Liturgi

KEBAKTIN NATAL PJJ

GBKP .........
KLASIS PANCUR BATU

Tema :
“JABU SIERTANGGUNGJAWAB JADI PERKAKAS DIBATA”
1 Joh. 4:7-12

Sub Tema:
Ketubuhen Yesus Mpengasup Jabu Jadi Perkakas Dibata Nehken
Kekelengen Kusekelewet
I. PERSIKAPEN

1
 Kata Penaruh
Mejuah-juah man banta kerina, wari enda kita nggo seh ibas
perayan natal PJJ tahun enda. Natal ncidahken keriahen erkiteken
ketubuhen Yesus si jadi juruselamat man kerina kalak si tek. Uga
dage kita ngaloken kemulian Tuhan itengah-tengah doni si dem alu
dosa ras encidahken keleng ate Tuhan si mereken keselamaten?
Guna meteh ras ngangkai sura-sura Dibata ibas kegeluhenta,
ngasup min kita nggejabken kuga belinna keleng ate Dibata
nandangi dirinta. Mari sibengketi kebaktin natal enda guna nerangi
pusuh ras ukurta gelah kita ngasup ipake Tuhan jadi perkakasNa
ibas nehken keselamaten man isi doni enda

 Ertoto : ----

 Rende KEE No. 294:1-2 ---- janah si salam-salamen

(Barisen prosesi mengketi ingan kebaktin) (Perp.tedis)
Meriahkal ukurta reh kap penampat,
Pesikaplah dalinNa ibas ukurta
Biak biak keg’lapen tadingken k’rina,
Aloken kesangapen keleng ateNa
Sialo-alo Ia, ralep-aleplah min kita
Pesikaplah inganNa ibas ukurta

Di lit si meluk-eluk si pesikaplah,

Ukur si nggeduk-nggeduk jadi pinterlah
Pesai pesai dalanNa Raja Mulia,
Babailah kalak k’rina nembah man baNa
Si alo-alo Ia, ralep-aleplah min kita
Pesikaplah inganNa ibas ukurta

II. KEBAKTIAN (Perp. tedis)

2
1. Votum : Ibas gelar Dibata Bapa si dem Kemulian, ibas gelar
AnakNa Yesus Kristus si sekali enda siperingeti
ketubuhenNa ku doni enda, ras ibas gelar Kesah si Badia
si petetap kinitekenta ernalem man baNa.
2. Salam : Mejuah-juah! Tuhan kap ras kam janah enggo
iberekenNa pasu-pasuNa si mbelin man bandu! Gloria.
Perp. : 6 . 5 1 7 4 3 1 2 1
Glo ria glo ria glo………………..ria

3. Introitus : “Ola pelepas dirindu jadi seri ras doni enda, tapi
berelah maka perukurenndu ipelimbarui Dibata. Alu bage banci
idatndu kai sura-sura Dibata, kai si mehuli, kai si ngena ateNa,
janah kai si sempurna (Roma 12:2).

4. Rende KEE 114:1-3

a. Sendah jumpa kita wari raya e,
peringeten tubuh Tuhan Yesus e.
Nusur ndahi kita manusia e, keriahen kap e.
Ermulia me Tuhanta, e si puji me gelarNa
Perdamen ib’re Dibata, Tuhan Yesus kap e.
b. Mari kita ku kuta Betlehem e,
muji nembah man Tuhanta Yesus e.
E tinenges Tuhan si perkuah e, Dibata Bapa e Reff...
c. Sembah kami man baNdu si tubuh e,
Kam si maba dame ku pertibi e.
Bengket min ku tendi ukur kami e, dameNdu o Yesus Reff...

5. Puji-pujin: (Perp. kundul)

6. Berita Natal
Liturgis:
L : Enda me berita si Meriah kerna Jesus Kristus Anak Dibata.
“Enda me suruh-suruhenku si kupegegehi. Ia me pilihenKu,
singena ateKu. Kesahku enggo kubereken man baNa, gelah
ibabana kebujuren man kerina bangsa-bangsa. La ia nergangi,
la megang sorana ibahanna. Buluh si punggur la itabahna,

