LITURGI KEBAKTIN MINGGU

SEPTUAGESIMA, RUNGGUN GBKP

KUPANG
28 Januari 2024, Jam 09.00 Wita
A. PERSIKAPEN
Perpulungen nikapken pusuh ras ukur guna ngadap man Tuhan
Pelayan ibadah ersikap i ruang persikapen
"Ku Nyanyi Haleluya"
Bapa Ku Datang, Menyembah-Mu Disini, Ku Percaya Kau Ada Bagiku
Tak Usah Ku Takut, S’bab Kau Besertaku, Tak Usah Ku Bimbang, Kau Didalamku
Tak Usah Ku Cemas, Kau Penghiburku, Saat Ku Lemah, Kau Kuatku
Kunyanyi Haleluya, Kunyanyi Haleluya
Sungguh Kau Hebat, Ajaib Perkasa Perbuatan-Mu Di Hidupku
B. KEBAKTIN
1. Kata Pengalo-Ngalo Ras Momo
Turang ras senina i bas Tuhanta Jesus Kristus, selaku serayan Tuhan,
ikataken kami mejuah-juah ras selamat wari Minggu man banta kerina. Man
bandu kekelengen kami si sekali enda denga erkebaktin i bas gerejanta
enda, ikataken kami mejuah-juah. Kerehendu nambahi keriahen man banta
kerina. I bas bena kebaktinta mari dage sidengkehken momo kerna
perdalanen perpulungen Tuhan bage pe rencana pelayanen gerejanta ku bas
wari-wari si reh enda. Iogeken kami sijadi perubahen ras penekanen
(Ngogeken Momo).
2. Kata Penaruh
Turang ras senina, Minggu enda igelari Minggu Septuagesima si ertina
pepitupuluhken. Ibas Minggu endaibabai kita guna nginget masa-masa ija
Tuhan Jesus ngalaken percuban rikut erbage-bage kiniseran i bas IA ngelai i
bas doni enda. Siinget uga Jesus icubai iblis i padang gurun, Jesus tetap
menang ibas kerina percuban. Emaka marilah kita muji ras mpebadiaken
Dibata ibas kebaktinnta enda maka kita peipengasupNa naluken kerina
percuban bas kegeluhenta. Mari dage kita ersembah man Dibata i bas
kebaktin enda.
Erkata Lonceng Perp.Tedis

(1)
 Rende: KEE No. 192 : 1, 2 MERIAH KITA RAS KERINA
(Serayan Kebaktin Bengket ku Mimbar)
1. Meriah kita ras k’rina 2. Dage gegehi bantalah,
Sipuji Dibatanta. Muji Tuhan perkuah.
Perban lias ateNa e, Ibas keleng ateNa nge,
IsehkenNa man banta pe. Seh banta keriahen e.
Nggo pulung kita k’rina pe, Gundari subuk ras pagin,
Ibas ingan enda, Ibas ingan enda. Tuhu meriah min, Tuhu meriah min

3. Votum – Salam
L : I bas gelar Dibata Bapa si mada kuasa. I bas gelar AnakNa Jesus Kristus si
naluken kerina kuasa kegelapen, ras i bas gelar Kesah Si Badia si
mereken gegeh guna ngalaken perbeben geluh.Penampat man banta (ndu)
rehna i bas Jahwe nari, sinepa langit ras doni, singkawali perberkat ras
permulihta (ndu) genduari nari seh rasa lalap. Amin
P : A.....min A....min A....min (iendeken)

4. Berita Kerna Perbahanen ras Sura – Sura Dibata (Invocatio)

L : ―Ngaloi Jesus, "Tapi lit tersurat i bas Pustaka Si Badia 'Ola cubai Tuhan
Dibatandu.‖ (Matius 4 :7)
Erpalasken Kata Dibata enda, si puji Dibata alu radu ras kita rende :
KEE No. 217 : 1, 2 MERIAHLAH UKURTA MUJIKENCA
1. Meriahlah ukurta mujikenca
Dibata Raja mbelin si mulia 2. Dagena mari pujilah Dibata
Peb’linken min gelarNa Si Badia Si inget min kerina pemereNa
Ban Ia ngerajaisa sinasana ‘Lah tetap ras megegeh pe tendinta
Mehuli me jadina k’rajang jelma
Reff : Maka bujur nge Dibata man pujin
Nai-nainari genduari seh pagin
Ban tandaiNa kita k’rina si suin
Sembah Ia me madin

