LITURGI MINGGU PLURALISME

(MINGGU Si nacakapken kerna kegeluhen PLURALISME)

Konsep Ideal
Dibata njadiken doni enda alu pelain-lain alu mehuli, kinierbagen enda teridah ibas enteremna suku, bangsa,
bahasa ras kiniteken i doni enda. Tangkas pe siidah ibas Pustaka si Badia isuratken maka bangsa Dibata pe
ringan itengah-tengah bangsa-bangsa si deban (goyim). Ibas PL si idah maka kehadiren goyim berperan
penting ibas perdalanen bangsaNa ras ate Dibata pe ncidahken kuasaNa arah bangsa pilihenNa guna tek man
baNa. Janah ibas kisah perbudaken ras pembuangen, ras jaman kerajaan, Dibata pe make goyim guna nehken
sura-suraNa man bangsaNa subuk arah peperangen, bage pe penampat man bangsaNa.
Ibas PB, teridah kel nge maka kalak Kristen ringan itengah-tengah bangsa-bangsa, khususna wilayah jajahen
Romawi. Aminna megati ndatken tekanen, tapi ibas kinierbagen enda perpulugnen tetap megenggeng ras
tutus nembah Dibata seh dungna kekristenan berkembang ibas wilayah jajahan romawi enda.
GBKP ibas paksan enda tading ibas erbage-bage suku, bahasa ras agama. Tentuna enda pe jadi bagin ibas
kegeluhen perpulungenta. Jadi tujun Minggu Pluralisme enda mabai perpulungen guna ngidah kinata maka
kita tading itengah-tengah enterem suku bangsa janah Dibata ersura-sura gelah arah kita teridah kuasa ras
kemulianNa seh maka tiap suku ras bangsa si lit itengah-tengahta itandaiNa Dibata si sembah kita, janah
pengarapenta ia pe tek.

Persoalen si ate ijawab

Persoalen Theologis:
- Dibata si isembah kita ibas Yesus Kristus eme Dibata si universal, singertiken maka keselamaten si
idahiken Yesus i kayu persilang e itawarken man kerina doni enda.
- Partikularitas Kekristenen (Yoh.14:6) labo nuruh kita mbangun tembok pemisah ras keberagamaan si lit,
tapi justru ibas keragamen enda me kita mpetandaken/naksiken partikularitas-ta selaku kalak Kristen.
- Ncidahken Dibata man bangsa-bangsa arah gereja.

Persoalen Psikologis:
- Pluralisme labo ancamen, tapi justru sada peluang dan kekayaan ija gereja reh mbuena dalan guna
ndalanken misi Ilahi. Emaka kalak Kristen arus mensyukuri alam pluralisme khususna pluralisme
agama.

Persoalen Sosiologis:
- Gereja arus tetap mpertahanken partikularitas-na, sebab tanpa partikularitas si jelas, gereja lanai ber-
misi.
- Partikularitas kekristenen enda iterjemahken (iaplikasiken) arah cara nggeluh (dialog-praxis = dialog
kehidupan).
- GBKP selaku gereja si hadir itengah-tengah bangsa-bangsa arus tetap ncidahken identitasna ras arah epe
mampu hidup berdampingan ras si debanna arah etika.

