GEREJA BATAK KARO PROTESTAN (GBKP)

MAJELIS / RUNGGUN TANJUNG SARI – MEDAN

KLASIS MEDAN – KAMPUNG LALANG
Jl. Setia Budi Gg Gereja Karo Tanjung Sari Medan 20132 Telp 061-8220456 Email : gbkptjsarimedan@gmail.com

LITURGI MINGGU, 02 MEI 2021

(DARURAT COVID - 19)

Liturgi Kebaktian : Kantate : Rendelah (Warna Stola : Megersing)

Introitus / Invocatio : Dage ntah kai gia ibahanndu, subuk ibas ngeranan ntah i bas
perbahanen, bahanlah e i bas gelar Tuhan Jesus janah ngataken
bujur man Dibata Bapa arah Ia (Kol. 3 : 17)
Ogen : Ketangkasen 15 : 1 - 4 (Tunggal).
Khotbah : Masmur 150 : 1 – 6 (Responsoria).
Tema : Kerina Si Erkesah Muji Dibata

LITURGI MINGGU KANTATE

(RENDELAH)

A.PERSIKAPEN
Perpulungen nikapken pusuh ras ukur guna ngadap man Tuhan
Pelayan ibadah ersikap i ruang persikapen
..... Musik .....

B. KEBAKTIN
1. Kata pengalo-ngalo ras Momo
Turang ras senina i bas Tuhanta Jesus Kristus, selaku serayan Tuhan, ikataken
kami mejuah-juah ras selamat Wari Minggu man banta kerina. Man bandu
kekelengen kami si sekali enda denga erkebaktin i bas gerejanta enda,
ikataken kami mejuah-juah. Kerehenndu nambahi keriahen man banta
kerina. I bas bena kebaktinta mari dage sidengkehken momo kerna
perdalanen perpulungen Tuhan, bage pe rencana pelayanen gerejanta ku bas
wari-wari si reh enda (Ngogeken Momo).

2. Kata Penaruh
Turang ras senina i bas Tuhan Jesus Kristus, manusia itepa Dibata guna muji
ras mpebadiaken gelarNa arah perukuren, pengerana ras perbahanenta. Arah
Minggu Kantate enda, ibabai kita lebe nggejapken ras ngidah keleng ate
Dibata si jadi ulu keriahenta guna nehken puji-pujin. Sabab kalak si ngidah
kiniulin Dibata nge si ngasup muji ras empermuliaken GelarNa. Mari dage kita
Hal : 1
 ngadap ku IA alu pusuh si ersikap guna ngida kiniulin Dibata, ras alu pusuh si
dem alu pujin ras pengataken bujur.

 Erkata Lonceng Perp. Tedis

 Rende : ..... (Serayan Kebaktin Bengket ku Mimbar)
KEE No. 96 : 1-2 (Riah Ukurku BaNdu)
1. Riah ukurku baNdu
Ngidah lias Yesusku
Sindarami manusia
Simulahi kita k’rina
ItebusiNa kita
Iban kekelengenNa

2. Riah ukurku baNdu

Iban Yesus Tuhanku
Aku nggo me itebusNa
Alu mereken geluhNa
K’rina me dosangku e
Ialemi Yesus e

3. Votum – Salam
L I bas gelar Dibata Bapa ulu kerina kiniulin geluh, i bas gelar Jesus
Kristus si metunggung ngaloken puji-pujin ras i bas gelar Kesah Si
Badia si ngajari kita (kam) muji Dibata alu mehuli.
Perkuah ate ras dame i bas Dibata Bapa ras i bas Tuhanta Jesus Kristus
nari ras i bas kerembaken Kesah Si Badia ras kita (kam) kerina gelah.
Amin.
P Amin..... Amin..... Amin..... (Iendeken)

4. Berita Kerna Perbahanen Ras Sura-Sura Dibata (Invocatio)

L Dage ntah kai gia ibahanndu, subuk ibas ngeranan ntah i bas
perbahanen, bahanlah e i bas gelar Tuhan Jesus janah ngataken
bujur man Dibata Bapa arah Ia (Kol. 3 : 17)
Erpalasken Kata Dibata enda, sipuji IA alu radu ras kita ngendeken :

