuji kami Kam Tuhan, i bas kami enggo iatankenNdu jadi bangsa
pilihenNdu guna encidahken kemulianNdu, bage pe jadi pasu-pasu ku
tengah-tengah doni enda.
L : Si puji Tuhan arah ende-endenta : KEE No. 281 : 1, 3
KEK’LENGEN YESUS KEMPAK MANUSIA
1. Kek’lengen Yesus kempak manusia
Desken Dibata engkelengi Ia 3. Bas paksa kita nehken kekelengen
KekelengenNa maler kap man banta Ola min siban ceda kempak teman
Adi sipakelah pedahNa Erban mehuli ola rahan-ahan
Reff : Min si keleng-kelengen kita k’rina Lah kedamen jujurken Tuhan
Bagi pedahken Yesus bas pustaka
Sababna kai sipindo bas gelarNa
Ib’re Dibata man banta.

(3)
6. Kinata Kegeluhen Manusia
L : Dibata ndilo kita (kam) jadi bangsaNa janah ringan itengah-tengah suku,
bangsa ras kiniteken si erbage-bage lit i doni enda. Sura-sura Dibata,
gelah arah kita seh pasu-pasuNa ku kerina bangsa. Sedar nge kita maka
pendilo Dibata man banta jadi pasu-pasu man bangsa si deban?
P : Ngaku kami Tuhan, megati la isedari kami maka pendiloNdu nandangi
kami e guna jadi pasu-pasu man kerina bangsa-bangsa.
L : Selaku bangsa si enggo ipilih Dibata guna nggeluh i tengah-tengah
bangsa si deban, kuga nge pendalankenta (ndu) sedekah enda?
P : Ngaku kami Tuhan, maka megati kami erdahin ras ertoto guna diri kami
saja. Pasu-pasuNdu terjeng man kami saja. O Tuhan, ajari kami tole
gelah ngasup nggeluh i bas sura-suraNdu i tengah-tengah suku, bangsa
ras kiniteken si deban.
L : Guna tole nggejapken kinilangasupenta jadi pasu-pasu nggeluh i tengah-
tengah suku, bangsa ras kiniteken si deban, mari si pindo pergegeh man
Tuhan i bas ndalanken sura-suraNa.

(Paksa Teneng)

L : Mari sipindo pergegeh i bas Tuhan nari, alu ras kita rende arah :
KEE No. 292 : 1, 2 MANUSIA NGGO ERDOSA
1. Manusia nggo erdosa
Meluat mekelesa 2. Megati meganjang ukur
Pusuh la bo lit damena Nogan nimbak kataNa
Di sirang ras Dibata Piah dungna latih rukur
Begikenlah pendiloNa Di sirang ras Dibata
Ikutkenlah kataNa Begikenlah pendiloNa
Geluh pelimbaruiNa Malang erlajar baNa
Rembak kita ras Ia Di mberat pe bas geluhta
Menahang di ras IA

(4)
7. Pergegeh I bas Dibata Nari .................................................. Perp.Tedis
L : Dibata tetap ngaloken ras ngkelengi kita aminna pe megati la ngasup
ngertiken sura-suraNa. Dibata tetap i bas padanNa ndilo kita gelah jadi
bangsaNa. Gelah tetap ukurta nehken sura-sura Dibata enda, si
dengkehken kata Dibata man banta arah Jeremia 19 : 7, NiNa :
“Erdahinlah guna kiniulin kuta-kuta i ja kam enggo Kubuang jadi
tabanen. Ertotolah guna keperlun kuta e sabab adi sikap ia kam pe ikut
sikap”
Si puji Tuhan alu ras kita rende arah :
KEE No.184 : 1, 3 YESUS TUHANKU NJAMINISA

1. Yesus Tuhanku njaminisa,

K’rina dosangku tebusiNa.
Geluh simbaru jujurkenNa,
M’riah ukurku ngalokenca. 3. Malem me ate di ras Ia,
Reff : Tuhanku Yesus Kam me tetap, La kai pe kurang ib’rekenNa.
Pengendesenku rasa lalap. KataNa jine seh gegehna,
Temani aku o, Penampat, Petetap ukur bas geluhta.
Tuhanku Yesus Jurus’lamat.

