PERAYAAN NATAL PERMATA

GBKP Rg BERDIKARI
KLASIS MEDAN KAMPUNG LALANG
JUMAT, 22 DESEMBER 2023

Thema : TAMPIL (EKSIS) (Kejadian 41:38)

Sub Thema : Ketubuhen Jesus Mpengasup Permata Ncibalken Dirina Teridah
Ernanam Ku Sekelewetna
 PERAYAAN NATAL PERMATA GBKP RUNGGUN BERDIKARI
KLASIS MEDAN KAMPUNG LALANG
JUMAT, 22 DESEMBER 2023

I. PERSIKAPEN
1) Kata pengalo-ngalo Ibabai MC
2) Ertoto
3) Rende : Rende : KEE 239:1,3
1) Si endekenlah ‘nde-‘nden si meriah
Man Tuhannta si ‘nggo tubuh bas pelangkah
Sabab patut nge k’rina kita nembah
Ban babaNa terang ngaruh ras petuah.
Reff:
Dage mari kita kerina ‘Lah si puji gelar Dibata
Ula na iukur erbera, Tuhan Yesus me kap Rajanta.
3) Gelgel nari suratken nabi-nabi
Reh me s’kalak si nampati ku pertibi
Em pemere idur Dibata nari
Enggo tubuh i Betlehem tengah berngi (Reff).

4) Kata Penaruh
Ibas wari si sendah si peringeti wari ketubuhen Yesus Kristus. Mulihi kita i
persingeti kerna belinna keleng ate Tuhan man banta, bagepe kerna karya Tuhan si
luar biasa ibas kegeluhenta. Doni si dem alu kegelapen ras dosa, nggo i terangi alu
cahaya terang Kristus si maba kedamen ras pengharapen man banta kerina. Ibas wari
si Badia enda mari kita ngataken bujur man Dibata alu ersurak muji ras nembah
gelarNa, si mereken pengharapen man banta manusia.

5) Prosesi (Perp. Tedis)

Barisan Prosesi (Pendeta, Liturgis, Pt/Dk, BP Panitia, Pengurus Runggun,
Penggurus Klasis, perwakilan tamu) masuk ku bas ruang ibadah.
Rende KEE 193:1-3 “ ‘Bas Sinasa TinepaNa”
1) ‘Bas sinasa tinepaNA,
Tetap k’rina rende t’rus
‘nde-enden pujin Badia
Muji gelar Penebus
Refr :
Glo.....ria
Muliaken Tuhan!
Glo.....ria
Muliaken Tuhan!
2) ‘Bas ingan si meganjangna
Bala Tuhan i surge
Rende m’riah ia k’rina
Man Tuhan Penebusta Refr :
3) K’rina ginemgem Dibata
 Pehaga si tubuh e
Surga doni rende ia
K’rina alokenNa pe Refr :
6) VG/Koor Serunggun Berdikari “ Natal Kasih Kasih Terindah”

II. KEBAKTIN
1. Votum : Kebaktin Natal enda ibenaken ibas gelar dibata Bapa, sierkeleng ate man
doni enda, ibas gelar AnakNa Yesus Kristus, si mpeteruk baNa jadi seri
ras manusia, ras ibas gelar kesah si Badia, simereken keriahen si tuhu-
tuhu seh rasa lalap.
2. Salam : Perkuah ate ras dame ibas dibata Bapa, ras ibas Tuhan Yesus Kristus nari,
ibas kerembaken Kesah si Badia ras kita (kam) kerina gelah. Gloria
Perp. : Gloria.. Glo..ria.. Glo.......
3. Introitus : O Tuhan, Kam kap pengarapen, kalak si nadingken Kam mela kap
iakapna. Lesep me ia, desken gelar si isuratken Ibas taneh, sabab
itadingkenna Kam Tuhan, sumbul si nggeluh. (Jeremia 17:13)

Rende : KEE 114: 1,3 “Sendah Jumpa Kita Wari Raya e”

