PERAYAAN NATAL

PJJ SEKTOR 1 GBKP RUNGGUN

JL.BUNGA LAU TAHUN 2023
Minggu, 03 Desember 2023

Pengkotbah : Pdt. Tetha Kita Meliala, S.Th

Tema : “Jabu si ernatal”(Lukas 2:10)

Sub Tema : Natal maba keriahen man jabu guna tetap
berkarya ras erguna nandangi sekelewetna
 LITURGI NATAL PJJ SEKTOR 1
GBKP RUNGGUN JL. BUNGA LAU

Tema : “Jabu si ernatal”(Lukas 2:10)

Sub Tema : Natal maba keriahen man jabu guna tetap
berkarya ras erguna nandangi sekelewetna
Pujian Natal
Pendilo Er natal
Serayan : Bas berngi sigelap, berngi ketubuhen Jesus
Kristus, dame ni surge nusur ku doni. Sendah I
kuta Daud nggo tubuh Juruselamat man bandu, e
me Kristus Tuhan. Ota kita ernatal ras isi jabuta
ibas keriahen
P : Keriahen si mbelin ibas doni, igejapken kami ras
isi jabu kami. Tubuh Raja mulia, juruselamat
man manusia. Ota sidahi keriahen man banta
Serayan : Mari sidahi ia, dingen rende kita ngalo ngalo
ketubuhenNa
(Barisen prosesi bengket ku ruang kebaktin janah
perpulungen tedis kerina ngendeken KEE 294)
KEE No. 294:1-2 Meriahkel Ukurta (Tedis)
Meriah kel ukurta reh kap Penampat
Pesikaplah dalinNa ibas ukurta
Biak biak keglapen tadingken krina
Aloken kesangapen keleng ateNa
Reff Sialo alo Ia ralep aleplah min kita
Pesikaplah InganNa bas ukurta
Di lit simeluk eluk sipesikaplah
Ukur si nggeduk nggeduk jadi pinterlah
Pesai pesai dalanNa Raja Mulia
Babailah kalak krina nembah man baNa, Reff
Votum-Salam
L : Ibas gelar Dibata Bapa si njadiken langit ras
doni, ibas gelar Jesus Kristus si tubuh jadi
Juruselamatta ras ibas gelar Kesah si Badia si
nampati kita
Perkuah ate ras dame ibas Dibata Bapa, AnakNa
Jesus Kristus ras ibas kerembaken kesah si Badia
ras kam (kita) kerina gelah. Amin
P : Amin….Amin….Amin….
L : Jenari mulih permakan permakan janahna rende
muji Tuhan, sebab kerina si enggo ibegina ras
idahna payo bagi si ikataken malekat ndai man
ban (Lukas 2:20)
KEE No. 123 : 1-3 Ketuahen Me
1. Ketuahen me, riah ukur me, Ketubuhen ni Yesus e
Sangap me jelma, Reh me Tuhanta
Mari surak, aleplah, Haleluya
2. Ketuahen me, riah ukur me, Ketubuhen ni Yesus e
Malem me ateta, ‘rdame ras Dibata
Mari surak, aleplah, Haleluya
3. Ketuahen me, riah ukur me, Ketubuhen ni Yesus e
Yesus Penawarta, tubuh man gunanta
Mari surak, aleplah, Haleluya
Muji Kiniulin Dibata (Erpalasken Masmur 127)
(Kundul)
L : Adi rumah la bekas Tuhan mantekisa, sia sia
me pendahin tukang. Adi kuta la ikawali
Tuhan, sia sia me pengawal erjaga jaga.
Mamre/Moria : Percuma kap encari alu latih erdahin, lampas
medak dingen melawen tunduh. Sebab Tuhan
mereken rejeki man kalak siikelengiNa,
tupung siikeliniNa sangana tunduh.
Permata/KA KR : Situhuna, Tuhan kap simereken anak anak e,
pasu pasu ibas Tuhan nari ka pia. Anak dilaki
si ipupus tupung kalak nguda denga, bali kap
e rasa nak panah ibas tan si mbisa.
L : Sangap kap kalak si melala anak panahna
sibage, ndigan pe la ia tertaluken, tupung
jumpa ras imbangna I pengadilen.
KEE No. 115 : 1-3 Keriahen Si Mbelinna
1. Keriahen simbelinna, Sikuberitaken e
Enggo tubuh si permakan, Eme Tuhan Yesus e
Pujilah min Dibatanta, Ras dame dame dame man banta
Dibatanta si erkuah ate, Man kita jelma e
2. Ibas berngi enda terang, Bintang si mehelhel e
T’rangna seh ku perukuren, Si lanai erlayas pe
Pujilah min Dibatanta, Ras dame dame dame man banta
Dibatanta si erkuah ate, Man kita jelma e