3
 lampu si milep-ilep la inimpetina. Alu tutus ate keadilen
ibabana. Erkiteken si e, negeri-negeri si ndauh tertima-tima
nandangi pengajarenna.”
7. Liturgi I: “Nubuat Kerna Raja Penampat” (MORIA)
1). Mika 5:2-3: 2). Mika 5: 4-5; 3). Jesaya 9:2-3; 4). Jesaya 9:4; 5).
Jersaya 9:6; 6). Jesaya 9:7; 7). Sakaria 9:9; 8). Sakaria 9:10

8. Rende : KEE 193:1-3.

a. ‘Bas si nasa tinepaNa, tetap k’rina rende t’rus.
‘Nde’enden pujin badia, muji gelar Penebus.
Ref. Gloria Muliaken Tuhan (2X).
b. ‘Bas ingan si meganjangna, Bala Tuhan i Surga.
Rende m’riah ia k’rina, man Tuhan Penebusta.
Ref.
c. K’rina ginemgem Dibata, pehaga si Tubuh e.
Surga doni rende ia, k’rina alokenNa pe.
Ref,

9. Pengakun Kerna Kesadaran diri nggeluh iteruh kuasa dosa.

(Paksa teneng, iiringi musik instrumental KEE 211).
L : Senina ras turang, ‘nggo siidah uga meliasna Dibata
‘ngkelengi kita, si mereken keselamatan man banta arah
Yesus Kristus.
P : Andiko...tuhu mbelin kal keleng ateNdu kempak aku o
Tuhan, Kam Badia, aku perdosa, Kam mulia aku meluat. La
aku metunggung Tuhan, ngaloken keleng ateNdu e.
Erkiteken la aku mediate nandangi pedahNdu bagepe la
mediate nandangi temanku. Rusur turah ibas ukurku kai kin
gunana aku ku gereja, ku perpulungen, ku PA ras dahin-
dahin ibas perpulungen. Megati nina pusuh ukurku kerina
sia-sia, sada pe lalit kuakap gunana bangku. Aminna pe aku
ku gereja, megati labo kam si kusembah, tapi mbiar aku urak
ergangku ilebe-lebe jelma si enterem, rusuren aku
ncakapken kalak, asangken ncakapken kerna kataNdu. Ibas
nutupi kesalahenku e maka aku ku gereja gelah ipehaga
kalak aku selaku kalak sierkiniteken, tapi ibas ukurku

4
 kesalahan kalak ngenca kudarami, labo salahku. Melala tuhu,
nggo kugejap salahku Tuhan. Alemi min aku.

10.Liturgi II: “Pendilo Guna Robah”: (MAMRE + PERMATA )

1). Jeremia 18:11; 2). Job 22:23; 3). Jeremia 25:5; 4). Esekiel 14:6;
5). Esekiel 18:30; 6). Matius 18:3; 7). Perb Rasul 3:19; 8).
Ketangkasen 3:19

11. Berita Pengalemi Dosa (Perp. tedis)

L : Ibas Dibata saja ngenca tendinta tenang, sebab Ia me
keselamatenta. Ketenangen idatken kalak si rembak ras
‘rdame ras Dibata. Emaka selaku persuruhen Dibata, aku
nehken kataNa man baNdu: “desken remang erpagi-pagi,
dosandu enggo kulesapken, janah salahndu pe enggo
Kusasapken desken embun. Emaka mulihlah kempak Aku,
sebab Aku kap Penebusndu { Yes. 44:22}“

12.Rende KEE 394: 1,2,3,4

Ayat 1: Moria
O Tuhanku, O Dibatangku... rusur aku nimbak pedahNdu
Nggo meluat k’rina geluhku, labo dame banna pusuhku
Ayat 2: Mamre
O Tuhanku, O Dibatangku... kutungtungken ukurku baNdu
Ras mekuah ateNdu aku, sasapkenlah salah dosangku
Ayat 3:Permata & KA-KR
O Tuhanku, O Dibatangku...kuikutken pedah-pedahNdu
Ras pembarken kinirajanNdu, janah tetap jadi saksiNdu
Ayat 4: Kerina
O Tuhanku, O Dibatangku...sehken kami bujur man baNdu
Mbelin tuhu kekelengenNdu, ermulia tetap gelarNdu

13. Puji-pujin: ( Perp. Kundul)

14.Nagani Lilin
(Kerina si mewakili si nagani lilin erbaris ku lebe, perp. Tedis)
Rende KEE No. 135:1-3
Berngi e nggo kepe, Yesus reh ku doni e