(2)
5. Berita Kerna Keleng Ate Tuhan Perp.Kund
L : Jesus enggo naluken kerina percuban guna engkelini manusia i bas kuasa
doni nari. Emaka gelah tetap kita i bas kemenangen Kristus, nina Tuhan
―Kelengilah Tuhan Dibatandu asa ukurndu, asa tendindu, dingen asa
gegehndu lit. Enda me perentah si mbelinna dingen si pentingna. Si
peduaken bali ras si ndai e me, ‗Kelengilah temanndu manusia si bagi
kam ngkelengi dirindu.‘ Kerina Undang-undang agama si ibereken Musa
ras nabi-nabi erpalasken duana perentah enda ndai kap.‖
P : Ipuji kami Kam Tuhan, i bas kinigenggengenNdu ngalaken percuban. Kam
me Dibata si meteruk ukur,
L : Sipuji Dibata erkiteken perbahanenNa alu ngendeken : KEE 177 :1-2
1. Kekelengen ni Dibata, Kekelengen badia.
Nusur kap ku doni enda, Nemani manusia.
Yesus Kam me si perkuah, Bengketi pusuh kami.
AjariNdu kami gelah, Lah gelarNdu terpuji.

2. Usekenlah min KesahNdu, Sanga m‘riah tah susah.

Cidahken kekelengenNdu, Man gelemen kami lah.
Yesus Kam arapen kami, KekelengenNdu tetap.
Maka Kam lah teman kami, Lalap seh rasa lalap.

6. Pengakun Diri Kerna Kinilangasupen Ndalanken Kegeluhen Si Mbaru

L : Nginget keleng ate Dibata simpehaga, sinegu-negu dingen
sinebusi kita, marilah sigargari pusuhta i lebe-lebe Dibata.
.......... Paksa Teneng ..........
L : O Tuhan, kemulianNdu lanai teridah i bas kegeluhen kami.
Biak- biak si mehuli si nggo isuankenNdu bas kami la turah.
Perbahanen kami lanai nuduhken kami anak-anakNdu

P : O Tuhan, ngaku kami kerna kesalahen kami, alemi min

salah kami.
O Tuhan, O Tuhan, alemilah (KEE GBKP No.475,
O Tuhan, O Tuhan, alemilah Iendeken ulih-ulihi)

(3)
L : Kegeluhen kami si dem alu biak-biak si jahat naluken biak-biak si
mehuli si enggo isuratkenNdu bas pusuh kami. Gedap kami i bas
dosa si erbahanca kami mbiar jumpa ras Kam selaku Bapa. Megati
kebiaren ngeliami kegeluhen kami, serko i bas pusuh kami si
erbahanca la terbegi soraNdu si ngelebuh kami mulih kempak
kiniulinNdu.
P : O Tuhan, ngaku kami kerna kesalahen kami, alemi min salah
kami.
O Tuhan, O Tuhan, alemilah (KEE GBKP No.475,
O Tuhan, O Tuhan, alemilah Iendeken ulih-ulihi)
Mamre : O Tuhan ngaku kami kerna kinilangsupen kami jadi suratNdu i bas
gereja, rumah tangga ras masyarakat. Kiniganjangen ukur kami
erbahanca salih rupaNdu si melias i bas kami jadi ayo simerawa.
Megati ipentingken kami kesenangan rikutken doni enda asangken
persadan kami ras Kam. Si e erbahanca papak kami i bas kerina
dahin siilakoken kami. O Tuhan, alemi min kami.
Moria : O Tuhan mbiar kal kami ndalani doni si bagenda beratna.
Segedang wari kuskas kami guna kebutuhen kami si erbahanca
lanai dat kami keriahen ukur. Kesibuken dahin kami erbahanca
lupa kami kerna kewajiban kami ncidahken tempasNdu si lit i bas
kami i bas perbahanen kegeluhen i doni enda. O Tuhan sampati
min kami.
Permata : Selaku anak-anak gereja, kami pe megati la ncidahken kemulian
Tuhan. Usuren kami italuken kiningudan kami si dem alu sura-sura
doni enda. Kiniganjangen ukur kami encedai kiniteruken ukur si
enggo icidahkenNdu man kami, si erbahanca geluh kami lanai
meherga. Tuhan kelengi lah kami.
.......... Paksa Teneng ..........
L : Guna tole nggejapken dosa-dosanta, rende kita i bas :
KEE No. 209 : 1, 2 PERPULUNGEN ERSADALAH
1. Perpulungen ersadalah, Ngikutken PedahNa.
Bas kiniteken tetaplah, Man Tuhan Dibata.
Bas si mehuli ayaklah, Sisampat-sampaten.
Bage kap pedah Dibata,Sikeleng-kelengen.

