KEBAKTIAN

MALAM NATAL
KLASIS PANCUR BATU 2023

Tema :
“DIBATA MEREKEN PENEBUS “
(LUKAS 1:60)
Sub Tema : Ketubuhen Jesus mpengasup perpulungen guna
jadi sira ras terang doni, ndalanken kebenaren ras
keadilen I tengah tengah Gereja ras Masyarakat.

Minggu , 24 Desember 2023

I. PERSIKAPEN.
01. Song Leader ngendeken ende-enden pujin ibas liturgi.

1
02. Penjelasen kerna tata ibadah (liturgi) ibabai MC (Protokol).
03. Kata pengalo-ngalo ibas Panitia Natal Umum.
04. Kata Penaruh.
Turang ras senina kekelengen Tuhan, tergejap kal kemalemen ate man
banta sebab berngi enda enda reh me Tuhan Yesus ku doni enda, Ibas
keteruken ukurna, ateNa tading itengah tengahta, ringan ibas pusuh
ras perukurenta.

Ketubuhen Yesus ku doni enda eme tanda maka meherga kepe kita
iadep adepen Dibata. Reh Ia mereken kegeluhen man banta, alu
mereken anakNa si tonggal guna nebusi kita manusia dingen
mperdiateken ras ngekelengi kita.

Mari dage, arah kepulungenta berngi enda, reh kita ersembah dingen
ngataken bujur man Dibata. Si inget mulihi kuga riahna ukur manusia
si ngalo-ngalo ketubuhen Jesus e seh maka kerina jelma rende ersurak
muji Juru Selamat si engo tubuh e. Emaka mari dage si bengketi
perayan enda alu radu ras kita tedis kerina janahta rende ibas:KEE No
241 :1-3
( Barisan prosesi mengketi ingan kebaktin )
“Eme Kap Wari si Mbelin ”
1. Eme kap wari si mbelin, I bre Dibata banta kin
AnakNa reh ku doni e, Si inget kelengNa e

2. Tersinget kap enggo ndejah, Tuhanta nusur me gelah

Pertibi enda la bene, E tek me kita Ia pe

3. Pujin si reh ku doni e, Ende-endenta baNa pe

Gelah me salih kita min, Nggo jadi anak Tuhan kin
II. KEBAKTIN.
01. Votum + Salam.
L : Ibas gelarDibata Bapa si nepa langit ras doni, ibas gelar
anakNa Yesus Kristus si enggo jadi manusia, ras ibas gelar
Kesah Si Badia si jadi penampat man kalak si erkiniteken man
baNa. Perkuah ate ras dame i bas Dibata Bapa ras ibas Tuhan

2
 Yesus Kristus nari, ibas kerembaken Kesah Si Badia ras kita
(kam) kerina gelah. Amin.
P : A…min, A…min, A…min
Invocatio : “Dibata la teridah, Kristus nge rupa Dibata si teridah.
IA lit ope denga ijadiken kerina sinasa lit ( Kol 1:15 )

Rende: KEE No. 172 :1,2,3”

1. Bas paksa berngi melenget, Betlehem tuduh kam
La kin idahndu reh terang isal salina kam
Nggo she kap ku tengahndu Penampat Dibata
Penebus dosa manusia Alokenlah Ia

2. Tuhu kitik kam gia Betlehem Efrata

I je me nina Dibata Tubuh penebusta
Tentera bala surga Rende me kerina
Terpujilah kam o Yesus Tuhanku Penebus

3. Dage rehlah min O Tuhan Aloken aku min

Dosangku masap gelah ban, lah aku terkelin
Gelah Aku tersampat bas dalin mesera
Di ras kam minter ku gejap geluhku meherga

02. Pujin man Raja Mulia. ( Perp. Kundul )

L : TUHAN kap si mada doni ras isina kerina. TUHAN kap si mada
pertibi ras si nggeluh ije.
P : Ipuji ras isembah kami Kam TUHAN, sabap tangkas kal man
kami maka Kam si Mada kegeluhen kami i pertibi enda.
L : IpajekkenNa palasna ibas lawit si mbagesna dingen
ipantekiNa i babo lau si mbages si lit i teruh doni.
P : Terpuji dingen termulialah gelarNdu ibas kegeluhen kami
Tuhan, Sabap enggo tangkas isaksiken kami kuasaNdu si
mbelin e ibas kegeluhen kami.
L : Enggo tubuh Juru Selamat si engkelengi manusia.
P : Malem kal ate kami Tuhan, sabap enggo reh Raja penampat si
nelamatken kami manusia.
Rende : KEENo. 136:1,2 “ Kam K’rina si Tek”

