Liturgi Perayaan

SABTU PENGHARAPAN

Jesus I Bas Doni Kematen

(Matius 27 : 62 - 66)

GBKP RUNGGUN SIMPANG TUNTUNGEN

Sabtu, 08 April 2023

1
A. PERSIKAPEN
Lagu-lagu Pujian:
1. Karya Terbesar
Kasih yang terindah
Hati yang mulia
Hanya kutemukan di dalam-Mu
Yesusku
Pujian dari hatiku
Selalu di setiap waktuku
Tiada pernah berubah kasihku
Reff: Karya terbesar dalam hidupku
Pengorbanan-Mu yang s'lamatkanku
Engkaulah harta yang tak ternilai
Yang kumiliki dan kuhargai
Yesus, Engkau kukagumi

2. Menyenangkan-Mu
Tuhan kumau menyenangkan-Mu
Tuhan bentuklah hati ini
Jadi bejana untuk hormat-Mu
Cemerlang bagai emas murni
Tuhan kuserahkan hatiku
Semua kuberikan pada-Mu
Kuduskan hingga tulus selalu
Agar aku menyenangkan-Mu
Reff: Menyenangkan-Mu, senangkan-Mu
Hanya itu kerinduanku
Menyenangkan-Mu, senangkan hati-Mu
Hanya itu kerinduanku
Ertoto Guna Kebaktin

2
B. KEBAKTIN
1. Kata Penaruh
Turang ras senina, wari enda bengket kita ku bas Sabtu Pengarapen,
ija kita ngerenungken erti keleng ate Dibata arah kematen Jesus Kristus.
Kematen eme hal si tuhu-tuhu ibiari manusia. Seh maka ncakapken
kematen ras ngidah tanda-tanda kematen pe enggo nambahi kebiaren.
Emaka tambah me ateta mesui di kune kalak si ikelengi kita lawes
nadingken kita.
Pengertin enda me si ipelimbarui arah kita emperingeti kematen
Jesus Kristus wari enda. Jesus enggo bengket ku doni kematen, dingen
naluken kuasa kematen. Kematen pe la ngasup nirangken kita i bas
keleng ate Dibata nari. Seh maka ku doni kematen pe kita
iperjuangkenNa dingen iselamatkenNa. Kematen Kristus eme maba
keselamaten dingen keterkelinen man banta bage pe man kerina kalak si
enggo mate i bas Kristus.
Mari dage sibaba pusuh ras ukurta ngadap i lebe-lebe Dibata, gelah
idemiNa kita alu pengertin ras pengarapen si mbaru. Si dahi dage Tuhan,
ras kita tedis dingen ras kita ngendeken :
KEE 278:1-2 “Ku Dahi Rumah Persembahen”
1. Kudahi rumah persembahen Segelah aku jumpa Tuhan
Ban Ia Sumbul keriahen Nggo b‟reNa bangku kesangapen
Reff. Ersada me anakNdu k‟rinaBas kiniteken tetap paguh
Bagem biak anak Dibata Tetap nembah ras muji gelarNdu
2. Iadep-adepen Dibata
Siakukenlah k‟rina dosa
Je robah kita dingen jera
Si gejap me pengalemiNa
Reff….

2. Votum - Salam
L: I bas gelar Dibata Bapa si mada kegeluhen, i bas gelar Jesus Kristus
si naluken kematen, ras i bas gelar Kesah si Badia si mereken
pengertin kerna erti kegeluhen ras kematen. Perkuah ate ras dame i
bas Dibata Bapa, i bas gelar Jesus Kristus ras kerembaken Kesah si
Badia, ras kita kerina gelah. Amin.
P : Amin ….. Amin ….. Amin ….. (iendeken)

3
3. Berita kerna Perbahanen Dibata
“Janah ibas kuasa Kesah e lawes Ia meritaken berita ibas Dibata nari
man tendi-tendi si tertaban” (1 Ptr. 3:19)

Rende KEE : 358 ( 3x )

Muliakenlah o tendingku
Muliaken Tuhan Dibata o tendingku
Muliakenlah, muliakenlah, Muliaken Tuhan o tendiku

4. Pujian PJJ LEWI

5 . Kinata Kerna Kebiaren Manusia Nandangi Kematen

L: Jesus bengket ku doni kematen. Ije pe IA nuduhken maka
kematen langasup naluken kuasaNa. Kematen Jesus situhuna
nuduhken, maka kematen e la ngasup nirangken manusia ras Dibata.
La kal ate Dibata kita bene i bas dosa, seh maka ku doni kematen
pe IA erdahin guna anak-anak si ikelengiNa.
Kai nari ndia kebiarenta kerna kematen? I bas paksa teneng enda
mari situriken kebiarenta man Dibatanta.

