TATA IBADAH

KEBAKTIN MINGGU IBAS JABU

GEREJA BATAK KARO PROTESTAN
RUNGGUN KISARAN
Tanggal 09 Agustus 2020

MINGGU IX KENCA TRINITATIS

( MINGGU KUASA DIBATA MENANG NANDANGI KUASA KEGELAPEN )

Penjelasen Kerna Ibadah :

- Asa bancina kerina anggota jabu muat kebaktin, baik ibas ertoto, mabai ende-
enden pujin, ngoge Kata Dibata, renungen ras sidebanna. Ula lupa nikapken
perlengkapen kebaktin; Pustaka Sibadia, KEE, ingan persembahen ras
sidebanna.
- Sipelajari lebe lagu-lagu, banci i iringi alat musik bagi gitar, keyboard,
aplikasi KEE ras sidebanna.
- Adi la lit anak KAKR ibas jabunta maka lagu ras ayat hapalan KAKR
ilewatken saja.
- Adi ibas jabu la lit Serayan Tuhan, maka Votum Salam Ras Invocatio bage pe
pemasu-masun ilewatken saja.
- Renungen lit ibas belakang tata ibadah
- Kerina kegiaten enda ilaporken ras persembahen langsung isetorken man
Pengurus PJJ sektor ntah pe Pertua Diaken si lit ibas sektorta masing-masing.

1. Bernyanyi KAKR “Hari lepas hari”

Hari lepas hari bertambah-tambah indahnya
Hari lepas hari aku cinta padaNya
Yesus cinta saya kunanti kedatanganNya
Hari lepas hari bertambah-tambah indahnya

2. Ayat Hapalan KAKR

Mahkota orang-orang tua adalah anak cucu y dan kehormatan anak-anak ialah
nenek moyang mereka. (Amsal 17:6)

3. Bernyanyi KAKR “Sampai Memutih Rambutku”

Kau selalu hadir Saat aku rindukanMu
Kau yang selalu setia Menopangku
Dengan kasih setia Memberi aku kekuatan
Di tengah badai Yang menakutkan
 Sampai memutih rambutku
Kau putuskan aku, menutup usiaku
'Ku 'kan selalu menyembahMu
Oh Yesus, Tuhanku, 'ku milikMu
Selamanya bagiMu

4. Ertoto
5. Votum – Salam (adi la lit Pdt, Pt/Dk, Emeritus ilewatken saja)
L : Ibas gelar Dibata Bapa sinjadiken sinasana, ibas gelar AnakNa Jesus
Kristus si jadi Tuhan ras Juruselamat doni enda ras ibas gelar Kesah Si
Badia sitetap erdahin guna nelamatken doni enda. Dibata enggo
ngkelengi doni enda, keselamaten enggo iberekenNa man bandu gelah
kam pe nehken perdamen man kerina isi doni enda. Amin.
P : Amin... Amin... Amin... (Iendeken)

6. Berita perbahanen ras sura-sura Dibata (Invocatio)

L : “Enggo ietehndu kata si ipeseh Dibata man kalak Israel, eme Berita Si
Meriah kerna perdamen arah Jesus kristus. Jesus Kristus me Tuhan si
erkuasa nandangi kerina si sinasa lit” (Perbahanen Rasul-Rasul 10:36)
Erpalasken Kata Dibata enda, sipuji IA alu radu ras ngendeken KEE
372:1
1. Pujilah Tuhan si Badia
    Puji perbahanenNa si mbisa.
    Embus suling, terompet
    Cawir ban sorana
    Puji Tuhan si Mada k’rina tinepa

7. Dibata Si Erkuasa Ibas Kerina Si Nasa

L : Ngerana ibata, Janah enda me KataNa: “Aku kap TUHAN Dibatandu,
simaba kam ndarat i Mesir naru, inganndu iperbudak. Ola isembahndu
gana ntah gambar-gambaren kerna kai pe si lit i datas langit, idoni, ntah
pe si ibas lau iteruh doni. Ola kam erjimpuh man gana-gana ntah pe
ersembah ku je, sabab Aku kap Tuhan Dibatandu si percimburu. Asa
kalak si ernembeh are man bangKu Kuukum ia ras anak-anakna seh ku
kesusurenna sipeteluken ras si pe empatken. Tapi tetap Kukelengi kalak
siengkelengi Aku ras ngikutkrn undang-undangKu, seh kempak meribu-
ribu kesusuren. Ola ipakendu gelarKu guna tujun su jahat, sabap Aku
 TUHAN Dibatandu, la banci la ngukum asa kai kalak si nalah gunaken
gelarKu”
P : Ibas kerina kai si enggo ibahanNdu, tuhu Kam me Dibata si sada, Dibata
si erkuasa ibas kerina kegeluhen si erkesah idoni enda o Tuhan.
L : Sipuji Tuhan erkiteken kuasaNa alu ngendeken KEE NO 202 : 1
1. Ernalem gelah man Yesus Kula ukur tendingku
    Endesken geluhndu baNa Keleng ateNa bandu
   Reff. Ernalem gelah !
Tutus min gelah
O, Yesusku bahan aku
Ernalem gelah

