Liturgi Natal PJJ Sektor TESALONIKA

GBKP Rg. Simpang Glugur

Klasis Medan Kampung Lalang
Sabtu, 09 Desember 2023
Tema : Beritakenlah! Jesus Enggo Tubuh (Band. Lukas 2:18)
Sub Tema : Ketubuhen Jesus Mpengasup kerina anggota jabu jadi saksi Kristus ras
erguna man doni enda.

- Ngaturken kerina si ertugas (simaba lilin, sinaruhken pengkotbah, Pengkotbah, Kolektan,

Pendoa Sapaat).
- Iaturken gelah simaba lilin eme sekalak anak KAKR.

A. PERSIKAPEN
1. Kata Penaruh
Mejuah-juah man banta krina, Selamat Natal….
Kekelengen ni Tuhan, meriah ukurta seh ibas paksa enda kita bengket ku bas perayan peringeten
ketubuhen Tuhanta Jesus Kristus ku doni enda. Ketubuhen Jesus Kristus eme kap tanda keleng
ate Dibata Bapa man manusia, si mabai kita ras isi jabunta reh ngasupna naksiken kiniulin-Na
ras erguna man doni enda. Ibas lias ate Dibata, kerina anggota jabu ergiah-giah guna ikut jadi
pelaku aktif pelayanen, baik ibas gereja ras masyarakat. Mari dage sipesikap pusuhta guna
bengket kubas kebaktin peringeten ketubuhen Tuhanta Jesus Kristus, ras kita Ertoto…
2. Rende : KEE 136:1,3 (Perp. Tedis) (Serayan Kebaktin bengket ku mimbar)
Kam k’rina si tek mari surak janah puji
Pedas min kerina ku Betlehem
Nehenlah anak tubuh man tuahta
Mari kita nembah, mari kita nembah, mari kita nembah man Raja
Kam k’rina malekat pujilah man Tuhan
Ersurak, ersurak man baNalah
Puji Dibata, i surga, i doni
Mari kita nembah, mari kita nembah, mari kita nembah man Raja

B. KEBAKTIN
1. Votum ras Salam
L Kebaktin natal PJJ Sektor Tesalonika enda ibenaken Ibas gelar Dibata Bapa, Si
njadiken doni ras isina kerina. Ibas gelar Jesus Kristus si ngerembakken manusia ras
Dibata Bapa. Ibas gelar Kesah Si Badia si mpegasup isi jabu tetap erkemalangen dingen
ngelai Dibata.
Perkuah ate Tuhan Jesus Kristus, kekelengen Dibata Bapa ras kerembaken Kesah si
Badia ras kam kerina gelah. Amin.
P Amin…Amin…Amin…
2. Invocatio
“Kai pe siibahanndu, dahikenlah e alu tutus, tempa-tempa kam erdahin guna Tuhan, labo guna
manusia” (Kolose 3:23)
3. Rende : KEE 123:1-3
Ketuahen me, riah ukur me, ketubuhen ni Jesus e.
Sangap me jelma, reh me Tuhanta
Mari surak, aleplah: Haleluya!
Ketuahen me, riah ukur me, ktubuhen ni Jesus e
Malem me ateta, ‘rdame ras Dibata
Mari surak, aleplah: Haleluya!
Ketuahen me, riah ukur me, ktubuhen ni Jesus e
Jesus penawarta, tubuh man gunanta
Mari surak, aleplah: Haleluya!
4. Liturgi Anak Kecil ( Perp. Kundul )
- Aku Terang diciptakan Tuhan pada hari pertama ( …………….. )
- Aku Cakrawala diciptakan Tuhan pada hari ke dua
- Aku Aku Tumbuh – tumbuhan diciptakan Tuhan pada hari ke tiga
- Aku Matahari, Bulan dan Bintang diciptakan Tuhan pada hari ke empat
- Pada hari ke lima Allah menciptakan Binatang laut dan burung
- Pada hari ke enam Allah menciptakan Manusia
- Pada hari ke tujuh Allah beristirahat dan bobok

5. Liturgi Anak Tanggung ras Remaja

- Kej 3 : 1 - 2
- Kej 3 : 3 – 4
- Kej 3 : 5 – 6
- Kej 3 : 8 - 9
- Kej 3 : 10 - 11
- Kej 3 : 12 - 13
- Kej 3 : 14 & 16
- Keja 3 : 17 & 19
- Kej 3 : 23 - 24