(Paksa Teneng) KEE 76 ayat 1 ( 2x )

KulebeNdu Dibatangku
Aku nembah „rjimpuh pe
Dengkehkenlah min totonku
Nen iluhku mambur e
L: Melala kal kita manusia er‟aru ate tupung kalak si ikelengi kita
idilo Dibata, lit pengakapta maka kalak si enggo mate nggeluh i bas
ate mesui dingen kelinon. Lupa kita maka Dibata nemani ia i bas
kematenna. Seh maka labo lit ingan si ngasup nirangken Dibata ras
anak-anakNa. Kekelengen ni Tuhan, i bas paksa teneng enda
mari si ampeken kebiarenta nandangi kematen man Dibata.
Dingen si endesken kearun ateta kerna kekelengenta si enggo leben
nadingken kita.

4
 (Paksa Teneng)Rende KEE : 76 ayat 2 ( 2x )

Ku ukuri me lagungku
Dosa nari k‟rina pe
Nggo terbuang wari-wari
La kupergunaken pe
L :Adi nulih kita ku bas isi pusuhta, situhuna banci jadi kita pe
mbiar ngalaken kematen, erkiteken lit pengakapta maka kematen e me
kebenen dingen kesirangen si rasa lalap ras anak jabunta. Lupa kita
maka kematen eme dalan si enggo ibentasi Tuhan Jesus guna bengket
ku bas kegeluhen si mbaru. Dingen kematen e jadi dalanta jumpa
pagin ras kerina si ikelengi kita i bas persadanta si rasa lalap iadep-
adepen Dibata. Kekelengen ni Tuhan, i bas paksa teneng enda mari
dage si endesken pusuh ras ukurta guna ipelimbarui Dibata gelah
tangkas man banta kematen e lanai jadi kebiaren.

(Paksa Teneng) KEE 76 ayat 3 ( 2x )

Rusur nari aku lalar

Ngaku aku o, Tuhan
Amin gia aku Kristen
Dosa lalap nge kuban
L :Mari dage sipetetap ukurta alu ngendeken
KEE No. 202:1, 3
1. Ernalem gelah man Yesus Kula ukur tendingku
Endesken geluhndu baNa
Keleng ateNa bandu
Reff. Ernalem gelah ! Tutus min gelah

3. O, Yesusku bahan aku ernalem gelah

Ola lupa „rtoto baNa Ras kataken bujur pe
Mbue kapen pemereNa Ola lupa kita e
Reff:

6. Pujian PJJ Mika

5
8. Kata Dibata si Mpetetap Ukur Manusia (Perp. Tedis)
L “Selaku persuruhen Dibata, aku nehken kataNdu man banta kerina
kita si ngaloken keleng ate Dibata arah kematen Jesus, niNa:
“Sabap Kristus mate cukup sekali saja ngenca erkiteken dosa-
dosa manusia, janah sekali saja ngenca IA mate. IA kalak bujur, mate
man guna kalak perdosa, gelah banci kam ibabaiNa rembak ras
Dibata”(1 Petrus 3 : 18a).
Sipuji Dibata i bas kekelengen si icidahkenNa arah kematenNa,
alu ngendeken :
Rende KEE 423 :1,2
1. Kam nebusi aku Tuhan
Kam si mpeteneng tendingku
Tendi si ndube tertaban
TeguNdu ku adepen Ndu
Reff. Malem kel ateku Bapa,
Ban keleng ate Ndu
Ku puji gelarNdu Bapa,Mulia gelarNdu
TeguNdu lah aku Tuhan,
Ibas pusuhku Kam ringan
PetetapNdu aku Tuhan
Gelah dosa talu me kuban
2. Kam ngalemi aku Tuhan
Kam si mpepalem pusuhku
Pusuh si megati nogan, Mbaru perbahan kelengNdu
Reff…

