TATA IBADAH

KEBAKTIAN BUKA KUNCI RUMAH

KELUARGA bp. Rahel perangin-angin
Kamis, 25 Maret 2021

Gereja Batak Karo Prostestan

(G.B.K.P)
RUNGGUN KISARAN

A. ACARA IKESAIN RUMAH

1. Rende KEE GBKP No. 221 :1,2
1. Pesikaplah ukurta,
adi ndahi Dibata
Ukur siserbut silit ‘bas kita,
endeskenlah man baNa
Reff : Ban Ia si mereken pengadin,
makana kita dorek min terkelin
‘Di Yesuslah sibahan man temannta,
E tentu malem kel ateta
2. Pesalanglah pusuhta,
Adi nembah man baNa
Pusuh si gulut, si ndongkelisa,
Totokenlah ku Ia
Reff : Ban Ia si mereken pengadin....

2. Ertoto
3. Pengakun Simada Jabu
Begiken jenari aloilah penungkunen si kusehken bandu
simengket rumah enda:
1. Tek nge kam man Dibata si Sada, Bapa AnakNa Yesus
Kristus ras Kesah Si Badia?
2. Tek nge kam bagi si tersurat ibas Pustaka si Badia, maka
doni enda ras kerina isina, termasuk ingan Usaha enda,
Yahwe kap siempuna?
3. Erpadan kam man Dibata, maka ipakeken kam Usaha
enda nehken si ngena ateNa:
ADI TUHU BAGE ATENDU, NINDULAH:
“TUHU, BAGE ATEKU”

4. Ngendesken Kunci man Simaba Kebaktin

5. Nalangi Pintu : Alu kekelengen ras perkuah ate Dibata, rumah

enda ibereken man bandu guna i iani ras pakeken kam gelah
reh gegehna kam nehken singena ateNa. Ibas Gelar Dibata
Bapa, Anakna Yesus Kristus, Ras Kesah Si Badia. Amin
(Masuk kubas rumah)
Rende KEE GBKP No. 205 : 2
 Tuhan Dibatanta lit bas rumah enda,
Nembah kita k’rina baNa.
Alu kehamaten mungkuklah baNa,
Kula, tendi pe kerina. Aloken kataNa
ras pasu-pasuNa, UsekenNa banta.

B. ACARA IBAS RUMAH

1. Votum : Dame ibas Dibata nari simahanca atendu (ateta)
malem katawari pe, erkiteken Tuhan Yesus Kristus.
2. Salam : Penampat man bandu reh ibas Yahwe nari, sinepa
langit ras doni, singkawali peberkat ras permulihndu,
genduari nari seh rasa lalap. Amin
A….min A…min A…..min (iendeken)
3. Introitus : Jaga, maka ola ilupakenndu TUHAN Dibatandu. Ola
silahken sada pe undang-undangNa si kubereken
man bandu wari enda. Adi enggo idatndu kerina kai
atendu si ipanndu, janah enggo ipajekkenndu rumah
si mejile man inganndu (Ulangen 8:11-12)

4. Rende KEE GBKP No. 417 : 1 – 2

1. Kam Yesus Tuhanku palas kegeluhenku
Reh aku ngadap man baNdu
Tegulah min aku ibas ndalani geluhku ‘Lah ula celus nahengku
    Reff. : Dengkehken sorangku erlebuh o Tuhan
Ngendesken pingko-pingkoku
Alemi min salah dosangku o Tuhan
‘Lah atan bas kiniulin
2. Kam Yesus Tuhanku, sampati min geluhku
 Alemi Tuhan dosangku
 La kap lit terligen ibas adep-adepenNdu Kerina salah lepakku
    Reff. : Dengkehken sorangku erlebuh o Tuhan...

5. Renungen
6. Pengakun Kiniteken

7. Persembahen :
 Ingetlah maka kalak si sitik ngerdangken benih, sitik ka
iperanina, kalak si melala ngerdangken benih, melala ka
iperanina (II Kor. 9:6). Rende KEE GBKP No. 471
Ermengkah ukurku ras ngataken bujur tuhan
Kelengi min aku kam empu guluhku
Enda ngenca tuhan persembahenku
Kerina geluhku kesah ras kulaku
Lakap lit bas aku erta kebayaken
Si cukup meherga lah ku persembahken
Sada ngenca tuhan lit pemindonku
Aloken min tuhan persembahenku
Pakelah min aku jadi perkakasndu segedang geluhku

8. Pertoton Syafaat
9. Rende KEE GBKP No. 381 : 1 – 2
1. Sura-sura Yesus bangku, Ersinalsal tetap
Nggeluh bujur ras mehuli, Si ngena ateNa
Reff : Ersinalsal terang,
Em sini suraken Yesus
Ersinalsal terang,
Ku tetap ersinalsal
2. Sura-sura Yesus Kristus, Nandangi geluhku
Mpehaga turang senina, sisampat-sampaten
Reff : Ersinalsal terang....

10.Pertoton Tuhan & Pemasu-Masun

L : Tetaplah paguh kinitekenndu, jadikan Keleng ate ibas
Kristus nari jadi palas geluhndu maka kesangapen ras
keriahen ukur. Emaka alokenlah pasu-pasu idur Dibata
nari: Dibata sumbul kemalemen ate, e lah sincukupi keperlunndu
(ta) guna ndalanken si sentudu ras peratenNa, janah Dibatalah
erdahin ibas kam (kita) arah Yesus Kristus gelah kam (kita)
ngaloken kai singena ateNa. Man Kristuslah kemuliaan seh rasa
lalap. Amin.
P : A…min A…..min A….min