GBKP RG.

LIMAU MUNGKUR SINEMBAH

KLASIS MEDAN KUTA JURUNG

Thema:
“KATA E ENGGO JADI MANUSIA” (Bdk. JOHANES 1:1-14)

Sub Thema:
Ketubuhen Tuhan Yesus ku Doni Enda Mereken
Jaminen maka Arah Gegeh Kata Dibata Mpengasup Kita Ngalaken
Erbage-bage Kebiaren/Krisis .

Ielai : Pdt. Ngatur Br Tarigan M. Div

1
I. MPESIKAP PERDALANEN KEBAKTIN
(Ngaturken sinagani lilin, sinehken kata sambuten, ngaturken acara tambahen adi lit)

1. KATA PENARUH :
Mejuah-juah, perpulungen Tuhan. Ibas tahun enda banci kita mperingeti
ketubuhen Tuhanta Jesus Kristus alu perdepak ayo. Meriah ukurta ras malem ateta
sabab Dibata mpersadaken kita kerina pulung lako mperingeti ketubuhen Yesus, Juru
Selamatta. Arah perayan Natal enda ngingetken kita kerna gegeh kata Dibata, kata e
enggo jadi manusia, arah ketubuhen Yesus. Ibas berngi sigelap, i karang asuh-
asuhen Bethlehen keluarga Yusuf ermeriah ukur ngaloken ketubuh Raja Penampat.
Keriahen e pe ser-ser ku belang-belang doni enda. Ralep-aleplah o tendingku,
meriah ukurta ngalo-ngalo kerehen Tuhan. Suraklah meriah penampatta situhu-tuhu
enggo lit itengah-tengahta. Alo-alolah IA, mungkuk kita nembah IA. Sipesalang
pusuhta, siagui pusuh sibatu-batun, siagui pusuh sier-ate ceda, berelah gelah
bengket Raja e. Ninatah Reh lah Kam Imanuel.

-------------Rende KEE 409:1 (2x)-----------

Rehlah Kam o Immanuel mulahi kami Israel
Sitertaban labuh ras ndele nimai Anak Dibata e.
Reff: Ersuraklah, meriahlah Reh me Tuhan Immanuel.

2. KATA PENDILO : (dialog sekalak Dilaki-Diberu I altar)

Dilaki : Angkatlah pintu gerbang sinuria Maka bengket Raja mulia.
Diberu : Ise kin Raja mulia e ?
Dilaki : E me Tuhan si mbisa
Duana : Ia me Raja si mbelin e. Mari sialo-alo Raja e.

----------- BARISEN PROSESI ERDALAN ------

(Lonceng & Perpulungen tedis)

3. RENDE KEE NO. 409:1-2

Rehlah Kam o Immanuel mulahi kami Israel
Sitertaban labuh ras ndele nimai Anak Dibata e.
Reff: Ersuraklah, meriahlah
Reh me Tuhan Immanuel
Kam Anak Dibata, pulahi kami kerina
Bas iketen kuasa dosa, sinaban kami kerina.
Reff: Ersuraklah, meriahlah
Reh me Tuhan Immanuel.

2
II. KEBAKTIN

1. VOTUM – SALAM – INVOCATIO

L : Kebaktin NATAL enda, ibenaken ibas gelar Dibata Bapa sierkeleng ate man
doni enda, Ibas gelar AnakNa Jesus Kristus, si mpeteruk baNa jadi seri ras
manusia, ras ibas gelar Kesah Sibadia, simereken keriahen si tuhu – tuhu seh
rasa lalap.

Perkuah ate ras dame ibas Dibata Bapa, ras ibas Tuhan Jesus Kristus nari, ibas
kerembaken Kesah Sibadia ras (kita) kam kerina gelah. Gloria
Perp. : 6 . 5 . 1 . 7 . 4 . 3 1 2 . 1 . . .
Glo ria Glo ria Glo..............................ria

L : “E maka ipupusna me anakna sintua dilaki, ibalutina alu ampan janah

ipepedemna ibas pelangkah sebab lanai lit ingan ibas rumah penginapen” (
Lukas 2:7).

