LITURGI KEBAKTIN

MINGGU VIII KENCA TRINITAS

/
PENDAHIN / ETIKA KERJA
30 Juli 2023 Jam 08.00 Wib Bahasa Karo

A. PERSIKAPEN
Perpulungen nikapken pusuh ras ukur guna ngadap man Tuhan
Pelayan ibadah ersikap i ruang persikapen
...... Musik ......

B. KEBAKTIN
1. Kata Pengalo-Ngalo Ras Momo
Turang ras senina i bas Tuhanta Jesus Kristus, selaku serayan Tuhan,
ikataken kami mejuah-juah ras selamat wari Minggu man banta kerina. Man
bandu kekelengen kami si sekali enda denga erkebaktin i bas gerejanta
enda, ikataken kami mejuah-juah. Kerehendu nambahi keriahen man banta
kerina. I bas bena kebaktinta mari dage sidengkehken momo kerna
perdalanen perpulungen Tuhan bage pe rencana pelayanen gerejanta ku bas
wari-wari si reh enda. Iogeken kami sijadi perubahen ras penekanen saja.
(Ngogeken Momo).

2. Kata Penaruh
Mejuah-juah turang ras senina i bas Gelar Tuhanta Jesus Kritus.
I bas minggu enda sibengketi me minggu si ngingetken kita kerna kuga
arusna kita erdahin selaku tinepa si sentudu ras tempas Dibata. Kejadin
2:15, ningetken kita, maka Dibata nepa kita guna ngusih pendahinNa lako
njagai dingen mpekena-kena doni enda gelah tetap jadi ingan kegeluhen si
sikap man banta, man temanta bage pe man kerina tinepa sideban.
Arah pendahinta me Dibata reh nehken pasu-pasuNa man banta bagepe
nandangi doni enda. Kalak si erdahin alu tutus ngena ate Dibata.
Sibengketi dage kebaktinta alu kehamaten ras ketedehen ate kempak Dibata
si nepa kita lako ndahiken dahin si mehuli.
 Erkata Lonceng Perp.Tedis
(1)
  Rende: KEE No. 421 : 1, 3
SI PUJILAH DIBATA
(Serayan Kebaktin Bengket ku Mimbar)

1. Si pujilah Dibata
Peb’linken gelarNa 3. Pehagalah Dibata
Kataken bujur bas k’rina paksa Senang IA kap si Badia
tah susah kataken bujur Sembah pujiNta man baNa saja
Peganjang IA bas si nasaNa
Reff : Inget Dibata
inget kekelengenNa Geluhta
enda IA sinepasa Inget Dibata
inget kuasaNa
lalit metahat ilebe-lebeNa

3. Votum – Salam
L : I bas gelar Dibata Bapa si ndilo kita erdahin guna ngusahai ras njagai
doni, i bas AnakNa Jesus Kristus si erdahin guna kinulin doni, ras i bas
gelar Kesah Si Badia si mereken kepentaren gelah kita ngasup erdahin
alu mehuli.
Dibata Bapa mereken gegeh ras kepentaren, dingen kemalemen ate man
banta. Amin
P : A.....min A....min A....min (Iendeken)

4. Berita Kerna Perbahanen ras Sura – Sura Dibata (Invocatio)

L : “Kenca bage, itamaken TUHAN Dibata manusia ndai i Peken Eden,
guna ngusahai ras njagaisa.” (Kejadin 2 : 15)

(2)
 Erpalasken Kata Dibata enda, sipuji IA alu radu ras kita ngendeken :
KEE No. 368 : 1, 2 SI PUJI TUHAN DIBATANTA

1. Si puji Tuhan Dibatanta,

Kataken bujur bana Sabab 2. Geluh kami meriah tuhu, k’rina
Ia si merekenca Pasu-pasu si k’rajangenNdu.
man banta. Sabab kalak si nembah baNdu,
Datken pasu-pasuNdu.
Reff : Mbelin ras mulia kekelengan Tuhan
kubas doni enda
Ajari O Tuhan kami k’rina anakndu
naksiken kerina perbahanenNdu.

5. Pujin Nandangi Kiniulin Dahin Dibata...........................Perp.Kundul

L : Pustaka Si Badia nuduhken uga ulina Dibata erdahin guna kiniulin doni
enda.
Mula-mulana, ijadiken Dibata langit ras doni. IaturkenNa doni si lenga
lit tempasna jadi mehuli. Isikapkenna lawit simbelang, awang-awang ras
taneh kerah jadi ingan kegeluhen. IaturkenNa matawari, bulan ras
bintang guna ngiani suari ras berngi, si jadi tanda permulan wari, bulan,
tahun ras musim.
P : Terpujilah Kam Tuhan, sabab mehuli kal ulih pendahinNdu.
L : Itepa Dibata pe erbage-bage sinuan-sinuan bage pe erbage-bage rubia-
rubia ras asuh-asuhen. Jenari, itepa Dibata me manusia si sentudu ras
tempasNa, dilaki ras diberu guna njagai ras mpekena - kena doni enda.
Itatap Dibata kerina tinepaNa, seh kal ulina.
P : Terpujilah Kam Tuhan, sabab mehuli kal ulih pendahinNdu.
L : Emaka idungi Dibata kerina dahinNa janah iserapkenNa sada wari jadi
wari pengadi-ngadin, jenari ipasu-pasuNa kerina.
P : Terpujilah Kam Tuhan, sabab mehuli kal ulih pendahinNdu.