KEE No. 317 : 1-2 (Sipuji Tuhan arah geluhta)

1. Sipuji Tuhan
Hal : 2
 arah geluhta
Si inget tetap
ngaruhna banta
Ban k’leng ateNa
nebusi kita
Terkelin kita
si tek man Bana

2. Segedang g’luhta
inget Dibata
Bas k’rina paksa
ngaraplah baNa
Tetap ukurta
rembak ras Ia
Erban si ‘rguna
ula erleja

5. Berita Kerna Perbahanen Dibata (Masmur 104) Perp. Kundul

L Andiko seh kal muliana Dibatata, IAturkenNa doni enda seh maka sikap
kal jadi ingan nggeluh man kerina tinepa. O kam kerina tinepa,
Pujilah Dibata Si mada kuasa.
P Haleluya...! Haleluya...! Haleluya...!
L + P (Ngendeken PEE GBKP 94:1)
L Kemulian Dibata teridah arah terang si ersinalsal, arah embun ras
angin sirembus. O kam kerina tinepa, Pujilah Dibata Si mada kuasa.
P Haleluya...! Haleluya...! Haleluya...!
L + P (Ngendeken PEE GBKP 94:1)
L Kemulian Dibata teridah arah lau maler si meciho, seh maka kerina
tinepa lanai muas.
P Haleluya...! Haleluya...! Haleluya...!
L + P (Ngendeken PEE GBKP 94:1)
L Kemulian Dibata teridah arah deleng-deleng si meganjang, juma ras
sabah, sinuan si meratah bage pe page singgo megersing. Bage pe
kerina rubia si meliar ras asuh-asuhen kerinana itepaNdu alu mehuli.
P Haleluya...! Haleluya...! Haleluya...!
L + P (Ngendeken PEE GBKP 94:1)

6. Kinata Kegeluhen Manusia Ras Pengakun Dosa (Bdk.Kejadin 1:28)

L Tuhan enggo ncidahken kemuliaanNa arah kerina tinepaNa.

Hal : 3
 P O Tuhan, dosaku namburi mataku guna ngidah kemuliaanNdu i bas
ulina tinepaNdu, emaka la aku ngasup muji Kam.
L Tuhan enggo mpetangkas kiniulinNa i bas diri manusia.
P O Tuhan, megati la kugejap, maka aku itepaNdu mulia mehaga bagi
Kam, seh maka la turah ukurku muji Kam.
L Tuhan enggo mpekena-kena kegeluhenta erkalang-kalangken temanta
kami manusia, bage arah kiniulin tinepa si deban.
P O Tuhan, megati lepak pengertinku, subuk nandangi temanku
manusia, bagepe nandangi tinepandu si mehuli enda. Lupa aku muji
gelarNdu dingen njagai doni enda. O Tuhan, alemi kal dosangku.
L Marilah siakuken salah ras dosanta man Dibata arah ende-endenta: ...
KEE No. 362 : 1-2 (Alemi Dosangku)
1. AlemiNdu aku bas dosangku
AlemiNdu aku bas lepakku
O Tuhan sasap min
O Yesus sasap min
Alemi dosangku

2. Si la payo dem ibas geluhku

Ngaku aku baNdu o Yesusku
O Tuhan sasap min
O Yesus sasap min

7. Berita Pengalemi Dosa Perp. Tedis

L Selaku persuruhen Dibata aku nehken KataNa man banta (ndu) kerina
kita (kam) si ngakuken dosanta (ndu), niNa Dibata :
“Kutamaken me undang-undangKu ku bas pusuhndu, janah
Kusuratken me i bas ukurndu." Kulupaken me dosa-dosandu ras
perbahanenndu si jahat." (Heber 10 :16b, 17). Bage me nina Dibata
man banta (ndu) kerina. Amin.
Sipuji dage Tuhan i bas dosanta enggo ialemiNa, alu ras kita rende:
Kee No. 454 : 1, 3 (bujur man bandu tuhan)
1. Amin dosangku mbue la terkira
Si erbahan ndauh ras kam tuhan
Tapi keleng atendu tangkas tuhan
La tak-takindu dosangku