Kinata kegeluhen ibas Jabu

L : Erbage bage kecibal kegeluhen jabu, lit si teridah
kel ersada arihna ibas jelma sinterem tapi
situhuna dekahen nge la siangkaan dingen rubati.
Lit teridah kel tempa tutus reh ku perpulungen
dingen erminggu tapi labo sempat ertoto I rumah,
lit teridah sempurna lanai lit si man pandangen
tapi situhuna labo pernah ngasup ngataken bujur
dingen lalap nggejapken lit si kurang. Adi
ernehen kita kubas kecibal kegeluhen jabuta
tempa lanai lit waktu ta ermeriah ukur ras
berkarya nandangi doni enda. Tapi enda kerina
nuduhkensa maka perlu kel kita Tuhan
mpelimbarui jabu nta
P : O Tuhan, idahndu kekoten ras kinilasertaan
kami. Perlu kel kami ipelimbaruindu Tuhan
gelah banci meriah iakap kami ibas ernatal enda.
Igejap Kamilah ketubuhenndu ibas pusuh kami
L : Ras kita rende ibas ngalo ngalo kerehen Anak
Dibata…….

Rende KEE 361 Jesus Terangku (iendeken 3 kali)

Jesus terangku tendang man nahengku
Ula keglapen si ringan bas aku
Jesus terangku tendang man nahengku
Bahan gelah kualoken kelengNdu

Padan Dibata kerna sekalak Raja I Betlehem nari (mika 5:2-5)

(tedis)
L : Nina Tuhan, o Betlehem I Eprata, aminna I Juda
kam kuta si kitikna, tapi ibas kam nari kupekeke
sekalak si ngerajai Israel, si asalna ibas adi adi
nari, ibas paksa si nuria nari. Dage itadingken
Tuhan me bangsaNa she paksa diberu si
nandangi mupus e mupusken anakna. Kenca
bage kerina senina seninana si lit I pembuangan
ersada mulihken ras bangsana jine. Kenca ia reh,
 irajaina me rayatna alu gegeh sir eh I bas Tuhan
Dibatana jine. Rayatna nggeluh alu senang erkite
kiteken kerina bangsa I doni enda ngergaken ia
tuhu tuhu janah ia maba dame.
Nagani lilin Natal
Sinagangi lilin natal : (isesuaiken )
Pengkotbah
Ketua PJJ
Perwakilen ngawan perpulungen
BPMR
Perwakilen undangen
Rende KEE 135 Berngi E Nggo Kepe
Berngi e nggo kepe Yesus reh ku doni e
Nusurlah ngangkut dosanta me kin,
Jadi kap musillah sangap pagin
Asa si tek Tuhan e…, asa si tek Tuhan e
Anak e bujur Pe, si ngena me aku e
KiniulinNdu tadingken Kam kap
Bengket ku doni lah trang si gelap
Aku daramenNdu e, aku daramenNdu e
Berngi e nggo kepe Tuhan reh ku doni e
Padan Dibata teridah tetap
KinikelengenNa banta me kap
Tuhan sipuji gelah, Tuhan sipuji gelah

Renungan natal (Ibenaken ras iujungi alu pertoton)