(3)
L : Mari sipenangkih puji-pujinta man Tuhan i bas kerina pendahiNa si
enggo nepa kegeluhen doni alu mehuli, alu ngendeken :
KEE No. 443 : 1, 2
IB’REKENNDU KAPEN UMUR SI NGGEDANG

1. Ib’rekenNdu kapen umur si nggedang

Penampat man bangku labo kap kurang
Tiap-tiap wari b’rekenNdu gegeh
Bas ngaturken jabu b’rekenNdu pemeteh
Reff: K’rina kita muji gelar Tuhanta Alu
ukur tutus puji Haleluya
2. I b’rekenNdu jine ukur si saber Ban
lias ateNdu tetap nge maler K’rina
cukupiNdu si perlu bangku
SinijujurkenNdu em sikerajangku

6. Kinilangasupen Manusia Ngikutken Pendilo Dibata

L : Dibata enggo nepa doni enda alu mehuli, dingen ipehagaNa kita alu
erbahan kita sentudu ras tempasNa. Jenari, iangkatkenNa kita jadi
temanNa erdahin guna pekena-kena doni enda.
I bas kita ngakuken Jesus jadi Dibata Bapanta, kai nge ndia si idah i bas
pusuh ras perbahanenta, tandana kita sentudu ras tempas Bapanta? Pusuh
ras perukuren sikuga nge idapeti Dibata i bas kita? IdapetiNa ndia
kiniteken situtus jaga kesegambarenta ras rupa Dibata? IdapetiNa ndia
pusuh ukur si tetap ngukurken si mehuli lebih asa keperlun diri?
IdapetiNa ndia perukuren ras perbahanen si mehuli? Pusuh si kuga nge
idapeti Tuhan i bas kita genduari?

(Paksa Teneng)

L : Marilah siakuken dosanta man Tuhan

P : O Tuhan, megati la kuinget, maka itepaNdu aku tudu ras tempasNdu,
janah idiloNdu aku erdahin jadi pasu-pasu. Megati lanai idah doni enda
keleng ateNdu i bas pendahinku. Megati lanai idah jabungku rupaNdu i
bas rupangku. O Tuhan alemi kal aku.

(4)
L : Kenca sigejab kerna salah lepakta man Dibata, mari dage sipindo
pengalemi dosa idur Dibata nari, arah ende-endenta :
KEE No. 76 : 2, 3 KULEBENDU DIBATANGKU
2. Kuukuri me lagungku
Dosa nari k’rina pe 3. Rusur nari aku lalar
Nggo terbuang wari-wari La Ngaku aku o, Tuhan
kupergunaken pe Amin gia aku Kristen
Dosa lalap nge kuban

7. Pengalemi Dosa.....................................................................Perp.Tedis
L : Selaku persuruhen Dibata aku nehken kataNa man banta kerina si
ngakuken dosa ras kesalahenna, dingen jera i bas dosa ras kesalahenta
nari, niNa :
“Kam enggo erkubang-kubang ibahan dosa, tapi Kuperidi kam maka
bersih bagi salju. Aminna gia erkiteken dosandu kam enggo mbiring
bagi tengguang, mulihi kam jadi mbentar bagi kapas”, bageme nina
Dibata man banta kerina. Amin. (Bdk. Jesaya 1:18)
Mari sipenangkih puji-pujinta erkiteken dosanta enggo ialemi, arah
ende-endenta :
KEE No.402 : 1, 3 PERBAN KEKELENGENNDU
1. Perban kekelengenNdu,
tebusiNdu dosangku. Alu
mambur darehNdu,
Geluhku jadi mbaru 3. Perban kekelengenNdu

Reff : Asa ngasup gegehku, jadikenNdu geluhku

kuikutken kataNdu Yesus Meherga ras erguna
kam si perkuah. kupuji Desken batu permata
ras kusembah.

8. Nehken Lagu Pujin : ................................... Perp.Kundul

(5)
9. Kata Dibata
a. Ngoge Kata Dibata Bagin Si Pemena : Kolose 3 ; 23-24 (Tunggal)
L : Ketuahen kalak si megiken Kata Dibata, dingen si makekenca i bas
geluhna si tep – tep wari, Haleluya
P : Haleluya……Haleluya……Haleluya........(Iendeken)
b. Khotbah (ibenai ras idungi alu pertoton): Rut 2 : 17-19 (Tunggal)
“Tutus Erdahin”

10.Pengakun Kiniteken ............................................................ Perp.Tedis