2. RENDE: KEE NO. 123 :1,3 “ KETUAHEN ME “

1. Ketuahen me, riah ukur me
Ketubuhen ni Yesus e
Sangap me jelma, Reh me Tuhanta
Mari surak, aleplah : Haleluya
3. Ketuahen me, riah ukur me
Ketubuhen ni Yesus e
Yesus Penawarta, tubuh man gunanta,
Mari surak, aleplah : Haleluya

3. KOOR/VG ( PERP KUNDUL )

4. BERITA KERNA KETUBUHEN TUHAN JESUS KRISTUS (TITUS 2:11 – 14)

L : Sabap enggo ipetangkas Dibata lias ateNa guna keselamaten
kerina manusia.
Mamre : Lias ateNa e ngajari kita nadingken kegeluhen si la ngena Dibata ras
sura-sura doni, gelah nggeluh kita ngkuasai dirinta, bujur dingen si
sembah Dibata alu kegeluhenta i doni enda.
Moria : Genduari kita paksa nimai Wari kemalemen ate si iarapken kita e me
kerehen sinalsal Dibatanta si Mbelin ras si Engkelini kita Jesus Kristus.
Permata : Enggo iendeskenNa diriNa guna kita, lako nebusi kita i bas kerina si
jahat nari, jenari ibahanNa kita jadi sikerajangenNa, jadi bangsa si
bersih, si mesikel erbahan mehuli.”

5. RENDE: “ENGGO NUSUR KU DONI”

3
 Enggo nusur ku doni anak ni Dibata.
Kemulian i Surga nggo itadingkenNa
Tapi manusia la nggit ngalokenca
Sikapken min manusia ingan bas pusuhndu
Reff : Ota sisembah, ngataken bujur
Perban mbelin kekelengen Tuhan 2X
si m’re Immanuel

6. KOOR

7. PADAN DIBATA MAN KALAK SINGALOKEN YESUS.

L : Kalak si tek man baNa dingen ngaloken IA, ibereNa hak jadi anak-anak Dibata.
Kalak si megiken kataNa dingen tek man Dibata si nuruh IA, ialokenna kap
kegeluhen situhu-tuhu si la erkeri-kerin. IA lanai iukum tapi enggo pulah ibas
kematen nari janah ndatken kegeluhen. ( Bdk Yoh 1: 12 ; 5:24 ).

8. Rende KEE NO 193 : 1 – 3

Bas sinasa tinepaNa, tetap k’rina rende t’rus
Nde-enden pujin badia, muji gelar Penebus
Glo……ria, muliaken Tuhan….)2x
Bas ingan si meganjangna, bala Tuhan i surga
Rende m’riah ia k’rina, man Tuhan Penebusta
Glo…ria, muliaken Tuhan….)2x
K’rina ginemgem Dibata, pehaga si tubuh e
Surga doni rende ia, k’rina alokenNa pe
Glo….ria, muliaken Tuhan….)2x

9. KERIAHAN JELMA SINGALOKEN YESUS (LITURGI RAGAM BAHASA)

10. NAGANI LILIN NATAL. PERPULUNGEN TEDIS.

L : “Kam erbahan berngi si Badia erndihar alu kemulian Jesus Kristus, Terang
geluh kami, pengidah si terang ras si mbaru erkiteken kemulianNdu.”

Ibas kita nagani lilin rende kita KEE No 135

1. Berngi e, nggo kepe Yesus reh ku doni e
Nusurlah ngangkut dosanta me kin
Jadi kap musil lah sangap pagin
Asa sitek Tuhan e, Asa sitek Tuhan e
2. Anak e, bujur pe Si ngena me aku e
KiniulinNdu tadingken Kam kap
Bengket ku doni lah t’rang si gelap
Aku darameNdu e, Aku darameNdu e.
4
 3. Berngi e, nggo kepe Tuhan reh ku doni e.
Padan Dibata teridah tetap,
KinikelengenNa banta me kap.
Tuhan sipuji gelah, Tuhan sipuji gelah

11. NEHKEN KATA DIBATA. ( PERP KUNDUL )

a. Ngoge Kata Dibata : Jesaya 9:1-6
L : Ketuahen kalak si megiken Kata Dibata dingen simakekenca ibas geluhna,
Haleluya
P : Haleluya…haleluya…. Haleluya..