5
 Nusurlah ngangkut dosanta me kin
Jadi kap musil-lah sangap pagin
Asa si tek Tuhan e… Asa si tek Tuhan e
Anak e, bujur pe, singena me aku e,
kiniulinNdu tadingken kam kap
Bengket kudoni lah trang sigelap, Aku daremenNdu e,
Aku daramenNdu e

Berngi e enggo kepe Tuhan reh kudoni e,

Padan Dibata teridah tetap
KinikelengenNa banta me kap, Tuhan sipuji gelah,
Tuhan sipuji gelah.
15. Khotbah (Perp. Kundul)

16.Pengakun Kiniteken (Perp. tedis)

17.Puji-pujin

18. Persembahen Pengataken Bujur 100 % Guna Pensiunen GBKP.

( Perp Kundul )
L : Kata Dibata kerna Persembahen : “Ietehndu uga liasna
Tuhanta Yesus Kristus; maka aminna bayak gia Ia, tapi guna
kiniulinndu, ipemusilNa baNa, gelah arah kemusilenNa e jadi
bayak kam.” (II Kor. 8:9)

Rende KEE 239: 1- 4

1. Siendeken ‘nden-‘nden si meriah.
Man Tuhanta si’nggo tubuh ‘bas pelangkah.
Sabab patut nge k’rina kita nembah.
Ban babaNa terang ngaruh ras pe tuah.
Ref. Dage mari kita kerina, ‘lah si puji Gelar Dibata.
Ulanai ukur erbera, Tuhan Yesus me kap Rajanta.

2. Tuhan Yesus metunggung dat pujin.

6
 Perban Ia si ngajari kita kin.
Kek’lengenNa la erkeri-kerin.
Adi pakelah pedahNa seh pagin.
Ref…
3. Gel-gel nari suratken Nabi-nabi.
Reh me S’kalak si nampati ku pertibi.
Em pemere idur Dibata nari.
Enggo tubuh i Betlehem tengah berngi. Ref…
4. Tuhan Yesus kuinget nge Kam rusur.
‘Lah babaiNdu pergeluhku ku si bujur.
‘Di bage kiniteken la erkusur.
Enggo paguh gia lit rusur si ngugur.
Ref…

19.Pertoton persembahen ras syafaat.

20.Puji-pujin…………..

21.Tekad/Perpadanen Natal (Perp Tedis)

L : Kenca sibegiken kata Dibata wari natal enda, kai dage
perpadanenta man Dibata?
P : Bagi kam O Tuhan nggo tubuh maba dalan dame man kami,
bage me idalanken kami pedahNdu e gelah tetap kami pe
nuduhken dalan man teman kami manusia ibas geluh kami.
L : Dibata reh ku doni enda mereken Penebus man kerina
manusia segelah tergejap man baNa keleng ate Dibata si
mbelin .
P : Erpadan kami Tuhan, maka kami pe ikut ngelai ibas doni enda
segelah kerina jelma nggejapken keleng ateNdu si mbelin e.
L : Ingetlah, kam ipilih Dibata guna dahin simehuli singena ateNa.
Kai dage tekadndu genduari nari?
P :Nggit aku ras seisi jabuku jadi perkakas Dibata
siertanggungjawab lako encidahken keleng ate Tuhan idoni
enda segelah ulih kehadiren kami ibas doni enda jadi pasu-
pasu TUhan. amin.

22.Rende KEE 123:1-2

7
 Ayat 1 :
Ketuahen meriah ukue me ketubuhen ni Yesus e
Sangap me jelma reh me Tuhanta
Mari surak aleplah haleluya
Ayat 2
Ketuahen meriah ukur me ketubuhen ni Yesus e
Malem me ateta r’dame ras Dibata
Mari surak aleplah haleluya

23.Pertoton Tuhan

24.Pemasu-masun
L : Mulihlah alu dame ras mejuah-juah aloken keriahen ibas
pemasu-masun Tuhan :
“Enggo isehken Dibata padanNa man bandu, maka malem
atendu sabab enggo tangkas idahndu alu matandu jine
penampat si rehna ibas Dibata nari. Amin.
P : Amin, Amin, Amin

III. Perayaan Natal.

1. Kata-kata sambutan
2. Hiburan:
3. Pemberian Bingkisan