LITURGI NATAL PERMATA

GBKP MAJELIS RUNGGUN LINGGA KLASIS KABANJAHE

TAHUN 2022

Thema :

SEPATU “Sekarang Pakai Aku Tuhan” (Yer 1:4-10)

Sub Thema :

Melalui kelahiran Yesus Kristus, PERMATA semakin memahami dan

diteguhkan arti panggilanya sebagai orang muda yang sudah dipilih Tuhan
melalui talenta untuk menjadi rekan kerjanya di bumi.

LITURGI KEBAKTIAN NATAL PERMATA

 GBKP MAJELIS RUNGGUN LINGGA

TAHUN 2022

Thema : SEPATU “Sekarang Pakai Aku Tuhan” (Yer 1:4-10)

Sub Thema : Melalui kelahiran Yesus Kristus, PERMATA semakin

memahami dan diteguhkan arti panggilanya sebagai orang
muda yang sudah dipilih Tuhan melalui talenta untuk menjadi
rekan kerjanya di bumi.

I. PERSIKAPEN

a. Rende piga-piga lagu ibabai MC

b. Penjelasan liturgi, kata pengalo-ngalo ibas panitia natal (MC). Paksa

si e panitia natal, pengkhotbah, ras pelayan khusus (Pt/Dk) ersikap I
ruang persikapen

c. Rende KEE no 114: 1-2 ( Perpulungen Tedis – Barisen prosesi

bengket ku ingan kebaktin)
1). sendah jumpa kita wari raya e,
Peringeten tubuh Tuhan Yesus e,
Nusur ndahi kita manusia e, keriahen kap e,
Reff… Ermulia me Tuhanta, e sipuji me gelarNa,
Perdamen ib’re Dibata Tuhan Yesus kap e
2). Mari kita ku kuta Betlehem e,
Muji nembah man Tuhanta Yesus e,
E tinenges Tuhan si perkuah e, Dibata Bapa e,
Reff…

II. KEBAKTIN
1. Votum : Kebaktin Natal PERMATA enda ibenaken ibas gelar
Dibata Bapa sinjadiken kerina sinasa lit,ras ibas gelar
 Yesus Kristus sir eh ku doni enda guna nebusi dosa ras
ibas gelar Kesah Sibadia simereken gegeh ras
simpelimbarui kegeluhenta.

2. Salam : Perkuah ate ras dame ibas Dibata Bapa ras ibas
Tuhan Yesus Kristus nari ibas kerembaken Kesah
Sibadia ras kita (kam) kerina gelah. Amin

Perp. : Amin…Amin…Amin… (iendeken)

3. invocatio : Ngaloi Maria, “Kuendesken diringku man Tuhan.

Janah jadilah ibas aku bagi si nggo ikatakendu e!”
Kenca bage itadingken malekat ndai ia. (Lukas 1:38).
Erpalasken kata Dibata enda, mari si puji Dibata arah
ende-endenta:…

Rende : KEE No 494: 1-3

1) Rende malekat surge enggo tubuh tuhanta,
Dame surge babaNa I berekenNa man banta,
Krina bangsa pujillah rende surak mriahlah,
Ras malekat mbarkenlah Yesus reh ku Betlehem,
Rende malekat surge enggo tubuh Tuhannta

2) Surga muji gearNa Tuhan si rasa lalap,

Nehenlah reh Tuhannta tubuh Raja mulia,
Nusur ku doni enda tubuh idur Maria,
Tuhan jadi manusia rembak kita ras Ia,
Rende malekat surge enggo tubuh Tuhannta

3) Ibas keleng ateNa kita I muliakenNa,

Arah ketubuhenNa gluh simbaru brekenNa,
Trang kegluhen babana kita jadi anakNa,
Malem ate bas Ia enggo tubuh Rajanta,
Rende malekat surge enggo tubuh Tuhannta
4. Pujin kerna keleng ate Dibata man Doni enda (Perpulungen tedis)
L : Tep-tep ku kataken bujur man bandu dingen rasa lalap ateku
kam ku puji.
P : Tuhan kap simeganjangna, emaka arus me man bana pujin si
meganjangna, la kap terukuri uga belinna kemulianNa
L : Tuhan e perkeleng dingen perkuah kap, la pedas Ia merawa,
janah dem keleng ate sitetap
P : Man ise pe mehuli ia, janah keleng ateNa man kerina
tinepana
L : Tuhan tetap ibas padanNa, janah kai si ibahanNa mehuli
kerina
P : kalak si mesera I sampatiNa, kalak si guling iteguNa
L : Bujur kap kerina perbahanen Tuhan, Ibas kerina si ibahanNa
Ia dem perkuah ate
P : iberekenNa keperlun kalak si erkemalangen man bana,
idengkehkenNa perderkuhna jenari ikeliniNa
L : pujilah Tuhan o tendingku, pujilah Tuhan
L+P : asa umur geluhku ku puji ateku Tuhan, ateku rende man
Dibata asa dekahna geluhku. Amin
Rende : KEE No. 354:1,3
1) Kam si mbelin Kam terbrita,
Kam ka psi termulia, mehuli kam, dingen erkuasa,
Kam simada krina sinasa
Reff…. Sinalsal keleng ate Tuhan
Bagi emas si labo luntur
Rejin tuhu dolatNdu Tuhan
Ngarak-ngarak kegeluhen
3) Genduari o Dibata, kusehken bujur banNdu
Terpuji Kam simada k’rina
Singkelengi kegeluhenku
Reff…
5. Pengakun kerna kinilangasupen ndalaken pedah Tuhan ras
pengalemi dosa (Perpulungen kundul)