3
 Kam k’rina si tek mari surak janah puji,
Pedas min kerina ku Betlehem
Nehenlah anak tubuh man gunanta
Mari kita nembah, mari kita nembah
Mari kita nembah man Raja
O Raja mulia sinjujurken krina
La mela kam tunduh ibas ampun
Kam me Dibata mula-mula nari
Mari kita nembah, mari kita nembah
Mari kita nembah man Raja

03. V.G / Koor

04. Pengakun Dosa.

L : Kekelengen Tuhan, Dibata e tuhu-tuhu perkeleng.
Erkiteken belinna keleng ateNa e, iberekenNa AnakNa si
Tonggal lako nelamatken manusia si perdosa.
P : Ngaku kami Tuhan, megati kami la ngasup nggejapken
keleng ateNdu e. Ipemersik kami ukur kami ngikutken
sura-sura ukur kami. O Tuhan alemilah kami......
------paksa teneng iiringi Solonglider ras musik KEE no. 440 : 1
L : Kekelengen Tuhan, Dibata reh ku doni enda lako ngelai
kerina manusia. IberekenNa diriNa segelah kerina jelma
ngaloken keselamaten ibas Tuhan nari.
Mamre : Ngaku kami Tuhan, maka kami langa bo ngelai alu tutus.
Rusur denga ukur kami ipengaruhi sura-sura doni enda.
Erkiteken sie me maka kami langa alu tutus ngikutken Kam
Tuhan. O Bapa, alemilah kami......
------paksa teneng iiringi Songlider ras musik KEE no. 440 :2
L : Kekelengen Tuhan, Dibata tuhu-tuhu dem alu keleng ate.
IperdiatekenNa kegeluhen kalak si tek man baNa.
Moria : Ngaku kami Tuhan, selaku nande megati diri kami ras jabu
kami ngenca iperdiateken kami. Lupa kami mperdiateken
teman kami si deban dingen lupa pe kami mperdiateken
gerejaNdu.O Bapa, alemilah kami......
------paksa teneng iiringi musik KEE no. 440 : 3

4
 L : Kekelengen Tuhan, alu keleng ateNa Dibata njadiken Kam
jadi saksiNa lako ngelai i doni enda.
Permata : Ngaku kami Tuhan, rusur ipepiher kami ukur kami
sehmaka la kami nggit ngikutken pendiloNdu. Kiningudan
kami jadi penggurun kami seh maka rusuren kami ernalem
man sura-sura doni enda. O Tuhan alemilah kami......
L : Turang ras senina kekelengan Tuhan, ibas kita enggo
ngakuken salah ras lepakta man Tuhan, ras ka kita
ngendeken:
KEE No.436:1-2 “Kuakuken Kerina Salahku”
Kuakuken kerina salahku, iadepen Dibatangku
Tuhu ku gejab mbue dosangku meluat nari kel pergeluhku
Reff: Mekuah min ateNdu aku, sasapkenlah dosangku
O Tuhan tegulah min aku, lah tetap jingkangku
Lalap kuinget salah dosangku, ku gejab salah lepakku
Dosa nge lalap perbahanenku, kulakoken si la ngena ateNdu
Reff: Mekuah min ateNdu aku......

05. Pujian VG / Koor

06. Pengalemi dosa.

L : “Sabab erkiteken Kristus enggo kita itebusi, eme dosa-dosanta
enggo ialemi Dibata. Seh kal belinna kiniulin Dibata,
SiikusekenNa man banta seh riba-iba, alu dem kepentarenNa
ras pengertinNa. ( Ep. 1:7-8).
Rende : KEE No. 115: 1-3 “Keriahen si mbelinna”
Keriahen simbelinna, si ku beritaken e
Enggo tubuh si permakan, eme Tuhan Yesus e
Pujilah min Dibantanta, ras dame, dame, dame man banta
Dibatanta si erkuah ate, man kita jelma e
Ibas berngi enda terang, bintang si mehelhel e
T’rangna seh ku perukuren, si lanai erlayas pe
Pujilah min Dibantanta, ras dame, dame, dame man banta
Dibatanta si erkuah ate, man kita jelma e
Tuhan Yesus persadanta, em isuruh Bapa e
Si nasapken k’rina dosa, ibas Golgota kepe