Bujur man bandu tuhan

Ban i alemi dosangku
Meriah kel ukurku
Hal : 4
 Tuhan nasapken dosangku

3. Pusuhku enggo i p’limbaruina

P’raten doni lanai erkuasa
P’rayakenku dalanken peraten na
Kesangapen ib’rekenna

Bujur man bandu tuhan

Ban i alemi dosangku
Meriah kel ukurku
Tuhan nasapken dosangku

8. Kata Dibata Perp. Kundul

a. Ngoge Kata Dibata Bagin Si Pemena
L Ketuahen kalak si megiken Kata Dibata, dingen si makekenca i bas
geluhna si teptep wari, Haleluya.
P Haleluya..... Haleluya..... Haleluya..... (Iendeken)
b. Khotbah : (Ibenai ras idungi alu pertoton)

9. Pengakun Kiniteken Perp. Tedis

10. Persembahen Perp. Kundul

L Genduari sisehken persembahen pengataken bujurta man Dibata. Kata
Dibata si jadi palas man banta guna mereken persembahen niNa :
“Endeskenlah kulandu man Dibata saja selaku persembahen si
nggeluh rikutken singena ateNa. Sabap bage me arusna kam
ersembah man Dibata sue ras biakndu selaku mahluk si rukur”
(Roma 12:1).
Tupung sisehken persembahenta ras kita rende arah : .....

KEE No. 405 : 1-3 (Mari si puji Tuhanta si Badia)

1. Mari si puji Tuhanta si Badia
Si mereken kelengNa man banta
Hal : 5
 Kataken bujur min perban mbelin kuasaNa
Pasu-pasuNa kap tep-tep wari man banta

2. Mari si puji Tuhanta si Badia

Sipersembahken persembahenta
Kataken bujur min Perban mbelin pem’reNa
Si njaga kita suari berngi lalap min

3. Mari si puji Tuhanta si Badia

Sisehken kulanta ras geluhta
Jadi persembahen si nggeluh ras badia
Dame bas geluhta sabab kita anakNa

Pertoton Persembahen ras Syafaat

11. Perpadanen Man Dibata Perp. Tedis

L Dibata tetap mereken kesempaten guna ngidah kiniulinNa, dingen
mereken kinihagan man manusia guna njagai kiniulin doni enda.
P Erpadan aku O Tuhan, kuendesken geluhku man baNdu. Atanken aku
tetap ngenanami kiniuliNdu, jenari pakelah aku njagai dingen
naksiken ulina bekas tinepaNdu.
L Sipuji Tuhan alu ngendeken : .....
KEE No. 274 : 1-2 (Kupuji Kam o Tuhanku)
1. Kupuji Kam o, Tuhanku
perban kesetianNdu
Ateku nggeluh badia
Ngelawan kuasa dosa
Bage me sura-surangku
Bere gegeh ras kuasa
Gelah tetap perjingkangku

2. Kam saja patut dat pujin,

bas kegeluhen kami
Ban Kam Tuhan si perkeleng,
si nasap dosa kami
Siberitaken me dage perbahanenNa si mbelin
’Lah doni pe muji Tuhan
12. Pengutusen Ras Pasu-Pasu Dibata

Hal : 6
L Berkatlah, saksikenlah kiniulin Dibata, dingen pakeken geluhta (ndu)
mpekena-kena doni enda. Guna mpegegehi kita (kam) ndalankenca
alokenlah pasu-pasu idur Dibata nari :
“Ipasu-pasu janah ikawali Dibata kita (kam), demi, dingen pekena-
kena doni enda guna kemulian gelar Bapanta (ndu) si ni Surga. Dibata
tetap ras kita (kam) seh ku kedungen jaman”, Amin.
P Amin..... Amin..... Amin..... (Iendeken)

Hal : 7