1) Sendah jumpa kita wari raya e
Peringeten tubuh Tuhan Yesus e
Nusur ndahi kita manusia e
keriahen kap e
ermululia me Tuhanta
e si puji me GelarNa
Perdamen I b’re Dibata
Tuhan Yesus kap e
3) Sembah kami man baNdu si tubuh e
Kam si maba dame ku pertibi e
Bengket min ku tendi ukur kami e
Damendu o, Yesus
Ermulia me Tuhanta
E sipuji me GelarNa
Perdamen I b’re Dibata
Tuhan Yesus kap e
4. VG/Koor : Berdikari “ Tuhan Ulu Pengarapen”
5. Berita Kerna Natal
L : Marilah sibegiken berita kerna ketubuhen Tuhanta Yesus Kristus bagi si tersurat
ibas Pustaka si Badia. “Janah kam si ersura-sura iperembakken ras Dibata arah
ndalanken undang-undang, isirangkenndu kap dirindu ibas Kristus nari. Kam
enggo sirang I bas lias ate Dibata nari. Adi kami, iarapken kami maka Dibata
ngerembakken kami ras DiriNa. Enda me si timai kami alu dem pengarapen , alu
 kuasa Kesah Dibata si erdahin arah kiniteken kami. Sabab adi ersada kita ras
Kristus Jesus, lanai bo jadi soal ersunat ntah la ersunat. Si pentingna kal e me
erkiniteken man Jesus Kristus janah kiniteken e teridah arah ketubuhen Jesus si
mpengasup Permata ncibalken dirina teridah ernanam Ku Sekelewetna
6. VG/Koor Perp. KPG “Turah La Erbuah”

Rende : “PEE 27: 1,2,4 “Si Endekenlah ‘Nde-‘Nden Si Meriah”

1) Si endeken ‘nde-‘nden si meriah
Man Tuhannta si ‘nggo tubuh bas pelangkah,
Sabab patut nge k’rina kita nembah
Ban babaNa terang ngaruh ras petuah
Refr :
Dage mari kita kerina, ‘lah si puji gelar Dibata,
Ula nai ukur erbera, Tuhan Yesus Kap Rajanta
2) Tuhan Yesus metunggung Dat pujin
Perban Ia si ngajari kita kin
Kek’lengenNa la erkeri-kerin
Adi pakelah pedahNa she pagin Refr :
4) Tuhan Yesus kuinget min Kam rusur
‘Lah babaiNdu pergeluhku ku si bujur
‘Di bage kiniteken la erkususur
Enggo paguh gia lit rusur si ngugur

7. Responsoria : Kata Dibata Kerna Ngeluh Erpengarapen (Roma 12:8-12)

L : Adi man banta ibereken Dibata kengasupen petetap ukur kalak, silakokenlah e.
kalak si Ngasup mere man kalak sideban arus iberekenna e alu ukur
menahang; kalak si lit Kengasupenna jadi peminpin, arus ia tutus erdahin;
kalak si ngasup encidahken perkuah ate man kalak si deban, arus ibahanna e
alu ukur meriah.
P : Keleng ate ola min alu pekulah-kulah. Cigalah atendu si jahatjanah persadalah
dirindu ras si mehuli
L : Sikeleng-kelengenlah kam bagi si ersenina . Silebe-lebenlah kam i bas mpehaga
teman
P : Ola kam mekisat, tapi tutuslah erdahin. Ergiah-giahlah ukurndu ibas ndahiken
dahin Tuhan
L : Meriahlah atendu I bas kam erpengarapen, megenggenglah kam I bas
kiniseranndu, janah ertotolah kam man Dibata la erngadi-ngadi.

8. VG/Koor Durian Lingga “Man Bandu Geluhku”

9. Nagani Lilin (Perp.Tedis)

L : Sebagai tanda Komitmenta, mari sisagani lilin sebagai tanda komitmenta tetap
nggeluh ibas pengarapen man Dibata.