5
 Pujilah min Dibatanta, ras dame, dame, dame man banta
Dibatanta si erkuah ate, man kita jelma e

07. Pujian VG/ KOOR

08. Nagani lilin Natal. (perp.

tedis)
(Panitia ngaturken ise saja si ikut ibas nagani lilin natal)
L : Nina Kata Dibata: “Enda me terang situhu-tuhu, terang e
sangana reh ku doni enda nerangi kerina manusia”. (Johanes
1:9). Seh me paksana kita nagani lilin natal, tupung kita nagani
lilin natal ras kita rende: KEE 135:1-3 “Berngi nggo kepe”
Berngi e, nggo kepe, Yesus reh ku doni e
Nusurlah ngangkut dosanta mekin
Jadi kap musillah sangap pagin
Asa si tek Tuhan e, asa si tek Tuhan e
Anak e, bujur pe, singena me aku e
Kiniulindu tadingken Kam kap
Bengket ku doni lah trang si gelap
Aku daramendu e, aku daramendu e
Berngi e, nggo kepe, Tuhan reh ku doni e
Padan Dibata teridah tetap
Kinikelengenna banta me kap
Tuhan si puji gelah,Tuhan si puji gelah

09. Khotbah. (perp. Kundul

10. Pengakun Kiniteken (perp. tedis)

11. Koor/VG : (perp. kundul)

12. Persembahen. ( 100 % guna pensiunan GBKP )

a. L : Turang ras senina, seh me paksana kita nehken persembahen
pengataken bujurta man Dibata. Kata Dibata si jadi palas man
banta ibas nehken persembahenta, nina: “Emaka bengket ia
kubas, idahna anak ndai ras Maria nandena. Jenari erjimpuh ia
nembah anak e. Ibuatna erta-erta sinibabana e, jenari

6
 ipersembahkenna man anak simbaru tubuh e. Erta-erta si
ipersembahkenna eme emas, kumenen ras mur.” (Mat. 2 :11)

b. Rende : KEE No. 233:1- “Si Pepulung me Persembahenta”

Sipepulung me persembahenta, siendesken dage man Dibata
Tanda m’riah ukur, ras pasu-pasuNa, si simpar b’reNa man banta
Reff: Asa si ‘nggo isikapken, asa si ‘nggo itotoken
Em pengataken bujurta, kempak Dibata
Tuhu simpar pemere Dibata, man perjuma ras si erbinaga
K’rina sierdahin, singarap man baNa, ituahi pasu-pasuNa
Reff: Asa si ‘nggo isikapken……
Persembahen kami e o Tuhan, eme sada bagin pemereNdu
AjariNdu kami, ersembah man baNdu, pehaga kinirajanNdu
Reff: Asa si ‘nggo isikapken……
c. Ertoto kerna persembahen + doa syafaat.

13. Koor/VG :

14. Perpadanen Natal. (perp.

tedis)
L : Dibata reh ku doni enda mereken Penebus man kerina
manusia segelah tergejap man baNa keleng ate Dibata si
mbelin .
P : Erpadan kami Tuhan, maka kami pe ikut ngelai ibas doni enda
segelah kerina jelma nggejapken keleng ateNdu si mbelin e.
L : Dibata ndilo kalak jadi sira ras terang I doni enda, gelah
keleng Ate e ernanam ras teridah I tengah tengah doni enda.
P : Erpadan kami Tuhan, alu tutus ras setia ngaloken pendiloNdu
e guna ncidahken keleng ateNdu si mbelin e.
L : Dibata nuruh kam lako ndalanken kebenaran dan kebujuren
Labo terjeng si bagi ukurndu saja ngenca.
P : Erpadan kami Tuhan, alu gegeh ras keleng ateNdu ate kami
erdalan ibas kebenaran Tuhan, Ncidahken Kebujuren gelah
teridah kami erguna ibas gereja ras masyarakat kami.. Sabap
bageme kami iutusNdu kami ii doni enda.

7
15.KEE No. 350 : 1,2 “Kelengi Kebenaren ”
1. Kelengi Kebenaren pedauhlah si jahat
Pakeken kata Tuhan tahan rasa lalap
Nggeluhlah alu bujur meteruk ukur kin
Dalanken kebenaren maka ukur teneng
Reff: Erjaga jagalah reh me wari Tuhan
Ersikap sikaplah pake kata Tuhan
2. Darami si mehuli pedauh min si ilat
Megermet bas keg’luihen make pedah Tuhan
Lakokenlah si adil ibas kegeluhen
Bage me pedah tuhan tetap si dalanken
Reff: Erjaga-jagalah……

16. Pertoton Tuhan.

17 Pemasu-masun.
L : Mulihlah alu dame ras mejuah-juah, alokenlah pasu-pasu idur
Dibatanta nari : “Dibata sumbul kemalemen ate, elah sincukupi
keperlundu, guna ndalanken sisentudu ras peratenna, janah
Dibatalah erdahin ibas kam arah Yesus Kristus gelah kam
ngelakoken singena atena. Man Kristuslah kemuliaan seh rasa
lalap. Amin.
P : Amin, Amin, Amin.

III. VARIA NATAL.

SELAMAT NATAL WARI NATAL 25-26 DESEMBER 2023

RAS
SELAMAT MENYAMBUT TAHUN BARU 2024