8. Nehken Lagu Pujin : Kategorial KAKR ......................... Perp.Kundul

9. Kata Dibata
a. Ngoge Kata Dibata Bagin Si Pemena : Jesaya 43 : 10-13 (Tunggal)
L : Ketuahen kalak si megiken Kata Dibata, dingen si makekenca i bas
geluhna si tep – tep wari, Haleluya
P : Haleluya……Haleluya……Haleluya........ (Iendeken)

b. Khotbah (ibenai ras idungi alu pertoton): Roma 13 ; 8-14 (Responsoria)

“Nampati Teman Alu Kekelengen”

(5)
10. Pengakun Kiniteken .............................................................. Perp.Tedis
 Aku tek man Dibata Bapa si la ersibar kuasaNa, si nepa langit ras doni.
 Aku tek man Yesus Kristus anakNa si Tonggal Tuhanta, si jadi arah kesah
Si Badia, tubuh idur singuda-nguda nari si so keliamen, tergelar si Maria, si
ngenanami kiniseran sangana pemerintahen Pontius Pilatus nipakuken ku
kayu persilang, mate, jenari i kuburken nusur ku doni kematen, petelu
wariken enggo keke ibas si mate nari, nangkih ku Surga, perkundulNa arah
kemuhen Dibata Bapa si la ersibar kuasaNa, jenari reh me IA pagi
ngeranaken si nggeluh ras si enggo mate.
 Aku tek man kesah si Badia janah lit sada Gereja si Badia, persadan kalak si
Badia, pengalemi dosa, kinikeken kula, kegeluhen si rasa lalap.
 Amin.

11. Persembahen ......................................................................... Perp.Kundul

L : Kata Dibata si jadi palas i bas kita nehken persembahen pengataken
bujurta :
“Alu ukur meriah kupersembahken persembahen man baNdu, dingen
ngataken bujur man baNdu, sabab mehuli kap Kam o Tuhan”
(Msm.54:8)
I bas kita mpepulung persembahenta, mari ras kita rende arah :
KEE No.272 : 1-rst ISE KIN KAMI ENDA O, BAPA
1. Ise kin kami enda o, Bapa
Maka kami ngasup mere baNdu 2. Ngataken bujur kami man baNdu
Labo ban gegeh kami o, Bapa Arah persembahen kami enda
Lako mere man baNdu Aloken ras ipasu-pasuNdu
Terpujilah gelarNdu
Reff: Kai pe si lit ibas kami o, Bapa
E kap bekas pemereNdu man kami 3. Nggejap b’linna perkuah ateNdu
Enda sada bagin, Makana kami mere man baNdu
Bapa ipersembahken kami Kai pe cukup i bas Kam o, Bapa
Kam Raja Surga doni
Pertoton Persembahen ras Syafaat

(6)
12. Perpadanen Man Dibata ......................................................... Perp.Tedis
L : Dibata nepa kita (kam) manusia i bas kinierbagen suku, bangsa ras
kiniteken si deban. Kai nge jadi padanta (ndu) man Dibata i bas ngaloken
ras ngergai suku, bangsa ras kiniteken si deban?
P : Erpadan kami Tuhan, ngaloken ras ngergai suku, bangsa ras kiniteken si
deban.
L : Enggo tangkas man banta (ndu) kerna sura-sura Dibata ndilo kita (kam)
jadi bangsaNa. Kai ndia padanta (ndu) man Dibata, i bas ndalani
kegeluhen selaku bangsa pilihen Dibata itengah-tengah suku, bangsa ras
kiniteken si deban?
P : Selaku bangsa pilihenNdu, erpadan kami encidahken kemulianNdu ras
nggit jadi dalan pasu-pasu nandangi kerina suku, bangsa ras kiniteken si
lit i sekelewet kami. Amin.
L : Guna mpeteguhi perpadanenta enda, mari ras kita rende arah :
KEE No. 296 : 1, 2 MAN BANDU YESUS TUHANKU
1. Man baNdu Yesus Tuhanku
Kuendesken geluhku 2. Nggeluh sitatang-tatangen
Nggeluh sikeleng-kelengen Kita radu megegeh
Nggit sisampat-sampaten Nggit kita ngalemi salah
Pusuh dame meriah
Reff: Erbuah kata ni suan
Bas kita anak Tuhan
Erbuah kata ni suan
Bas kita anak Tuhan

(7)
13. Pertoton Tuhan
O Bapa kami si ni Surga. GelarNdu ipebadia min; reh min KinirajanNdu;
sehlah min peratenNdu, i bas doni enda bagi ni Surga. Bereken min man
kami nakan cukup i bas wari si sendah enda. Alemi min salah kami bagi
nialemi kami salah kalak kempak kami. Ola min kami ibaba Kam kubas
percuban, tapi olangilah kami idur si ilat nari.
Sabap Kam kap si mada Kinirajan, ras Kuasa, ras Kemulian si ndekah-
ndekahna. Amin.

14. Pengutusen ras Pasu – Pasu Dibata

L : Bengketlah ku bas kegeluhenta (ndu) si teptep wari selaku bangsa
pilihen Dibata, cidahkenlah kemulianNa ras jadilah pasu-pasu ku
sekelewentta (ndu). Guna mpegegehi kita (kam) dalankensa, aloken
pasu-pasu idur Dibata nari :
“Tuhan engkawali ras njagai kita (kam), janah arah kita (kam) ipasu-
pasuNa kerina bangsa”Amin (Bdk. Jes. 49:8c)

P : A....min A.....min A.....min (Iendeken)

(8)