b. Khotbah Johanes 1:1-14

12. PENGAKUN KINITEKEN (PERP. TEDIS)

13. KOOR

14. NEHKEN PERSEMBAHEN PENGATAKEN BUJUR

L : Ietehndu kuga liasNa Tuhanta Yesus Kristus, maka aminna bayak gia la, tapi
guna keniulinndu, ipemusilNa baNa gelah arah kemusilenNa e jadi bayak kam
(2 Korinti 8 : 9)

Rende KEE N0 494:1-

1. Rende malaikat surge, enggo tubuh Tuhanta.
Dame surge babaNa, IbrekenNa man banta
Krina bangsa pujilah, rende surak m’riahlah
Ras malaikat mbarkenlah Yesus reh ku Bethlehem
Rende malaikat surge enggo tubuh Tuhanta
2. surga muji gelarNa Tuhan si rasa lalap,
Nehenlah reh Tuhanta tubuh Raja Mulia
Nusur ku doni enda tubuh idur Maria
Tuhan Jadi Manusia rembak kita ras Ia
Rende Malekat surge enggo tubuh Tuhanta
3. Ibas keleng ateNa kita imuliakenNa,
Arah ketubuhenNa g’luh simbaru b’rekenNa
T’rang kegeluhen babana kita jadi anakNa,
Malem ate bas IA enggo tubuh Rajanta
Rende Malekat sutga enggo tubuh Tuhanta.

15. PERTOTON KERNA PERSEMBAHEN RAS SYAFAAT

16. KOOR/PUJIAN
5
17. TEKAD RAS PENGUTUSEN (PERP. TEDIS)
L : Enggo tangkas man banta kerna gegeh kata Dibata, kata e enggo jadi
manusia.
P : Malem ateku, kujadiken pe Kata Dibata e jadi gegehku ngalaken kerina
kecibal geluhku, terlebih-lebih ngalaken krisis silit ibas paksa enda.
L : Enggo tangkas pe man banta keleng ate Dibata man manusia. Dibata
simeganjang, mulia enggo jadi manusia ibas Jesus Kristus.
Perp : Malem ateku Tuhan, kuusih kam nggit aku nadingken kedagingenku, egoku
guna tole engkelengi Tuhan ras temanku manusia.
L : Enggo tangkas man banta, Kata e enggo ibas doni enda, IA reh ndahi
negriNa jine, tapi la itandai doni enda. Uga nge kita?
Perp : Aminna pe langa kuh penandai kami kerna Kam, o Tuhan, tetap ipebagesi
kami penandai kami kerna kam. Gemerlap doni enda lanai ngambati kami
ibas ngikutken kam.
L+P : Sampati kami o Tuhan, gelah tetap ukur kami nggeluh ibas kataNdu, kata
sienggo jadi Manusia.

18. RENDE: KEE NO 178

Pujilah min 2x, Dibatanta 2x, si ni datas
Dame ni surga nusur ku doni ngena ate man manusia
Pujilah min Dibatanta 2x, dame ni surga nusur ku doni 2x
Ngena ate 2x, man manusia, ngena ate, man manusia 2x
Pujilah min 2x, Dibatanta 2x, si ni datas
Dame ni surga nusur ku doni ngena ate man manusia
A.........min, A.........min, A..........min.

19. PERTOTON TUHAN

20. PEMASU – MASUN

L : DIBATA BAPA RAS TUHAN YESUS KRISTUS MEREKEN KEMALEMEN
ATE, KEKELENGEN RAS KINITEKEN MAN BANDU GELAH. LIAS ATE
DIBATA REMBAK RAS KERINA KALAK SI ERKELENG ATE MAN TUHANTA
YESUS KRISTUS ALU KELENG ATE SI LA ERKERI-KERIN, AMIN.
P : Amin,….amin,….amin..

III. VARIA NATAL

1. Kata sambutan
- Panitia natal
- Kategorial
- Mewakili perpulungen
- BPMR
2. Hiburen
6
25-26 Desember 2022

&

01 Januari 2023