8. Kinata Kinilangasupen Ibas Gejapken Kuasa Dibata

L : Dibata setia kap ibas pedah si enggo ibelaskenNa, idapetiNa nge ndia
anak-anakNa setia ibas kinitekenna?
P : O TUHAN O Dibatangku, megati la kami ersaber ate, ibas nimai
penampatndu, ibas kesusahen ras kebiarenku. Ngaku aku, maka megati
kutundalken kuasandu ibas ibas geluhku. O TUHAN alemi kal min aku.
L : Kinigeng-gengen mabai manusia ku bas kemenangen. Kalak si la setia
bene kap.
P : Erkiteken pengajuk doni enda, subuk erta, kuasa, erga diri, ras kesehaten,
megati kam la setia man baNdu. O TUHAN, alemi kal aku.
L : Dibata kap si mada kuasa. La lit kuasa si ganjangen asa kuasaNa.
KuasaNa maba kegeluhen dingen kejuah-juahen.
P : Megati aku la ngasup mbedaken kuasa Dibata ras kuasa sideban, piah
geluhku ikuasai dosa. Kuakap kesangapen kepe liah, ku akap pasu-pasu
kepe tulah, ku akap kedamen kepe kebenen. Alemi kal aku o TUHAN.
(Paksa Teneng)
L : Mari sipindo pengalemi dosa alu ende-endenta KEE NO 76:1

1. KulebeNdu Dibatangku
Aku nembah ‘rjimpuh pe
    Dengkehkenlah min totonku
Nen iluhku mambur e

9. Berita Pengalemi Dosa

 L : Ietehndu maka seh kal belinna kuasa Dibata erdahin ias kita si tek man
Kristus. Kuasa si erdahin ibas kita e, bali ras kuasaNa simbelin, si
ipakenNa asum IA mpekeke Kristus ibas si mate nari, janah ipekundulNa
IA arah kemuhenNa ibas ingan simeganjangna. Kuasa Kristus e, ndauh
kal ganjangen asangken kerina pemimpin ras tuan-tuan si la teridah,
janah pangkatNa ganjangen asangken kerina pangkat si terbelasken
subuk ibas paksa enda bage pe ibas paksa si reh pagin (Epesus 1:19-21).
Tole nina Tuhan. “ Marilah maka sidungi cakapta enda. Kam enggo
erkubang-kubang ibahan dosa, tapi ku peridi kam maka bersih bagi salju.
Aminna gia erkiteken dosandu kam enggo mbiring bagi tengguang,
mulihi kam jadi mbentar bagi kapas. Adi kam erkemalangen man
bangKu, ipanndu me kai simehuli ulih tanehndu enda. Tapi adi
ilawanndu Aku, mate me kam ipan pedang” bage nina Tuhan (Jes.1:18-
20)
Sipuji Tuhan erkiteken dosanta enggo ialemiNa alu ras kita rende KEE
423:1

1. Kam nebusi aku Tuhan Kam si mpeteneng tendingku

Tendi si ndube tertaban TeguNdu ku adepen Ndu
   Reff. Malem kel ateku Bapa, Ban keleng ate Ndu
Ku puji gelarNdu Bapa, Mulia gelarNdu
TeguNdu lah aku Tuhan, Ibas pusuhku Kam ringan
PetetapNdu aku Tuhan Gelah dosa talu me kuban

10. Renungen (ertoto ope ras kenca renungen)

11. Pengakun Kiniteken

12. Persembahen

L : Kata Dibata si jadi palas man banta guna nehken persembahen bujurta
ibuat ibas Lukas 12:23-24
 “Sabap ergan nge geluhndu asa pangan, dingen ergan nge geluhndu asa
uis. Nehenlah perik kak; la ia merdang, la rani, la lit lumbungna, tapi
bage gia man nge ia ibahan Dibata. Kam ndauh ergan asa perik-perik
e” (Masmur 50:23)
Tupung si pepulung persembahenta rende kita arah KEE 315

1. Simpar tuhu pemereNdu JujurkenNdu kap man bangku

    Ermengkah kal me ukurku La ‘ku lupa lias ateNdu.
   Reff. AlokenNdu o, Tuhanku Persembahen anakNdu
Usekenlah pasu-pasu Peteguhi perpulungenNdu
3. BreNdu kami kepentaren G’lah nirangken kepapaken
    Ajar kami kebujuren Maka pinter ka perukuren
   Reff. AlokenNdu o, Tuhanku.....
       
