LITURGI PENGUBUREN PELAYAN KHUSUS

(Pt. Em. Deka Kaban)

Selasa, 18 Januari 2021

GBKP Rg. Tanjung Sari Medan

Hal : 1
 LITURGI PENGUBUREN
PELAYAN KHUSUS ( Pt.Em. Deka Kaban )

I. I Gereja
A. Ope Liturgi
1. Rende KEE No. 111 : 1 (Ola Atendu Ceda Min)
1. Ola atendu ceda min Teklah ibas Dibata
AnakNa Yesus Tuhan e Erkata kap man banta
“I rumah Bapambas me kap Enterem siat ringan ke”
Ku je, ku je, Kam lawes gelah min

2. Ertoto
3. Ngogeken Riwayat Hidup Serayan si idilo Dibata
Pt. Junior Tarigan
4. Nehken Kata Pengapul Mewakili Serayan / Runggun
Pt. Em. Drs Teridah Sembiring MPd

5. Nehken Kata Pengapul Mewakili Runggun / Diakoni

Dk. Salmon Ginting

Rende :
KEE No. 334 : 1-2 (Tuhanku si ngaturkenca)
1. Tuhanku si ngaturkenca Tuhanku si ngajarisa
Tuhanku jadi gurungku Ibas kerina geluhku
2. La lit ngasup la gegehku Ndalani wari-waringku
Tundalenku kap Dibata Si perkuah ras erkuasa
6. Nehken Kata Pengapul Mewakili Klasis
Pt. Abdi Nur Ginting, SE

Hal : 2
B. Kebaktin (Perp. Tedis)
1. Votum
Ibas gelar Dibata Bapa, AnakNa Yesus Kristus ras Kesah Si Badia.

2. Salam
Penampat man bandu reh i bas Yahwe nari, si nepa langit ras doni, si ngkawali
perberkat ras permulihndu genduari nari seh rasa lalap. Amin
Pepulungen : Amin... Amin... Amin...

3. Introitus
Tek kita maka Jesus enggo mate janah enggo nggeluh mulihi. Bage pe tek
kita maka kalak si enggo mate si tek man Jesus ibaba Dibata pagi ku Jesus
gelah ersada ras IA.

4. Rende KEE No. 170 : 1 (Endesken Min Kerina)

1. Endesken min kerina Kesusahenndu e
Man Dibatanta Yahwe Melias Ia pe
Tuhan me simetehsa Pertibi ras surga
Adi Tuhan ras kita Tetap me ukurta

5. Perliturgi :
Ketuahen kalak si mate, si mate ibas kiniteken man Tuhan mulai gundari nari,
pekesahken me ia i bas latihna nari sebab perbahanen-perbahanenna ngarak-
ngaraksa (Bd. Ket.14:13).
Kerna kalak si enggo mate o senina-senina ate kami maka ula la erpemeteh
kam gelah ola atendu ceda bagi kalak si la erpengarapen. Adi tek kita maka

Hal : 3
 Yesus enggo mate janah enggo keke ka, adi bage tentu ibaba Dibata pagi ku
Yesus gelah ersada ras Ia. Kita si asum reh pagi Tuhan mulihken la si lebei
kalak si enggo mate. Kalak si enggo mate si tek, man Kristus me pagi si
pemena ipegeluh Tuhan mulihi, kenca bage maka kita si nggeluh denga paksa
sie ipepulungNa ras kalak ndai idatas embun guna njumpai Tuhan iawang-
awang. Kenca bage tetap kita ras Tuhan. Emaka siapul-apulenlah kam alu kata
enda (Bd. 1 Tes. 4 : 13-18)

6. Khotbah : a. Ertoto kerna khotbah

b. Khotbah
c. Ertoto Kenca Khotbah
7. Pengakun Kiniteken :

8. Pertoton Khusus : (Perpulungen Kundul)

9. Rende KEE No. 74 : 1 (Perlawesku Kempak Pardis)

1. Perlawesku kempak Pardis Je me Sion e
Ku gegehi me dagingku Gelah seh ku je
Kasa abat bangku e Kusilahken k’rina pe
Gelah seh me ku bas surga Ingan senang je

10. Pemasu-masun :
Alokenlah pemasu-masun idur Dibata nari Ipasu-pasu janah ikawali Dibata
kam, siang ayo Dibata ersinalsal ibabondu, janah melias atena ngenehen kam.
Itatap Dibata ku kam, janah malem atendu ibahanNa. Amin.
Perpulungen : Amin... Amin... Amin..

Hal : 4
 Acara nehken setangkai bunga

II. Ikuburen
11. Rende KEE No. 98 : 1 (Ise kin ndia temanta)
1. Ise kin ndia temanta Si tetap seh lalap e
Temanta si tuhu-tuhu E me Tuhan Yesus e
Nterem gia kade-kade Teman labo kurang pe
K’rina denggo itadingken ‘Di nggo mate kita e

12. Liturgi :
NiNa Tuhan Yesus, Aku kap si mereken kegeluhen ras empekeke kalak mate
(bd. Yoh. 11:25). Si kubahan gundari er la iangkandu, tapi pagi jadi tangkas kap
man bandu (bd. Yoh. 13:7). NiNa Tuhan Yesus “ Ola aru atendu. Ernalemlah kam
man Dibata, janah ernalem pe kam man bangKu. I bas rumah BapangKu mbas
ingan; janah lawes me Aku nikapken ingan man bandu. Kenca Aku lawes nikapken
ingan man bandu, reh denga pagi Aku ngalo-ngalo kam gelah i ja Aku i je kam pe.
(bd. Yoh. 14:1-3). Enggo isikapken Dibata man kalak si mate sada kuta (bd. Heb.
11: 16). Perban enggo idilo Tuhan temanta si Pt. Em. Deka Kaban enda emaka
sikuburken ia i bas pengarapen kerna kekeken ras kegeluhen si rasa lalap erkiteken
Tuhanta Yesus si enggo nalihken kematen jadi kegeluhen. Ibas gelar Bapa e, i bas
gelar Anak e, ras i bas gelar Kesah si Badia e. Amin.

Hal : 5
13. Rende KEE No. 280 : 1 (Kegluhen doni Tuhan si ngaturkensa)
1. Keg’luhen doni Tuhan si ngaturkensa
Labo tersipati Ia si mada kuasa
Tah kai pe jadi, Leben enggo itehNa
La lit si terbuni i lebe-lebeNa
La lit si terbuni i lebe-lebeNa

14. Pertoton Tuhan :

15. Momo : 1. I bas Keluarga nari

2. I bas Runggun gereja nari

16. Nabur Bunga : 1. Sukut

2. Kalimbubu
3. Runggun Gereja
4. Anak Beru

Hal : 6
Hal : 7