Liturgi Kebaktin Notoken Benih

21 Agustus 2023, i GBKP Runggun Pasir

Tengah

1. Kata Penaruh
Mejuah-juah man banta kerina perpulungen Tuhan Jesus. Sikataken bujur
man Tuhan sienggo mereken kegeluhen simehuli man banta kerina, janah
kenca kita enggo dung ibas masa peranin aminna pe musim silepas hasilna
la bagi siniarapken kita, maka seh ka me paksana kita guna
ngerdangken benih itengah jumata. Ngaku kita maka ibas kita Rani ntah
merdang e labo bekas beluh dingen gegehta, tapi erkite-kiteken Kuasa
ras Keleng ate Tuhan kap siiberekenNa man banta kerina. Ibas berngi
enda sibahan Kebaktin guna Notoken benih, pengarapenta maka arah
kebaktin enda reh tangkasna sigejapken keleng ate Tuhan si tetap masu-
masu kegeluhenta. Si pesikap dage ukurta sibengketi me kebaktin enda.
Rende: KEE
444:1-2 (Perp. Tedis)

1. Lit paksana merdang, lit ka paksa peranin

Lit paksana ngadi, lit ka paksa erdahin
Kerina erpaksa-paksa, nggeluh ibabo doni
Tapi katawari gia, Tuhan saja si puji
2. Amin gia kita, paksa senang tah suin
Ula min erleka, kempak Yesuslah madin
Marilah si puji Tuhan, je me ingan pengadin
Adi sirang ras Dibata, labo banci terkelin
3. Votum + Salam +Introitus
L : Ibas gelar Dibata Bapa si masu-masu kerina Pendahinndu, ibas gelar
AnakNa Yesus Kristus si tetap erdahin guna kiniulin manusia ras ibas gelar
Kesah Si Badia sitetap mpelimbarui gegeh ras kepentarenta. Perkuah ate ras
dame ibas Dibata Bapa ras Ibas Tuhan Yesus Kristus nari, ibas kerembaken
Kesah Si Badia ras kam kerina gelah. Amin
P : Amin...Amin...Amin...
Introitus: Mejile perturahna, janah erbuah pe. Lit deba buahna telu puluh
kali lipat, deba enem puluh, janah lita ka pe seratus kali lipat
(Markus 4 : 8b)
4. Rende: KEE 451:1-2
1. Malerlah pasu-pasuNdu, bagi ni padankenNdu
Gegeh ras ukur si pasguh, tetap i b,rekenNdu
Reff: Pasu-pasuNdu, em ulu gegeh kami
Enggo kap maler me tuhu, si ‘ndemi geluh kami
 2. Malerlah pasu-pasuNdu, Gluh kami jadi mbaru
Sorana bagi lau maler, mpeteneng ukur kami. Reff:….
5. Pujin Man Tuhan Si Tetap Masu-masu kegeluhen Manusia
L : Dibata masu-masu kita alu mereken ulih pendahin man banta, gelah
reh ngasupna kita nehken si ngena ateNa
P : Bujur Tuhan, terpujilah Kam. Meherga kel iakap kerina pemereNdu
ibas geluh kami
L : Tuhan ulu pemeteh ras kepentaren, iberekenNa man banta guna
ndahiken dahin si ngena ateNa
P : Terpujilah Kam Tuhan ibas pemeteh ras gegeh siiberekenNdu man
kami.
L : Mari tole si puji Tuhan si enggo mereken erbage-bage kiniulin man
banta
Rende KEE 372 :1,3
1. Pujilah Tuhan Si Badia, Puji perbahanenNa si Mbisa
Embus suling terompet cawir ban sorana, Puji Tuhan si mada krina
Tinepa
2. O Tendingku puji Dibata, alu dem keriahen pujilah
Kerina si erkesah Ia si madasa. Puji Tuhan Si Mada Krina Tinepa
6. Renungan
7. Pengakun Kiniteken
8. Notoken Benih
( Si Baba Benihta ku lebe segelah itotoken Pendeta)
Rende KEE 202 :1
1. Ernalem gelah man Yesus, kula ukur tendingku
Endesken geluhndu baNa, keleng ateNa banndu
Reff: Ernalem gelah! Tutus min gelah
O Yesusku bahan aku, ernalem gelah
9. Persembahen (Perp. Kundul)
Kata Dibata kerna persembahen: “Ngataken bujur eme persembahen si
pehagaken Aku, janah si patuh ngikutken Aku tentu Kukelini” (Mas 50:23)
Rende: KEE 471:1
Ermengkah ukurku, ras ngataken bujur Tuhan. Kelengi min aku, kam
empu geluhku
Enda ngenca Tuhan persembahenku, kerina geluhku kesah ras
kulangku.
La kap lit bas aku, erta kebayaken. Sicukup meherga, lah ku
persembahken
 Sada ngenca Tuhan, lit pemindonku. Aloken min Tuhan
persembahenku
Pakeken geluhku jadi perkakasNdu, segedang geluhku
10. Ertoto Persembahen ras Syafaat
11. Tekad (Perp. Tedis)
L : Turang ras senina, kita enggo ipasu-pasu Dibata alu mereken
gegeh ras pemeteh guna ndahiken dahinta. Uga dage ninta
sekalak-sekalak?
P : Erpadan kami Tuhan, makeken gegeh ras pemeteh si
iberekenNdu guna ndahiken dahin si mehuli ibas tengah-tengah
kegeluhen kami
L : Ngena ate Dibata kalak si nggeluh alu bujur, adil ras tutus ibas
ndahiken dahinna
P : Erpadan kami Tuhan, jadi kalak si bujur, adil ras tutus ibas
ndahiken kerina dahin kami.
L : Erdangkenlah benih si enggo siendesken man Tuhan. Dibata si
masu-masu sierdangken kita, turah ras erbuah janah seh paksana
rani me kita ibas Tuhan
Kerina : Amin
12. Rende: KEE 307:1-2
1. O Tuhanku Kam me permakanku, emaka la kekurangen aku
Ku mbal-mbal mratah aku babaNdu, ipesenang-senangNdu geluhku
Reff: Permakanku si njayam geluhku. Malem ateku senang
Tuhu
KelengNdu tetap maler man bangku, Kam me Tuhanku
permakanku
2. IteguNdu kempak lau si maler, ibahanNdu ateku nggo malem
Emaka tedeh ate tendingku, kempak ke’gluhen si sikapkenNdu.
Reff:…
13. Pertoton Tuhan
14. Pemasu-masun
Guna mpegegehi kam, alokenlah pasu-pasu idur Dibata nari : Dibata
sumbul kemalemen ate e gelah si ncukupi keperlunndu guna
ndalanken si sentudu ras peratenNa. Janah Dibatalah erdahin ibas
kam arah Jesus Kristus gelah kam ngelakoken kai si ngena ateNa.
Man Kristuslah kemulian seh rasa lalap. Amin

Perp : A..min, A...min, A...min