(4)
 2. Gereja Kristen sikaplah, Ersada paguhlah.
Ersada ukur min i bas, Dibata Bapanta.
Peturah kiniteken pe, Ras dame k’rinalah.
Ras sikeleng-kelengenlah, Ngikutken Tuhanta.
7. Padan Dibata Man Kalak Si Ngakuken Dosana iadepen Dibata
Perp.Tedis
L : Selaku persuruhen Dibata, aku nehken kataNa man banta (ndu) si
ngakuken dosanta (ndu), niNa :
”Marilah kam kerina, mulihlah man bangKu. La ateKu kam nggeluh i
bas dosa. Kam me anak-anak si Ku kelengi. Tedeh kal ateKu kam reh
man bangKu guna ngakuken dosandu, gelah banci Kubersihken
TempasKu si lit i bas kam bagi Aku ndube nepa kam. I bas kam enggo
ngakuken dosandu Kualemi ras Kubereken mulihi kepercayan man
bandu, Kusalihken kebiarenndu jadi keriahen ukur.”Amin.
Erkiteken dosanta (ndu) engga ialemi, mari sipuji Tuhan alu ngendeken :
KEE No.465 : 1, 2 KITA K’RINA ANAK-ANAK TUHAN
1. Kita k’rina anak-anak Tuhan 2. Nggeluh ‘lah kita jadi saksiNa
Ersada arih ibas perpulungen Ersada tetap ibas perpulungen
Pandita pertua ras diaken Ibas nehken kinitekenta pe
Tutus ngelai raduken perpulungen kekelengenNa jadiken persukuten
Cidahkenlah dage kegeluhen Sehkenlah sura-sura Tuhanta
Sentudu kata ras perbahanen Ngelai, ersaksi bas persadan
Dage dalankenlah si isuruh Tuhan
Malem me ateta ibas kegeluhen

8. Nehken Lagu Pujin : ………………………… ............... Perp.Kundul

9. Kata Dibata
a. Ngoge Kata Dibata Bagin Si Pemena : Jesaya 52:13-15 (Responsoria)
L : Ketuahen kalak si megiken Kata Dibata, dingen si makekenca i bas
geluhna si tep – tep wari, Haleluya
P : Haleluya……Haleluya……Haleluya........ (Iendeken)
b. Khotbah (ibenai ras idungi alu pertoton): Matius 12:22-30 (Tunggal)
“ Yesus Ngenanami Percuban ras Kiniseraan”

(5)
10. Lakon Persadaan Si Badia
a. Pengakun Kiniteken .......................................................... Perp.Tedis
Aku tek man Dibata Bapa si la ersibar kuasaNa, si nepa langit ras doni.
Aku tek man Yesus Kristus anakNa si Tonggal Tuhanta, si jadi arah kesah
Si Badia, tubuh idur singuda-nguda nari si so keliamen, tergelar si Maria, si
ngenanami kiniseran sangana pemerintahen Pontius Pilatus nipakuken ku
kayu persilang, mate, jenari i kuburken nusur ku doni kematen, petelu
wariken enggo keke ibas si mate nari, nangkih ku Surga, perkundulNa arah
kemuhen Dibata Bapa si la ersibar kuasaNa, jenari reh me IA pagi
ngeranaken si nggeluh ras si enggo mate.
Aku tek man kesah si Badia janah lit sada Gereja si Badia, persadan kalak si
Badia, pengalemi dosa, kinikeken kula, kegeluhen si rasa lalap.
Amin.
b. Rende : KEE No. 328 : 1, 3 TERUH KAYU SILANGNDU
1. Teruh kayu silangNdu 3. Teruh kayu silangNdu
Ku ’ndesken geluhku LiasNdu kuinget
Lau sumbul keg’luhen I bas dalin geluhku
Maler kap man bangku KelengNdu tersinget
Reff : SilangNdu, silangNdu E kumuliaken
Seh ku surga me pagin Geluhku terkelin

Perp.Kundul
12. Persembahen
L : Sikataken bujur dage man Dibata i bas lias ras perbahanenNa man banta.
Kata Dibata si jadi palas I bas kita nehken persembahen pengataken
bujurta, niNa : ―Endeskenlah kulandu man Dibata saja selaku
persembahen si nggeluh rikutken si ngena ateNa. Sabap bage me arusna
kam ersembah man Dibata sue ras biakndu selaku mahluk si rukur‖
(Roma 12: 1)Tupung sisehken persembahenta, ras kita rende i bas :
KEE No.343 : 1-rst PASU-PASU BAS TUHAN NARI
1. Pasu-pasu bas Tuhan nari, gejapken kami tep-tep wari,
bas paksa-paksa geluh kami. Kam me tetap si ngkawali
pasu-pasu bas Tuhan nari, jadi pergegeh tendi kami
guna ndalani wari-wari. si rehna bas Kam Tuhan nari