L : nina Tuhan: Aku kap Tuhan Dibatandu si enggo nelamatken

kam, ibas dosa-dosandu nari tetaplah kam setia ibas
perpadanenndu
P : ngaku kami o Tuhan, megatikel ikutken kami sura-sura kami
saja, kurang denga kel ketutusen kami guna ersembah man
banNdu
L : kelengilah Tuhan Dibatandu, asa ukurndu, asa tendindu, asa
gegehndu lit
P : o Tuhan ngaku kami nggo ersalah man banNdu, lit ukur kami
ngkelengi Kam tapi la ilakoken kami. Lit gegeh kami tapi
labo ipake kami guna engkelengi kam
L : arus kam ndahiken dahinndu alu erkemalangen man Tuhan,
dingen patuh ngikutken ia i bas asa kai si idahikenndu
P : megati kel kurang ertanggungjawab kami ndahiken dahin
siendeskenNdu man kami. Emaka mekuah ateNdu man kami
alemiNdu min kami kerina o Tuhan.
L : Desken remang erpagi-pagi dosanndu nggo ku lesapken janah
salahndu pe nggo ku sasapken desken embun emaka mulihlah
kempak Aku sebab aku kap penebusndu.
L+P : Amin
Rende : KEE No. 434: 1-3
1) geluhku bas dosa nggo i alemi,
Malem me ateku ban i pepalemNdu,
Reff.., alu rende ku puji gelarNdu
Perbahan meriah kel ukurku
Kupuji kam segedang geluhku
Tendingku muji gelarNdu
alu rende ku puji gelarNdu
Perbahan meriah kel ukurku
Kupuji kam segedang geluhku
Tendingku muji gelarNdu
3) Di malang man banNdu ngena ateNdu
Di ernalem man banNdu tetap i k’lengi Ndu
Reff…

6. VG Permata Rg Lingga

7. Berita Kerna Ketubuhen Jesus Kristus (Perpulungen tedis)

L : Marilah sibegiken berita kerna ketubuhen Tuhannta Jesus
Kristus bagi si tersurat i bas Pustaka si Badia.

Sebab enggo ipetangkas Dibata lias ateNa guna keselamaten

kerina manusia. Lias ateNa e ngajari kita nadingken si la
ngena ate Dibata ras sura-sura doni, gelah ngeluh kita
ngkuasai dirinta, bujur janah sisembah Dibata alu kegeluhenta
i doni enda. Genduari kita paksa nimai wari kemalemen ate si
iarapken kita e me kerehen sinalsal Dibatanta si mbelin ras
singkelini kita e me Jesus Kristus. Engggo iendeskenNa
diriNa man banta guna nebusi kita ibas kerina si jahat nari,
janah ibahanNa kita jadi si kerajangenNa jadi bangsa si bersih
si mesikel erbahan si mehuli. (Tit. 2:11-14)

Mari si sagani lilin natalta, tandana kita ngaloken ketubuhen

Jesus e, janah ras kita rende arah ende-endenta:…..

Rende : KEE No. 135: 1-3

1) Berngi e, nggo kepe,
Yesus reh ku doni e,
Nusur lah ngangkut dosanta me kin,
Jadi kap musil lah sangap pagin,
Asa si tek Tuhan e, asa si tek Tuhan e
2) Anak e, bujur pe,
Si ngena me aku e,
kiniulinNdu tading ken Kam kap,
bengket ku doni lah t’rang si gelap,
aku daramenNdu e, aku daramenNdu e
3) berngi e, nggo kepe,
Tuhan reh ku doni e,
Padan Dibata teridah tetap,
 Kinikelengenna banta me kap,
Tuhan si puji gelah, Tuhan si puji gelah

