LITURGI MINGGU XX KENCA

TRINITATIS
( MINGGU ZENDING GBKP )
Minggu, 22 Oktober 2023 – JAM 10.00 WIB

A. PERSIKAPEN
Perpulungen nikapken pusuh ras ukur guna ngadap man Tuhan
Pelayan ibadah ersikap i ruang persikapen
………….musik………………..

B. KEBAKTIN
1. Kata Pengalo-ngalo ras Momo
Turang ras senina ibas Tuhanta Jesus Kristus, selaku serayan
Tuhan, ikataken kami mejuah-juah ras selamat Wari Minggu man
banta kerina. Man bandu kekelengen kami si sekali enda denga
erkebaktin ibas gerejanta enda, ikataken kami mejuah-juah.
Kerehenndu nambahi keriahen man banta kerina. Ibas bena
kebaktinta mari dage si dengkehken momo kerna perdalanen
perpulungen Tuhan, bage pe rencana pelayanen gerejanta ku bas
wari-wari si reh enda. (Ngogeken Momo)
2. Kata Penaruh
Turang ras senina ibas kekelengen Tuhanta Jesus Kristus, minggu
enda igelari Minggu Zending, ija kita nginget maka Jesus enggo
ngutus ajar-ajarNa guna nehken Berita Si Meriah. Erkiteken si e turah
gereja si tetap pembarken Berita Si Meriah erkelang-kelangken
misionaris si enggo ipilihNa. Tentuna kita pe ikut ngaloken pendilo
Tuhan e, lako muat bagin ras nerusken meritaken Berita Si Meriah e.
Terlebih-lebih man kalak si lenga tek gelah ialokenna Jesus jadi
Juruselamatna.
 Erkata Lonceng (Perp. Tedis)
 Rende : KEE No. 313 : 1 & 2
(Serayan Kebaktin Bengket ku Mimbar)
“Pulung M’riah Kal Kami Kerina”
1
 Pulung m’riah kal kami kerina, jumpa ibas rumah si Badia.
Reh min Kam o, Bapa si Mulia, g’lah kerina badia jadina.
Reff. Salsali pusuh kami, layasi ukur kami. Pengarapen reh
teguhna, kiniteken reh paguhna.
Wari ras berngi nggo ibentasi, keleng ateNdu tetap nemani.
Ibas mberat Kam lalap nampati, ibas susah Kam si ngelayasi.
Reff.
3. Votum – Salam
L Ibas gelar Dibata Bapa si enggo nuruh AnakNa ku doni enda,
ibas gelar Jesus Kristus si nuruh gerejaNa guna ersaksi, ras
ibas gelar Kesah Si Badia si mpegegehi gerejaNa meritaken
Berita Si Meriah.
Perkuah ate ras dame ibas Dibata Bapa, ras ibas Jesus Kristus
nari, ibas kerembaken Kesah Si Badia nemani kita seh rasa
lalap. Amin.
P Amin…..Amin…..Amin….(iendeken)
4. Berita Kerna Perbahanen ras Sura-sura Tuhan
L ( Perbahanen Rasul-Rasul 20 : 28 )
Erpalasken Kata Dibata enda, sipuji IA alu radu ras ngendeken :
KEE No. 68 : 1 & 3
“ DahinNdu Si Mbelin Tuhan ”
Dahindu si mbelin Tuhan, Kerajang kami pe. Ban Kam si mada
kerajan, La masap lalap e.
Tapina bagi page me, Gelah ersuli turah pe. E mate kap benih
lebe, Bage pe kami k’rina nge
Nggit mate pe, Lah turah page nge.
Di Kam bagi benih kap e, Kuburen dungna kin ? Lang !
Kegeluhen lalap nge, K’rajangku me pagin.
Min suruh aku japa pe, M’ritaken kegeluhen e.Lah ise pe
ngakuken me, ‘Di tek, de atan me kepe
Nggit kami pe, M’ritaken bana e.
5. Pujin Man Tuhan (Perp. Kundul)
L Perbahanen ras kekelengen Tuhan tuhu-tuhu mbelin man doni
enda, alu nuruh AnakNa ku doni enda guna maba berita
keselamaten.
P Ngataken bujur kami man baNdu o Tuhan, sabab enggo aloken
kami berita keselamaten si ibabaNdu.
2
 L Tuhan si dem alu perkuah ate mabai keselamaten man kalak si
tek. Erdandanken si e mari sipuji Tuhan si enggo nuduhken
keleng ate ras kemulianNa erkelang-kelangken perberita si
meriah si enggo reh ku tengah-tengahta.
P Ipuji dingen isembah kami Kam Tuhan, sabab igejapken kami
keleng ate ras kemulianNdu, arah perberita si meriah si enggo
isuruhNdu.
L Kesah Si Badia erdahin guna pengasup gerejaNa nehken Berita
Si Meriah e ku kerina tinepaNa.
P Bujur o Tuhan, ibas Kam enggo mereken Kesah si Badia si
mpengasup kami guna ersaksi kerna keselamaten si enggo
ipadankenNdu man kerina tinepaNdu.
L Mari si penangkih tole puji-pujinta man Tuhan, alu ngendeken :
KEE No. 364 : 1 & 2
“ Kukataken Bujur Man BaNdu Tuhan “
Kukataken bujur man baNdu Tuhan, perban lias ras perkuah
ateNdu.
Tupung aku i k’leweti kinis’ran, iampang-ampangiNdu laku bene.
Reff. O Bapa Kam ku lebuh, ialoiNdu aku.
Alu gegehNdu Tuhan, ipegegehiNdu aku o Bapa.
(Dilaki) Ku persembahken geluhku man baNdu, Sebab
Kam kap ulu gegeh geluhku.
(Diberu)Lanai lit kebiaren di ras Tuhan, Kuasa ras kataNdu
mb’re aku menang.
Reff..KERINA...
6. Kinilangasupen Guna Erberita
L Ngidah belinna kekelengen Tuhan man banta, maka ibas
kesempaten enda, mari tulihken kubas pusuhta kerna
ketutusenta ibas ngayuken pendilo Dibata, guna meritaken
Berita si Meriah.
(Paksa Teneng)
L Mari sigejapken kinikotenta sedekah enda ibas meritaken Berita
Si Meriah alu ngendeken : KEE No. 371 : 1 & 2 ” Ku Kam Me
Aku Reh Cicio O Tuhan “
Ku kam me aku reh cicio o Tuhan, eme bas toto dalan ku mindo.
Ibas geluhku kataNdu min tersuan, gelah kinitekenku payo.