Rende KEE 135 : 1-3

1) Berngi e, nggo kepe, Yesus reh ku doni e.
Nusur lah ngangkut dosanta me kin
jadi kap musil sangap pagin
 Asa si tek Tuhan e, asa si tek Tuhan e

2) Anak e, bujur pe, Si ngena me aku e

kiniulinNdu tadingken kam kap
bengket ku doni lah t’rang si gelap
aku daramenNdu e, aku daramenNdu e

3) Berngi e, nggo kepe, Tuhan reh ku doni e

Padan Dibata teridah tetap
kinikelengenNa banta me kap
Tuhan si puji gelah, Tuhan si puji gelah

10. Khotbah (Perp. Kundul)

11. Pengakun Kiniteken (Perp.Tedis)

12. Persembahen
L : Genduari ibereken kesempaten man banta ersikap guna nehken persembahen
pengataken bujurta man Tuhan. Kerna pengataken bujur sibegiken kata ibas si
Badia nari. “Emaka bengket ia kubas, idahna Anak nadai ras Maria nandeNa.
Jenari erjimpuh ia nembah anak e. Ibuatna erta-erta si ibabana e, jenari
ipersembahkenna eme, emas, kumenen ras mur. (Mat. 2:11)

Rende SEE 233: 1-3

1) Sipepulung me persembahenta
Si endesken dage man Dibata
Tanda m’riah ukur ban pasu-pasuNa
Sisimpar b’re Na man banta
Reff: Asa si ‘nggo isikapke,
Asa si ‘nggo itotoken
Em pengataken bujurta,
Kempa Dibata
2) Tuhu simper pemere Dibata
Man perjuma ras si erbinaga
K’rina si erdahin si ngarap man baNa
ituahi pasu-pasuNa

3) Pengataken bujur man Dibata

Enda mbelin ka tuhu gunana jadiken geluhta,
kula, ras tendinta
Persembahenta si nggeluh

13. VG/Koor Perp. Ujung Baru “Bless The Lord”

14. Ertoto kerna Persembahen & Doa Syafaat

15. Tekad Natal

L : Bagi nina Simon, “ Genduari O Tuhan, Enggo IsehkenNdu PadanNdu. Enggo
malem ateku, aminna mate pe aku. Sebab enggo kuidah alu mataku jine,
penampat si rehna ibas Kam nari.”
 P : Kami pe malem ate kami, lanai bera-bera ukur kami ernalem man Tuhan,
asa umur geluh kami
L : Rasul Paulus pe ngataken “ Aku, enggo kucikep kiniteken e!
P : Engo lanai kami erti kepastin keselamaten ibas Tuhan Jesus, kami pe icikep
kami kini teken e seh ku ujungna.
L : Selamat wari Natal, tetaplah Ukurndu ula mbewet-mbewet. Mejingkatlah
kam rusur ibas ndahiken dahin Tuhan, sebab labo percuma dahin si idahikendu
ibas Tuhan.
P : Meriah ukur kami Tuhan, ibas waktu si lit denga, asa ukur ras gegeh kami
ngasup ncibalken diri kami ras teridah ernanam man sekelewet kami

Rende PEE 69:1-2

“Kek’lengen Yesus Kempak Manusia” (Perpulungen Tedis)
1) Kek’lengen Yesus kempak manusia
Desken Dibata engkelengi Ia
KekelengenNa maler kap man banta
Adi sipakelah pedahNA

Refr : Min sikeleng-kelengen kita krina

Bagi pedahken Yesus bas Pustaka
Sababna kai si pindo bas gelarNa
Ib’re Dibata man banta

2) Ngasamken kesah nggit me kepe Ia

Gelah terkelin kita manusia
Dage dalanken sini pedahkenNa
Kempak temanta ise gia Refr :

16. Pertoton Tuhan

17. Pengutusen Ras Pemasu-masun

L : Mulihlah alu dame ras mejuah-juah, Ketubuhen Jesus Mpengasup Permata
Ncibalken Dirina Teridah Ernanam Ku Sekelewetna. Alokenlah pasu-pasu ibas
Dibata nari : “Enggo isehken Dibata padanNa man bandu, maka malem ateta sebab
enggo tangkas si idahndu alu matandu jine penampat sirehna ibas Dibata nari.
Amin.
P : Amin... Amin... Amin....
(Perp. Kundul)
III. KATA SAMBUTAN
1. Ketua panitia Natal Rg Berdikari
2. Bp runggun Rg Berdikari mewakili
3. Koordinator Permata Rg Berdikari

IV. VARIAN NATAL

SELAMAT HARI NATAL
25 DESEMBER 2017

&

TAHUN BARU
01 JANUARI 2018

TUHAN YESUS MEMBERKATI