LITURGI PENGUBUREN

JUJURENNA TARIGAN
(Bp. Abadi Tarigan)
Tubuh : 10 Desember 1969
Idilo Dibata : Binjai, 11 September 2021
Ikuburken : Kuta Gerat Langkat, 12 September 2021
A. I GEDUNG KA-KR
1. KOOR : a) Mamre; b) Moria (ibabai : Diaken)
2. Votum – Salam : (ibabai Pdt)
Lit. “I bas gelar Dibata Bapa, AnakNa Yesus Kristus ras
Kesah Si Badia. Perkuah ate ras dame i bas Dibata
Bapa, ras i bas Tuhan Yesus Kristus nari, i bas
kerembaken Kesah Si Badia ras kam kerina gelah.
Amin.
Perp. Amin…Amin…Amin…
3. Introitus : “Jenari nina Jesus man ajar-ajarNa kerina, “Ola aru
atendu. Ernalemlah kam man Dibata janah ernalem pe kam
man bangKu.” (Joh. 14:1)
4. Rende :KEE No. 388:1,3 “O Dibata Kam Kap Dibatangku”
Tupung tayang aku nginget Kam, gedang berngi kuukuri Kam.
Sabab Kam si nampati aku, o Dibata tedeh ‘teku Kam.
Reff. O Dibata Kam kap Dibatangku, kudahi tedeh ateku Kam.
Mesikel aku nandangi Kam, desken taneh si enggo kerah.
Bage me muasna tendingku, man baNdu Tuhan Dibatangku.

Nteguh cikep tanku o Tuhan, teneng ukurku adi ras Kam.

La ‘ku mbiar jumpa percuban, malem ate ‘di rembak ras Kam.
Reff.
5. Liturgi :
“Ketuahen kalak si mate i bas Tuhan genduari nari. Tuhu nina
Kesah, lit pengadi-ngadinna kenca kiniseranna ngarak-ngaraksa. …
Kenca bage tetap kita ras Tuhan. Emaka siapul-apulenlah kam alu
kata enda.”
 6. Nehken Kata Dibata
7. Pengakun Kiniteken
8. Rende : KEE No. 74:1,3 “Perlawesku Kempak Pardis”
Perlawesku kempak pardis, je me Sion e.
Kugegehi me dagingku, gelah seh ku je.
Kasa abat bangku e, kusilahken k’rina pe.
Gelah seh me kubas Surga, ingan senang je.

O, Tuhanku sampat aku, ‘rdalin ndahi Kam.

Bas latihku ngarap aku, isampati Kam.
Kam nggegehi ukurku e, ‘lah nundalken doni e.
Bahan sangap, bahan pulah aku me kepe.
9. Pemasu-Masun :
L “Dibata si Mada perkuah ate, si enggo nenahken kam
ku bas kemulianNa si rasa lalap i bas Kristus, njadiken
kam serta, tetap, megegeh dingen paguh. IA nge si
Mada kuasa seh rasa lalap.” Amin.
P Amin..Amin…Amin…
(Peti itutup, berkat ku kuburen)
II. I KUBUREN
1. Rende : KEE No. 169:1 “Rembak Ras Kam Tuhan”
1) Rembak ras Kam Tuhan, rembak ras Kam.
Bas paksa kinis’ran, kudahi Kam.
Bas paksa kegogon, ras ate ceda kin. Rembak ras Kam
Tuhan, rembak ras Kam.
2. Liturgi : “Bicara deleng-deleng miser gia, uruk-uruk pe mundu-
undu, tapi keleng ateku la miser ibas kam nari, janah padan dame si
Kubahan lalap paguh la mundu-undu. Bage nina Tuhan si ngkelengi
kam tetap. … Perban enggo idilo Tuhan, temanta si JUJURENNA
TARIGAN enda, emaka sikuburken badanna ibas pengarapen kerna
kinikeken ras kegeluhen si rasa lalap, erkiteken Tuhan Yesus Kristus
sinalihken badanta si meteruk enda, gelah umpat ras badanNa si
mulia. I bas gelar Bapa e, i bas gelar Anak e ras i bas gelar Kesah Si
Badia e.” Amin.
 3. Rende : KEE No. 181:1 “Segedang-Gedang Geluhku”
Segedang-gedang geluhku itemani Penebus,
Labo kai pe lit si kurang adi tanNa negu t’rus.
Dame surga lit bas aku, iusekenNa bangku.
Kegeluhen jadi senang, kai pe lalit si kurang.
Kegeluhen jadi senang, kai pe lalit si kurang. .
4. Ermomo
5. Kuburen Itamburi (Sukut – Kalimbubu – Runggun Gereja –
Anak Beru)
6. Ngamburken Bunga : “Tapi kerina kap idahNdu. Kalak mesera
dingen rate ceda, iperdiatekenNdu. Katawari pe nggit kam
nampatisa. Kalak medanggel ngendesken dirina man baNdu;
lalap kap ia isampatiNdu.” (Msm 10:14)
7. Pertoton Tuhan

KOOR MAMRE
Nggo gia lawes kekelengenta nadingken k’rina sikelengina.
Tangis bas pusuh, mata teriluh, kempak Dibata kita erlebuh.
I bas kerina dampar geluhta Tuhan Dibata si erkuasa.
Si berekenNa ndube man banta ‘je ipindoNa rikut p’ratenNa.
*IA mulih ndahi Tuhan,tading i bas Rumah Bapa.
K’rina denggo mulih baNa, k’rina nimai pendiloNa.
‘Je me kita jumpa kap bas ingan si b’re Dibata e.
Ertoto man Dibata lah labo itadingkenNa kam.
Dahi ku perpulungenndu gelah terapuli pusuhndu.
Lebuh lah Yesus, Yesus Tuhanta, amparken baban si mberat.
Ula kam celus, celus nahendu, ula bene ukurndu.
Aminkenlah k’rina bas totondu, terangiNa gelah bas pusuhNdu.
(Kembali ke *)

KOOR MORIA
Nggo seh peraten Dibatanta, IA si Mada kuasa.
DiloNa ras IA kekelengenta.
Tadingkenna kita kerina, mulih ia ku Dibata.
‘ku Sion inganNa, Surga badia. Marilah silatih dingen beraten.
Aku ban ingan pengadi-ngadinndu.
Bage pedah Dibata banta kerina. Ia ndahi ku Surga.
* Endeskenlah man Dibata ‘di reh perbeben bas geluhta.
Tetaplah rembak ras Dibata. Em si mehulina akap Bapanta.
Labo pediatNa lebih asa ngasupta, erpengendeslah baNa.
K’rina tinepaNa mulih me pagi baNa. Tetap rembak ras IA.
(Kembali ke *)

Kata bijak :
“Liang kubur bukan jalan buntu, tapi satu jalan utama.
Ditutup dengan senja kala untuk dibuka dengan fajar.”
(Victor Hugo)

MAJELIS GEREJA GBKP TANAH MERAH RIKUT RAS

KERINA ANGGOTA PERPULUNGEN NOTOKEN
SEGELAH KERINA KELUARGA
SIITADINGKEN MEGEGEH RAS LAMPAS TERAPUL.
DIBATA SI MASU-MASU.