8. Kata Dibata
a. Ngoge kata Dibata bagin si pemena
“Matius 1:22-23”

L : Ketuahen kalak si megiken kata Dibata, dingen si makekenca

i bas geluhna si tep-tep wari, haleluya
P : haleluya…haleluya…haleluya (indeken)

b. Khotbah : (ibenaken ras idungi alu pertoton)

 Yeremia 1:4-10
 1 petrus 2:9-10
 Epesus 4:11
(I pilih salah sada)
9. Pengakun Kiniteken ( Perpulungen tedis)

10. Persembahen ( Perpulungen Kundul)

L : Genduari ibereken kesempaten man banta ersikap guna nehken
persembahen pengataken bujurta man Tuhan. Kerna nehken
pengataken bujur sibegiken kata Dibata ibas Pustaka si Badia nari,
nina:
        “E maka bengket ia kubas, idahna Anak ndai ras Maria nandeNa.
Jenari erjimpuh ia nembah man anak e. Ibuatna erta-erta si
ibabana e, jenari ipersembahkenna man anak si mbaru tubuh e.
erta-erta si ipersembahkenna e, e me, emas, kumenen ras mur.
(Mat. 2:11)

Tupung kita ngendesken persembahen pegataken bujurta rende

kita arah ende-endenta:…….

Rende : KEE No.432 :1-3

1) kataNdu Tuhan seh kal ergana,
kataNdu Tuhan seh kal ulina,
ergan asa emas ras permata,
ulin asa erta doni enda,
 Reff… Ajarilah Tuhan kami ngergakenca
Ajari lah Tuhan kami ngerikenca
Ajari lah Tuhan kami ngalokenca
Ajari lah Tuhan kami ndalankenca
2) KataNdu Tuhan petetap ukur,
KataNdu Tuhan paguh la mugur,
Eme ngenca si la pernah luntur,
KataNdu eme ku pake rusur,
Reff….
3) KataNdu Tuhan ku gelem tetap,
Si nepa geluhku jadi sikap,
Nalsali pusus si rontang gelap,
Eme si jadi gegehku tetap,
Reff….
Pertoton persembahen ras Sapaat

11. Vg Permata rg Lingga

12. Komitmen Natal ( Perpulungen Tedis)

L : Tuhan enggo reh ku doni enda jadi juruselamatta kai nge
dage si harus si lakoken?
P : meriah ukurku, ersembah aku man Tuhan alu bulat ukur.
L : Ketubuhen Yesus mpetangkas kerna keleng ate Dibata man
banta, kai dage tekadta?
P : Erpadan aku Tuhan, kusehken bagi sinisurakenNdu asa gegeh
ras ukurku lit.
L : Tuhan nepa manusia idoni enda, rikut ras kerina tinepa
sideban, kai dage tekadndu guna mpekena-kena tinepa Dibata
e?
P : Erpadan aku Tuhan guna nggit muat bagin ibas mpekena-
kena tinepaNdu. Gelah kerina tinepanNdu ikut rende muji
Tuhan. Ijenda aku suruhlah aku.
L+P : Amin

Rende : KEE No. KEE No. 193:1-3

1) bas si nasa tinepaNa,
Tetap k’rina rende t’rus
‘nde-enden pujin badia
Muji gelar penebus
Reff… Gloria
 Muliaken Tuhan
Gloria
Muliaken Tuhan
2) ‘Bas ingan si meganjangna
bala Tuhan si surge
rende m’riah ia k’rina
man Tuhan penebusta
reff…
3) k’rina ginemgem Dibata
pehaga si tubuh e
surga doni rende ia
k’rina alokenna pe
reff…

13. Pertoton Tuhan

14. Pengutusen ras Pasu-pasu Dibata

L : Ersinalsallah min terangta (ndu) nandangi sekelewetta (ndu).
Janah jadi gegehta (ndu), alokenlah pasu-pasu idur Dibata
nari:

“ Ia si ngasup ngkawali kita (kam) gelah ola celus, emaka ola

kita (kam) mbiar. Ia si ngasup maba kita (kam) ngadap ku
adep-adepen Dibata si mulia. Ia ngenca Dibata si ngkelini kita
(kam) arah Jesus Kristus Tuhannta, si akuilah kemulianNa,
kuasaNa genduari nari seh si rasa lalap”. Amin (Judas 1: 24-
25)
P : Amin…Amin…Amin… (iendeken)

Varia Natal
1. pemutaran Drama Permata GBKP rg Lingga
2. kata sambutan mewakili
 perangkat desa
 BPMR GBKP Lingga
 kordinator PERMATA
 Pengurus PERMATA GBKP Rg Lingga
 pengurus Permata Klasis kabanjahe
 panitia inti Natal permata Runggun Lingga
 mewakili Tamu Undangan

selamat hari Natal dan Tahun Baru

Tuhan Yesus memberkati
amin