EKSEGESE YEREMIA 29:4-7

Teks enda isuratken man imam, nabi, pemimpin bangsa si enggo iangkut ku Babel ras ibas masa kenca Raja
Joyakin pe ikut itaban ku Babel. Banci ikatakan man tabanen gelombang pertama. Jeremia ngataken maka
bangsa Israel si itaban arus tetap ndalani kegeluhen bagi biasa ibas tanehna ndube, desken nggeluh
iperlajangen. Ibas ayat 5-6 isuratken gelah bangsa e majekken rumahna, nuan-nuan, nerusken keturunen
gelah tetap ertambah-tambah. Jadi teridah Dibata ersura-sura namaken bangsaNa ku tengah-tengah bangsa
Babel gelah tetap nggeluh bagi biasana I bas negerina ndube guna mbuka tembok partikularisme keJahudian
si kuat. Arah sudut marturiana banci ikataken bagi bangsa enda erPI ke luar.
Ayat 7, kepeken tanggungjawab bangsa Israel labo terjeng nggeluh saja, tapi pe arus ikut erdahin ras
notoken keperlun kuta ingan ia ibuang. Berarti ipindoken maka bangsa enda hidup berdampingan ras bangsa
babel, tapi tetap mpertahanken kinitekenna.
Orang Jahudi kuat dalam pengajaran, labo ngataken maka ia sebagai bangsa partikularisme, alu fondasi iman
yang kuat menjadikan bangsa Jahudi wajib hidup di tengah bangsa-bangsa.
Struktur
 Pujian kerna Dibata : Dibata sierkeleng ate man kerina bangsa alu la rayo-ayo ras Dibata tetap
ngkelengi anak-anakNa si nggeluh itengah-tengah suku bangsa, bahasa ras kiniteken.
 Kesadaran pada diri manusia :
a. Manusia sirusur denga erpengakap dirina ganjangen ntah ulin asangaken kalak sideban
b. Kinilangasupen ibas ngaloken situasi kegeluhen sipelain-lain
c. Kinilangasupen ersaksi itengah-tengah kegeluhen kerna keleng ate Dibata man manusia
 Rekonsiliasi :, Absolusi Jeremia 29:4-7
 Firman Tuhan
 Respon
 Tekad/komitmen :
a. Gelah nggeluh alu dame ras ngasup ngergai kalak sideban amin pe pelain lain
b. Ngakuken diri jadi saksi ibas ndalanken kekelengen ras kebujuren Dibata
 Pengutusan dan berkat Jesaya49:8c
 LITURGI MINGGU PLURALISME

A. PERSIKAPEN
Perpulungen nikapken pusuh ras ukur guna ngadap man Tuhan
Pelayan ibadah ersikap i ruang persikapen
..... Musik .....

B. KEBAKTIN
1. Kata Pengalo-ngalo Ras Momo
Turang ras senina i bas Tuhanta Jesus Kristus, selaku serayan Tuhan, ikataken kami mejuah-juah ras
selamat Wari Minggu man banta kerina. Man bandu kekelengen kami si sekali enda denga erkebaktin i
bas gerejanta enda, ikataken kami mejuah-juah. Kerehenndu nambahi keriahen man banta kerina. I bas
bena kebaktinta mari dage sidengkehken momo kerna perdalanen perpulungen Tuhan, bage pe rencana
pelayanen gerejanta ku bas wari-wari si reh enda (Ngogeken Momo).

2. Kata Penaruh
Minggu enda bengket kita ku bas Minggu Pluralisme si ncidahken maka Dibata nepa doni enda alu
pelain-lain, bage pe suku, bangsa, bahasa ras kiniteken si pelain-lain ka. Arah kinierbagen e, ate Dibata
makeken bangsaNa guna ncidahken kemulianNa alu namaken kita nggeluh itengah-tengah suku, bangsa,
ras kiniteken si pe lain-lain. Tujunna labo gelah lit lainna kita ras si deban saja, tapi pe ipindo Dibata kita
gelah nggeluh ibas kinierbagen alu nuduhken kuga kin oratna selaku anak-anak Dibata segelah suku
bangsa si deban itandaina Dibata arah kegeluhenta. Arah kebaktin enda kita iajuk ras iperlengkapi
Dibata guna nggeluh jadi pasu-pasu itengah-tengah suku, bangsa, ras kiniteken si deban.

 Erkata Lonceng Perp. Tedis

 Rende : ..... (Serayan Kebaktin Bengket ku Mimbar)

3. Votum – Salam
L Ibas gelar Dibata Bapa si njadiken kerina bangsa, ibas gelar AnakNa Jesus Kristus si nebusi
kerina manusia, ras ibas gelar Kesah Sibadia si mpengasup kita (kam) nggeluh ibas kinierbagen.
Lias ate dingen kemalemen ate ibas Dibata Bapanta ras ibas Tuhan Jesus Kristus nari man banta
(ndu) gelah. Amin.
P Amin, amin, amin (iendeken)

4. Berita Kerna Perbahanen ras Sura-sura Dibata (Invocatio)

L (Ngogeken Teks Sue Almanak)
Erpalasken Kata Dibata enda, sipuji IA alu ras kita rende : ......

5. Pujin Man Dibata

L Dibata nepa doni enda alu melala kinierbagenna, subuk rubia-rubia, sinuan-sinuan, daraten, lau,
barang-barang i langit, bage manusia. Ibas kinierbagen manusia, Dibata njadiken enterem suku
ras bangsa. Ibas kerina bangsa-bangsa, kita idilo Dibata jadi bangsaNa. TujunNa, gelah arah kita
pe teridah kemulian Dibata ras jadi pasu-pasu man kerina bangsa-bangsa si deban.
P Ipuji kami Kam Tuhan, ibas kami enggo iatankenNdu jadi bangsa pilihenNdu guna ncidahken
kemulianNdu bage pe jadi pasu-pasu kutengah-tengah doni enda.
L Sipuji Tuhan arah KEE: …..