3
 Reff. Dengkehken aku o Dibatangku lalit sideban penalemen
Ukurku jore ndeleng ku bene perban Ka, kap si
ngaturkenca.
(Diberu)‘Di reh pe mara nderpa aku o Tuhan, bahan ‘ku paguh
dingen megegeh.
(Dilaki) Ibas ngaloken penampatNdu ‘ku atan, Ukur si
monce pedas nehseh.Reff..KERINA...
7. Pedah Dibata Si Mpengasup Kita Guna Erberita Si Meriah
(Perp. Tedis)
L Kata Dibata si mpengasup kita guna erberita si Meriah :
“ Dibata ibas kinibayakenNa si la ersibar iberekenNa man banta
kuasa arah kesahNa guna mpegegehi pusuh peratenta ” (bd.
Epesus 3:16).
Ibas kita enggo ipegegehi Dibata guna erberita, emaka mari
sipuji Dibata alu ngendeken : KEE No. 255 : 1,3 & 4 “ Talenta “
Talenta sini b’reken Dibatanta, jadi min erlipat ganda.
Tutus ateta ndahiken dahinNa, amin pe mberat tapina ermulia.
Reff. Kalak si malang nandangi Tuhan, lakap ‘nggit nimbak
labo ‘nggit nogan
Maka dahikenlah alu tutus, ola lakoken alu mekarus.
(Diberu) Ersadalah min arihta kerina, make kata ras pedahNa.
Gelar ni Tuhan ‘lah tetap mulia, ije me t’ridah ibas lagu
langkahta. Reff..KERINA...
(Dilaki) Ulihta lit kap bas Tuhan Dibata, Mulia rikut mehaga.
Adi perkisat la kel lit gunana, Jelma mejingkat maka
ngena ateNa. Reff..KERINA...
8. Persembahen Pujin Man Dibata Ibas PJJ Jerusalem
(Perp. Kundul)