Pertoton persembahen ras Syafaat
- Persembahen
- Kerna siturah ibas jabunta ras kegeluhen, pendahin ras pendidiken
anak-anak.
- Ertoto gelah ngasup kita naluken kuasa kegelapen, kuasa si jahat.
- Perbeben temanta bage pe si sakit.
- Bangsa ras negaranta bage pe pemimpin-pemimpinta
- Ras Sidebanna

13. Perpadanen Man Dibata

L : TUHAN tetap ncidahken kuasaNa man kalak si tetap saber dingen paguh
ibas kinitekenna.
P : Erdahinlah kam TUHAN ibas kegeluhen kami, pegegehulah kami.
Kuasailah kami gelah kuasa si deban la bengket kubas geluh kami.
L : Nina Dibata: “Lanai lit kuasa si ngasup ncedai bangsaKu subuk guna-
guna entah pe kinigurun.” Sabap Aku kap Tuhan si erdolat.
P : Bagi kam enggo njagai Israel arah kerina kuasa kegelapen, emaka
genduari tek aku, maka la lit kuasa guna-guna, bage pe kinigurun si banci
naluken aku, sabap aku sikerajangen Jesus Kristus.
L : Dibata ndilo anak-anakNa gelah sitatang-tatangen, bagi IA enggo natang
kegeluhen manusia.
 L+P : Erpadan kami TUHAN, ilawan kami me kuasa si gelap. Sabap tek kami,
Kristus si enggo naluken kerina kyasa gelap, lit ibas diri kami.

L : Guna mpeteguhi perpadanenta, rende kita ibas KEE NO 187 : 1

1. Gegeh kuasa Kesah si Badia

    Ib’re Tuhan bangku tiap jam
    Katawari pe itemaniNa
    IidahNa kai pe si kuban
    Perdalanku pe ikawaliNa
    Setan iblis pelawesNa
    Kuasa doni la ergegeh bangku
    Tuhan saja man ikutenku

14. Pertoton Tuhan

15. Pemasu-masun (adi la lit Pdt, Pt/Dk, Emeritus ilewatken saja)
L : Berkatlah kita ku tengah-tengah doni enda si dem percuban, tetapken
ukurndu nggeluh iteruh kuasaNa, dingen alokenlah pasu-pasu idur Dibata
nari :

“KekelengenKu la ersibar ngarak-ngarak geluhndu. Kukawali kam,

kupegegehi ras Kupasu-pasu me kam ibas ndalanken si ngena ateKu.
Aku si jamin ras sinikapken keperlunndu. Aku tetap ras kam seh ku
kedungen jaman”. (Bdk. Mat. 28:19-20) Amin.
P : Amin... Amin... Amin.. (iendeken)