6. Kinilangasupen Manusia Nggeluh Itengah Bangsa-bangsa Perp. Kundul

L Dibata enggo ndilo kita jadi bangsaNa janah ringan itengah-tengah suku, bangsa ras kiniteken si
lit i doni enda. Sura-sura Dibata, gelah arah kita ipeseh pasu-pasuNa ku kerina bangsa. Sigejap
nge kita idilo Dibata guna jadi pasu-pasu man bangsa si deban?
P Ngaku me kami O Tuhan, megati la igejap kami maka pendiloNdu e guna jadi pasu-pasu man
kerina bangsa-bangsa.
 L Selaku bangsa si enggo ipilih Dibata guna nggeluh itengah-tengah bangsa si deban, kuga nge
pendalanken kita sedekah enda?
P Ngaku me kami o TUhan, maka megati kami erdahin ras ertoto guna diri kami saja. Pasu-
pasuNdu terjeng man kami saja. O Tuhan, ajari kami tole gelah ngasup nggeluh ibas sura-
suraNdu itengah-tengah suku, bangsa ras kiniteken si deban.
L Guna tole nggejapken kinilangasupenta nggeluh itengah-tengah suku, bangsa ras kiniteken si
deban, mari kita erpaksa teneng ras mindo pergegeh man Tuhan ibas ndalanken sura-suraNa e.

(Paksa Teneng)

L Mari sipindo pergegeh ibas Tuhan nari arah KEE: …..

7. Berita Pergegeh Ibas Dibata Nari Perp. tedis

L Dibata tetap ngaloken ras ngkelengi kita aminna pe megati la ngidah sura-suraNa. Dibata tetap
ibas padanNa ndilo kita gelah jadi bangsaNa. Gelah tetap ukurta nehken sura-sura Dibata enda,
niNa:
“Erdahinlah guna kiniulin kuta-kuta i ja kam tading. Ertotolah guna keperlun kuta e sabab adi
sikap ia kam pe ikut sikap.” (Bdk. Jeremia 29:7)

Sipuji Tuhan arah ende-endenta KEE: …..

8. Kata Dibata Perp. Kundul

a. Ngoge Kata Dibata Bagin Si Pemena
L Ketuahen kalak si megiken Kata Dibata, dingen si makenca i bas geluhna si teptep wari.
Haleluya.
P Haleluya..... Haleluya..... Haleluya..... (Iendeken)
b. Khotbah (Ibenaken ras i dungi alu pertoton)

9. Pengakun Kiniteken Perp. tedis

10. Persembahen Pengataken bujur Perp. Kundul
L Kata DIbata si jadi palas ibas kita nehken persembahen pengataken bujurta:
“Alu ukur meriah kupersembahken persembahen man baNdu, dingen ngataken bujur man
baNdu, sabab mehuli kap Kam o Tuhan” (Maz.54: 8)

Ibas kita mpepulung persembahenta, rende kita KEE: ….

Pertoton kerna persembahen ras Pertoton Syafaat

11. Perpadanen Man Dibata Perp. tedis

L Enggo tangkas man banta kerna sura-sura Dibata ndilo kita jadi bangsaNa. Kai ndia padanta ibas
nggeluh selaku bangsa pilihen Dibata itengah-tengah suku, bangsa ras kiniteken si deban?
P Selaku bangsa pilihenNdu, erpadan kami ncidahken kemulianNdu ras jadi pasu-pasu nandangi
kerina suku, bangsa ras kiniteken si lit itengah-tengah kami. Amin.
L Guna mpeteguhi perpadanenta enda, rende kita arah KEE: …..

12. Pertoton Tuhan

13. Pengutusen ras Pasu-pasu Dibata
L Bengketilah ku bas kegeluhenta (ndu) si teptep wari selaku bangsa pilihen Dibata, cidahkenlah
kemulianNa ras jadi pasu-pasulah ku sekelewetta (ndu). Guna mpengasup kita (kam)
ndalankensa, aloken pasu-pasu idur Dibata nari:
“Tuhan ngkawali ras njagai kita (kam), janah arah kita (kam) ipasu-pasuNa kerina bangsa”
Amin. (Bdk. Jesaya 49:8c)
P Amin, Amin, Amin (iendeken)