6. Kinata Kegeluhen Manusia

L : Ketubuhen Tuhanta Jesus Kristus eme tanda keleng ate Dibata Bapa man banta
manusia.
 Bapa : O Tuhan, alemilah kami. Megati kami la ngasup ngidah keleng ateNdu ibas geluh
kami. Selaku Bapa, enggo riahen akap kami i kede kopi, asangken ras anak jabu
kami.
L : La ateNa kita talu ibahan kuasa dosa, emaka arah AnakNa Jesus Kristus kita
irembakken mulihi ras Dibata Bapa.
Nande : O Tuhan, alemilah kami. Megati kami la ngerembakken diri kami ras Kam. Selaku
nande, kami la jadi ingan tertande man isi jabu kami.
L : Mbue gia kekurangenta, la gia kita serta, rusur denga gia la siinget guna tetap
erkemalangen man Dibata, tapi pasu-pasuNa lalap la erleka.
Anak : O Tuhan, alemilah kami. Megati kami la erkemalangen man baNdu. Selaku anak,
megati kami la ngergaken orang tua, begepe la ikut muat bagin ibas dahin-dahin
gerejaNdu.
L : Jeralah, janah tetaplah kam ras seisi jabundu ngelai Tuhan, cidahkenlah
perbahanenndu selaku dalan pasu-pasuNa nandangi isi jabu bagepe sekelewetndu,
sabab nina Dibata: “Ibas wari enda nggo reh keselamaten man isi jabu enda. Kam pe
kesusuren Abraham kap.” (bdk. Lukas 19:9)
7. Rende KEE 115:1-3 Keriahen Si Mbelina
Keriahen simbelinna si kuberitaken e
Enggo tubuh sipermakan eme Tuhan Jesus e.
Reff: Pujilah min Dibatanta, ras dame, dame, dame man banta.
Dibatanta si erkuah ate, man kita jelma e.
Ibas berngi enda terang, Bintang si mehelhel e
T’rangna seh ku perukuren, si lanai erlayas pe.
Reff……
Tuhan Jesus persadanta, em isuruh Bapa e
Sinasapken k’rina dosa ibas golgota kepe.
Reff……
8. VG Mamre
9. Liturgi Moria
- Yesaya 7 : 14
- Yesaya 35 : 1 – 2
- Yesaya 35 : 3 – 4
- Yesaya 35 : 5 – 6
- Yesaya 35 : 10

10. VG. KAKR

11. Liturgi Mamre
- Masmur 2 : 7
- Yesaya 11 : 1 – 2
- Matius 2 : 23
- Matius 1 : 22 – 23
- Johanes 3 : 16 – 17
12. VG Moria
13. Liturgi Permata
- Lukas 1 : 26 – 29
- Lukas 1 : 30 – 31
- Lukas 1 : 34 – 35
- Lukas 2 : 1 – 2
- Lukas 2 : 4 – 7
- Lukas 2 : 10 – 12
14. Pujin man Dibata si enggo mereken Jesus Kristus tubuh gunanta.
L: Sebab bage pengkelengi Dibata doni enda, emaka iberekenna anakNa si tonggal, gelah ola
bene ise pe si tek man baNa, tapi gelah dat kegeluhen si tuhu-tuhu si la erkeri-kerin.
P: Glo….ria, muliaken Tuhan 2x (Iendeken bagin lagu kee 193)
L: O Tuhan rende kami man baNdu, sabab lalap mehuli perbahanenNdu.
P: Glo..ria, muliaken Tuhan 2x (Iendeken bagin lagu kee 193)

15. Rende KEE No 193:1-3 “Bas Si Nasa TinepaNa”

1. Bas sinasa tinepaNa tetap krina rende trus
Nde enden pujin badia muji gelar penebus
Glo…….ria muliaken Tuhan (2x)
2. Bas Ingan si meganjangna Bala Tuhan i surga
Rende mriah ia krina man Tuhan penebusta
Glo…..ria muliaken Tuhan (2x)
3. Krina ginemgem Dibata pehaga situbuh e
surga doni rende ia krina alokenna pe
Glo…..ria muliaken Tuhan.
16. Tarian Seribu Lilin
17. Nagani lilin Natal (Sinagani lilin iaturken Panitia) (Perp. Tedis)
L Terang kemuliaan Tuhan enggo reh ersinalsal ibaboNdu. Alokenlah alu ersurak, janah
ersinalsallah man sekelewetndu, gelah arah terangndu kerina bangsa ngidah janah muji
ersembah ibas perbahanen Dibata man bandu.
Rende KEE 135 : 1-3 ”Berngi e, nggo kepe”
Berngi e, nggo kepe, Jesus reh ku doni e.
Nusurlah ngangkut dosanta me kin. Jadi kap musillah sangap pagin.
Asa sitek Tuhan e, asa si tek Tuhan e.
Anak e, bujur pe. Singena me aku pe
Kiniulin-Ndu tadingken Kam kap.
Bengket ku doni lah t’rang si gelap
Aku daramen-Ndu e, aku daramen-Ndu e
Berngi e, nggo kepe, Tuhan reh ku doni e
 Padan Dibata teridah tetap. Kinikelengen-Na banta me kap
Tuhan si puji gelah, Tuhan sipuji gelah.
18. Nehken Kata Dibata (Perp.Kundul)
a. Pengogen kata Dibata bagin si pemena:
Lukas 2:41-52 (Iogeken 3 kalak: sekalak Nande, sekalak Bapa, ras sekalak Anak)