(Kundul)
1. Lukas 2:16-20
2. Lukas 1:39-45
3. Josua 24:14-15
4. Perb. Rasul 16:31-34
Pengakun Kiniteken
1. Persembahen (100 % untuk dana pensiunan GBKP)
L : Bas erbage bage situasi kegeluhen Dibata
tetap mereken alasan man banta guna tetap
ermeriah ukur. Natal enda pe jadi keriahen
ukur man banta kerina sebab gegeh simbaru
ibereken Tuhan man banta. Maka marilah
sikataken bujur man Tuhan alu nginget kata
Dibata ibas Efesus 5:20
‘Katawari pe katakenlah bujur man Dibata
Bapa subuk kerna kai pe, ibas gelar Tuhanta
Jesus Kristus’. Si sehken persembahenta
janahta rende
KEE no. 193:1-3 Bas si nasa tinepaNa
Bas si nasa tinepaNa tetap krina rende trus
Nde enden pujin badia, muji gelar penebus
Glooooooooooria, muliaken Tuhan
Glooooooooooria, muliaken Tuhan
Bas ingan simeganjangna bala tentra I surge
Rende mriah ia krina, man Tuhan penebusta
Glooooooooooria, muliaken Tuhan
Glooooooooooria, muliaken Tuhan
Krina ginemgem Dibata pehaga si tubuh e
Surge doni rende ia krina alokenNa pe
Glooooooooooria, muliaken Tuhan
Glooooooooooria, muliaken Tuhan
Pertoton syafaat
1. Segelah kerina perpulungen ibas sektor tetap ngasup ermeriah
ukur ibas er natal dingen tetap berkomitmen jadi perpulungen
si nggit berkarya ras erguna nandangi sekelewetna
2. Notoken kerina penguru pjj gelah ersada arih ibas Tuhan
dingen ngasup ngaturken dahin dahin sektor nehken sasaran
pelayanan tahun 2024
3. Bangsa ras negara ibas tahun politik 2024 gelah erdalan alu
damai ras tertib.
4. Si turah ibas perpulungen

Koor/vc. Group/solo
Perpadanen Man Dibata Ibas Er Natal
(tedis)
L : Jabu la terlepas ibas erbage bage perbeben,
kebiaren, kea run ate ras keragu raguan si
erbahansa lanai ngasup kita nggejapken
keriahen ukur. Natal enda mpetetap ukurta
guna menghadapi kebiaren ras perbebenta
Mamre : Erpadan kami Tuhan guna tetap erpengendes
man baNdu saja ibas kegeluhen kami ibas
mentasi kebiaren ras kea run ate kami. Gelah
kami siiandalken jabu kami la maba
kekecewaan man jabu kami, tapi kami jadi
penampat ras kemalemen ate man isi jabu
kami
Moria : Erpadan kami Tuhan, ibas tanggung jawab si
reh mberatna, kegeluhen sireh mberatna la
kami ndauh ibas Tuhan nari, tapi kami tetap
nggeluhken kegeluhen kami sue ras dalan si
enggo iaturken Tuhan man kami gelah kami
 kerina banci iapkeNdu guna maba berita natal
e
Permata/KAKR : Kami pe erpadan tetap erdalan ras Tuhan
dingen nggit ipake Tuhan guna kiniulin doni
enda I Tengah erbage bage kesibuken ras ibas
kiningudaan kami.
L : Guna mpeteguhi perpadanenta man Tuhan
mari dage ras kita rende

KEE No. 494 : 1-3 Rende malekat surga

1. Rende malekat surga, Enggo tubuh Tuhanta.
Dame surga babaNa, I b’rekenNa man banta.
K’rina bangsa pujilah, Rende surak m’riahlah
Ras malekat mbarkenlah, Yesus reh ku Betlehem
Rende malekat surga, Enggo tubuh Tuhanta
2. Surga muji gelarNa, Tuhan si rasa lalap,
Nehenlah reh Tuhanta, Tubuh Raja mulia
Nusur ku doni enda, Tubuh idur Maria,
Tuhan jadi manusia, Rembak kita ras Ia
Rende malekat surga, Enggo tubuh Tuhanta

Pertoton Tuhan
Pemasu masun
L : Mulihlah alu dame ras mejuah-juah, bahanlah
dame Natal ibas berngi enda mereken ketetapen
ukur ibas kam kerina guna nggeluh ibas
kekelengen janah alokenlan pasu-pasu ibas
Dibata nari : “Enggo isehken Dibata padanNa
man bandu, maka malem atendu sabab enggo
tangkas idahndu alu matandu jine penampat reh
na ibas Dibata nari, Amin.
Perp. : Amin..... Amin ... Amin

Perayaan Natal