(6)
 Reff: Pasu-pasu dage o Tuhan, Persembahen kami anakNdu.
Labo kapen enda metunggung, Persembahen si nggo pepulung,
ajariNdu pe kami gelah min, tetap ngasup mere man Tuhan
2. Buaten lit kami o Bapa, gejapken kami Kam empuna, tanda
ukur kami meriah, endesken kami baNdu Bapa.
Persembahen enda o Bapa, desken bunga ncole merimna,
persembahen ateNdu ngena, bagelah akapNdu o Bapa.
3. Aloken min dage o Tuhan, persembahen kami anakNdu,
labo ban beluh kami Tuhan, lako mere kuadepenNdu.
Pakeken min dage o Tuhan, persembahen kami anakNdu,
guna pebelangken kataNdu, nandangi k’rina tinepaNdu.
Pertoton Persembahen ras Syafaat
13. Perpadanen Man Dibata ......................................................... Perp.Tedis

L : Enda me undang-undang Tuhan : ―Kelengilah Tuhan Dibatandu asa

ukurndu, asa tendindu dingen asa gegehndu lit. Si peduaken bali ras si
ndai e me, ‗Kelengilah temanndu manusia bagi kam ngkelengi dirindu.‖

P : Erpadan aku O Tuhan, kukelengi me Kam, lebihen asangken kai pe

bas doni enda, kukelengi me Kam, arah ngkelengi temanku manusia.

L : Dibata Bapanta ngangkat kita (kam) jadi anakNa, janah enggo

mbersihken kita (kam) alu darehNa, gelah banci kita (kam) meherga i
adep-adepenNa. Uga dage ninta (ndu)?
Mamre : Selaku Iman keluarga ateku ncidahken perbahanen si mehuli alu nehken
kekelengen Dibata ku sekelewet. Em tandana aku enggo itebus.
Moria : Ateku tetap erpengendes man Tuhan rasa lalap, janah kucidahken
kemulian Dibata i bas kerina dampar geluhku.
Permata : Aku erpadan guna mpersembahken kula, ukur ras tendiku jadi
perkakas Dibata si engkelengi aku gelah teridah kemulian Tuhan i bas
kiningudanku.
L+P : Tek kami O Tuhan adi kerina kami tetap emalem man baNdu, la
banci kami kemalun i bas doni enda.

(7)
L : Guna mpeteguhi perpadanenta man Dibata, rende kita arah :
KEE No. 257 : 1, 2 SI BERITAKEN BERITA SI MERIAH
Reff: Siberitaken Berita si Meriah
Kukalak latih sindele tah pe lolah
Bas silapayo kerina banci robah
Adi Dibata simreken serpang luah
1. Enterem denga kalak si kelsehen 2. Enterem jelma mbue erbagena
Perbahan jumpa rusur kebiaren Lit deba rubat rusur sapih ia
Piah la nai bo ‘tehna pe tumburen Sura-surana lalap ib’linkenna
Ndaram-ndarami ingan man tundalen
Kata Dibata ndauh nge kap rassa

14. Pertoton Tuhan

O Bapa kami si ni Surga. GelarNdu ipebadia min; reh min KinirajanNdu;
sehlah min peratenNdu, i bas doni enda bagi ni Surga. Bereken min man
kami nakan cukup i bas wari si sendah enda. Alemi min salah kami bagi
nialemi kami salah kalak kempak kami. Ola min kami ibaba Kam kubas
percuban, tapi olangilah kami idur si ilat nari.
Sabap Kam kap si mada Kinirajan, ras Kuasa, ras Kemulian si ndekah-
ndekahna. Amin.

15. Pengutusen ras Pasu – Pasu Dibata

L : Bengketlah ku bas kegeluhenta (ndu) siteptep wari. Cidahkenlah maka
kita (kam) surat ni Kristus radu ras kemulianNa ku tengah—tengah doni
enda. Guna si e alokenlah pasu-pasu idur Dibata nari :
”KekelengenKu Ia ersibar ngarak-ngarak geluhndu. Kukawali kam,
Kupegegehi ras Kupasu-pasu me kam si ndalanken si ngena ateKu. Aku
njamini ras nikapken, keperlunndu. La kam kekurangen janah aku tetap
ras kam seh ku kedungen jaman.” Amin.

P : A....min A.....min A.....min (Iendeken)

(8)