9. Kata Dibata

a. Ngoge Kata Dibata Bagin Sipemena : Jesaya 40 : 6 - 9

( Tunggal )
4
 L Ketuahen kalak simegiken Kata Dibata, dingen
simakekenca ibas geluhna si tep-tep wari, Haleluya..
P Haleluya…..Haleluya…..Haleluya…….(iendeken)
b. Khotbah : Johanes 12 : 20 - 26 ( Tunggal )
(ibenai ras idungi alu pertoton)
c. Tema : “ Jesus Tetap Ras PersuruhenNa “
10.Pengakun Kiniteken
(Perp. Tedis)
11.Persembahen Pujin Man Dibata Ibas Mamre Sektor Galatia
(Perp. Kundul)
12.Nehken Persembahen

L Turang ras senina ibas Jesus Kristus, mari si sehken

persembahenta si mehulina si jadi tanda pengataken bujurta
man Tuhan. Sabap la mehuli ras melias man banta. Kata Dibata
si jadi ibas kita nehken persembahen pengataken bujurta ibuat
ibas Roma 12 : 1 :
“O senina-seninangku, nginget perkuah ate Dibata si mbelin si
isehkenNa man banta, kupindo man bandu : Endeskenlah
kulandu man Dibata saja selaku persembahen si nggeluh
rikutken si ngena ateNa. Sabab bage me arusna kam ersembah
man Dibata sue ras biakndu selaku mahluk si rukur.”
Ibas kita ngendesken persembahenta, mari ras kita rende ibas :
KEE No. 450 : 1–rst

“ Endesken Kami Man BaNdu “

1. Endesken kami man baNdu, sada bagin pemereNdu.
2. (Dilaki) Si pepulung persembahen,
Persembahen kami baNdu, gelah ialokenNdu.
Si endesken e man Tuhan.
Reff. Pasu-pasuNdu min gelah, si tading ibas kami.
Asa gegeh kengasupen,
AjariNdu dage kami, m’re persembahen baNdu.
Mari si persembahken.
Reff..KERINA...
3. (Diberu) K’rina jine si aloken,
5
 4. (S.Leader) Enda enggo ipepulung,
Erta ras pe kiniliten.
Amin lenga bo metunggung.
Sada bagin si ulihken Asa si nggo sikapken.
Ersembah lenga bo beluh, Tapi ukur ersuruh.
Reff..KERINA...
Reff..KERINA...
Pertoton Persembahen & Syafaat
13.Perpadanen Guna Erberita Si Meriah
(Perp. Tedis)
L Turang ras senina, idilo Jesus kam guna jadi saksi man temanta
manusia. Kuga dage ninndu ngaloken pendilo Dibatanta ?
P Erpadan kami o Tuhan, iayuken kami pendiloNdu, iberitaken
kami keleng ateNdu ku sekelewet kami. Ijenda aku Tuhan,
suruhlah aku !
L Mari sipepaguhi perpadanenndu alu ngendeken : KEE No. 322 :
1,3, & 4
“ Sipembarken B’rita Si Meriah “
Si pembarken b’rita si meriah, si tertaban banci pulah, si
pentang jadi erpengidah.
Rakatlah min ersembah, rakatlah min ersembah.
Reff. Perban lias ate Tuhanku gegeh dosa enggo talu.
Kuasa Kristus tangkas t’ridah, rasa lalap pujilah.
(Diberu)Si pembarken b’rita si meriah,Dibatanta si perkuah
Ib’reNa kita dalan pulah, Man baNa lah ersembah, Man
baNa lah ersembah.Reff..KERINA...
(Dilaki) Si pembarken b’rita si meriah, B’linkenlah kiniulinNa.
Geluh rasa lalap baginta, Tetap pujiken Ia, Tetap
pujiken Ia, Reff...KERINA......
14.Pertoton Tuhan
15.Pengutusen ras Pemasu-Masun
L Laweslah ku kerina bangsa manusia, bahanlah ia jadi ajar-
ajarKu : Peridiken ia ibas gelar Bapa, gelar Anak, ras gelar
Kesah Si Badia, janah ajari ia ngikutken kerina si enggo

6
 Kupedahken man bandu. Janah ingetlah ! Aku tetap kap ras
kam seh ku kedungen jaman.” Guna sie, alokenlah pasu-pasu
idur Dibata nari:
“Ipasu-pasu janah ikawali Dibata kam, siang ayo Dibata
ersinalsal ibabonndu, janah melias ateNa ngenehen kam. Itatap
Dibata ku kam, janah malem atendu ibahanNa.” Amin. (Bilangen
6:24-26)
P Amin……..Amin……..Amin………….(iendeken)

PAKSA TENENG – SISALAM-SALAMEN