 Aku tek man Dibata Bapa si la ersibar kuasaNa, si nepa langit ras doni.
 Aku tek man Yesus Kristus anakNa si Tonggal Tuhanta, si jadi arah kesah
Si Badia, tubuh idur singuda-nguda nari si so keliamen, tergelar si Maria, si
ngenanami kiniseran sangana pemerintahen Pontius Pilatus nipakuken ku
kayu persilang, mate, jenari i kuburken nusur ku doni kematen, petelu
wariken enggo keke ibas si mate nari, nangkih ku Surga, perkundulNa arah
kemuhen Dibata Bapa si la ersibar kuasaNa, jenari reh me IA pagi
ngeranaken si nggeluh ras si enggo mate.
 Aku tek man kesah si Badia janah lit sada Gereja si Badia, persadan kalak si
Badia, pengalemi dosa, kinikeken kula, kegeluhen si rasa lalap.
 Amin.

11. Persembahen......................................................................Perp.Kundul
L : Dibata enggo erdahin guna kiniulinta ras kerina isi doni enda, idiloNa
dingen isikapkenNa dahin man banta jadi dalanta ngaloken pasu-
pasuNa. Dage mari siendesken persembahen pengataken bujurta man
Dibata. Kata Dibata si jadi palas i bas kita nehken persembahenta :

“O senina-seninangku, nginget perkuah ate Dibata si mbelin si

isehkenNa man banta, kupindo man bandu: “Endeskenlah kulandu man
Dibata saja selaku persembahen si nggeluh rikutken si ngena
ateNa.
Sabap bage me arusna kam ersembah man Dibata sue ras biakndu
selaku mahluk si rukur.“(Roma 12 : 1)
(6)
 Iherta ngendesken persembahen ras kita rende :
KEE No.315 : 1-rst SIMPAR TUHU PEMERENDU
1. Simpar tuhu pemereNdu
JujurkenNdu kap man bangku
Ermengkah kal me ukurku
La ‘ku lupa lias ateNdu.
Reff: AlokenNdu o, Tuhanku
Persembahen anakNdu
Usekenlah pasu-pasu Peteguhi
perpulungenNdu
2. Benih si isuan kami
E pe kap i bas Kam nari KuasaNdu
mahanca turah KuasaNdu mahanca
erbuah
3. BreNdu kami kepentaren
G’lah nirangken kepapaken
Ajar kami kebujuren
Maka pinter ka perukuren

4. M’lala denga man sampaten 5. Si tading bas kami enda

Nterem denga man apulen BanNdulah erlipat ganda
B’reNdu kami kengasupen Kami k’rina reh ngasupna
‘Lah kami sikeleng-kelengen Ndahiken dahin si mulia

Pertoton Persembahen ras Syafaat

12. Perpadanen Man Dibata..........................................................Perp.Tedis

L : Ingetlah maka kita itepa Dibata maba pasu-pasu arah pendahinta

P : Erpadan aku O Tuhan, kuendesken me diringku, jadi pasu-pasu arah

pendahinku.

L : Manusia itepa Dibata guna ngusahai ras njagai kerina tinepa Dibata

P : Erpadan aku O Tuhan, kuendesken me diringku jadi pasu-pasu man

kerina tinepaNdu. Kupake me wari-wari si iberekeNdu, gelah idah doni
enda pendahinNdu i bas pendahinku.

(7)
L : Sipepaguhi perpadanenta arah ende-enden : KEE No. 444 : 1, 3
LIT PAKSANA MERDANG
1. Lit paksana merdang
Lit ka paksa peranin. 3. Jumpa pencarinta
Lit paksana ngadi Ban sampur pemereNa
Lit ka paksa erdahin. Si kataken bujur
Kerina erpaksa-paksa Ras ermengkah ate
Nggeluh ibabo doni. Perkuah ate Dibata
Tapi katawari gia La kap erkeri-kerin
Tuhan saja si puji. Marilah si puji Tuhan
Si dem bas kiniulin

13. Pertoton Tuhan

O Bapa kami si ni Surga. GelarNdu ipebadia min; reh min KinirajanNdu;
sehlah min peratenNdu, i bas doni enda bagi ni Surga. Bereken min man
kami nakan cukup i bas wari si sendah enda. Alemi min salah kami bagi
nialemi kami salah kalak kempak kami. Ola min kami ibaba Kam kubas
percuban, tapi olangilah kami idur si ilat nari.
Sabap Kam kap si mada Kinirajan, ras Kuasa, ras Kemulian si ndekah-
ndekahna. Amin.

14. Pengutusen ras Pasu – Pasu Dibata

L : Berkatlah, dahikenlah dahinta sabap Dibata pe tetap erdahin i bas kita
gelah kita nggit dingen ngasup ndalanken si ngena ateNa. Guna si e,
alokenlah pasu-pasu idur Dibata nari :
”Dibata si enggo ndilo kita ku bas kemulianNa si rasa lalap i bas
Kristus, IA njadiken kita serta, tetap, megegeh dingen paguh. IA me si
mada kuasa seh rasa lalap”. Amin.
P : A....min A.....min A.....min (Iendeken)

(8)