L Ketuahen kalak sindengkehken kata Dibata dingen si makenkensa ibas

kegeluhenna si tep-tep wari. Gloria..
P Gloria…Gloria…Gloria…
b. Kotbah

19. Pengakun Kiniteken (Perp. Tedis)

20. Persembahen : 100% Guna pensiunen GBKP (Perp. Kundul)

L Mari sipesikap dirinta guna mereken persembahen ku Dibata. Kata Dibata si jadi palas
ibas kita nehken persembahen pengataken bujur man baNa arah Masmur 37:5
”Endesken dirindu man Tuhan, ernalemlah man baNa, tentu isampatiNa Kam.”
Rende KEE 420 :1-3“Asa gegeh ras Kengasupen”
1. Asa gegeh ras kengasupen,
Kami nehken persembahen.
Endesken kami baNdu Tuhan,
Alu dem keriahen.
Reff. Ajari kami ngergaken,
talenta ras kiniliten.
Arah ukur ras perbahanen,
Tuhan ipermuliaken
2. Mbue tuhu kami aloken,
Pasu-pasuNdu O Tuhan.
kelengNdu i gejapken kami
Kam kap si negu kami.
Reff. Ajari kami ngergaken,
talenta ras kiniliten.
Arah ukur ras perbahanen,
Tuhan ipermuliaken
3. Arak-arak tetap o Tuhan,
Kegeluhen anakNdu e.
Gelah ngasup tetap Tuhan,
Makeken si tading e.
Reff. Ajari kami ngergaken,
talenta ras kiniliten.
Arah ukur ras perbahanen,
Tuhan ipermuliaken

21. Pertoton persembahen ras Sapaat

- Persembahen
 - Panitia Natal PJJ, Pengepkep PJJ, Pengurus PJJ, Pegurus Kategorial PJJ, Panitia
Natal Runggun, Klasis, Moderamen GBKP.
- Tahun 2024 erteremna perpulungen simuat bagin ibas Berkarya ras Erguna man doni
enda.
- kerina Pensiunen GBKP
- Si turah ibas perpulungen

22. Tekad segelah tetap Ngelai Dibata (Perp. Tedis)

L Kekelengen Tuhan labo pernah erleka ras kita. Pasu-pasuNa tetap kel maler man
banta tep-tep wari.
Bapa Erpadan aku Tuhan, selaku bapa i tengah jabu nggit aku jadi usihen guna mabai isi
jabuku erkemalangen man baNdu. Lanai aku man iah-iahen ibas ndahiken dahin
Tuhan. kupakeken waktuku mperdiateken keluargaku bagepe erguna man doni
enda.
L IaturkenNa kerina si mehuli man banta anak-anakNa, segelah malem ateta ngelai
Ia.
Nande Erpadan aku Tuhan, selaku nande i tengah jabu, nggit aku ngelai meritaken
kiniulin-Ndu ibas jabungku bagepe man doni enda. Nggit aku jadi nande ingan
tertande man isi jabungku.
L O Kam anak-anak, kam me pasu-pasu Tuhan si mbelinna nandangi orangtuandu,
iajarina segelah kam nggit meritaken kiniulin Tuhan mulai kitik-kitik nari. Janah
mbelin pengarapen orangtua segelah kegeluhenndu nuduhken si mehuli man isi
jabu bagepe sekelewetndu.
Anak Erpadan aku Tuhan, nggit aku jadi alatNdu alu encidahken perbahanen si mehuli,
ngergaken orang tua ras ikut meritaaken keleng ate-Ndu rikutken talenta siibereken
Tuhan man bangku.
L Sangap kel jabu si nggit meritaken kiniulin Tuhan ras erguna man doni enda. Amin.
23. Rende : KEE 414:1-3 “Ndiko Ulina Padan Tuhan E”
Ndiko ulina padan Tuhan e, nandangi krina isi jabu pe
sangap kal jabu simalang baNdu, si nggeluh ngikutken perentahNdu
Reff: Kam Dibata si Ngkelengi tetap, pasu-pasuNdu simpar me tetap
Ndiko Ulina padan Tuhan e, nandangi krina isi jabu pe
sialoken ulih kelatihenta, mehuli me sikerajangenta.
Reff: Kam Dibata si Ngkelengi tetap, pasu-pasuNdu simpar me tetap.
Ndiko Tuhan mbelin kelengNdu e, nandangi krina isi jabu pe
Bapa, Nande, Anak tengah jabu, sendalanen bas jabu sempabu
Reff: Kam Dibata si Ngkelengi tetap, pasu-pasuNdu simpar me tetap.
24. Pertoton Tuhan
25. Pemasu-masun :
 L Kekelengen ni Tuhan, bengketlah kubas kegeluhenndu si tep-tep wari, Tuhan
mpengasup kam guna meritaken kiniulinNa ras erguna man doni enda. Guna jadi
gegehndu, alokenlah pasu-pasu idur Dibata nari :
“Dibata sumbul pengarapen, Ialah sindemi kita (kam) alu keriahen ras
kemalemen ate, erpalasken kinitekenta (ndu) man baNa, gelah erkiteken gegeh
Kesah Sibadia reh tambahna pengarapenta (ndu) man baNa, genduari nari, seh
rasa lalap. Amin”
P Amin.... Amin.... Amin...

I. Varia Natal