9. Pujian PJJ Nazareth

10. Renungan

11. Pengakun Kiniteken

12. Pujian PJJ Pardis

13. Nehken Persembahen

L I bas kita nehken Persembahen Pengataken Bujurta man Dibata si
jadi palas man banta ibuat i bas Jesaya 54 : 10 :
“Bicara deleng-deleng miser gia, uruk-uruk pe mundu-undu, tapi
keleng ateKu tetap la miser i bas kam nari, janah padan dame si
Kubahan lalap paguh la mundu-undu. Bage nina TUHAN si
ngkelengi kam tetap”

6
 Tupung si endesken persembahenta mari ras kita rende i bas
KEE 201 : 1-

1. Malem ate tuhu-tuhu siernalem man baNdu

Kam Dibata si „njadiken langit ras doni enda
Sal-saliNdu pusuh kami
Maka t‟rangNdu tergejap
Kalak si tek la kap bene
„Ban kelengNdu e tetap
2. Matawari, bulan, bintang Kam nepasa jadi t‟rang
Doni enda dem isina labo kai pe si kurang
K‟rina si erkesah gia
Nggeluh i doni enda
Bagi si ngerana nina:
“Kam Tuhan si Madasa”
3. Tetap kuakuken IA Ibas kinitekenku
Kam me ngenca si mbelinNa kusembah bas geluhku
Yesus Kam nggo mate jine
Man penebus dosangku
Tetaplah min aku dage
Ibas geluh si mbaru
4. Aloken Kamlah o, Bapa Kuendesken geluhku
KesahNdu min ngajarisa Lah kuteh nembah baNdu
Pasu-pasu min kerina daging, ukur, tendingku
Gelah arah tan ras kata Ipujina gelarNdu

14. Pertoton Persembahen ras Syafaat

15. - Pujian PJJ Filipi

- Pujian PJJ Tesalonika

16. Perpadanen Man Dibata (Perp. Tedis)

L: Turang ras senina, enggo tangkas man banta maka arah kematen
Jesus, ituduhkenNa kuasa dingen keleng ateNa guna keterkelinen
kalak si tek man baNa.
P : Lanai aku mbiar Tuhan, sabab enggo italukenNdu kuasa kematen
si ngiket aku. Kematen la ngasup nirangken aku i bas keleng ateNdu
nari.
L : Jesus Kristus nemani kita seh ku bas kematenta. Seh maka labo lit
ingan si ngasup nirangken kita ras IA.
P: Malem kal ateku Tuhan i bas penemaniNdu. Lanai ateku aru
nandangi kematen si arus ku bentasi.

7
 L: I bas kita mpeteguhi perpadanendu man Dibata, si lanai mbiar
nandangi kematen, sipuji Tuhan i bas :

KEE No. 200 :1-2

1. O, Tuhan babai min dalanku „bas doni
Labuh ras la kesah gegehku
SoraNdu terbegi man bangku nemani
Lalap Kam me ku ban temanku
2. O, Tuhan sampatlah geluhku gundari
Ola Kam erleka ras aku
Kawali geluhku
Suari ras berngi
Lalap Kam me ku ban temanku

17. Pertoton Tuhan

18. Pengutusen Ras Pasu-pasu Dibata

L: Bengketlah kegeluhenndu siteptep wari, saksikenlah ketetapen ukur
ras kinitekenndu maka Dibata la pernah nadingken kam seh rasa lalap.
Gunan mpeteguhi ukur ras kinitekenndu, alokenlah pasu-pasu idur
Dibata nari : “Dibata, sumbul kemalemen ate e gelah si ncukupi
keperlunndu guna ndalenken si sentudu ras peratenNa. Janah
Dibatalah erdahin i bas kam arah Jesus Kristus gelah kam
ngelakoken kai si ngena ateNa. Man Kristuslah kemulian seh rasa
lala” Amin.
P : Amin… Amin… Amin… (iendeken)

.....ooo0ooo…