RENUNGEN
Khotbah : Markus 5:1-10
Tema : JESUS MPELAWES SETAN

Topik percakapenta wari enda, eme topik si seh kal nembehna ate setan, sebab sigar-
gari me biak-biakna, kai takina, uga cara kerjana, kai pantang tawarna, ise si
iseganina rsd. Seh maka si dat cara naluken kuasa si setan ibas geluhta. Enda labo
cikurak kerna si setan sebab banci jadi ia pe ikut ninggel-ninggel ibas kebaktin
onlineta enda. Ibas pustaka sibadia enggo isingetken, maka perlu kita megermet
nandangi pendahin si setan, sebab bekas pendahinna sada pe la lit simehuli asa
genduari. Erkiteken nginget ras mpergermetken pengkebet si setan enda, emaka ibas
khotbah sekali enda, enda erlajar kita me kita ndatken guna datken tangkalna. Kata
Dibata ibas perikop khotbahta nuriken kerna Yesus ija kenca she Ia ia I daerah
Geraseni reh me sekalak si setanen. Arah peristiwa enda teridah bukti Yesus
sierkuasa naluken setan:
1. Bukti sipemena teridah reaksi kalak sisetanen e tupung reh Yesus minter
kiam sisetanen e idahina janah isembahna ertina Yesus ngasup
mengendaliken kalak sisetanen e sebabna biasana kalak sisetanen e la
terkendaliken kalak ngamuk atena rusur lalap nderkuh-derkuh janah enggo
piga-piga kali igariken tanna ras nahena alu rante besi, tapi icedakenna ras
iretapina rante e tapi sanga Jesus reh minter ia nembah patuh ia.
2. Bukti sipeduaken sanga isungkun Jesus gelar kalak sisetanen e, emaka
ijababna gelarna si Meribu-ribu sabab nterem jumlahna. Ibas bahasa
Indonesia Legion eme penggelaren pasuken tentera si buenna lebih kurang
6000 prajurit. Ertina meribu-ribu setan si sedekah enda nguasai kalak
Gerasani. Ertina sisangana iadapi Yesus setan labo sekalak tapi ribuan setan
emaka wajar adina nterem kalak la ngasup nangkap kalak sisetanen e tapi ibas
diri Jesus tetap teridah kuasa Jesus guna ngadapisa.
3. Bukti sipeteluken ibas ayat 10-13, kalak sisetan e mindo man Jesus gelahna
ola ipelawes ibas daerah e nari tapi ipindona gelah banci mengketi rarasen-
rarasen babi ertina Yesus lit orotitas entah pe kuasa ibas diriNa janah setan
labo ngasup erbahan kai pe adina la iijinken Yesus.
4. Bukti sipeempatken ibas ayat 7 lit pengakun kalak sisetanen e, O Jesus Anak
Dibata si Meganjang. Kuga ateNdu aku ibahanNdu? Mindo setan ndai gelah
ula ia isakiti ertina setan pe nandai Yesus Anak Dibata si meganjang alu
kata sideban kuasa Yesus ndauh ganjangen asangken kuasa-kuasa sideban she
maka setan mbiar ia man Jesus
Senina dingen turang kekelengen ni Tuhan Yesus, erbage-bage cara setan guna
ngkuasai kegeluhenta emaka perlu sitengeti sebabna sura-sura daging banci
erbahanca manusia ndabuh kubas kuasa setan. Umpamana uga gelahna banci usaha
lancar, lit mindo penglaris ibas erbinaga, lit denga ertambar man guru sibaso, lit
denga sierpenggejapen maka pinakitna erkiteken kena incuk entah enggo itama-tama
kalak. Sebabna perlu siinget maka ibas kalak simindo man kuasa kegelapen sie la lit
sigratis! Ibas sada paksa pagi ipindona ka mulihken kai si enggo ndube iberekenna
(tumbal). E dalanna erbahanca katawari paksa pe setan atan bengket ku ia.
Kedungenna ulih kalak singgeluh ibas kuasa kegelapen eme la lit ketenengen
nggeluh, la banci konsenterasi ertoto ras megiken kata Dibata. Rusur kayamen ibas
megiken khotbah. Rusur tunduh tupung ertoto, la merincuh PJJ entah PA-PA bagepe
kebaktin minggu. Kerina enda sada ngenca dalan pulah eme maka rehlah ku Tuhan
Jesus, dahi Ia janah pindo gelah ipulahina ibas kuasa kegelapen nari. Sienda pe
terbukti arah pengogenta sipemena ija Daud sikegeluhena si rembak rusur ras Tuhan
emaka idemi kuasa Tuhan dirina janah alu sora kulcapina e lawes roh jahat sinakiti
Saul.
Minggu enda igelari Minggu Kuasa Dibata menang nandangi kuasa kegelapen, lit
lagu sekolah minggu “ku menang kumenang bersama Yesus Tuhan, kumenang
kumenang di dalam peperangan, ku menang kumenang atas segala setan!
Haleluya haleluya ku menang.” Arah ende-ende enda ningetken kita gelahna
siperamebakkenlah dirinta man Jesus, maka kita menang ngelawan kuasa kegelapen
sebabna kuasa kegelapen e ituriken ibas 1 Petrus 5: 8 bagi sada singa si erngaung
ndarami si man jerngemenna. Nina Martin Luther rende saja pe kita enggo mbiar
setan e, ertina ende-enden rohani. Emaka ula lagu perkolong-kolong ngenca siapal.
Lagu gereja pe arus nggeluh ibas pusuhta. Seh maka talu kuasa kegelapen ibas kuasa
Tuhan. Tuhansimasu-masu kita.